Súrà Ad-Dukhaan — 59 verses

بِسْمِ ٱللَّهِ ٱلرَّحْمَٰنِ ٱلرَّحِيمِ حمٓ

Yoruba Translation - Abu Rahimah MikaelHā mīm. (Allāhu ló mọ ohun tí Ó gbàlérò pẹ̀lú àwọn háràfí náà.)[1]

See all translations of this verse →

Súrà Ad-Dukhaan, ẹsẹ 2

وَٱلْكِتَٰبِ ٱلْمُبِينِ

Yoruba Translation - Abu Rahimah Mikael(Allāhu) fi Tírà tó ń yanjú ọ̀rọ̀ ẹ̀dá búra.

See all translations of this verse →

Súrà Ad-Dukhaan, ẹsẹ 3

إِنَّآ أَنزَلْنَٰهُ فِى لَيْلَةٍ مُّبَٰرَكَةٍ إِنَّا كُنَّا مُنذِرِينَ

Yoruba Translation - Abu Rahimah MikaelDájúdájú Àwa sọ̀ ọ́ kalẹ̀ nínú òru ìbùkún.[1] Dájúdájú Àwa ń jẹ́ Olùkìlọ̀.

See all translations of this verse →

Súrà Ad-Dukhaan, ẹsẹ 4

فِيهَا يُفْرَقُ كُلُّ أَمْرٍ حَكِيمٍ

Yoruba Translation - Abu Rahimah MikaelNínú òru náà ni wọ́n ti máa yanjú gbogbo ọ̀rọ̀ tí kò níí tàsé (lórí ẹ̀dá).

See all translations of this verse →

Súrà Ad-Dukhaan, ẹsẹ 5

أَمْرًا مِّنْ عِندِنَآ إِنَّا كُنَّا مُرْسِلِينَ

Yoruba Translation - Abu Rahimah MikaelÀṣẹ kan ni láti ọ̀dọ̀ Wa. Dájúdájú Àwa l’À ń rán àwọn Òjíṣẹ́ níṣẹ́.

See all translations of this verse →

Súrà Ad-Dukhaan, ẹsẹ 6

رَحْمَةً مِّن رَّبِّكَ إِنَّهُۥ هُوَ ٱلسَّمِيعُ ٱلْعَلِيمُ

Yoruba Translation - Abu Rahimah MikaelÌkẹ́ kan ni láti ọ̀dọ̀ Olúwa rẹ. Dájúdájú Allāhu, Òun ni Olùgbọ́, Onímọ̀.

See all translations of this verse →

Súrà Ad-Dukhaan, ẹsẹ 7

رَبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَآ إِن كُنتُم مُّوقِنِينَ

Yoruba Translation - Abu Rahimah MikaelOlúwa àwọn sánmọ̀ àti ilẹ̀ àti ohunkóhun tí ń bẹ láààrin méjèèjì tí ẹ̀yin bá jẹ́ alámọ̀dájú.

See all translations of this verse →

Súrà Ad-Dukhaan, ẹsẹ 8

لَآ إِلَٰهَ إِلَّا هُوَ يُحْىِۦ وَيُمِيتُ رَبُّكُمْ وَرَبُّ ءَابَآئِكُمُ ٱلْأَوَّلِينَ

Yoruba Translation - Abu Rahimah MikaelKò sí ọlọ́hun kan tí ẹ gbọ́dọ̀ jọ́sìn fún ní ọ̀nà òdodo àyàfi Òun. Ó ń sọ ẹ̀dá di alààyè. Ó sì ń sọ ẹ̀dá di òkú. Olúwa yín àti Olúwa àwọn bàbá yín, àwọn ẹni àkọ́kọ́.

See all translations of this verse →

Súrà Ad-Dukhaan, ẹsẹ 9

بَلْ هُمْ فِى شَكٍّ يَلْعَبُونَ

Yoruba Translation - Abu Rahimah MikaelSíbẹ̀, wọ́n sì wà nínú iyèméjì, tí wọ́n ń ṣeré.

See all translations of this verse →

Súrà Ad-Dukhaan, ẹsẹ 10

فَٱرْتَقِبْ يَوْمَ تَأْتِى ٱلسَّمَآءُ بِدُخَانٍ مُّبِينٍ

Yoruba Translation - Abu Rahimah MikaelNítorí náà, máa retí ọjọ́ tí sánmọ̀ yóò mú èéfín pọ́nńbélé wá.

See all translations of this verse →

Súrà Ad-Dukhaan, ẹsẹ 11

يَغْشَى ٱلنَّاسَ هَٰذَا عَذَابٌ أَلِيمٌ

Yoruba Translation - Abu Rahimah MikaelÓ máa bo àwọn ènìyàn mọ́lẹ̀. Èyí ni ìyà ẹlẹ́ta-eléro.

See all translations of this verse →

Súrà Ad-Dukhaan, ẹsẹ 12

رَّبَّنَا ٱكْشِفْ عَنَّا ٱلْعَذَابَ إِنَّا مُؤْمِنُونَ

Yoruba Translation - Abu Rahimah Mikael(Àwọn ènìyàn yóò wí pé): Olúwa wa, gbé ìyà náà kúrò fún wa, dájúdájú àwa yóò gbàgbọ́ ní òdodo.

See all translations of this verse →

Súrà Ad-Dukhaan, ẹsẹ 13

أَنَّىٰ لَهُمُ ٱلذِّكْرَىٰ وَقَدْ جَآءَهُمْ رَسُولٌ مُّبِينٌ

Yoruba Translation - Abu Rahimah MikaelBáwo ni ìrántí ṣe lè wúlò fún wọn (lásìkò ìyà)? Òjíṣẹ́ pọ́nńbélé kúkú ti dé bá wọn.

See all translations of this verse →

Súrà Ad-Dukhaan, ẹsẹ 14

ثُمَّ تَوَلَّوْا۟ عَنْهُ وَقَالُوا۟ مُعَلَّمٌ مَّجْنُونٌ

Yoruba Translation - Abu Rahimah Mikaelnáà, wọ́n gbúnrí kúrò ní ọ̀dọ̀ rẹ̀. Wọ́n sì wí pé: “Wèrè tí àwọn ènìyàn kan ń kọ́ ní ẹ̀kọ́ ni.”

See all translations of this verse →

Súrà Ad-Dukhaan, ẹsẹ 15

إِنَّا كَاشِفُوا۟ ٱلْعَذَابِ قَلِيلًا إِنَّكُمْ عَآئِدُونَ

Yoruba Translation - Abu Rahimah MikaelDájúdájú Àwa máa gbé ìyà náà kúrò fún ìgbà díẹ̀. Dájúdájú ẹ̀yin yóò tún padà (sínú àìgbàgbọ́).

See all translations of this verse →

Súrà Ad-Dukhaan, ẹsẹ 16

يَوْمَ نَبْطِشُ ٱلْبَطْشَةَ ٱلْكُبْرَىٰٓ إِنَّا مُنتَقِمُونَ

Yoruba Translation - Abu Rahimah MikaelỌjọ́ tí A óò gbá (wọn mú) ní ìgbámú tó tóbi jùlọ; dájúdájú Àwa yóò gba ẹ̀san ìyà (lára wọn).

See all translations of this verse →

Súrà Ad-Dukhaan, ẹsẹ 17

وَلَقَدْ فَتَنَّا قَبْلَهُمْ قَوْمَ فِرْعَوْنَ وَجَآءَهُمْ رَسُولٌ كَرِيمٌ

Yoruba Translation - Abu Rahimah MikaelDájúdájú A dán àwọn ènìyàn Fir‘aon wò ṣíwájú wọn. Òjíṣẹ́ alápọ̀n-ọ́nlé sì dé wá bá wọn.

See all translations of this verse →

Súrà Ad-Dukhaan, ẹsẹ 18

أَنْ أَدُّوٓا۟ إِلَىَّ عِبَادَ ٱللَّهِ إِنِّى لَكُمْ رَسُولٌ أَمِينٌ

Yoruba Translation - Abu Rahimah Mikael(Ó sọ pé): “Ẹ kó àwọn ẹrúsìn Allāhu lé mi lọ́wọ́. Dájúdájú èmi ni Òjíṣẹ́ olùfọkàntán fún yín.

See all translations of this verse →

Súrà Ad-Dukhaan, ẹsẹ 19

وَأَن لَّا تَعْلُوا۟ عَلَى ٱللَّهِ إِنِّىٓ ءَاتِيكُم بِسُلْطَٰنٍ مُّبِينٍ

Yoruba Translation - Abu Rahimah MikaelẸ má ṣe ṣègbéraga sí Allāhu. Dájúdájú èmi ti mú ẹ̀rí pọ́nńbélé wá ba yín.

See all translations of this verse →

Súrà Ad-Dukhaan, ẹsẹ 20

وَإِنِّى عُذْتُ بِرَبِّى وَرَبِّكُمْ أَن تَرْجُمُونِ

Yoruba Translation - Abu Rahimah MikaelDájúdájú Èmi sá di Olúwa mi àti Olúwa yín pé kí ẹ má ṣe sọ mí ní òkò.

See all translations of this verse →

Súrà Ad-Dukhaan, ẹsẹ 21

وَإِن لَّمْ تُؤْمِنُوا۟ لِى فَٱعْتَزِلُونِ

Yoruba Translation - Abu Rahimah MikaelTí ẹ kò bá sì gbà mí gbọ́, ẹ fi mí sílẹ̀ jẹ́.”

See all translations of this verse →

Súrà Ad-Dukhaan, ẹsẹ 22

فَدَعَا رَبَّهُۥٓ أَنَّ هَٰٓؤُلَآءِ قَوْمٌ مُّجْرِمُونَ

Yoruba Translation - Abu Rahimah MikaelNítorí náà, ó pe Olúwa rẹ̀ pé dájúdájú àwọn wọ̀nyí ni ìjọ ẹlẹ́sẹ̀.

See all translations of this verse →

Súrà Ad-Dukhaan, ẹsẹ 23

فَأَسْرِ بِعِبَادِى لَيْلًا إِنَّكُم مُّتَّبَعُونَ

Yoruba Translation - Abu Rahimah Mikael(Allāhu sọ pé): “Mú àwọn ẹrúsìn Mi rìn ní alẹ́ (nítorí pé) wọn yóò tọ̀ yín lẹ́yìn.

See all translations of this verse →

Súrà Ad-Dukhaan, ẹsẹ 24

وَٱتْرُكِ ٱلْبَحْرَ رَهْوًا إِنَّهُمْ جُندٌ مُّغْرَقُونَ

Yoruba Translation - Abu Rahimah MikaelKí o sì fi agbami òkun náà sílẹ̀ (ná) kí ó dákẹ́ rọ́rọ́ láì níí ru (kí ojú ọ̀nà tí ẹ tọ̀ nínú rẹ̀ lè wà bẹ́ẹ̀, kí Fir‘aon àti ọmọ-ogun rẹ̀ lè kó sójú-ọ̀nà náà). Dájúdájú àwọn ni ọmọ ogun tí A máa tẹ̀rì sínú rẹ̀.

See all translations of this verse →

Súrà Ad-Dukhaan, ẹsẹ 25

كَمْ تَرَكُوا۟ مِن جَنَّٰتٍ وَعُيُونٍ

Yoruba Translation - Abu Rahimah MikaelMélòó mélòó nínú àwọn ọgbà oko àti odò ìṣẹ́lẹ̀rú tí wọ́n fi sílẹ̀ (lẹ́yìn ìparun wọn).

See all translations of this verse →

Súrà Ad-Dukhaan, ẹsẹ 26

وَزُرُوعٍ وَمَقَامٍ كَرِيمٍ

Yoruba Translation - Abu Rahimah MikaelÀti àwọn irúgbìn pẹ̀lú àyè àpọ́nlé (tí wọ́n fi sílẹ̀).

See all translations of this verse →

Súrà Ad-Dukhaan, ẹsẹ 27

وَنَعْمَةٍ كَانُوا۟ فِيهَا فَٰكِهِينَ

Yoruba Translation - Abu Rahimah MikaelÀti ìdẹ̀ra tí wọ́n ń gbádùn nínú rẹ̀ (ṣíwájú ìparun wọn).

See all translations of this verse →

Súrà Ad-Dukhaan, ẹsẹ 28

كَذَٰلِكَ وَأَوْرَثْنَٰهَا قَوْمًا ءَاخَرِينَ

Yoruba Translation - Abu Rahimah MikaelBáyẹn (ni ọ̀rọ̀ wọn ṣe rí). A sì jogún (ìlú) wọ́n fún ìjọ ènìyàn mìíràn.

See all translations of this verse →

Súrà Ad-Dukhaan, ẹsẹ 29

فَمَا بَكَتْ عَلَيْهِمُ ٱلسَّمَآءُ وَٱلْأَرْضُ وَمَا كَانُوا۟ مُنظَرِينَ

Yoruba Translation - Abu Rahimah MikaelNígbà náà, sánmọ̀ àti ilẹ̀ kò sunkún wọn. Wọn kò sì fi ìyà wọn falẹ̀.

See all translations of this verse →

Súrà Ad-Dukhaan, ẹsẹ 30

وَلَقَدْ نَجَّيْنَا بَنِىٓ إِسْرَٰٓءِيلَ مِنَ ٱلْعَذَابِ ٱلْمُهِينِ

Yoruba Translation - Abu Rahimah MikaelDájúdájú A gba àwọn ọmọ ’Isrọ̄’īl là nínú ìyà yẹpẹrẹ.

See all translations of this verse →

Súrà Ad-Dukhaan, ẹsẹ 31

مِن فِرْعَوْنَ إِنَّهُۥ كَانَ عَالِيًا مِّنَ ٱلْمُسْرِفِينَ

Yoruba Translation - Abu Rahimah Mikael(A là wọ́n) lọ́wọ́ Fir‘aon. Dájúdájú ó jẹ́ onígbèéraga. Ó sì wà nínú àwọn alákọyọ.

See all translations of this verse →

Súrà Ad-Dukhaan, ẹsẹ 32

وَلَقَدِ ٱخْتَرْنَٰهُمْ عَلَىٰ عِلْمٍ عَلَى ٱلْعَٰلَمِينَ

Yoruba Translation - Abu Rahimah MikaelA kúkú ṣà wọ́n lẹ́ṣà lórí àwọn ẹ̀dá (àsìkò tiwọn) pẹ̀lú ìmọ̀ (tí a mọ̀ nípa wọn).[1]

See all translations of this verse →

Súrà Ad-Dukhaan, ẹsẹ 33

وَءَاتَيْنَٰهُم مِّنَ ٱلْـَٔايَٰتِ مَا فِيهِ بَلَٰٓؤٌا۟ مُّبِينٌ

Yoruba Translation - Abu Rahimah MikaelA sì fún wọn ní àwọn àmì tí àdánwò pọ́nńbélé wà nínú rẹ̀.

See all translations of this verse →

Súrà Ad-Dukhaan, ẹsẹ 34

إِنَّ هَٰٓؤُلَآءِ لَيَقُولُونَ

Yoruba Translation - Abu Rahimah MikaelDájúdájú àwọn wọ̀nyí ń wí pé:

See all translations of this verse →

Súrà Ad-Dukhaan, ẹsẹ 35

إِنْ هِىَ إِلَّا مَوْتَتُنَا ٱلْأُولَىٰ وَمَا نَحْنُ بِمُنشَرِينَ

Yoruba Translation - Abu Rahimah Mikael“Kò sí ikú kan àyàfi ikú àkọ́kọ́ (tí ó pa wá nílé ayé). Wọn kò sì níí gbé wa dìde.

See all translations of this verse →

Súrà Ad-Dukhaan, ẹsẹ 36

فَأْتُوا۟ بِـَٔابَآئِنَآ إِن كُنتُمْ صَٰدِقِينَ

Yoruba Translation - Abu Rahimah Mikael(Bí bẹ́ẹ̀ kọ́), ẹ mú àwọn bàbá wa wá tí ẹ bá jẹ́ olódodo.”

See all translations of this verse →

Súrà Ad-Dukhaan, ẹsẹ 37

أَهُمْ خَيْرٌ أَمْ قَوْمُ تُبَّعٍ وَٱلَّذِينَ مِن قَبْلِهِمْ أَهْلَكْنَٰهُمْ إِنَّهُمْ كَانُوا۟ مُجْرِمِينَ

Yoruba Translation - Abu Rahimah MikaelṢé àwọn ni wọ́n lóore jùlọ ni tàbí àwọn ènìyàn Tubba‘u àti àwọn tó ṣíwájú wọn? A pa wọ́n rẹ́; dájúdájú wọ́n jẹ́ ẹlẹ́ṣẹ̀.

See all translations of this verse →

Súrà Ad-Dukhaan, ẹsẹ 38

وَمَا خَلَقْنَا ٱلسَّمَٰوَٰتِ وَٱلْأَرْضَ وَمَا بَيْنَهُمَا لَٰعِبِينَ

Yoruba Translation - Abu Rahimah MikaelA kò ṣẹ̀dá àwọn sánmọ̀ àti ilẹ̀ àti ohunkóhun tí ń bẹ láààrin méjèèjì pẹ̀lú eré ṣíṣe.

See all translations of this verse →

Súrà Ad-Dukhaan, ẹsẹ 39

مَا خَلَقْنَٰهُمَآ إِلَّا بِٱلْحَقِّ وَلَٰكِنَّ أَكْثَرَهُمْ لَا يَعْلَمُونَ

Yoruba Translation - Abu Rahimah MikaelA kò dá àwọn méjèèjì bí kò ṣe pẹ̀lú òdodo, ṣùgbọ́n ọ̀pọ̀lọ́pọ̀ wọn ni kò mọ̀.

See all translations of this verse →

Súrà Ad-Dukhaan, ẹsẹ 40

إِنَّ يَوْمَ ٱلْفَصْلِ مِيقَٰتُهُمْ أَجْمَعِينَ

Yoruba Translation - Abu Rahimah MikaelDájúdájú ọjọ́ òpínyà (ìyẹn, ọjọ́ àjíǹde) ni àkókò àdéhùn fún gbogbo wọn pátápátá.

See all translations of this verse →

Súrà Ad-Dukhaan, ẹsẹ 41

يَوْمَ لَا يُغْنِى مَوْلًى عَن مَّوْلًى شَيْـًٔا وَلَا هُمْ يُنصَرُونَ

Yoruba Translation - Abu Rahimah MikaelNí ọjọ́ tí ọ̀rẹ́ kan kò níí fi kiní kan rọ ọ̀rẹ́ kan lọ́rọ̀. A kò sì níí ràn wọ́n lọ́wọ́.

See all translations of this verse →

Súrà Ad-Dukhaan, ẹsẹ 42

إِلَّا مَن رَّحِمَ ٱللَّهُ إِنَّهُۥ هُوَ ٱلْعَزِيزُ ٱلرَّحِيمُ

Yoruba Translation - Abu Rahimah MikaelÀyàfi ẹni tí Allāhu bá kẹ́. Dájúdájú Allāhu, Òun ni Alágbára, Àṣàkẹ́-ọ̀run.

See all translations of this verse →

Súrà Ad-Dukhaan, ẹsẹ 43

إِنَّ شَجَرَتَ ٱلزَّقُّومِ

Yoruba Translation - Abu Rahimah MikaelDájúdájú igi zaƙūm

See all translations of this verse →

Súrà Ad-Dukhaan, ẹsẹ 44

طَعَامُ ٱلْأَثِيمِ

Yoruba Translation - Abu Rahimah Mikaelni oúnjẹ ẹlẹ́ṣẹ̀.

See all translations of this verse →

Súrà Ad-Dukhaan, ẹsẹ 45

كَٱلْمُهْلِ يَغْلِى فِى ٱلْبُطُونِ

Yoruba Translation - Abu Rahimah MikaelÓ dà bí ògéré epo gbígbóná tí ń hó nínú ikùn

See all translations of this verse →

Súrà Ad-Dukhaan, ẹsẹ 46

كَغَلْىِ ٱلْحَمِيمِ

Yoruba Translation - Abu Rahimah Mikael(tó) dà bí híhó omi tó gbóná gan-an.

See all translations of this verse →

Súrà Ad-Dukhaan, ẹsẹ 47

خُذُوهُ فَٱعْتِلُوهُ إِلَىٰ سَوَآءِ ٱلْجَحِيمِ

Yoruba Translation - Abu Rahimah MikaelẸ mú un. Kí ẹ wọ́ ọ sáàrin gbùngbùn inú iná Jẹhīm.

See all translations of this verse →

Súrà Ad-Dukhaan, ẹsẹ 48

ثُمَّ صُبُّوا۟ فَوْقَ رَأْسِهِۦ مِنْ عَذَابِ ٱلْحَمِيمِ

Yoruba Translation - Abu Rahimah MikaelLẹ́yìn náà, ẹ rọ́ ìyà olómi gbígbóná lé e lórí.

See all translations of this verse →

Súrà Ad-Dukhaan, ẹsẹ 49

ذُقْ إِنَّكَ أَنتَ ٱلْعَزِيزُ ٱلْكَرِيمُ

Yoruba Translation - Abu Rahimah MikaelTọ́ ọ wò (ṣebí) dájúdájú ìwọ ni alágbára, alápọ̀n-ọ́nlé (gẹ́gẹ́ bí ó ṣe pe ara rẹ).

See all translations of this verse →

Súrà Ad-Dukhaan, ẹsẹ 50

إِنَّ هَٰذَا مَا كُنتُم بِهِۦ تَمْتَرُونَ

Yoruba Translation - Abu Rahimah MikaelDájúdájú (ìyà) èyí ni n̄ǹkan tí ẹ̀ ń ṣeyèméjì nípa rẹ̀!

See all translations of this verse →

Súrà Ad-Dukhaan, ẹsẹ 51

إِنَّ ٱلْمُتَّقِينَ فِى مَقَامٍ أَمِينٍ

Yoruba Translation - Abu Rahimah MikaelDájúdájú àwọn olùbẹ̀rù Allāhu yóò wà ní àyè ìfàyàbalẹ̀.

See all translations of this verse →

Súrà Ad-Dukhaan, ẹsẹ 52

فِى جَنَّٰتٍ وَعُيُونٍ

Yoruba Translation - Abu Rahimah Mikael(Wọn yóò wà) nínú àwọn Ọgbà Ìdẹ̀ra pẹ̀lú àwọn omi ìṣẹ́lẹ̀rú (ní ìsàlẹ̀ rẹ̀).

See all translations of this verse →

Súrà Ad-Dukhaan, ẹsẹ 53

يَلْبَسُونَ مِن سُندُسٍ وَإِسْتَبْرَقٍ مُّتَقَٰبِلِينَ

Yoruba Translation - Abu Rahimah MikaelWọn yóò máa wọ aṣọ àrán fẹ́lẹ́fẹ́lẹ́ àti àrán tó nípọn; wọn yó sì máà kọjú síra wọn (sọ̀rọ̀).

See all translations of this verse →

Súrà Ad-Dukhaan, ẹsẹ 54

كَذَٰلِكَ وَزَوَّجْنَٰهُم بِحُورٍ عِينٍ

Yoruba Translation - Abu Rahimah MikaelBáyẹn (ni ọ̀rọ̀ wọn yó ṣe rí). A sì máa fi àwọn obìnrin ẹlẹ́yinjú-ẹgẹ́ ṣe ìyàwó fún wọn.

See all translations of this verse →

Súrà Ad-Dukhaan, ẹsẹ 55

يَدْعُونَ فِيهَا بِكُلِّ فَٰكِهَةٍ ءَامِنِينَ

Yoruba Translation - Abu Rahimah MikaelWọn yóò máa bèèrè fún gbogbo n̄ǹkan eléso nínú (Ọgbà Ìdẹ̀ra) lẹ́ni ìfàyàbalẹ̀.

See all translations of this verse →

Súrà Ad-Dukhaan, ẹsẹ 56

لَا يَذُوقُونَ فِيهَا ٱلْمَوْتَ إِلَّا ٱلْمَوْتَةَ ٱلْأُولَىٰ وَوَقَىٰهُمْ عَذَابَ ٱلْجَحِيمِ

Yoruba Translation - Abu Rahimah MikaelWọn kò níí tọ́ ikú wò níbẹ̀ àyàfi ikú àkọ́kọ́ (tí wọ́n ti kú nílé ayé). (Allāhu) sì máa ṣọ́ wọn níbi ìyà iná Jẹhīm.

See all translations of this verse →

Súrà Ad-Dukhaan, ẹsẹ 57

فَضْلًا مِّن رَّبِّكَ ذَٰلِكَ هُوَ ٱلْفَوْزُ ٱلْعَظِيمُ

Yoruba Translation - Abu Rahimah MikaelÓ jẹ́ oore àjùlọ láti ọ̀dọ̀ Olúwa rẹ. Ìyẹn ni èrèǹjẹ ńlá.

See all translations of this verse →

Súrà Ad-Dukhaan, ẹsẹ 58

فَإِنَّمَا يَسَّرْنَٰهُ بِلِسَانِكَ لَعَلَّهُمْ يَتَذَكَّرُونَ

Yoruba Translation - Abu Rahimah MikaelNítorí náà, dájúdájú A fi èdè abínibí rẹ (èdè Lárúbáwá) ṣe (kíké al-Ƙur’ān àti àgbọ́yé rẹ̀) ní ìrọ̀rùn nítorí kí wọ́n lè lo ìrántí.

See all translations of this verse →

Súrà Ad-Dukhaan, ẹsẹ 59

فَٱرْتَقِبْ إِنَّهُم مُّرْتَقِبُونَ

Yoruba Translation - Abu Rahimah MikaelNítorí náà, máa retí[1]. Dájúdájú àwọn náà ń retí.

See all translations of this verse →

Súrà Ad-Dukhaan الدخان