Súrà At-Tur — 49 verses

Súrà At-Tur, ẹsẹ 1

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلطُّورِ

Yoruba Translation - Abu Rahimah MikaelAllāhu fi àpáta Tūr búra.

See all translations of this verse →

Súrà At-Tur, ẹsẹ 2

وَكِتَٰبٍ مَّسْطُورٍ

Yoruba Translation - Abu Rahimah MikaelÓ tún fi Tírà tí wọ́n kọ n̄ǹkan sínú rẹ̀ búra .

See all translations of this verse →

Súrà At-Tur, ẹsẹ 3

فِى رَقٍّ مَّنشُورٍ

Yoruba Translation - Abu Rahimah Mikael(Wọ́n kọ̀ ọ́) sínú n̄ǹkan ìkọ̀wé tí wọ́n tẹ́ ojú rẹ̀ sílẹ̀.

See all translations of this verse →

Súrà At-Tur, ẹsẹ 4

وَٱلْبَيْتِ ٱلْمَعْمُورِ

Yoruba Translation - Abu Rahimah MikaelAllāhu fi Ilé tí àwọn mọlāika ń wọnú rẹ̀ ní ojoojúmọ́ nínú sánmọ̀ búra.

See all translations of this verse →

Súrà At-Tur, ẹsẹ 5

وَٱلسَّقْفِ ٱلْمَرْفُوعِ

Yoruba Translation - Abu Rahimah MikaelÓ tún fi àjà tí wọ́n gbé sókè (ìyẹn, sánmọ̀) búra.

See all translations of this verse →

Súrà At-Tur, ẹsẹ 6

وَٱلْبَحْرِ ٱلْمَسْجُورِ

Yoruba Translation - Abu Rahimah MikaelÓ tún fi agbami odò tí wọ́n máa mú iná jáde nínú rẹ̀ búra.

See all translations of this verse →

Súrà At-Tur, ẹsẹ 7

إِنَّ عَذَابَ رَبِّكَ لَوَٰقِعٌ

Yoruba Translation - Abu Rahimah MikaelDájúdájú ìyà Olúwa rẹ máa ṣẹlẹ̀.

See all translations of this verse →

Súrà At-Tur, ẹsẹ 8

مَّا لَهُۥ مِن دَافِعٍ

Yoruba Translation - Abu Rahimah MikaelKò sí ẹni tí ó máa dènà rẹ̀.

See all translations of this verse →

Súrà At-Tur, ẹsẹ 9

يَوْمَ تَمُورُ ٱلسَّمَآءُ مَوْرًا

Yoruba Translation - Abu Rahimah Mikael(Ó máa ṣẹlẹ̀) ní ọjọ́ tí sánmọ̀ máa mì tìtì tààrà.

See all translations of this verse →

Súrà At-Tur, ẹsẹ 10

وَتَسِيرُ ٱلْجِبَالُ سَيْرًا

Yoruba Translation - Abu Rahimah Mikaelàpáta sì máa rìn lọ dànù.

See all translations of this verse →

Súrà At-Tur, ẹsẹ 11

فَوَيْلٌ يَوْمَئِذٍ لِّلْمُكَذِّبِينَ

Yoruba Translation - Abu Rahimah MikaelNí ọjọ́ yẹn, ègbé ni fún àwọn tó pe òdodo ní irọ́,

See all translations of this verse →

Súrà At-Tur, ẹsẹ 12

ٱلَّذِينَ هُمْ فِى خَوْضٍ يَلْعَبُونَ

Yoruba Translation - Abu Rahimah Mikaelàwọn tí wọ́n wà nínú ìsọkúsọ, tí wọ́n ń ṣeré.

See all translations of this verse →

Súrà At-Tur, ẹsẹ 13

يَوْمَ يُدَعُّونَ إِلَىٰ نَارِ جَهَنَّمَ دَعًّا

Yoruba Translation - Abu Rahimah Mikael(Rántí) ọjọ́ tí wọn yóò máa tì wọ́n lọ́ sínú iná Jahanamọ ní ìtìkutì.

See all translations of this verse →

Súrà At-Tur, ẹsẹ 14

هَٰذِهِ ٱلنَّارُ ٱلَّتِى كُنتُم بِهَا تُكَذِّبُونَ

Yoruba Translation - Abu Rahimah MikaelÈyí ni Iná náà tí ẹ̀ ń pè ní irọ́.

See all translations of this verse →

Súrà At-Tur, ẹsẹ 15

أَفَسِحْرٌ هَٰذَآ أَمْ أَنتُمْ لَا تُبْصِرُونَ

Yoruba Translation - Abu Rahimah MikaelṢé idán ni èyí ni tàbí ẹ̀yin kò ríran?

See all translations of this verse →

Súrà At-Tur, ẹsẹ 16

ٱصْلَوْهَا فَٱصْبِرُوٓا۟ أَوْ لَا تَصْبِرُوا۟ سَوَآءٌ عَلَيْكُمْ إِنَّمَا تُجْزَوْنَ مَا كُنتُمْ تَعْمَلُونَ

Yoruba Translation - Abu Rahimah MikaelẸ wọ inú rẹ̀ lọ. Ẹ fara dà á tàbí ẹ kò fara dà á, bákan náà ni fún yín. Ohun tí ẹ̀ ń ṣe níṣẹ́ ni A óò fi san yín ní ẹ̀san.

See all translations of this verse →

Súrà At-Tur, ẹsẹ 17

إِنَّ ٱلْمُتَّقِينَ فِى جَنَّٰتٍ وَنَعِيمٍ

Yoruba Translation - Abu Rahimah MikaelDájúdájú àwọn olùbẹ̀rù (Allāhu) máa wà nínú àwọn Ọgbà àti ìdẹ̀ra.

See all translations of this verse →

Súrà At-Tur, ẹsẹ 18

فَٰكِهِينَ بِمَآ ءَاتَىٰهُمْ رَبُّهُمْ وَوَقَىٰهُمْ رَبُّهُمْ عَذَابَ ٱلْجَحِيمِ

Yoruba Translation - Abu Rahimah MikaelWọn yóò máa jẹ ìgbádùn pẹ̀lú ohun tí Olúwa wọn fún wọn. Àti pé (Allāhu) yóò ṣọ́ wọn kúrò níbi ìyà iná Jẹhīm.

See all translations of this verse →

Súrà At-Tur, ẹsẹ 19

كُلُوا۟ وَٱشْرَبُوا۟ هَنِيٓـًٔۢا بِمَا كُنتُمْ تَعْمَلُونَ

Yoruba Translation - Abu Rahimah MikaelẸ máa jẹ, ẹ máa mu ní gbẹdẹmukẹ nítorí ohun tí ẹ̀ ń ṣe níṣẹ́.

See all translations of this verse →

Súrà At-Tur, ẹsẹ 20

مُتَّكِـِٔينَ عَلَىٰ سُرُرٍ مَّصْفُوفَةٍ وَزَوَّجْنَٰهُم بِحُورٍ عِينٍ

Yoruba Translation - Abu Rahimah MikaelWọn yóò rọ̀gbọ̀kú sórí àwọn ibùsùn tí wọ́n tò ní ọ̀wọ̀ọ̀wọ́. A sì máa fún wọn ní àwọn ìyàwó ẹlẹ́yinjú ẹgẹ́.

See all translations of this verse →

Súrà At-Tur, ẹsẹ 21

وَٱلَّذِينَ ءَامَنُوا۟ وَٱتَّبَعَتْهُمْ ذُرِّيَّتُهُم بِإِيمَٰنٍ أَلْحَقْنَا بِهِمْ ذُرِّيَّتَهُمْ وَمَآ أَلَتْنَٰهُم مِّنْ عَمَلِهِم مِّن شَىْءٍ كُلُّ ٱمْرِئٍۭ بِمَا كَسَبَ رَهِينٌ

Yoruba Translation - Abu Rahimah MikaelÀti pé àwọn tó gbàgbọ́ ní òdodo, tí àwọn àrọ́mọdọ́mọ wọn tún tẹ̀lé wọn nínú ìgbàgbọ́ òdodo, A máa da àwọn àrọ́mọdọ́mọ wọn pọ̀ mọ́ wọn. A kò sì níí dín kiní kan kù nínú iṣẹ́ wọn. Ẹnì kọ̀ọ̀kan ló máa dúró fún ohun tó ṣe níṣẹ́.

See all translations of this verse →

Súrà At-Tur, ẹsẹ 22

وَأَمْدَدْنَٰهُم بِفَٰكِهَةٍ وَلَحْمٍ مِّمَّا يَشْتَهُونَ

Yoruba Translation - Abu Rahimah MikaelA máa fún wọn ní àlékún èso àti ẹran tí wọ́n nífẹ̀ẹ́ sí.

See all translations of this verse →

Súrà At-Tur, ẹsẹ 23

يَتَنَٰزَعُونَ فِيهَا كَأْسًا لَّا لَغْوٌ فِيهَا وَلَا تَأْثِيمٌ

Yoruba Translation - Abu Rahimah MikaelWọn yó sì máa gba ife ọtí mu láààrin ara wọn nínú Ọgbà Ìdẹ̀ra. Kò sí ọ̀rọ̀ ìsọkúsọ àti ìwà ẹ̀ṣẹ̀ nínú Ọgbà Ìdẹ̀ra.

See all translations of this verse →

Súrà At-Tur, ẹsẹ 24

وَيَطُوفُ عَلَيْهِمْ غِلْمَانٌ لَّهُمْ كَأَنَّهُمْ لُؤْلُؤٌ مَّكْنُونٌ

Yoruba Translation - Abu Rahimah MikaelÀwọn ọmọ-ọ̀dọ̀ wọn yó sì máa lọ bọ̀ láààrin wọn. (Wọ́n) dà bí àlúùúlù (òkúta olówó-iye-bíye) tí wọ́n fi pamọ́ sínú apó rẹ̀.

See all translations of this verse →

Súrà At-Tur, ẹsẹ 25

وَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ

Yoruba Translation - Abu Rahimah MikaelApá kan wọn yóò dojú kọ apá kan, wọn yó sì máa bèèrè ọ̀rọ̀ lọ́wọ́ ara wọn.

See all translations of this verse →

Súrà At-Tur, ẹsẹ 26

قَالُوٓا۟ إِنَّا كُنَّا قَبْلُ فِىٓ أَهْلِنَا مُشْفِقِينَ

Yoruba Translation - Abu Rahimah MikaelWọn yóò sọ pé: “Dájúdájú tẹ́lẹ̀tẹ́lẹ̀ àwa máa ń páyà láààrin àwọn ènìyàn wa.

See all translations of this verse →

Súrà At-Tur, ẹsẹ 27

فَمَنَّ ٱللَّهُ عَلَيْنَا وَوَقَىٰنَا عَذَابَ ٱلسَّمُومِ

Yoruba Translation - Abu Rahimah MikaelṢùgbọ́n Allāhu ṣàánú wa. Ó sì là wá kúrò níbi ìyà Iná.

See all translations of this verse →

Súrà At-Tur, ẹsẹ 28

إِنَّا كُنَّا مِن قَبْلُ نَدْعُوهُ إِنَّهُۥ هُوَ ٱلْبَرُّ ٱلرَّحِيمُ

Yoruba Translation - Abu Rahimah MikaelDájúdájú àwa máa ń pè É tẹ́lẹ̀tẹ́lẹ̀. Dájúdájú Allāhu, Òun ni Olóore, Àṣàkẹ́-ọ̀run.”

See all translations of this verse →

Súrà At-Tur, ẹsẹ 29

فَذَكِّرْ فَمَآ أَنتَ بِنِعْمَتِ رَبِّكَ بِكَاهِنٍ وَلَا مَجْنُونٍ

Yoruba Translation - Abu Rahimah MikaelNítorí náà, ṣèrántí. Ìwọ kì í ṣe adábigba tàbí wèrè lórí ìdẹ̀ra Olúwa rẹ.

See all translations of this verse →

Súrà At-Tur, ẹsẹ 30

أَمْ يَقُولُونَ شَاعِرٌ نَّتَرَبَّصُ بِهِۦ رَيْبَ ٱلْمَنُونِ

Yoruba Translation - Abu Rahimah MikaelTàbí wọ́n ń wí pé: “Eléwì kan tí à ń retí àpadàsí aburú fún ni.”

See all translations of this verse →

Súrà At-Tur, ẹsẹ 31

قُلْ تَرَبَّصُوا۟ فَإِنِّى مَعَكُم مِّنَ ٱلْمُتَرَبِّصِينَ

Yoruba Translation - Abu Rahimah MikaelSọ pé: “Ẹ máa retí. Dájúdájú èmi náà wà pẹ̀lú yín nínú àwọn olùretí.

See all translations of this verse →

Súrà At-Tur, ẹsẹ 32

أَمْ تَأْمُرُهُمْ أَحْلَٰمُهُم بِهَٰذَآ أَمْ هُمْ قَوْمٌ طَاغُونَ

Yoruba Translation - Abu Rahimah MikaelTàbí ọpọlọ wọn ló ń pa wọ́n láṣẹ èyí ni? Tàbí ìjọ alákọyọ ni wọ́n ni?

See all translations of this verse →

Súrà At-Tur, ẹsẹ 33

أَمْ يَقُولُونَ تَقَوَّلَهُۥ بَل لَّا يُؤْمِنُونَ

Yoruba Translation - Abu Rahimah MikaelTàbí wọ́n ń wí pé: “Ó dá (al-Ƙur’ān) hun fúnra rẹ̀ ni.” Rárá o, wọn kò gbàgbọ́ ni.

See all translations of this verse →

Súrà At-Tur, ẹsẹ 34

فَلْيَأْتُوا۟ بِحَدِيثٍ مِّثْلِهِۦٓ إِن كَانُوا۟ صَٰدِقِينَ

Yoruba Translation - Abu Rahimah MikaelKí àwọn náà mú ọ̀rọ̀ kan bí irú rẹ̀ wá tí wọ́n bá jẹ́ olódodo.

See all translations of this verse →

Súrà At-Tur, ẹsẹ 35

أَمْ خُلِقُوا۟ مِنْ غَيْرِ شَىْءٍ أَمْ هُمُ ٱلْخَٰلِقُونَ

Yoruba Translation - Abu Rahimah MikaelTàbí wọ́n ṣẹ̀dá wọn láì sí Aṣẹ̀dá? Tàbí àwọn ni wọ́n ṣẹ̀dá ara wọn ni?

See all translations of this verse →

Súrà At-Tur, ẹsẹ 36

أَمْ خَلَقُوا۟ ٱلسَّمَٰوَٰتِ وَٱلْأَرْضَ بَل لَّا يُوقِنُونَ

Yoruba Translation - Abu Rahimah MikaelTàbí àwọn ni wọ́n ṣẹ̀dá àwọn sánmọ̀ àti ilẹ̀? Rárá o, wọn kò màmọ̀ dájú ni.

See all translations of this verse →

Súrà At-Tur, ẹsẹ 37

أَمْ عِندَهُمْ خَزَآئِنُ رَبِّكَ أَمْ هُمُ ٱلْمُصَۣيْطِرُونَ

Yoruba Translation - Abu Rahimah MikaelTàbí lọ́dọ̀ wọn ni àwọn ilé ọrọ̀ Olúwa rẹ wà? Tàbí àwọn ni olùborí?

See all translations of this verse →

Súrà At-Tur, ẹsẹ 38

أَمْ لَهُمْ سُلَّمٌ يَسْتَمِعُونَ فِيهِ فَلْيَأْتِ مُسْتَمِعُهُم بِسُلْطَٰنٍ مُّبِينٍ

Yoruba Translation - Abu Rahimah MikaelTàbí wọ́n ní àkàbà kan tí wọ́n ń fi gbọ́rọ̀ (nínú sánmọ̀)? Kí ẹni tí ó ń bá wọn gbọ́ ọ̀rọ̀ mú ẹ̀rí tó yanjú wá?

See all translations of this verse →

Súrà At-Tur, ẹsẹ 39

أَمْ لَهُ ٱلْبَنَٰتُ وَلَكُمُ ٱلْبَنُونَ

Yoruba Translation - Abu Rahimah MikaelTàbí àwọn ọmọbìnrin ni tiRẹ̀, àwọn ọmọkùnrin sì ni tiyín?

See all translations of this verse →

Súrà At-Tur, ẹsẹ 40

أَمْ تَسْـَٔلُهُمْ أَجْرًا فَهُم مِّن مَّغْرَمٍ مُّثْقَلُونَ

Yoruba Translation - Abu Rahimah MikaelTàbí ò ń bèèrè owó-ọ̀yà kan lọ́wọ́ wọn, ni gbèsè fi wọ̀ wọ́n lọ́rùn?

See all translations of this verse →

Súrà At-Tur, ẹsẹ 41

أَمْ عِندَهُمُ ٱلْغَيْبُ فَهُمْ يَكْتُبُونَ

Yoruba Translation - Abu Rahimah MikaelTàbí ìmọ̀ ìkọ̀kọ̀ wà lọ́dọ̀ wọn, tí wọ́n sì ń kọ ọ́ sílẹ̀?

See all translations of this verse →

Súrà At-Tur, ẹsẹ 42

أَمْ يُرِيدُونَ كَيْدًا فَٱلَّذِينَ كَفَرُوا۟ هُمُ ٱلْمَكِيدُونَ

Yoruba Translation - Abu Rahimah MikaelTàbí wọ́n ń gbèrò ète kan ni? Nígbà náà, àwọn tó ṣàì gbàgbọ́, àwọn l’ó máa f’orí kó ète náà.

See all translations of this verse →

Súrà At-Tur, ẹsẹ 43

أَمْ لَهُمْ إِلَٰهٌ غَيْرُ ٱللَّهِ سُبْحَٰنَ ٱللَّهِ عَمَّا يُشْرِكُونَ

Yoruba Translation - Abu Rahimah MikaelTàbí wọ́n ní ọlọ́hun kan lẹ́yìn Allāhu ni? Mímọ́ ni fún Allāhu tayọ n̄ǹkan tí wọ́n ń fi ṣẹbọ sí I.

See all translations of this verse →

Súrà At-Tur, ẹsẹ 44

وَإِن يَرَوْا۟ كِسْفًا مِّنَ ٱلسَّمَآءِ سَاقِطًا يَقُولُوا۟ سَحَابٌ مَّرْكُومٌ

Yoruba Translation - Abu Rahimah MikaelTí wọ́n bá rí apá kan nínú sánmọ̀ tó ya lúlẹ̀, wọ́n á wí pé: “Ẹ̀ṣújò rẹgẹdẹ ni (wọn kò níí gbàgbọ́).”

See all translations of this verse →

Súrà At-Tur, ẹsẹ 45

فَذَرْهُمْ حَتَّىٰ يُلَٰقُوا۟ يَوْمَهُمُ ٱلَّذِى فِيهِ يُصْعَقُونَ

Yoruba Translation - Abu Rahimah MikaelNítorí náà, fi wọ́n sílẹ̀ títí wọn yóò fi bá ọjọ́ wọn tí wọn máa pa wọ́n sínú rẹ̀ pàdé.

See all translations of this verse →

Súrà At-Tur, ẹsẹ 46

يَوْمَ لَا يُغْنِى عَنْهُمْ كَيْدُهُمْ شَيْـًٔا وَلَا هُمْ يُنصَرُونَ

Yoruba Translation - Abu Rahimah MikaelỌjọ́ tí ète wọn kò níí fi kiní kan rọ̀ wọ́n lọ́rọ̀. A kò sì níí ràn wọ́n lọ́wọ́.

See all translations of this verse →

Súrà At-Tur, ẹsẹ 47

وَإِنَّ لِلَّذِينَ ظَلَمُوا۟ عَذَابًا دُونَ ذَٰلِكَ وَلَٰكِنَّ أَكْثَرَهُمْ لَا يَعْلَمُونَ

Yoruba Translation - Abu Rahimah MikaelÀti pé dájúdájú ìyà kan ń bẹ fún àwọn tó ṣàbòsí yàtọ̀ sí (ìyà ọ̀run) yẹn, ṣùgbọ́n ọ̀pọ̀lọ́pọ̀ wọn ni kò mọ̀.

See all translations of this verse →

Súrà At-Tur, ẹsẹ 48

وَٱصْبِرْ لِحُكْمِ رَبِّكَ فَإِنَّكَ بِأَعْيُنِنَا وَسَبِّحْ بِحَمْدِ رَبِّكَ حِينَ تَقُومُ

Yoruba Translation - Abu Rahimah MikaelṢe sùúrù fún ìdájọ́ Olúwa Rẹ, dájúdájú ìwọ wà ní ojútó Wa. Kí ó sì ṣe àfọ̀mọ́ pẹ̀lú ẹyìn fún Olúwa rẹ nígbà tí o bá fẹ́ dìde.[1]

See all translations of this verse →

Súrà At-Tur, ẹsẹ 49

وَمِنَ ٱلَّيْلِ فَسَبِّحْهُ وَإِدْبَٰرَ ٱلنُّجُومِ

Yoruba Translation - Abu Rahimah MikaelÀti pé ní alẹ́ àti nígbà tí àwọn ìràwọ̀ bá kúrò níta tán[1], ṣàfọ̀mọ́ fún Un.

See all translations of this verse →

Súrà At-Tur الطور