Filipino Translation (Maguindanaon) - Rowwad Translation CenterUgayd na nagayp (su manga taw) sa nakawma sa kanilan i papegkagilek a bangsa nilan bun, ya pidtalu nu manga kafir: nya den i isa a makagayp.
Filipino Translation (Maguindanaon) - Rowwad Translation CenterSaben-sabenal a natawan nami su ped kanu lumpukan nilan, endu sya sa lekami su kitab a nasulatan kanilan (Lawh al-Mahfuz).
Filipino Translation (Maguindanaon) - Rowwad Translation CenterUgayd na pinandalbut nilan su haqq guna makawma sa kanilan, ka silan na mimbida-bida (ped kanilan na dala edtalu sa sih’r).
Filipino Translation (Maguindanaon) - Rowwad Translation CenterNgintu di nilan gadsuliman su langit kanu pulu nilan upama manan i kinambalay nami lun? Endu dala manga pesu nin dala palos nin.
Filipino Translation (Maguindanaon) - Rowwad Translation CenterEndu su lupa sa binelat nami, endu aden manga palaw nin a di gapalin, endu aden pan bagetu a embalang-balang a mapya i palas nin.
Filipino Translation (Maguindanaon) - Rowwad Translation CenterEndu pinatulun nami pan kanu langit su ig a barakat (ulan) na pinatu’ nami su bamangetu’ endu su lagas a gapapagani.
Filipino Translation (Maguindanaon) - Rowwad Translation CenterRizki nu manga ulipen, endu inuyag nami pan sabap kanu ulan su dalpa a minatay, na mamba i kawyag sa kambuwat (sa kubur).
Filipino Translation (Maguindanaon) - Rowwad Translation CenterNapandalbut su nawna sa kanilan mana su taw nu Nuh endu su manga taw a kigkuwan sa kalut endu su Thamud.
Filipino Translation (Maguindanaon) - Rowwad Translation CenterEndu su manga taw a kigkuwan sa lipunget endu su taw nu Tuba, pinandalbut nilan su manga sinugu, na wagib su tyuba sa kanilan.
Filipino Translation (Maguindanaon) - Rowwad Translation Center(Tig nu Allah): dala kami malugat sa kinabaluy nami sa dunya paganay, endu di kami pan galugat kabaguyagen kanu bu, ugayd na penduwa-duwa kanu.
Filipino Translation (Maguindanaon) - Rowwad Translation CenterEndu saben-sabenal a binaluy nami su manusya na katawan nami su bityala nu ginawa nin, endu sekami (Allah) na muna pan i kasupeg nami sa ugat nu lig nilan.
Filipino Translation (Maguindanaon) - Rowwad Translation CenterSu duwa a malaikat, tampal sa kawanan su isa, su isa na tampal sa biwang, na bagagayan silan duwa.
Filipino Translation (Maguindanaon) - Rowwad Translation CenterEndu nakawma su langut u kapatay sa haqq, (edtalun sa lekanin): nya ba su gay a banaligkudan nengka.
Filipino Translation (Maguindanaon) - Rowwad Translation CenterEndu saben-sabenal (lu sa dunya) na inidtalipenda nengka i nyaba na saguna ini-awa nami su pakadalung sa leka, su mata nengka saguna na mailay nin su siksa nengka.
Filipino Translation (Maguindanaon) - Rowwad Translation CenterSilan na minumbal sa kadenan nilan a salakaw sa Allah, isumek nu san kanu siksa a sangat i kapasang nin.
Filipino Translation (Maguindanaon) - Rowwad Translation CenterYa edtalun nu shaytan: Kadenan ku di kena ku sekanin pinasibay ugayd na andang bun a natading sekanin sa mawatan.
Filipino Translation (Maguindanaon) - Rowwad Translation CenterEdtalun nu (Allah): Da kanu pendapata sa hadapan ku, ka inilu ku sa lekanu su bandingan sa kapasang a siksa.
Filipino Translation (Maguindanaon) - Rowwad Translation CenterDi kasambyan sya sa laki su kadtalu, endu da sa laki i kadupang ku kanu manga ulipen ku.
Filipino Translation (Maguindanaon) - Rowwad Translation CenterSu gay na edtalun nu Allah kanu naraka: nginan napenu ka den? Ya kadtalu nu naraka: enduken aden pan ibaguman?
Filipino Translation (Maguindanaon) - Rowwad Translation Center(Edtalun sa kanilan): nya ba su inibpasad sa lekanu kanu bara-tawbat a timuganul sa agama.
Filipino Translation (Maguindanaon) - Rowwad Translation CenterEndu madakel i bininasa nami a dalpa a nawna, a ya pan mabagel sa lekanu a nakapangilay sya kanu manga dalpa sa kapalaguyan nilan.
Filipino Translation (Maguindanaon) - Rowwad Translation CenterSaben-sabenal a langun a entuba na indawan kanu aden pusung nin atawaka su nanuliman a mibpegu i pusung nin.
Filipino Translation (Maguindanaon) - Rowwad Translation CenterEndu saben-sabenal a binaluy nami su manga langit endu lupa endu su pageletan nin na naka-nem gay, endu dala kami malugat.
Filipino Translation (Maguindanaon) - Rowwad Translation CenterTigkeli ka (Muhammad) su kadtalu nilan, endu tasbih ka kanu kadenan nengka sa di pan makasebang su senang endu di pan makasedep.
Filipino Translation (Maguindanaon) - Rowwad Translation CenterEndu sya kanu sabad ku magabi na suti ka su Allah endu sya kanu mga ulyanan u manga sugyud .
Filipino Translation (Maguindanaon) - Rowwad Translation CenterGay a kambutekad nu lupa sa mangagan gayd i kalyu nilan, namba su gay a kambulig, na malemu gayd sa lekami intu.
Filipino Translation (Maguindanaon) - Rowwad Translation CenterSekami i mataw sa langun a kadtalu nilan, endu dala sa leka (Muhammad) i kapameges, pangindaw ka kanu (Qur’an) su taw a magilek kanu naraka.