Home › Surahs › Surah As-SaaffaatSurah As-Saaffaat الصافات
182 verses · Mecca · revelation order 56
بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلصَّٰٓفَّٰتِ صَفًّا
Kirundi Translation - Yusuf Gahiti Ndarahiye Jewe Allah, ku bamalayika batonda ku murongo mu gusenga;
See all translations of this verse →
فَٱلزَّٰجِرَٰتِ زَجْرًا
Kirundi Translation - Yusuf Gahiti No ku bamalayika basunika ibicu vy’imvura kw’itegeko ryanje;
See all translations of this verse →
فَٱلتَّٰلِيَٰتِ ذِكْرًا
Kirundi Translation - Yusuf Gahiti No ku bamalayika basoma urwibutso n’amajambo yanje mu guhishurira Intumwa[1]!
See all translations of this verse →
إِنَّ إِلَٰهَكُمْ لَوَٰحِدٌ
Kirundi Translation - Yusuf Gahiti Mu vy’ukuri ga bantu! Imana yanyu mukwiye gusenga Itabangikanywa, ni Imana Imwe Rudende Allah.
See all translations of this verse →
رَّبُّ ٱلسَّمَٰوَٰتِ وَٱلْأَرْضِ وَمَا بَيْنَهُمَا وَرَبُّ ٱلْمَشَٰرِقِ
Kirundi Translation - Yusuf Gahiti Ni Yo Mana Rurema Yaremye amajuru n’isi n’ibiri hagati yavyo, ni na Yo Mubungabunzi w’izuba mu buseruko no mu burengero bwaryo.
See all translations of this verse →
إِنَّا زَيَّنَّا ٱلسَّمَآءَ ٱلدُّنْيَا بِزِينَةٍ ٱلْكَوَاكِبِ
Kirundi Translation - Yusuf Gahiti Mu vy’ukuri Twebwe Allah, Twarasharije n’inyenyeri ijuru ryegereye isi;
See all translations of this verse →
وَحِفْظًا مِّن كُلِّ شَيْطَٰنٍ مَّارِدٍ
Kirundi Translation - Yusuf Gahiti Turaheza Turaribungabunga, kugira ntirivogerwe n’uwo wese mu ntagondwa z’amashetani;
See all translations of this verse →
لَّا يَسَّمَّعُونَ إِلَى ٱلْمَلَإِ ٱلْأَعْلَىٰ وَيُقْذَفُونَ مِن كُلِّ جَانِبٍ
Kirundi Translation - Yusuf Gahiti Amashetani rero, ntashobora gushika ahari abamalayika mu majuru ngo aheze asume urusaku kw’ihishurwa ry’ibijanye n’amabwirizwa, ivyagezwe hamwe n’ishirwa mu ngiro ryavyo. Amashetani ahirahiye agasuma urusaku, aca aterwa ibishirira vya nyakotsi biturutse ku mpande zose;
See all translations of this verse →
دُحُورًا وَلَهُمْ عَذَابٌ وَاصِبٌ
Kirundi Translation - Yusuf Gahiti Akirukanwa kugira ntashobore gusuma nya rusaku, yaranategekanirijwe n’ibihano vyamaho mu buzima bw’inyuma yo gupfa;
See all translations of this verse →
إِلَّا مَنْ خَطِفَ ٱلْخَطْفَةَ فَأَتْبَعَهُۥ شِهَابٌ ثَاقِبٌ
Kirundi Translation - Yusuf Gahiti Kiretse shetani isamiye hejuru ijambo rimwe muri iryo suma ry’urusaku, igaca iribwira iyiri musi yayo; ino na yo ikaribwira iyindi iri musi yayo gushika ku yiri kw’isi. Hari n’aho rero, ikurikizwa igishirira ca nyakotsi kikayiturira imbere yuko iribwira iyiri musi yayo. Hari n’igihe bishika rero mu vyagezwe n’Imana Allah, ikarisamira hejuru ikaribwira iyiri musi yayo imbere yuko ishikirwa na nya gishirira kikayiturira, maze iya nyuma muri yo ikarishikiriza ba senyagara n’abapfumu, na bo bagaca baryuhirako ayandi majambo ijana y’ikinyoma.
See all translations of this verse →
فَٱسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَآ إِنَّا خَلَقْنَٰهُم مِّن طِينٍ لَّازِبٍۭ
Kirundi Translation - Yusuf Gahiti Ntumwa y’Imana! Baza abahakana bivuye inyuma izurwa ry’ibiremwa, ko iremwa ryabo ari ryo rigoye cane gusumba iremwa ry’ibindi biremwa Twaremye! Mu vy’ukuri Twebwe Allah, Twaremye se wabo Adamu mw’ivu ribomvye.
See all translations of this verse →
بَلْ عَجِبْتَ وَيَسْخَرُونَ
Kirundi Translation - Yusuf Gahiti Ntumwa y’Imana! Ahubwo icogutangaza, ni ihakana ryabo ry’izurwa ry’ibiremwa; n’icogutangaza kurusha, ni itebura ryabo kuri wewe n’isuzugurwa ry’amajambo yawe!
See all translations of this verse →
وَإِذَا ذُكِّرُوا۟ لَا يَذْكُرُونَ
Kirundi Translation - Yusuf Gahiti N’iyo bibukijwe ku vyo bibagiye canke bakagotwa, ukubibutsa nta co kubamarira ngo bikebuke.
See all translations of this verse →
وَإِذَا رَأَوْا۟ ءَايَةً يَسْتَسْخِرُونَ
Kirundi Translation - Yusuf Gahiti N’iyo babonye icemezo cerekana ko uri Intumwa vy’ukuri, baragiteburako bakitangaza;
See all translations of this verse →
وَقَالُوٓا۟ إِنْ هَٰذَآ إِلَّا سِحْرٌ مُّبِينٌ
Kirundi Translation - Yusuf Gahiti Bagaheza bakavuga bati: “Iyi Qor’ani watuzaniye, si ikindi kiretse ko ari uburozi bweruye;
See all translations of this verse →
أَءِذَا مِتْنَا وَكُنَّا تُرَابًا وَعِظَٰمًا أَءِنَّا لَمَبْعُوثُونَ
Kirundi Translation - Yusuf Gahiti Mbega igihe twapfuye tugacika ivu n’amagufa yaboze, burya mu vy’ukuri tuzosubizwa ubuzima duheze tuzuke!
See all translations of this verse →
أَوَءَابَآؤُنَا ٱلْأَوَّلُونَ
Kirundi Translation - Yusuf Gahiti Mbega burya hazozuka na ba data bapfuye kera!”
See all translations of this verse →
قُلْ نَعَمْ وَأَنتُمْ دَٰخِرُونَ
Kirundi Translation - Yusuf Gahiti Ntumwa y’Imana! Vuga ubwire abahakana bivuye inyuma izurwa ry’ibiremwa uti: “Ego cane! Bitebe bitebuke, muzosubizwa ubuzima maze muzuke kandi musuzuguritse”.
See all translations of this verse →
فَإِنَّمَا هِىَ زَجْرَةٌ وَٰحِدَةٌ فَإِذَا هُمْ يَنظُرُونَ
Kirundi Translation - Yusuf Gahiti Ni ukuri, izurwa ryabo ni akaravyo, hazopfa kuvuzwa inzamba igira kabiri gusa, ubwo nyene bace basokoroka mu kuzimu birabira intureka zo ku musi w’izuka;
See all translations of this verse →
وَقَالُوا۟ يَٰوَيْلَنَا هَٰذَا يَوْمُ ٱلدِّينِ
Kirundi Translation - Yusuf Gahiti Baheze bavuge n’agahinda n’akantu bati: “Amagorwa arama yemwe! Uwu, ni wo musi w’iharurirwa n’impera!”;
See all translations of this verse →
هَٰذَا يَوْمُ ٱلْفَصْلِ ٱلَّذِى كُنتُم بِهِۦ تُكَذِّبُونَ
Kirundi Translation - Yusuf Gahiti Bace babwirwa n’abamalayika bati: “Uwu, ni wo musi wo gutunganiriza ibiremwa, umusi mwahora muhakana mwivuye inyuma mukiri kw’isi ko utabaho”.
See all translations of this verse →
ٱحْشُرُوا۟ ٱلَّذِينَ ظَلَمُوا۟ وَأَزْوَٰجَهُمْ وَمَا كَانُوا۟ يَعْبُدُونَ
Kirundi Translation - Yusuf Gahiti Abamalayika bazobwirwa bati: “Nimwegeranirize hamwe abirenganije mu kugarariza bari kumwe n’abagenzi babo, hamwe rero n’ibigirwamana bahora basenga;
See all translations of this verse →
مِن دُونِ ٱللَّهِ فَٱهْدُوهُمْ إِلَىٰ صِرَٰطِ ٱلْجَحِيمِ
Kirundi Translation - Yusuf Gahiti Bakabisenga mu gishingo c’Imana Allah, muheze mubashorere mu nzira ibashikana mu muriro ururumba;
See all translations of this verse →
وَقِفُوهُمْ إِنَّهُم مَّسْـُٔولُونَ
Kirundi Translation - Yusuf Gahiti Maze mubahagarike aho babanza kubazwa imbere yuko batabwa mu muriro wa Jahannamu; mu vy’ukuri, bategerezwa kubazwa ku vyo bakoze no ku vyo bavuze vyose”.
See all translations of this verse →
مَا لَكُمْ لَا تَنَاصَرُونَ
Kirundi Translation - Yusuf Gahiti Bazoheza rero babwirwe ku gashinyaguro n’akantu bati: “Mbega mwafashwe n’iki ko mudatabarana nk’uko mwabigenza kw’isi!”.
See all translations of this verse →
بَلْ هُمُ ٱلْيَوْمَ مُسْتَسْلِمُونَ
Kirundi Translation - Yusuf Gahiti Ahubwo kuri uwu musi, bicishije bugufi mu kwubahiriza itegeko ry’Imana Allah, ntibashobora namba guca kubiri na ryo.
See all translations of this verse →
وَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ
Kirundi Translation - Yusuf Gahiti Aho rero, bazoheza batangure guhazana, bahangane hagati yabo batanako imiragwe;
See all translations of this verse →
قَالُوٓا۟ إِنَّكُمْ كُنتُمْ تَأْتُونَنَا عَنِ ٱلْيَمِينِ
Kirundi Translation - Yusuf Gahiti Maze indongozi z’abahuvye zibwirwe n’abazikurikiye mu buhuvyi ziti: “Mu vy’ukuri, ni mwebwe mwahora mutuja mu gutwi mukatwankisha ukuri, mukaturyohereza ubuhuvyi kw’izina ry’idini”.
See all translations of this verse →
قَالُوا۟ بَل لَّمْ تَكُونُوا۟ مُؤْمِنِينَ
Kirundi Translation - Yusuf Gahiti Indongozi z’abahuvye na zo zibwire abazikurikiye mu buhuvyi ziti: “Sigaho, murabaga mwifashe! Ahubwo nyabuna, mwebwe ntimwigeze mwemera namba;
See all translations of this verse →
وَمَا كَانَ لَنَا عَلَيْكُم مِّن سُلْطَٰنٍۭ بَلْ كُنتُمْ قَوْمًا طَٰغِينَ
Kirundi Translation - Yusuf Gahiti Vyongeye nta n’ububasha bw’ivyemezo canke bw’inguvu twari tubafiseko ngo tubabuze ukwemera Imana Allah, eka mbere mwari mwigize akagaramaruganda mu guhonyanga ukuri mukubona;
See all translations of this verse →
فَحَقَّ عَلَيْنَا قَوْلُ رَبِّنَآ إِنَّا لَذَآئِقُونَ
Kirundi Translation - Yusuf Gahiti Ni ho rero twebwe hamwe na mwe twagirwa n’ijambo ry’Imana yacu Rurema Allah, ryo gusezeranira ibihano abagarariji[2]. Mu vy’ukuri rero, twese hamwe dutegerezwa guhonja ibihano;
See all translations of this verse →
فَأَغْوَيْنَٰكُمْ إِنَّا كُنَّا غَٰوِينَ
Kirundi Translation - Yusuf Gahiti Twebwe twarabahubishije inzira y’ukwemera, muraheza muradukurikira mu buhuvyi, mu vy’ukuri twari twarahuvye”.
See all translations of this verse →
فَإِنَّهُمْ يَوْمَئِذٍ فِى ٱلْعَذَابِ مُشْتَرِكُونَ
Kirundi Translation - Yusuf Gahiti Mu vy’ukuri kuri uwo musi rero, indongozi z’abahuvye hamwe n’abazikurikiye mu buhuvyi, bazofadikanya mu bihano nk’uko bafadikanije kw’isi mu buhuvyi.
See all translations of this verse →
إِنَّا كَذَٰلِكَ نَفْعَلُ بِٱلْمُجْرِمِينَ
Kirundi Translation - Yusuf Gahiti Ni nk’ukwo nyene rero Twebwe Allah, Tugira mu guhana inkozi z’ikibi zahisemwo ubugaba kw’isi ha kutwumvira.
See all translations of this verse →
إِنَّهُمْ كَانُوٓا۟ إِذَا قِيلَ لَهُمْ لَآ إِلَٰهَ إِلَّا ٱللَّهُ يَسْتَكْبِرُونَ
Kirundi Translation - Yusuf Gahiti Mu vy’ukuri, ababangikanyamana bakiri kw’isi, iyo bararikiwe gusenga Imana Imwe Rudende Allah, bati: “Nta mana ibwirijwe gusengwa atari Imana Allah”, bahora bagira amanyama bakirengagiza;
See all translations of this verse →
وَيَقُولُونَ أَئِنَّا لَتَارِكُوٓا۟ ءَالِهَتِنَا لِشَاعِرٍ مَّجْنُونٍۭ
Kirundi Translation - Yusuf Gahiti Bagaca bavuga bati: “Mbega vyoshoboka gute mu vy’ukuri, ko tureka gusenga imana zacu ku kwubahiriza gusa ijambo ry’umwivuzi w’amazina, yakehewe n’ubwenge!”.
See all translations of this verse →
بَلْ جَآءَ بِٱلْحَقِّ وَصَدَّقَ ٱلْمُرْسَلِينَ
Kirundi Translation - Yusuf Gahiti Nibateshwe bate barahumba! Muhamadi ntari nk’ukwo bamuvuga namba, ahubwo yaje abazaniye ukuri kw’ukwemera gushingiye kuri Qor’ani, ashimangira ivyashikirijwe n’izindi Ntumwa mu mabwirizwa n’isengwa ry’Imana Imwe Rudende Allah.
See all translations of this verse →
إِنَّكُمْ لَذَآئِقُوا۟ ٱلْعَذَابِ ٱلْأَلِيمِ
Kirundi Translation - Yusuf Gahiti Babangikanyamana! Mu vy’ukuri, mwebwe ku kubera ihakana ryanyu, mutegerezwa guhonja ibihano bibabaza;
See all translations of this verse →
وَمَا تُجْزَوْنَ إِلَّا مَا كُنتُمْ تَعْمَلُونَ
Kirundi Translation - Yusuf Gahiti Kandi mu buzima bw’inyuma yo gupfa, ntimuzohanwa, kiretse ku vyaha mwari mwarakoze kw’isi.
See all translations of this verse →
إِلَّا عِبَادَ ٱللَّهِ ٱلْمُخْلَصِينَ
Kirundi Translation - Yusuf Gahiti Kiretse abaja b’Imana Allah bayitumbera mu vyo bakora vyose bakabikora ku bwayo, maze Igaheza Ikabakingira ibihano;
See all translations of this verse →
أُو۟لَٰٓئِكَ لَهُمْ رِزْقٌ مَّعْلُومٌ
Kirundi Translation - Yusuf Gahiti Abo, ni bo rero bazoronka impano zizwi neza kandi zamaho mu Bwami bw’ijuru;
See all translations of this verse →
فَوَٰكِهُ وَهُم مُّكْرَمُونَ
Kirundi Translation - Yusuf Gahiti Izo mpembo, ni ivyamwa vy’ubwoko butandukanye, bakazonaterwa iteka n’icubahiro;
See all translations of this verse →
فِى جَنَّٰتِ ٱلنَّعِيمِ
Kirundi Translation - Yusuf Gahiti Mu Bwami bw’ijuru bwuzuyemwo inema zamaho;
See all translations of this verse →
عَلَىٰ سُرُرٍ مُّتَقَٰبِلِينَ
Kirundi Translation - Yusuf Gahiti Aho bazoba bicaye ku bitanda batumberanye, barabana;
See all translations of this verse →
يُطَافُ عَلَيْهِم بِكَأْسٍ مِّن مَّعِينٍۭ
Kirundi Translation - Yusuf Gahiti Ibirahuri vy’inzoga itambiye bicanacanako, inzoga yengwa mu mazi y’iriba ritemba ryamaho;
See all translations of this verse →
بَيْضَآءَ لَذَّةٍ لِّلشَّٰرِبِينَ
Kirundi Translation - Yusuf Gahiti Ifise ibara ryera n'akanovera k’akataraboneka ku banywi bazoyihereza;
See all translations of this verse →
لَا فِيهَا غَوْلٌ وَلَا هُمْ عَنْهَا يُنزَفُونَ
Kirundi Translation - Yusuf Gahiti Ntigira ingaruka mbi ngo iboreze canke ngo isinzikaze ubuzima bw’uwuguma ayinywa;
See all translations of this verse →
وَعِندَهُمْ قَٰصِرَٰتُ ٱلطَّرْفِ عِينٌ
Kirundi Translation - Yusuf Gahiti Muri nya Bwami, bazoba bafise n’abakenyezi biyubashe bisoneye, batigera bakubita ijisho abatari abagabo babo, bafise n’amaso meza nk’ay’inyana;
See all translations of this verse →
كَأَنَّهُنَّ بَيْضٌ مَّكْنُونٌ
Kirundi Translation - Yusuf Gahiti Basa neza, ntiworaba barasayangana; wogira ngo ni irigi ribitswe ahantu ata n’umwe ararikorako.
See all translations of this verse →
فَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ
Kirundi Translation - Yusuf Gahiti Abari mu Bwami bw’ijuru, bazobazanya hagati yabo, batera inkuru z’ubuzima babanyemwo n’abandi kw’isi;
See all translations of this verse →
قَالَ قَآئِلٌ مِّنْهُمْ إِنِّى كَانَ لِى قَرِينٌ
Kirundi Translation - Yusuf Gahiti Maze umwe muri bo aheze avuge ati: “Mu vy’ukuri, kw’isi nari mfise umugenzi twamana hafi;
See all translations of this verse →
يَقُولُ أَءِنَّكَ لَمِنَ ٱلْمُصَدِّقِينَ
Kirundi Translation - Yusuf Gahiti Yavuga yitangaza ambwira ati: “Mbega mu vy’ukuri, wewe uri mu bemera ko izurwa ry’ibiremwa ribaho!
See all translations of this verse →
أَءِذَا مِتْنَا وَكُنَّا تُرَابًا وَعِظَٰمًا أَءِنَّا لَمَدِينُونَ
Kirundi Translation - Yusuf Gahiti Aho nyene uremera ko nitwapfa tugacika ivu n’amagufa mu kuzimu, tuzoheza tugasubizwa ubuzima tukazuka koko, hanyuma tugaharurirwa, tukanahemberwa ivyo twakoze!””.
See all translations of this verse →
قَالَ هَلْ أَنتُم مُّطَّلِعُونَ
Kirundi Translation - Yusuf Gahiti Hanyuma wa mwemeramana, ace avuga abwire abo bari kumwe mu Bwami bw’ijuru, ati: “Ubwo ntimwoza tukarunguruka mu muriro tukaraba iherezo ry’uwahoze ari umugenzi twamana hafi!”;
See all translations of this verse →
فَٱطَّلَعَ فَرَءَاهُ فِى سَوَآءِ ٱلْجَحِيمِ
Kirundi Translation - Yusuf Gahiti Wa mwemeramana agize ngo ararunguruka mu muriro, aca abona wa mugenzi wiwe bamana hafi, ari hagati na hagati mu nyenga y’umuriro ururumba;
See all translations of this verse →
قَالَ تَٱللَّهِ إِن كِدتَّ لَتُرْدِينِ
Kirundi Translation - Yusuf Gahiti Aca avuga abwira nya mugenzi wiwe ati: “Ndarahiye kw’izina ry’Imana Allah, ko wahatswe kumpubisha ngahona iyo ndakwumvira;
See all translations of this verse →
وَلَوْلَا نِعْمَةُ رَبِّى لَكُنتُ مِنَ ٱلْمُحْضَرِينَ
Kirundi Translation - Yusuf Gahiti Iyo hataba impano y’Imana yanje Rurema Allah, Yanshoboje kwemera nkatsimbatara, ni ukuri nari kuba ndi mu begeranirijwe hamwe na we mu muriro”.
See all translations of this verse →
أَفَمَا نَحْنُ بِمَيِّتِينَ
Kirundi Translation - Yusuf Gahiti Ba bemeramana aho bari mu Bwami bw’ijuru, baca bavuga akamwemwe kabasya bati: “Ni ivy’ukuri, ko tuzoguma mu nema zamaho ibihe bidahera ata gupfa;
See all translations of this verse →
إِلَّا مَوْتَتَنَا ٱلْأُولَىٰ وَمَا نَحْنُ بِمُعَذَّبِينَ
Kirundi Translation - Yusuf Gahiti Kiretse urupfu rwa mbere twapfuye tukiri kw’isi, nta n’uguhanwa inyuma y’aho twinjiriye mu Bwami bw’ijuru!
See all translations of this verse →
إِنَّ هَٰذَا لَهُوَ ٱلْفَوْزُ ٱلْعَظِيمُ
Kirundi Translation - Yusuf Gahiti Mu vy’ukuri, iyi ni yo ntsinzi ihambaye”.
See all translations of this verse →
لِمِثْلِ هَٰذَا فَلْيَعْمَلِ ٱلْعَٰمِلُونَ
Kirundi Translation - Yusuf Gahiti Mu ntumbero yo gushika ku ntsinzi nk’iyi y’Ubwami bw’ijuru, abakora ivyo bakora kw’isi rero, nibakore batiziganya, ata kudebukirwa.
See all translations of this verse →
أَذَٰلِكَ خَيْرٌ نُّزُلًا أَمْ شَجَرَةُ ٱلزَّقُّومِ
Kirundi Translation - Yusuf Gahiti Mbega none burya iyo ntsinzi y’Ubwami bw’ijuru, ni ryo cumbi ryiza cane kuruta ibindi, canke ni igiti Al-Zaqquumu cavumwe, gifungurirwa abantu bo mu muriro!
See all translations of this verse →
إِنَّا جَعَلْنَٰهَا فِتْنَةً لِّلظَّٰلِمِينَ
Kirundi Translation - Yusuf Gahiti Mu vy’ukuri Twebwe Allah, Twagize ico giti kuba igeragezwa ku birenganije mu kugarariza, bahakana bivuye inyuma bati: “Bishoboka gute ko igiti kiba mu muriro kandi umuriro uturira igiti!”.
See all translations of this verse →
إِنَّهَا شَجَرَةٌ تَخْرُجُ فِىٓ أَصْلِ ٱلْجَحِيمِ
Kirundi Translation - Yusuf Gahiti Al-Zaqquumu mu vy’ukuri, ni igiti kinagira hagati na hagati mu nyenga y’umuriro wa Jahannamu;
See all translations of this verse →
طَلْعُهَا كَأَنَّهُۥ رُءُوسُ ٱلشَّيَٰطِينِ
Kirundi Translation - Yusuf Gahiti Ivyamwa vya nya giti bisa nabi cane; wogira ngo ni imitwe y’amashetani, ntubaze rero akanuko kavyo n’ukuntu bibishe (bikata) mu kanwa!
See all translations of this verse →
فَإِنَّهُمْ لَـَٔاكِلُونَ مِنْهَا فَمَالِـُٔونَ مِنْهَا ٱلْبُطُونَ
Kirundi Translation - Yusuf Gahiti Mu vy’ukuri ababangikanyamana, bazorya ivyamwa vyaco, bibuzuze inda batumbirwe;
See all translations of this verse →
ثُمَّ إِنَّ لَهُمْ عَلَيْهَا لَشَوْبًا مِّنْ حَمِيمٍ
Kirundi Translation - Yusuf Gahiti Hanyuma bashozeko ikinyobwa kigizwe n’uruvange rw’amashira n’urwuya vy’abantu bo mu muriro vyasebuye bikaryimara;
See all translations of this verse →
ثُمَّ إِنَّ مَرْجِعَهُمْ لَإِلَى ٱلْجَحِيمِ
Kirundi Translation - Yusuf Gahiti Hanyuma iyegeranirizo ryabo inyuma y’ivyo vyose, ni mu bihano vyo mu muriro.
See all translations of this verse →
إِنَّهُمْ أَلْفَوْا۟ ءَابَآءَهُمْ ضَآلِّينَ
Kirundi Translation - Yusuf Gahiti Mu vy’ukuri ababangikanyamana, basanze ba se babo ari impuvyi mw’ibangikanyamana;
See all translations of this verse →
فَهُمْ عَلَىٰٓ ءَاثَٰرِهِمْ يُهْرَعُونَ
Kirundi Translation - Yusuf Gahiti Baraheza bacanacanako mu kubakurikira mu buhuvyi.
See all translations of this verse →
وَلَقَدْ ضَلَّ قَبْلَهُمْ أَكْثَرُ ٱلْأَوَّلِينَ
Kirundi Translation - Yusuf Gahiti Ntumwa y’Imana! Ni ukuri mu bantu bo hambere y’abo warungitsweko, harimwo benshi bahuvye;
See all translations of this verse →
وَلَقَدْ أَرْسَلْنَا فِيهِم مُّنذِرِينَ
Kirundi Translation - Yusuf Gahiti Ni ukuri, Twarabarungikiye Intumwa zibagabisha ku bihano vyacu, maze ntibumva, baragarariza.
See all translations of this verse →
فَٱنظُرْ كَيْفَ كَانَ عَٰقِبَةُ ٱلْمُنذَرِينَ
Kirundi Translation - Yusuf Gahiti Ntumwa y’Imana! Raba rero iherezo ry’abantu bagabishijwe maze ntibumva, ukuntu ryagenze, barahanwe bimwe vy’akarorero;
See all translations of this verse →
إِلَّا عِبَادَ ٱللَّهِ ٱلْمُخْلَصِينَ
Kirundi Translation - Yusuf Gahiti Kiretse abaja b’Imana Allah bayitumbera mu vyo bakora vyose, maze bakabikora ku bwayo, Igaheza Ikabakingira ibihano.
See all translations of this verse →
وَلَقَدْ نَادَىٰنَا نُوحٌ فَلَنِعْمَ ٱلْمُجِيبُونَ
Kirundi Translation - Yusuf Gahiti Ni ukuri, Nuhu amaze kwihebura ko abantu yarungitsweko batarota bamwemera, yaraduhamagaye Twebwe Allah kugira Tumutabare, maze asanga ni Twebwe Umwiza w’abatabazi yitabira uwumutabaje;
See all translations of this verse →
وَنَجَّيْنَٰهُ وَأَهْلَهُۥ مِنَ ٱلْكَرْبِ ٱلْعَظِيمِ
Kirundi Translation - Yusuf Gahiti Turaheza rero Turamurokora we n’umuryango wiwe hamwe n’abemeramana bari kumwe, Tubakura mu kaga ko gusomeshwa nturi y’akataraboneka;
See all translations of this verse →
وَجَعَلْنَا ذُرِّيَّتَهُۥ هُمُ ٱلْبَاقِينَ
Kirundi Translation - Yusuf Gahiti Maze Tugira uruvyaro rwa Nuhu kuba ari rwo rusigara rukarondoka inyuma yuko abantu yarungitsweko bahitanwa n’isegenya;
See all translations of this verse →
وَتَرَكْنَا عَلَيْهِ فِى ٱلْـَٔاخِرِينَ
Kirundi Translation - Yusuf Gahiti Tumuha no kuyagwa neza mu bantu bakurikiye gushika ku musi w’iherezo.
See all translations of this verse →
سَلَٰمٌ عَلَىٰ نُوحٍ فِى ٱلْعَٰلَمِينَ
Kirundi Translation - Yusuf Gahiti Harakayagwa neza rero Nuhu mw’iteka n’itekane mu biremwa vyose.
See all translations of this verse →
إِنَّا كَذَٰلِكَ نَجْزِى ٱلْمُحْسِنِينَ
Kirundi Translation - Yusuf Gahiti Ni nk’uko nyene rero mu vy’ukuri Twebwe Allah - Twahemvye Nuhu mu kuyagwa neza n’ibiremwa - Duhemba abagwaneza mu kwumvira Imana Allah.
See all translations of this verse →
إِنَّهُۥ مِنْ عِبَادِنَا ٱلْمُؤْمِنِينَ
Kirundi Translation - Yusuf Gahiti Mu vy’ukuri, Nuhu ari mu baja bacu b’abemeramana bubahiriza koko amabwirizwa yacu.
See all translations of this verse →
ثُمَّ أَغْرَقْنَا ٱلْـَٔاخَرِينَ
Kirundi Translation - Yusuf Gahiti Mu nyuma rero, ni ho Twebwe Allah, Twahonya abantu ba Nuhu bahakanye bivuye inyuma, maze bahitanwa n’isegenya.
See all translations of this verse →
وَإِنَّ مِن شِيعَتِهِۦ لَإِبْرَٰهِيمَ
Kirundi Translation - Yusuf Gahiti Mu vy’ukuri, mu bagendeye ukwemera-ndemanwa kwa Nuhu gushingiye ku kwemera no gusenga Imana Imwe Rudende Allah, ni Umuvugishwamana Ibrahimu;
See all translations of this verse →
إِذْ جَآءَ رَبَّهُۥ بِقَلْبٍ سَلِيمٍ
Kirundi Translation - Yusuf Gahiti Igihe yatumbera Imana yiwe Rurema Allah n’umutima wejejwe mu kutemera ibintazi n’ingeso mbi;
See all translations of this verse →
إِذْ قَالَ لِأَبِيهِ وَقَوْمِهِۦ مَاذَا تَعْبُدُونَ
Kirundi Translation - Yusuf Gahiti Igihe abwira se wiwe n’abantu yarungitsweko ati: “Ni ibiki musenga mu gishingo c’Imana Allah!
See all translations of this verse →
أَئِفْكًا ءَالِهَةً دُونَ ٱللَّهِ تُرِيدُونَ
Kirundi Translation - Yusuf Gahiti Karashize ingani, mukanagare mwihe gusenga imana z’irementanya ha gusenga Imana Imwe Rudende Allah!
See all translations of this verse →
فَمَا ظَنُّكُم بِرَبِّ ٱلْعَٰلَمِينَ
Kirundi Translation - Yusuf Gahiti Mbega none mwibaza iki ku co Imana Rurema w’ibiremwa vyose Yobahanisha mu gihe mwoyibangikanya!”.
See all translations of this verse →
فَنَظَرَ نَظْرَةً فِى ٱلنُّجُومِ
Kirundi Translation - Yusuf Gahiti Ni ho rero Ibrahimu yitegereza inyenyeri yiyumvira ico yobigobotoza mu kutajana na bo ku musi mukuru wabo;
See all translations of this verse →
فَقَالَ إِنِّى سَقِيمٌ
Kirundi Translation - Yusuf Gahiti Aca ababwira ati: “Mu vy’ukuri jewe ndarwaye”.
See all translations of this verse →
فَتَوَلَّوْا۟ عَنْهُ مُدْبِرِينَ
Kirundi Translation - Yusuf Gahiti Baraheza rero baramureka arasigara, na bo barabandanya ku musi mukuru wabo.
See all translations of this verse →
فَرَاغَ إِلَىٰٓ ءَالِهَتِهِمْ فَقَالَ أَلَا تَأْكُلُونَ
Kirundi Translation - Yusuf Gahiti Ni ho rero yagenda anyaragasa ahari ibigirwamana vyabo, aca abibwira atebura abinebagura ati: “Aho ga ntu, ntimwofungura kuri izi mfungurwa muterekerwa n’ababasenga!
See all translations of this verse →
مَا لَكُمْ لَا تَنطِقُونَ
Kirundi Translation - Yusuf Gahiti Mbega mwafashwe n’iki ko mutavuga, ngo mwishure n’uwubabajije!”.
See all translations of this verse →
فَرَاغَ عَلَيْهِمْ ضَرْبًۢا بِٱلْيَمِينِ
Kirundi Translation - Yusuf Gahiti Ni ho rero yarengera kuri nya bigirwamana, arabikubita n’ukuryo arabimenagura.
See all translations of this verse →
فَأَقْبَلُوٓا۟ إِلَيْهِ يَزِفُّونَ
Kirundi Translation - Yusuf Gahiti Ba bantu ni ho baja kumurondera baza batazambaye n’ishavu n’akantu;
See all translations of this verse →
قَالَ أَتَعْبُدُونَ مَا تَنْحِتُونَ
Kirundi Translation - Yusuf Gahiti Ibrahimu araheza ahura na bo ababwira ata co yinona ati: “Bishoboka gute ko musenga ivyo mwibaziye mwebwe nyene;
See all translations of this verse →
وَٱللَّهُ خَلَقَكُمْ وَمَا تَعْمَلُونَ
Kirundi Translation - Yusuf Gahiti Mugaheza mukareka kwiyegereza Imana Allah mu vyo mukora ntimunayisenge, kandi ari Yo Yabaremye, Ikarema n’ivyo mukora!”.
See all translations of this verse →
قَالُوا۟ ٱبْنُوا۟ لَهُۥ بُنْيَٰنًا فَأَلْقُوهُ فِى ٱلْجَحِيمِ
Kirundi Translation - Yusuf Gahiti Ba bantu bamaze kwumva ko ata kuri bafise ngo biregure, baciye babicisha mu ngimba babwirana hagati yabo bati: “Nimumwubakireko, maze mugire inkonge y'umuriro, muheze mumuteyo”.
See all translations of this verse →
فَأَرَادُوا۟ بِهِۦ كَيْدًا فَجَعَلْنَٰهُمُ ٱلْأَسْفَلِينَ
Kirundi Translation - Yusuf Gahiti Bagomvye rero kumugirira nabi ngo bamwice, Turaheza Twebwe Allah, Turabatsinda mu gutegeka nya muriro ko utohirahira ngo umukoreko.
See all translations of this verse →
وَقَالَ إِنِّى ذَاهِبٌ إِلَىٰ رَبِّى سَيَهْدِينِ
Kirundi Translation - Yusuf Gahiti Ibrahimu yababwiye ati: “Jewe mu vy’ukuri, ndimukiye aho nshobora kwiyegereza Imana yanje Rurema mu vyo nkora vyose ndanayisenga mu mwidegemvyo, Izoheza Inshikane ku vyiza mw’idini no mu buzima bwanje bwo kw’isi”;
See all translations of this verse →
رَبِّ هَبْ لِى مِنَ ٱلصَّٰلِحِينَ
Kirundi Translation - Yusuf Gahiti Araheza yitura Imana Allah ayisaba avuga ati: “Mana yanje Rurema Allah! Ndagusavye Umpe umwana mu beranda”;
See all translations of this verse →
فَبَشَّرْنَٰهُ بِغُلَٰمٍ حَلِيمٍ
Kirundi Translation - Yusuf Gahiti Twaramwumviye igisabisho ciwe, Turaheza Tumuha agakuru keza ko azoronswa umwana w’umuhungu azorangwa n’ubwitonzi nta ngere[3].
See all translations of this verse →
فَلَمَّا بَلَغَ مَعَهُ ٱلسَّعْىَ قَالَ يَٰبُنَىَّ إِنِّىٓ أَرَىٰ فِى ٱلْمَنَامِ أَنِّىٓ أَذْبَحُكَ فَٱنظُرْ مَاذَا تَرَىٰ قَالَ يَٰٓأَبَتِ ٱفْعَلْ مَا تُؤْمَرُ سَتَجِدُنِىٓ إِن شَآءَ ٱللَّهُ مِنَ ٱلصَّٰبِرِينَ
Kirundi Translation - Yusuf Gahiti Ismayili rero amaze gukura akagera mu bigero vyo kujana na Ibrahimu mu dukorwa twa misi yose, Ibrahimu yamubwiye ati: “Mwananje! Ni ukuri, jewe narose mbona vy’ukuri ndiko ndagukerera, none ubivuzeko iki?”. Ismayili yishuye se ata gushidikanya ati: “Da! Shira mu ngiro ivyo wategetswe n’Imana Allah, maze unkerere[4], nanje uza gusanga ku bushake bw’Imana Allah ndi mu bihangana mu kwumvira Imana Allah”.
See all translations of this verse →
فَلَمَّآ أَسْلَمَا وَتَلَّهُۥ لِلْجَبِينِ
Kirundi Translation - Yusuf Gahiti Bompi rero bamaze kwitegurira kwubahiriza iryo tegeko, maze Ibrahimu akarambika Ismayili hasi yubitse inda kugira amukerere;
See all translations of this verse →
وَنَٰدَيْنَٰهُ أَن يَٰٓإِبْرَٰهِيمُ
Kirundi Translation - Yusuf Gahiti Ni ho Twahamagara Ibrahimu muri ivyo bihe bigoye Duti: “Ewe Ibrahimu!
See all translations of this verse →
قَدْ صَدَّقْتَ ٱلرُّءْيَآ إِنَّا كَذَٰلِكَ نَجْزِى ٱلْمُحْسِنِينَ
Kirundi Translation - Yusuf Gahiti Ni ukuri, wamaze gushira mu ngiro ico wategetswe mu ndoto. Ni nk’uko nyene rero mu vy’ukuri Twebwe Allah - Twahemvye Ibrahimu kw’ishirwa mu ngiro ry’indoto yiwe - Duhemba abagwaneza mu kubakura mu vyago mu buzima bwo kw’isi no mu bw’inyuma yo gupfa;
See all translations of this verse →
إِنَّ هَٰذَا لَهُوَ ٱلْبَلَٰٓؤُا۟ ٱلْمُبِينُ
Kirundi Translation - Yusuf Gahiti Mu vy’ukuri ikererwa ry’umwana wawe Ismayili, ni ryo geragezwa rihambaye ryerekana ukuri kw’ukwemera kwawe”.
See all translations of this verse →
وَفَدَيْنَٰهُ بِذِبْحٍ عَظِيمٍ
Kirundi Translation - Yusuf Gahiti Ni ukwo rero Twarokoye Ismayili, haraheza hakererwa imbagwa y’intama mu kibanza ciwe.
See all translations of this verse →
وَتَرَكْنَا عَلَيْهِ فِى ٱلْـَٔاخِرِينَ
Kirundi Translation - Yusuf Gahiti Gutyo Duha Ibrahimu kuyagwa neza mu bantu bakurikiye gushika ku musi w’iherezo.
See all translations of this verse →
سَلَٰمٌ عَلَىٰٓ إِبْرَٰهِيمَ
Kirundi Translation - Yusuf Gahiti Ibrahimu arakagira amahoro, iteka n’itekane bivuye ku Mana Allah.
See all translations of this verse →
كَذَٰلِكَ نَجْزِى ٱلْمُحْسِنِينَ
Kirundi Translation - Yusuf Gahiti Ni nk’uko nyene rero Twebwe Allah - Twahemvye Ibrahimu ku kwubahiriza ibwirizwa ryacu - Duhemba abagwaneza.
See all translations of this verse →
إِنَّهُۥ مِنْ عِبَادِنَا ٱلْمُؤْمِنِينَ
Kirundi Translation - Yusuf Gahiti Mu vy’ukuri, Ibrahimu ari mu baja bacu b’abemeramana koko.
See all translations of this verse →
وَبَشَّرْنَٰهُ بِإِسْحَٰقَ نَبِيًّا مِّنَ ٱلصَّٰلِحِينَ
Kirundi Translation - Yusuf Gahiti Ibrahimu mu kumuhembera ukwihangana kw’ishirwa mu ngiro ry’ibwirizwa ryacu, Twaranamuhaye agakuru keza ko kuzoronswa umwana yitwa Is-haka, akazoba n’Umuvugishwamana mu Bavugishwamana beranda;
See all translations of this verse →
وَبَٰرَكْنَا عَلَيْهِ وَعَلَىٰٓ إِسْحَٰقَ وَمِن ذُرِّيَّتِهِمَا مُحْسِنٌ وَظَالِمٌ لِّنَفْسِهِۦ مُبِينٌ
Kirundi Translation - Yusuf Gahiti Maze Turamuhezagira we hamwe n’umwana wiwe Is-haka. Mu ruvyaro rwabo bompi rero, hahavuye habonekamwo umwumviramana w’umugwaneza koko, hamwe rero n’uwirenganya bimwe biboneka mu kugarariza.
See all translations of this verse →
وَلَقَدْ مَنَنَّا عَلَىٰ مُوسَىٰ وَهَٰرُونَ
Kirundi Translation - Yusuf Gahiti Ni ukuri Musa na murumunawe Haruna, Twarabateye iteka ryo kuba Intumwa;
See all translations of this verse →
وَنَجَّيْنَٰهُمَا وَقَوْمَهُمَا مِنَ ٱلْكَرْبِ ٱلْعَظِيمِ
Kirundi Translation - Yusuf Gahiti Turaheza Turabarokora bompi hamwe n’abantu babo mu vyago bihambaye vyo gusoma nturi;
See all translations of this verse →
وَنَصَرْنَٰهُمْ فَكَانُوا۟ هُمُ ٱلْغَٰلِبِينَ
Kirundi Translation - Yusuf Gahiti Maze Turabatabara, baranesha Firawuni hamwe n’abunganizi biwe;
See all translations of this verse →
وَءَاتَيْنَٰهُمَا ٱلْكِتَٰبَ ٱلْمُسْتَبِينَ
Kirundi Translation - Yusuf Gahiti Twaranabahaye Igitabu ca Tawurati gitomoye;
See all translations of this verse →
وَهَدَيْنَٰهُمَا ٱلصِّرَٰطَ ٱلْمُسْتَقِيمَ
Kirundi Translation - Yusuf Gahiti Tubarongora no mu nzira igororotse y’ubwislamu;
See all translations of this verse →
وَتَرَكْنَا عَلَيْهِمَا فِى ٱلْـَٔاخِرِينَ
Kirundi Translation - Yusuf Gahiti Gutyo, Tubaha kuyagwa neza mu bantu bakurikiye gushika ku musi w’iherezo.
See all translations of this verse →
سَلَٰمٌ عَلَىٰ مُوسَىٰ وَهَٰرُونَ
Kirundi Translation - Yusuf Gahiti Musa na murumunawe Haruna barakagira amahoro, iteka n’itekane bivuye ku Mana Allah.
See all translations of this verse →
إِنَّا كَذَٰلِكَ نَجْزِى ٱلْمُحْسِنِينَ
Kirundi Translation - Yusuf Gahiti Ni nk’uko nyene rero Twebwe Allah - Twahemvye Musa na Haruna - Duhemba abagwaneza b’imvugakuri.
See all translations of this verse →
إِنَّهُمَا مِنْ عِبَادِنَا ٱلْمُؤْمِنِينَ
Kirundi Translation - Yusuf Gahiti Mu vy’ukuri Musa na murumunawe Haruna, bari mu baja bacu b’abemeramana koko.
See all translations of this verse →
وَإِنَّ إِلْيَاسَ لَمِنَ ٱلْمُرْسَلِينَ
Kirundi Translation - Yusuf Gahiti Mu vy’ukuri Ilyaasi, ni ukuri ari mu bo Twateye iteka ryo kuba Intumwa;
See all translations of this verse →
إِذْ قَالَ لِقَوْمِهِۦٓ أَلَا تَتَّقُونَ
Kirundi Translation - Yusuf Gahiti Igihe yabwira abantu biwe yarungitsweko muri Bene Israyeli ati: “Nimutinye ibihano vy’Imana Allah, ntimuhirahire ngo muyibangikanye;
See all translations of this verse →
أَتَدْعُونَ بَعْلًا وَتَذَرُونَ أَحْسَنَ ٱلْخَٰلِقِينَ
Kirundi Translation - Yusuf Gahiti Bishoboka gute ko musenga ikigirwamana ata na kimwe gishoboye, mukirengagiza gusenga Umwiza w’abaremyi;
See all translations of this verse →
ٱللَّهَ رَبَّكُمْ وَرَبَّ ءَابَآئِكُمُ ٱلْأَوَّلِينَ
Kirundi Translation - Yusuf Gahiti Imana yanyu Rurema Allah Yabaremye, Ikaba ari na Yo Mana Yaremye ba so aho hambere yanyu!”.
See all translations of this verse →
فَكَذَّبُوهُ فَإِنَّهُمْ لَمُحْضَرُونَ
Kirundi Translation - Yusuf Gahiti Abantu Ilyaasi yarungitsweko rero, baramuhakanye bivuye inyuma. Mu vy’ukuri ku musi w’izuka, bazokwegeranirizwa ku Mana Allah kugira Ibahanire ivyo bakoze;
See all translations of this verse →
إِلَّا عِبَادَ ٱللَّهِ ٱلْمُخْلَصِينَ
Kirundi Translation - Yusuf Gahiti Kiretse abaja b’Imana Allah bejeje idini ryayo, abo ntibazohanwa.
See all translations of this verse →
وَتَرَكْنَا عَلَيْهِ فِى ٱلْـَٔاخِرِينَ
Kirundi Translation - Yusuf Gahiti Ilyaasi Twamuhaye kuyagwa neza mu bantu bakurikiye gushika ku musi w’iherezo.
See all translations of this verse →
سَلَٰمٌ عَلَىٰٓ إِلْ يَاسِينَ
Kirundi Translation - Yusuf Gahiti Ilyaasi arakagira amahoro, iteka n’itekane bivuye ku Mana Allah.
See all translations of this verse →
إِنَّا كَذَٰلِكَ نَجْزِى ٱلْمُحْسِنِينَ
Kirundi Translation - Yusuf Gahiti Mu vy’ukuri, ni nk’uko nyene rero Twebwe Allah - Twahemvye Ilyaasi kw’igamburukiramana ryiwe - Duhemba abagwaneza mu bemeramana.
See all translations of this verse →
إِنَّهُۥ مِنْ عِبَادِنَا ٱلْمُؤْمِنِينَ
Kirundi Translation - Yusuf Gahiti Mu vy’ukuri Ilyaasi, ari mu baja bacu bubahiriza koko amabwirizwa yacu.
See all translations of this verse →
وَإِنَّ لُوطًا لَّمِنَ ٱلْمُرْسَلِينَ
Kirundi Translation - Yusuf Gahiti Mu vy’ukuri Luutwi, ni ukuri ari mu bo Twateye iteka ryo kuba Intumwa;
See all translations of this verse →
إِذْ نَجَّيْنَٰهُ وَأَهْلَهُۥٓ أَجْمَعِينَ
Kirundi Translation - Yusuf Gahiti Igihe Twamurokora we hamwe n’umuryango wiwe mu bihano;
See all translations of this verse →
إِلَّا عَجُوزًا فِى ٱلْغَٰبِرِينَ
Kirundi Translation - Yusuf Gahiti Kiretse umukecuru ari aho, yahonejwe mu bandi ku bubegito bwiwe.
See all translations of this verse →
ثُمَّ دَمَّرْنَا ٱلْـَٔاخَرِينَ
Kirundi Translation - Yusuf Gahiti Mu nyuma rero, ni ho Twahonya vy’akarorero abahakanyi mu bantu ba Luutwi.
See all translations of this verse →
وَإِنَّكُمْ لَتَمُرُّونَ عَلَيْهِم مُّصْبِحِينَ
Kirundi Translation - Yusuf Gahiti Bantu b’i Makka! Mu vy’ukuri mu ruja n’uruza rwanyu, ni ukuri mwama muzinduka muca ahahoze imihana y’abantu ba Luutwi;
See all translations of this verse →
وَبِٱلَّيْلِ أَفَلَا تَعْقِلُونَ
Kirundi Translation - Yusuf Gahiti Mukanagorobeza muhaca. Ubwo ntimwogarura akenge mugatinya ko mwoshikirwa n’ivyabashikiye.
See all translations of this verse →
وَإِنَّ يُونُسَ لَمِنَ ٱلْمُرْسَلِينَ
Kirundi Translation - Yusuf Gahiti Mu vy’ukuri Yunusu, ni ukuri ari mu bo Twateye iteka ryo kuba Intumwa;
See all translations of this verse →
إِذْ أَبَقَ إِلَى ٱلْفُلْكِ ٱلْمَشْحُونِ
Kirundi Translation - Yusuf Gahiti Igihe atwarwa n’agashavu agata abantu biwe yarungitsweko, agahungira mu bwato bwuzuye abantu n’ibintu;
See all translations of this verse →
فَسَاهَمَ فَكَانَ مِنَ ٱلْمُدْحَضِينَ
Kirundi Translation - Yusuf Gahiti Maze nya bwato bukubitwa n’imikuba iturutse irya n’ino, biba ngombwa ko baburemururira kugira ntibwibire. Ni ho rero bagira tombora ku kuraba uwotabwa mw’ibahari, maze amajwi yose agwa kuri Yunusu;
See all translations of this verse →
فَٱلْتَقَمَهُ ٱلْحُوتُ وَهُوَ مُلِيمٌ
Kirundi Translation - Yusuf Gahiti Araheza atabwa mw’ibahari, ifi amahanga iba yamubonye nk’ejo ica iramusama, iramutamira ku mwikomo yari afitiwe n’Imana Allah.
See all translations of this verse →
فَلَوْلَآ أَنَّهُۥ كَانَ مِنَ ٱلْمُسَبِّحِينَ
Kirundi Translation - Yusuf Gahiti Iyo Yunusu rero ataba ari mu bantu barangwa no gukora ivyiza imbere yuko atamirwa na nya fi, hanyuma akaguma aninahaza yongera atazira Imana Allah ari mu nda yayo[5];
See all translations of this verse →
لَلَبِثَ فِى بَطْنِهِۦٓ إِلَىٰ يَوْمِ يُبْعَثُونَ
Kirundi Translation - Yusuf Gahiti Ni ukuri yari gupfira mu nda yayo, maze akagumayo gushika ku musi w’izurwa ry’ibiremwa.
See all translations of this verse →
فَنَبَذْنَٰهُ بِٱلْعَرَآءِ وَهُوَ سَقِيمٌ
Kirundi Translation - Yusuf Gahiti Ni ho rero Twamukura muri nya fi Tukamuterera kw’isi y’ubugaragwa, yarushe yacitse intere;
See all translations of this verse →
وَأَنۢبَتْنَا عَلَيْهِ شَجَرَةً مِّن يَقْطِينٍ
Kirundi Translation - Yusuf Gahiti Turaheza Tumunagishiriza igiti c’uruyuzi kimuha agatutu, akanagifungurako gushika atore mitende.
See all translations of this verse →
وَأَرْسَلْنَٰهُ إِلَىٰ مِا۟ئَةِ أَلْفٍ أَوْ يَزِيدُونَ
Kirundi Translation - Yusuf Gahiti Mu nyuma, Twahavuye Tumurungika ku bantu ibihumbi ijana, mbere n’abarenga;
See all translations of this verse →
فَـَٔامَنُوا۟ فَمَتَّعْنَٰهُمْ إِلَىٰ حِينٍ
Kirundi Translation - Yusuf Gahiti Maze baramwemera baranashira mu ngiro ivyo abigisha, Duca Tubaha kuryoherwa n’ubuzima bwo kw’isi gushika kw’isango ryo gupfa kwabo.
See all translations of this verse →
فَٱسْتَفْتِهِمْ أَلِرَبِّكَ ٱلْبَنَاتُ وَلَهُمُ ٱلْبَنُونَ
Kirundi Translation - Yusuf Gahiti Ntumwa y’Imana! Baza abantu warungitsweko ukuntu bubahuka bakomekera abakobwa ku Mana yawe Rurema Allah ku rwanko gusa babafitiye, maze bakigenera abahungu ku rukundo babafitiye!
See all translations of this verse →
أَمْ خَلَقْنَا ٱلْمَلَٰٓئِكَةَ إِنَٰثًا وَهُمْ شَٰهِدُونَ
Kirundi Translation - Yusuf Gahiti Babaze kandi bakwereke ko ariho bari bari, igihe Twebwe Allah Turema abamalayika ari abakobwa nk’uko babivuga!
See all translations of this verse →
أَلَآ إِنَّهُم مِّنْ إِفْكِهِمْ لَيَقُولُونَ
Kirundi Translation - Yusuf Gahiti Emwe bantu! Nimwumve mwumvireho! Ni ukuri mu binyoma vy’ababangikanyamana, bavuga ko;
See all translations of this verse →
وَلَدَ ٱللَّهُ وَإِنَّهُمْ لَكَٰذِبُونَ
Kirundi Translation - Yusuf Gahiti Imana Allah Yavyaye. Mu vy’ukuri, barabesha bagaheba bakanyomoza ku kuvuga ivyo batazi.
See all translations of this verse →
أَصْطَفَى ٱلْبَنَاتِ عَلَى ٱلْبَنِينَ
Kirundi Translation - Yusuf Gahiti Imana Allah Yokwihitiramwo gute abakobwa Ikirengagiza abahungu!
See all translations of this verse →
مَا لَكُمْ كَيْفَ تَحْكُمُونَ
Kirundi Translation - Yusuf Gahiti Bantu! Iyo, ni ingingo mbi cane mwishingira, ko Imana Allah Yigeneye abakobwa mu biremwa, na mwe Ikabagenera abahungu!
See all translations of this verse →
أَفَلَا تَذَكَّرُونَ
Kirundi Translation - Yusuf Gahiti Ubwo ntimwokwibuka mukamenya ko bitabereye namba ko Imana Allah Yitirirwa umwana! Ntibikabe.
See all translations of this verse →
أَمْ لَكُمْ سُلْطَٰنٌ مُّبِينٌ
Kirundi Translation - Yusuf Gahiti Canke mwoba mufise ku vyo muvuga, icemezo gitomoye gishingiye ku bumenyi!
See all translations of this verse →
فَأْتُوا۟ بِكِتَٰبِكُمْ إِن كُنتُمْ صَٰدِقِينَ
Kirundi Translation - Yusuf Gahiti Nimwaba rero mufise nya cemezo kiri mu Gitabu c’Imana Allah, enda nyabuna rero, nimukizane nimwaba muri imvugakuri koko!
See all translations of this verse →
وَجَعَلُوا۟ بَيْنَهُۥ وَبَيْنَ ٱلْجِنَّةِ نَسَبًا وَلَقَدْ عَلِمَتِ ٱلْجِنَّةُ إِنَّهُمْ لَمُحْضَرُونَ
Kirundi Translation - Yusuf Gahiti Ababangikanyamana bibwira ko Imana Allah hari ico Ipfana n’abamalayika gishingiye ku maraso. Ni ukuri abamalayika, barazi neza ko ababangikanyamana bazokwegeranirizwa mu bihano ku musi w’izuka.
See all translations of this verse →
سُبْحَٰنَ ٱللَّهِ عَمَّا يَصِفُونَ
Kirundi Translation - Yusuf Gahiti Nihaninahazwe rero Imana Allah mu buryo burengeye cane ivyo ababangikanyamana bayomekera.
See all translations of this verse →
إِلَّا عِبَادَ ٱللَّهِ ٱلْمُخْلَصِينَ
Kirundi Translation - Yusuf Gahiti Ariko rero, abaja b’Imana Allah bemera koko bakeza n’idini ryayo, ntibavuga ku Mana Allah, kiretse ibiberanye n’icubahiro cayo.
See all translations of this verse →
فَإِنَّكُمْ وَمَا تَعْبُدُونَ
Kirundi Translation - Yusuf Gahiti Babangikanyamana! Mu vy’ukuri mwebwe hamwe n’ibigirwamana musenga mu gishingo c’Imana Allah;
See all translations of this verse →
مَآ أَنتُمْ عَلَيْهِ بِفَٰتِنِينَ
Kirundi Translation - Yusuf Gahiti Ntimushoboye guhubisha n’umwe mu biremwa;
See all translations of this verse →
إِلَّا مَنْ هُوَ صَالِ ٱلْجَحِيمِ
Kirundi Translation - Yusuf Gahiti Kiretse uwagenewe kuja mu muriro ku bugarariji bwiwe.
See all translations of this verse →
وَمَا مِنَّآ إِلَّا لَهُۥ مَقَامٌ مَّعْلُومٌ
Kirundi Translation - Yusuf Gahiti Abamalayika bazovuga bati: “Nta n’umwe muri twebwe, kiretse ko afise ahantu hazwi mw’ijuru adashobora kurenga;
See all translations of this verse →
وَإِنَّا لَنَحْنُ ٱلصَّآفُّونَ
Kirundi Translation - Yusuf Gahiti Mu vy’ukuri twebwe, turatonda mu runani, ku murongo mu gusenga Imana Allah no mu kuyumvira;
See all translations of this verse →
وَإِنَّا لَنَحْنُ ٱلْمُسَبِّحُونَ
Kirundi Translation - Yusuf Gahiti Mu vy’ukuri twebwe, tuninahaza twongera dutazira Imana Allah, mu buryo buri kure cane y’ibitaberanye n'icubahiro cayo”.
See all translations of this verse →
وَإِن كَانُوا۟ لَيَقُولُونَ
Kirundi Translation - Yusuf Gahiti Ntumwa y’Imana! Mu vy’ukuri ababangikanyamana, ni ukuri bahora binamura bakavuga imbere y’irungikwa ryawe bati:
See all translations of this verse →
لَوْ أَنَّ عِندَنَا ذِكْرًا مِّنَ ٱلْأَوَّلِينَ
Kirundi Translation - Yusuf Gahiti “Ese iyo dushikirwa n’Ibitabu n’Intumwa nk’ivyashikiriye abo hambere yacu;
See all translations of this verse →
لَكُنَّا عِبَادَ ٱللَّهِ ٱلْمُخْلَصِينَ
Kirundi Translation - Yusuf Gahiti Ni ukuri twari kuba abaja b’Imana Allah, bemera koko bakeza n’idini ryayo”.
See all translations of this verse →
فَكَفَرُوا۟ بِهِۦ فَسَوْفَ يَعْلَمُونَ
Kirundi Translation - Yusuf Gahiti Igihe bashikirwa rero n’Igibabu ca Qor’ani n’Intumwa Muhamadi (nyakugira amahoro n’impuhwe z’Imana Allah), barabigararije bivuye inyuma. Bitebe bitebuke rero, bazomenya ibihano bibarindiriye mu buzima bw’inyuma yo gupfa.
See all translations of this verse →
وَلَقَدْ سَبَقَتْ كَلِمَتُنَا لِعِبَادِنَا ٱلْمُرْسَلِينَ
Kirundi Translation - Yusuf Gahiti Ni ukuri ijambo ryacu Twebwe Allah, ryaramaze gushingwa ku baja bacu mu Ntumwa;
See all translations of this verse →
إِنَّهُمْ لَهُمُ ٱلْمَنصُورُونَ
Kirundi Translation - Yusuf Gahiti Ko mu vy’ukuri ari bo bategerezwa gutsinda no kunesha abansi babo;
See all translations of this verse →
وَإِنَّ جُندَنَا لَهُمُ ٱلْغَٰلِبُونَ
Kirundi Translation - Yusuf Gahiti N’uko ingabo zacu ziduharanira, zitegerezwa kunesha abansi bazo, kuko ari zo zeniherezo ryiza.
See all translations of this verse →
فَتَوَلَّ عَنْهُمْ حَتَّىٰ حِينٍ
Kirundi Translation - Yusuf Gahiti Ntumwa y’Imana! Irengagize abatemera ubarabishe amaso, gushika igihe bagenewe kubaho gihere maze bapfe, hanyuma bahanwe;
See all translations of this verse →
وَأَبْصِرْهُمْ فَسَوْفَ يُبْصِرُونَ
Kirundi Translation - Yusuf Gahiti Tenyenya rero, uzoheza wirabire ibizobashikira ku kugarariza kwabo, bitebe bitebuke, na bo nyene bazoheza bibonereko ibizobashikira mu bihano!
See all translations of this verse →
أَفَبِعَذَابِنَا يَسْتَعْجِلُونَ
Kirundi Translation - Yusuf Gahiti Ntumwa y’Imana! Karashize ingani bihutire gusaba ko ibihano vyacu bibashikira!
See all translations of this verse →
فَإِذَا نَزَلَ بِسَاحَتِهِمْ فَسَآءَ صَبَاحُ ٱلْمُنذَرِينَ
Kirundi Translation - Yusuf Gahiti Burya, igihe bashikiwe n’ibihano vyacu, hazoba ari igitondo kibi cane ku bagabishijwe hanyuma ntibumva!
See all translations of this verse →
وَتَوَلَّ عَنْهُمْ حَتَّىٰ حِينٍ
Kirundi Translation - Yusuf Gahiti Ntumwa y’Imana! Birengagize ubarabishe amaso rero, gushika igihe bashikiwe n’ibihano vy’Imana Allah;
See all translations of this verse →
وَأَبْصِرْ فَسَوْفَ يُبْصِرُونَ
Kirundi Translation - Yusuf Gahiti Tenyenya rero uzoheza wirabire ibizobashikira ku kugarariza kwabo; bitebe bitebuke, na bo nyene bazokwibonerako ibizobashikira mu bihano!
See all translations of this verse →
سُبْحَٰنَ رَبِّكَ رَبِّ ٱلْعِزَّةِ عَمَّا يَصِفُونَ
Kirundi Translation - Yusuf Gahiti Nihaninahazwe rero Imana yawe Rurema Allah, Nyenicubahiro c’iteka mu buryo burengeye cane ivyo ababangikanyamana bayomekera.
See all translations of this verse →
وَسَلَٰمٌ عَلَى ٱلْمُرْسَلِينَ
Kirundi Translation - Yusuf Gahiti Intumwa zose rero zirakagira amahoro, iteka n’itekane bivuye ku Mana Allah.
See all translations of this verse →
وَٱلْحَمْدُ لِلَّهِ رَبِّ ٱلْعَٰلَمِينَ
Kirundi Translation - Yusuf Gahiti Nihashimagizwe Imana Allah, Umubungabunzi w’ibiremwa vyose mu buzima bwo kw’isi no mu bw’inyuma yo gupfa.
See all translations of this verse →
← Surah Yaseen Surah Saad →
Looking for a topic? Try the meaning search — your question is scanned across all 6,236 verses.
→
Arabic text and translations via Tanzil and QuranEnc — verbatim, unmodified · Translations belong to their translators and are not the Qur'an itself