Albanian Translation - Rowwad Translation CenterKështu të dërgon Allahu shpallje ty (o Muhamed) dhe atyre që ishin para teje, i Gjithëfuqishmi, i Urti.
Albanian Translation - Rowwad Translation CenterQiejt gati sa nuk çahen sipër tyre dhe melekët lartësojnë Zotin e tyre me lavdërim dhe kërkojnë falje për ata që janë në Tokë. Me të vërtetë, Allahu është Falësi i Madh, Mëshirëploti.
Albanian Translation - Rowwad Translation CenterAllahu është Mbikëqyrës i atyre që marrin për mbrojtës të tjerë përveç Tij, kurse ti (o Muhamed) nuk je përgjegjës për ta.
Albanian Translation - Rowwad Translation CenterKështu, Ne të shpallëm ty një Kuran në gjuhën arabe, për të paralajmëruar qytetin mëmë (Mekën) dhe ata që janë përreth saj, si dhe për t'i paralajmëruar për Ditën e Tubimit, për të cilën nuk ka dyshim, ku një grup do të hyjë në Xhenet, kurse grupi tjetër në Zjarrin flakërues.
Albanian Translation - Rowwad Translation CenterSikur të kishte dashur Allahu, do t'i bënte të gjithë një bashkësi të vetme, por fut në mëshirën e Tij kë të dojë, ndërsa keqbërësit nuk do të kenë as mbrojtës e as ndihmës.
Albanian Translation - Rowwad Translation CenterSi mund të marrin ata mbrojtës në vend të Allahut, kur Ai është Mbrojtësi i Vërtetë?! Ai i ngjall të vdekurit dhe Ai është i Plotfuqishëm për çdo gjë.
Albanian Translation - Rowwad Translation CenterPër çdo çështje në të cilën kundërshtoheni, gjykimi i takon Allahut. Ky është Allahu, Zoti im, Atij i mbështetem dhe tek Ai kthehem i penduar.
Albanian Translation - Rowwad Translation CenterKrijuesi i qiejve e i Tokës. Allahu krijoi për ju bashkëshorte nga lloji juaj për t'ju shumuar, si dhe bagëti në çifte. Asgjë nuk i ngjan Atij. Ai është Gjithëdëgjuesi, Gjithëvëzhguesi.
Albanian Translation - Rowwad Translation CenterTë Tij janë çelësat e qiejve dhe të Tokës. Allahu ia shton rizkun kujt të dojë dhe ia pakon kujt të dojë. Me të vërtetë, Ai është i Gjithëdijshëm për çdo gjë.
Albanian Translation - Rowwad Translation CenterAi ju ka përcaktuar si fe atë që i porositi Nuhut, atë që të kemi shpallur ty (o Muhamed) dhe atë që u kemi porositur Ibrahimit, Musait dhe Isait: "Ta zbatoni fenë dhe të mos përçaheni në të!" E rëndë për idhujtarët është ajo në të cilën po i thërret. Allahu zgjedh për fenë e Tij kë të dojë dhe udhëzon drejt saj këdo që kthehet tek Ai i penduar.
Albanian Translation - Rowwad Translation CenterAta ranë në kundërshti vetëm pasi u erdhi dituria, nga zilia që kishin mes vete. Por, po të mos ishte një fjalë e mëparshme nga Zoti yt për një afat të caktuar, do të gjykohej ndërmjet tyre, ndërkohë ata që trashëguan Librin pas tyre janë në mëdyshje lidhur me të.
Albanian Translation - Rowwad Translation CenterPrandaj, ti thirr dhe qëndro i palëkundur ashtu si je urdhëruar e mos ndiq dëshirat e tyre, por thuaj: "Besoj në çdo libër që Allahu ka shpallur dhe jam urdhëruar të gjykoj me drejtësi ndërmjet jush. Allahu është Zoti ynë dhe Zoti juaj. Ne jemi përgjegjës për veprat tona e ju për veprat tuaja. S'ka grindje mes nesh dhe jush. Allahu do të na mbledhë të gjithë dhe tek Ai do të kthehemi."
Albanian Translation - Rowwad Translation CenterAta që grinden për Allahun pasi i janë përgjigjur (shumë njerëz) Atij, dëshmitë e tyre janë të pavlefshme para Zotit të tyre. Mbi ta do të bjerë zemërimi dhe për ta do të ketë ndëshkim të ashpër.
Albanian Translation - Rowwad Translation CenterAllahu është Ai që zbriti Librin me të vërtetën dhe drejtësinë. E ku e di ti, ndoshta Dita e Kiametit është afër!
Albanian Translation - Rowwad Translation CenterAta që nuk besojnë në të, kërkojnë ta shpejtojnë ardhjen e saj, ndërsa besimtarët janë të frikësuar prej saj dhe e dinë se ajo është e vërtetë. Vini re! Ata që kundërshtojnë për Ditën e Kiametit janë në një humbje të largët.
Albanian Translation - Rowwad Translation CenterAllahu është i butë ndaj robërve të Tij. Ai i jep me bollëk kujt të dojë. Ai është i Forti, i Gjithëfuqishmi.
Albanian Translation - Rowwad Translation CenterAtij që synon shpërblimin e jetës tjetër, Ne do t'ia shtojmë shpërblimin. Ndërkaq, atij që synon të mirat e kësaj bote, Ne do t'i japim prej saj, por në botën tjetër nuk do të ketë asnjë pjesë.
Albanian Translation - Rowwad Translation CenterA mos kanë ata zota që u kanë caktuar atyre si fe diçka që Allahu nuk e ka lejuar?! Po të mos ishte vendimi përfundimtar, veç do të mbaronte gjykimi i tyre. Me të vërtetë, keqbërësit do të kenë ndëshkim të dhembshëm.
Albanian Translation - Rowwad Translation CenterDo t'i shohësh keqbërësit të frikësuar për atë që kanë bërë, ndërkohë që dënimi do t'i godasë patjetër. Ndërkaq, ata që besojnë dhe bëjnë vepra të mira do të jenë në kopshtet e Xhenetit. Ata do të kenë çfarë të dëshirojnë te Zoti i tyre. Kjo është dhuntia e madhe.
Albanian Translation - Rowwad Translation CenterKjo është ajo me të cilën Allahu përgëzon robërit e Tij që besojnë dhe bëjnë vepra të mira. Thuaj: "Unë nuk po ju kërkoj kurrfarë shpërblimi, përveç dashurisë për hir të farefisnisë." Kush bën një vepër të mirë, Ne do t'ia shtojmë shpërblimin. Vërtet, Allahu është Falës i Madh dhe Mirënjohës.
Albanian Translation - Rowwad Translation CenterA mos thonë ata: "Ai po trillon gënjeshtra për Allahun"?! Po sikur të donte Allahu, do të ta vuloste zemrën e do ta zhdukte të pavërtetën dhe do ta jetësonte të vërtetën me fjalët e Tij! Pa dyshim, Ai e di mirë çfarë ka në zemra.
Albanian Translation - Rowwad Translation CenterAi u përgjigjet lutjeve të atyre që besojnë dhe bëjnë vepra të mira, si dhe u jep edhe më tepër prej mirësisë së Vet. Ndërkaq, jobesimtarët do të kenë ndëshkim të ashpër.
Albanian Translation - Rowwad Translation CenterPo qe se Allahu do t'ua shtonte rizkun robërve të Vet, ata do të bënin padrejtësi në Tokë, por Ai e zbret atë me masë, aq sa dëshiron. Me të vërtetë, Ai i njeh dhe i sheh mirë robërit e Vet.
Albanian Translation - Rowwad Translation CenterAi është që zbret shiun pasi ata të kenë humbur shpresën dhe shpërndan mëshirën e Vet. Ai është Mbrojtësi, i Lavdëruari.
Albanian Translation - Rowwad Translation CenterNga shenjat e Tij është krijimi i qiejve e i Tokës dhe i gjallesave që ka shpërndarë në to. Ai ka fuqi t'i tubojë ato kur të dojë.
Albanian Translation - Rowwad Translation CenterÇfarëdo fatkeqësie që ju godet është për shkak të asaj që kanë bërë duart tuaja, por, megjithatë, Ai fal shumë.
Albanian Translation - Rowwad Translation CenterNëse Ai do, e ndal erën dhe ato mbesin të palëvizshme mbi sipërfaqen e detit. Vërtet, në këtë ka shenja për çdo njeri të durueshëm dhe mirënjohës.
Albanian Translation - Rowwad Translation CenterÇfarëdo që ju është dhënë është vetëm kënaqësi e jetës së kësaj bote. Ndërkaq, ajo që është tek Allahu është më e mirë dhe më e qëndrueshme për ata që besojnë dhe i mbështeten Zotit të tyre;
Albanian Translation - Rowwad Translation Centerpër ata që i përgjigjen Zotit të tyre, falin namazin, këshillohen me njëri-tjetrin për punët e tyre, si dhe japin nga ajo që u kemi dhënë;
Albanian Translation - Rowwad Translation CenterShpagimi i së keqes bëhet në atë masë sa është ajo e keqe, por, ai që fal dhe pajtohet, e ka shpërblimin tek Allahu. Vërtet, Ai nuk i do zullumqarët.
Albanian Translation - Rowwad Translation CenterNë të vërtetë, qortimi vlen vetëm për ata që u bëjnë padrejtësi njerëzve dhe bëjnë shkelje në tokë pa kurrfarë të drejte. Për ta do të ketë dënim të dhembshëm.
Albanian Translation - Rowwad Translation CenterAtë që Allahu e çon në humbje, nuk ka kush që mund ta udhëzojë përveç Tij. Ti do të shohësh se si keqbërësit, kur të shohin dënimin, do të thonë: "A ka ndonjë rrugë për t'u kthyer?"
Albanian Translation - Rowwad Translation CenterDo t'i shohësh ata se si paraqiten para Zjarrit të përulur nga poshtërimi, duke shikuar fshehurazi. Besimtarët do të thonë: "Njëmend, të humburit e vërtetë janë ata që do të humbasin veten dhe familjet e tyre në Ditën e Kiametit. Pa dyshim, keqbërësit do të jenë në ndëshkim të pafund.
Albanian Translation - Rowwad Translation CenterAta s'do të kenë asnjë mbrojtës përveç Allahut që mund t'u ndihmojë. E, për atë që Allahu e shpie në humbje, nuk ka asnjë rrugëdalje.
Albanian Translation - Rowwad Translation CenterPërgjigjjuni Zotit tuaj para se të vijë një Ditë e caktuar nga Allahu, e cila nuk mund të zmbrapset. Atë Ditë nuk do të keni kurrfarë strehimi e as do të mund të mohoni asgjë.
Albanian Translation - Rowwad Translation CenterPor, nëse ata kthejnë shpinën, Ne nuk të kemi dërguar ty si mbikëqyrës mbi ta. Detyrë jotja është vetëm kumtimi. Kur Ne ia mundësojmë njeriut të shijojë mëshirën Tonë, ai gëzohet me të e, kur e godet ndonjë e keqe për shkak të asaj që kanë bërë duart e tij, atëherë njeriu bëhet mosmirënjohës i madh.
Albanian Translation - Rowwad Translation CenterAllahut i përket sundimi i qiejve dhe i Tokës. Ai krijon çfarë të dojë. Kujt të dojë i dhuron vajza e kujt të dojë i dhuron djem.
Albanian Translation - Rowwad Translation CenterOse u fal edhe djem edhe vajza, e kë të dojë e lë pa fëmijë. Vërtet, Ai është i Gjithëditur, i Plotfuqishëm.
Albanian Translation - Rowwad Translation CenterAsnjë njeriu nuk i takon që Allahu t'i flasë, përveçse përmes shpalljes ose pas një perdeje, ose duke i çuar një të dërguar (melek) që t'i shpallë me lejen e Tij çfarë të dojë Ai. Vërtet, Ai është i Larti, i Urti.
Albanian Translation - Rowwad Translation CenterKështu, Ne të shpallëm ty një Shpirt (Kuranin) me urdhrin Tonë. Ti nuk e dije ç'është Libri e as besimi, por Ne e bëmë atë (Kuranin) dritë me të cilën udhëzojmë kë të duam nga robërit Tanë. Me të vërtetë, ti udhëzon në rrugë të drejtë,
Albanian Translation - Rowwad Translation Centernë rrugën e Allahut, të Cilit i takon gjithçka që gjendet në qiej e në Tokë. Vini re! Tek Allahu kthehen të gjitha çështjet.