Albanian Translation - Rowwad Translation Centernjë Libër, ajetet e të cilit janë shpjeguar hollësisht, një Kuran në gjuhën arabe për njerëzit që kuptojnë,
Albanian Translation - Rowwad Translation CenterAta thonë: "Zemrat tona janë të mbuluara ndaj asaj për të cilën na thërret ti, veshët tanë janë të shurdhër dhe midis nesh e teje ka një pengesë. Prandaj, vepro sipas mënyrës sate, e ne do të veprojmë sipas tonës!"
Albanian Translation - Rowwad Translation CenterThuaj: "Unë jam vetëm një njeri si ju; më është shpallur se Zoti juaj është një Zot i Vetëm. Andaj, ndiqeni rrugën e drejtë që çon tek Ai dhe kërkoni falje prej Tij! Mjerë ata që i bëjnë shok Atij,
Albanian Translation - Rowwad Translation CenterThuaj: "A vërtet ju po e mohoni Atë që krijoi Tokën për dy ditë dhe po i vishni Atij ortakë? Ai është Zoti i botëve.
Albanian Translation - Rowwad Translation CenterAi vendosi në të male të patundshme që qëndrojnë lart mbi të, e bekoi atë dhe përcaktoi në të furnizimet e saj brenda katër ditësh të plota." Kjo është për ata që pyesin.
Albanian Translation - Rowwad Translation CenterPastaj iu drejtua qiellit, i cili ishte tym dhe i tha atij dhe Tokës: "Nënshtrohuni të dy me dëshirë ose me detyrim." Ata thanë: "Po nënshtrohemi me dëshirë."
Albanian Translation - Rowwad Translation CenterAi krijoi shtatë qiej brenda dy ditësh dhe secilit qiell ia caktoi detyrën e vet. Ndërkaq, qiellin më të afërt e zbukuruam me yje ndriçues dhe e mbrojtëm atë. Ky është përcaktimi i të Gjithëfuqishmit, të Gjithëdijshmit.
Albanian Translation - Rowwad Translation Centerkur atyre u erdhën të dërguarit njëri pas tjetrit, duke thënë: "Mos adhuroni askënd tjetër përveç Allahut!", ata thanë: "Sikur të kishte dashur Zoti ynë, do të kishte dërguar melekë. Ne nuk besojmë në atë me të cilën jeni dërguar."
Albanian Translation - Rowwad Translation CenterSa u përket adëve, ata u treguan mendjemëdhenj në tokë pa të drejtë dhe thanë: "Kush është më i fuqishëm se ne?" A nuk e shihnin, vallë, se Allahu që i kishte krijuar është më i fuqishëm se ata?! Por, megjithatë, ata mohuan ajetet Tona.
Albanian Translation - Rowwad Translation CenterKështu, Ne dërguam mbi ta një erë të furishme në ditët e fatkeqësisë, për t'i bërë të shijojnë ndëshkimin poshtërues në jetën e kësaj bote. Por, ndëshkimi i jetës tjetër është edhe më poshtërues, dhe ata nuk do të gjejnë ndihmë.
Albanian Translation - Rowwad Translation CenterSa u përket themudëve, Ne ua treguam atyre rrugën e drejtë, por ata parapëlqyen verbërinë karshi udhëzimit, kështu që i goditi një ndëshkim poshtërues për atë që bënë.
Albanian Translation - Rowwad Translation Center(Kujtoni) Ditën kur armiqtë e Allahut do të grumbullohen para Zjarrit e do të tërhiqen duke qenë në radhë.
Albanian Translation - Rowwad Translation CenterKur të arrijnë atje, veshët e tyre, sytë e tyre dhe lëkurat e tyre do të dëshmojnë kundër tyre për atë që kanë bërë.
Albanian Translation - Rowwad Translation CenterAta do t'u thonë lëkurave të tyre: "Pse dëshmuat kundër nesh?" Ato do të thonë: "Është Allahu Ai që na bëri të flasim, Ai që i dha çdo gjë (aftësinë e) të folurit." Ai ju krijoi ju herën e parë dhe tek Ai do të ktheheni.
Albanian Translation - Rowwad Translation CenterJu as që mundoheshit të fshiheshit (kur bënit gjynahe), në mënyrë që veshët, sytë dhe lëkurat tuaja të mos dëshmojnë kundër jush. Përkundrazi, ju menduat se Allahu nuk dinte shumë nga ato që bënit.
Albanian Translation - Rowwad Translation CenterNëse bëjnë durim, sërish Zjarri do të jetë vendstrehimi i tyre e, nëse kërkojnë falje, nuk do të jenë prej të falurve.
Albanian Translation - Rowwad Translation CenterNe u kishim caktuar atyre shokë të këqij, të cilët ua hijeshonin të ardhmen dhe të shkuarën e tyre, kështu që u përmbush vendimi (për dënimin e tyre) siç ndodhi me popujt e xhinëve dhe njerëzve që ishin para tyre. Ata ishin vërtet të humbur.
Albanian Translation - Rowwad Translation CenterNe, me të vërtetë, do t'i bëjmë jobesimtarët të shijojnë një dënim të ashpër dhe do t'i ndëshkojmë sipas veprave më të këqija që kanë bërë.
Albanian Translation - Rowwad Translation CenterKy është dënimi i armiqve të Allahut: Zjarri, i cili do të jetë shtëpia e tyre e përjetshme, si ndëshkim për shkak të mohimit të ajeteve Tona.
Albanian Translation - Rowwad Translation CenterAta që nuk besuan do të thonë: "Zoti ynë, na i trego ata xhinë dhe njerëz që na çuan në humbje, që t'i shkelim me këmbë e të jenë më të poshtëruarit!"
Albanian Translation - Rowwad Translation CenterMe të vërtetë, atyre që thonë: "Zoti ynë është Allahu" e pastaj qëndrojnë të palëkundur në rrugën e drejtë, do t'u zbresin melekët e do t'u thonë: "Mos u frikësoni e mos u pikëlloni, por gëzohuni për Xhenetin që ju është premtuar.
Albanian Translation - Rowwad Translation CenterNe jemi miqtë tuaj në jetën e kësaj bote dhe në botën tjetër. Aty do të keni gjithçka që jua do shpirti dhe çfarëdo që kërkoni,
Albanian Translation - Rowwad Translation CenterE kush është më fjalëmbël se ai që fton në rrugën e Allahut, bën vepra të mira dhe thotë: "Unë jam musliman!"
Albanian Translation - Rowwad Translation CenterE mira nuk barazohet me të keqen! Ktheje të keqen me të mirë, sepse atëherë ai me të cilin kishe armiqësi do të bëhet si mik i ngushtë.
Albanian Translation - Rowwad Translation CenterE, nëse të vjen nga shejtani ndonjë cytje, kërkoji mbrojtje Allahut, sepse Ai është Gjithëdëgjuesi, i Gjithëdijshmi.
Albanian Translation - Rowwad Translation CenterPrej shenjave të Tij janë nata dhe dita, si dhe Dielli e Hëna. Mos i bjerni në sexhde as Diellit e as Hënës, por bjerini në sexhde Allahut, i Cili i ka krijuar ato, nëse njëmend e adhuroni vetëm Atë!
Albanian Translation - Rowwad Translation CenterE, nëse tregohen mendjemëdhenj, atëherë (le ta dinë se) ata që janë pranë Zotit tënd, e lartësojnë Atë me lavdërim natë e ditë, pa u lodhur kurrë.
Albanian Translation - Rowwad Translation CenterPrej shenjave të Tij është gjithashtu se ti e sheh tokën të pajetë, por sapo të lëshojmë shi mbi të, ajo gjallërohet e gufon. Pa dyshim, Ai që e ngjall atë, i ngjall edhe të vdekurit. Me të vërtetë, Ai është i Plotfuqishëm për çdo gjë.
Albanian Translation - Rowwad Translation CenterAta që shtrembërojnë ajetet Tona, nuk mund të fshihen prej Nesh. A është më i mirë ai që hidhet në Zjarr apo ai që vjen i sigurt në Ditën e Kiametit? Bëni çfarë të doni, se Ai sheh mirë gjithçka që veproni!
Albanian Translation - Rowwad Translation CenterMe të vërtetë, ata që mohojnë Kuranin, kur u vjen atyre (do të ndëshkohen rëndë). Ai është njëmend një Libër i mbrojtur.
Albanian Translation - Rowwad Translation CenterTy (o Muhamed) të thuhet vetëm ajo që u është thënë të dërguarve para teje. Me të vërtetë, Zoti yt është Falës, por edhe dënimin e ka të dhembshëm.
Albanian Translation - Rowwad Translation CenterSikur ta kishim bërë Kuranin në gjuhë të huaj, ata do të thoshin: "Përse nuk na shpjegoheshin ajetet e tij! Si mund të jetë në gjuhë të huaj, ndërkohë që ai (Muhamedi) është arab?!" Thuaj: "Për ata që besojnë, ai është udhëzim dhe shërim." Ndërkaq, ata që nuk besojnë, kanë veshë të shurdhër dhe janë të verbër ndaj tij. Ata janë njësoj si ata që thirren nga ndonjë vend i largët.
Albanian Translation - Rowwad Translation CenterNë të vërtetë, Ne ia dhamë Musait Librin, por u kundërshtuan rreth tij. Por, po të mos ishte një fjalë e mëparshme nga Zoti yt, do të gjykohej ndërmjet tyre, ndërkohë që ata janë në mëdyshje lidhur me të.
Albanian Translation - Rowwad Translation CenterKush bën mirë, e ka për vete, e kush bën keq, i bën dëm vetes. Zoti yt nuk është i padrejtë ndaj robërve të Vet.
Albanian Translation - Rowwad Translation CenterVetëm Allahu e di çastin e Kiametit. Asnjë frutë nuk del nga lëvozhga e vet dhe asnjë grua nuk mbetet shtatzënë e as lind pa dijeninë e Tij. Ditën kur Ai do t'u thotë atyre: "Ku janë ata që i quanit ortakë të Mi?", ata do të përgjigjen: "Ne pohojmë se askush prej nesh nuk mund të dëshmojë (se Ti ke ortakë)."
Albanian Translation - Rowwad Translation CenterAtyre do t'u humbasin ata (zota të rremë) që i adhuronin më parë dhe do të kuptojnë se nuk kanë kurrfarë shpëtimi.
Albanian Translation - Rowwad Translation CenterNjeriu nuk lodhet duke kërkuar të mirën, por, kur e prek e keqja, bëhet krejtësisht i dëshpëruar e i pashpresë.
Albanian Translation - Rowwad Translation CenterPor, kur ia mundësojmë të shijojë mëshirën Tonë pas fatkeqësisë që e kishte goditur, ai do të thotë: "Kjo është imja (meqë e kam merituar)! Madje, nuk mendoj se do të ndodhë Kiameti. Por, edhe nëse ndodh që të kthehem te Zoti im, patjetër se do të gjej tek Ai shpërblimin më të mirë." Gjithsesi se Ne do t'u tregojmë jobesimtarëve për atë që kanë bërë dhe do t'i bëjmë të shijojnë një dënim të rëndë.
Albanian Translation - Rowwad Translation CenterThuaj: "Më thoni! Nëse ky (Kuran) është vërtet prej Allahut, ndërsa ju e mohoni, atëherë kush është më i humbur se ai që është në kundërshtim të thellë (me të)?!"
Albanian Translation - Rowwad Translation CenterNe do t'ua tregojmë atyre shenjat Tona në horizonte dhe në veten e tyre, derisa t'u bëhet e qartë se ai (Kurani) është e vërteta. A nuk mjafton që Zoti yt është Dëshmitar për çdo gjë?
Albanian Translation - Rowwad Translation CenterVini re! Ata janë në mëdyshje për takimin me Zotin e tyre. Me të vërtetë, Ai përfshin çdo gjë (me dijen dhe fuqinë e Tij).