Albanian Translation - Rowwad Translation CenterLavdërimi i takon Allahut, Krijuesit të qiejve e të Tokës, i Cili i bëri melekët të dërguar me dy, tre ose katër krahë. Ai shton në krijim çfarë të dojë. Me të vërtetë, Allahu është i Plotfuqishëm për çdo gjë.
Albanian Translation - Rowwad Translation CenterTë mirat që Allahu ua jep njerëzve nga mëshira e Tij, nuk ka kush që mund t'i pengojë, kurse ato që Ai i pengon, askush nuk mund t'i japë pos Tij. Ai është i Gjithëfuqishmi, i Urti.
Albanian Translation - Rowwad Translation CenterO njerëz! Kujtoni dhuntinë e Allahut ndaj jush. A ka ndonjë krijues përveç Allahut që ju furnizon nga qielli e nga Toka? S'ka zot që meriton të adhurohet përveç Tij. Pra, përse largoheni?!
Albanian Translation - Rowwad Translation CenterNë qoftë se të përgënjeshtrojnë, (ta dish se) janë përgënjeshtruar edhe të dërguar të tjerë para teje. Tek Allahu kthehen të gjitha çështjet.
Albanian Translation - Rowwad Translation CenterO njerëz! Me të vërtetë, premtimi i Allahut është i vërtetë, andaj mos lejoni që t'ju mashtrojë jeta e kësaj bote, as mos lejoni mashtruesin (shejtanin) t'ju mashtrojë për Allahun.
Albanian Translation - Rowwad Translation CenterNjëmend, shejtani është armik juaji i hapur, prandaj merreni si armik. Në të vërtetë, ai i thërret ithtarët e tij që të bëhen prej të dënuarve në Zjarrin flakërues.
Albanian Translation - Rowwad Translation CenterPër ata që nuk besojnë do të ketë dënim të rëndë, kurse për ata që besojnë dhe bëjnë vepra të mira, do të ketë falje dhe shpërblim të madh.
Albanian Translation - Rowwad Translation CenterA mund të jetë njësoj ai të cilit i është hijeshuar puna e tij e keqe dhe e sheh si të mirë (me atë që është në rrugë të drejtë)? Pa dyshim, Allahu e çon në humbje atë që do dhe e udhëzon në rrugë të drejtë atë që do. Pra, mos e shkatërro veten duke u brengosur për ta! Allahu e di mirë çfarë bëjnë ata.
Albanian Translation - Rowwad Translation CenterAllahu është Ai që i dërgon erërat, të cilat i lëvizin retë. Pastaj i çojmë ato në një vend të pajetë dhe nëpërmjet tyre e gjallërojmë tokën pasi të jetë tharë. Po kështu është edhe ringjallja.
Albanian Translation - Rowwad Translation CenterKushdo që kërkon krenarinë, le ta dijë se tërë krenaria i takon Allahut. Tek Ai ngjiten fjalët e mira dhe veprën e mirë Ai e ngre lart. Ndërkaq, ata që kurdisin kurthe, do të kenë dënim të rëndë dhe kurthet e tyre do të dështojnë.
Albanian Translation - Rowwad Translation CenterAllahu është Ai që ju krijoi prej dheut, pastaj prej një pikle e më pas ju bëri çifte. Asnjë femër nuk mbetet shtatzënë e as lind pa dijeninë e Tij. Askujt nuk i jepet jetë e gjatë e as i shkurtohet jeta, pa qenë e shënuar në një Libër. S'ka dyshim se kjo për Allahun është e lehtë.
Albanian Translation - Rowwad Translation CenterNuk janë njësoj dy dete: njëri është i ëmbël, i këndshëm dhe i shijshëm për t'u pirë, kurse tjetri i kripur e i hidhur. Prej të dyve ju hani mish të njomë dhe nxirrni stolitë që i mbani. Ti sheh anijet se si e çajnë ujin, që ju të mund të kërkoni nga mirësitë e Allahut dhe që të jeni falënderues.
Albanian Translation - Rowwad Translation CenterAi fut natën në ditë dhe fut ditën në natë dhe Ai nënshtroi Diellin e Hënën, të cilat lundrojnë për një kohë të caktuar. Ky është Allahu, Zoti juaj. Atij i takon sundimi, kurse ata që ju i adhuroni në vend të Tij nuk zotërojnë as një cipëz të bërthamës së hurmës.
Albanian Translation - Rowwad Translation CenterNëse u luteni atyre, ata nuk mund ta dëgjojnë lutjen tuaj, por edhe po ta dëgjonin, s'do të mund t'ju përgjigjeshin. Në Ditën e Kiametit ata do të mohojnë adhurimin tuaj. E askush nuk mund të të njoftojë si Ai që është i Gjithëditur.
Albanian Translation - Rowwad Translation CenterAskush nuk do të bartë barrën e tjetrit. Nëse një i rënduar me gjynahe thërret ndokënd për t'ia bartur ato, askush nuk do të bartë asgjë nga ato, edhe nëse është i afërm i tij. Në të vërtetë, ti ua tërheq vërejtjen vetëm atyre që i frikësohen Zotit të tyre pa e parë Atë dhe e falin namazin. Kush e pastron veten, e ka vetëm për të mirën e vet dhe tek Allahu është kthimi.
Albanian Translation - Rowwad Translation CenterNuk janë të barabartë as të gjallët dhe të vdekurit. Me të vërtetë, Allahu bën të dëgjojë kë të dojë, por ju nuk mund t'i bëni të dëgjojnë ata që janë në varre.
Albanian Translation - Rowwad Translation CenterNe të dërguam ty me të vërtetën si përgëzues dhe paralajmërues. Nuk ka pasur asnjë popull që të mos i ketë ardhur një paralajmërues.
Albanian Translation - Rowwad Translation CenterNë qoftë se të përgënjeshtrojnë, (ta dish se) përgënjeshtruan edhe ata që ishin para tyre. Atyre u erdhën të dërguarit e tyre me prova të qarta, këshilla të urta dhe me libër të ndritur.
Albanian Translation - Rowwad Translation CenterA nuk e sheh se Allahu lëshon ujë nga qielli dhe përmes tij nxjerr bimë me ngjyra të llojllojshme?! Edhe nëpër male ka shtigje të bardha e të kuqe, me ngjyra të ndryshme, por edhe shumë të zeza.
Albanian Translation - Rowwad Translation CenterAshtu edhe njerëzit, kafshët dhe bagëtitë janë me ngjyra të ndryshme. Por, në të vërtetë, nga robërit e Tij, Allahut ia kanë frikën vetëm dijetarët. Pa dyshim, Allahu është i Gjithëfuqishëm e Falës i Madh.
Albanian Translation - Rowwad Translation CenterVërtet, ata që lexojnë Librin e Allahut, e falin namazin dhe japin fshehurazi e haptazi nga ajo që u kemi dhënë, shpresojnë në një fitim që nuk do të humbë,
Albanian Translation - Rowwad Translation Centernë mënyrë që Ai t'ua japë shpërblimet të plota dhe t'ua shtojë ato prej mirësisë së Tij. Ai është Falës i Madh e Mirënjohës.
Albanian Translation - Rowwad Translation CenterLibri që të shpallëm ty (o Muhamed) është e vërteta që vërteton atë që është shpallur para tij. Me të vërtetë, Ai i di dhe i sheh mirë robërit e Vet.
Albanian Translation - Rowwad Translation CenterPastaj, Ne ua lamë Librin në trashëgim robërve Tanë të zgjedhur. Në mesin e tyre ka disa që i bëjnë padrejtësi vetvetes, disa që janë mesatarë dhe disa që, me lejen e Allahut, prijnë në vepra të mira. Kjo është dhuntia e madhe.
Albanian Translation - Rowwad Translation CenterAta do të hyjnë në Xhenetet e Përjetësisë, ku do të stolisen me byzylykë ari e margaritarë dhe rrobat e tyre do të jenë prej mëndafshi.
Albanian Translation - Rowwad Translation CenterAta do të thonë: "Lavdërimi i takon Allahut, i Cili na i largoi brengat. Vërtet, Zoti ynë është Falës i Madh dhe Mirënjohës.
Albanian Translation - Rowwad Translation CenterËshtë Ai që na vendosi, me mirësinë e Tij, në Shtëpinë e Përjetshme, ku nuk na prek asnjë lodhje e mundim."
Albanian Translation - Rowwad Translation CenterNdërkaq, për ata që nuk besuan do të jetë zjarri i Xhehenemit, ku as do t'u jepet fund e të vdesin, as do t'u lehtësohet dënimi. Kështu dënojmë çdo mohues.
Albanian Translation - Rowwad Translation CenterAta do të këlthasin aty: "Zoti ynë, na nxirr që të bëjmë vepra të mira, ndryshe nga ato që kemi bërë!" (Atyre do t'u thuhet): "Po a nuk ju dhamë jetë aq sa të mund të merrte mësim kushdo që dëshironte të merrte mësim?! Madje, ju erdhi edhe paralajmëruesi. Pra, shijoni (dënimin), se për keqbërësit nuk do të ketë ndihmës!"
Albanian Translation - Rowwad Translation CenterËshtë Ai që ju bëri pasardhës (të njëri-tjetrit) në tokë. Kushdo që nuk beson, do të bartë barrën e mosbesimit të tij. Mosbesimi u shton jobesimtarëve vetëm hidhërim para Zotit të tyre; mosbesimi u shton jobesimtarëve vetëm humbje.
Albanian Translation - Rowwad Translation CenterThuaj: "Më tregoni për zotat tuaj që i adhuroni në vend të Allahut! Më thoni pra, çfarë kanë krijuar ata në Tokë! Apo, mos kanë hise në krijimin e qiejve? Apo, mos vallë u kemi dhënë atyre (idhujtarëve) ndonjë Libër në të cilin kanë provë për të? Jo, por keqbërësit i premtojnë njëri-tjetrit vetëm mashtrime."
Albanian Translation - Rowwad Translation CenterAllahu i mban qiejt dhe Tokën që të mos bien. E, nëse do të binin, askush nuk do të mund t'i mbante ato, pos Tij. Ai është njëmend i Butë e Falës i Madh.
Albanian Translation - Rowwad Translation CenterAta betoheshin fuqishëm në Allahun se, nëse do t'u vinte një paralajmërues, ata me siguri do të ishin më të udhëzuar se çdo popull tjetër. Por, kur u erdhi paralajmëruesi, vetëm sa ua shtoi largimin,
Albanian Translation - Rowwad Translation Centerpër shkak të mendjemadhësisë së tyre në tokë dhe kurtheve të liga, por kurthet e liga i godasin vetëm ata që i kurdisin. Mos vallë, po presin ata diçka tjetër veç asaj që i goditi popujt e mëparshëm?! Kurrë nuk mund të gjesh në ligjin e Allahut asnjë ndryshim, as mund të gjesh në ligjin e Allahut ndonjë lajthitje.
Albanian Translation - Rowwad Translation CenterA nuk udhëtuan ata nëpër tokë që të shihnin se si ishte fundi i atyre që kanë qenë para tyre, të cilët ishin shumë më të fortë?! Allahut s'mund t'i shpëtojë asgjë, as në qiej, as në Tokë. Pa dyshim, Ai është i Gjithëdijshëm e i Plotfuqishëm.
Albanian Translation - Rowwad Translation CenterNëse Allahu do t'i ndëshkonte njerëzit për atë që bëjnë, Ai nuk do të linte asnjë gjallesë mbi sipërfaqen e Tokës, por Ai u jep atyre afat deri në një kohë të caktuar. E, kur të vijë afati i tyre, atëherë do ta dinë se Allahu i sheh mirë robërit e Vet.