Filipino Translation (Maguindanaon) - Rowwad Translation CenterYa nin pidtalu: pedtyakap sa laki (Allah) saben-sabenal na saki na minggepuk/migkalubay su tulan ku endu migkadakel kanu ulu ku i maputi a buk, endu da aku maaden sabap kanu kabangeni sa leka a pedtiyakap sa laki (Allah) sa egkalidu (su ginawa).
Filipino Translation (Maguindanaon) - Rowwad Translation CenterEndu saben-sabenal kagilekan aku sa dadagen nu pakatundug sa laki su agama, endu su kaluma ku na bayas (di pembata) na enggay aku ebpun sa leka a Kadenan sa wata.
Filipino Translation (Maguindanaon) - Rowwad Translation CenterSa makawaris sa laki, endu makawaris kanu Ya'kub sa kataw endu kanabi (di kena kakawasan) endu baluy ka, Kadenan ku, a kasuwatan (nu Allah).
Filipino Translation (Maguindanaon) - Rowwad Translation Center(Tig nu Allah): O Zakariya! Benal a sekami na papegkalilinin nami seka (enggan nami seka) sa wata a ya nin ngala na si Yahya a dala sangay nin a nawna pan sa lekanin.
Filipino Translation (Maguindanaon) - Rowwad Translation CenterTig nu Zakariya: Kadenan ku panun i ka-aden a wata sa kaluma ku na bayas, na saki menem na naka sampay sa katuwa?
Filipino Translation (Maguindanaon) - Rowwad Translation CenterPidtalu nu malaikat: manggula den inan pidtalu nu Kadenan nengka na ya pan malemu kanu Allah, ka binaluy ka nin paganay sa dala, namba i tanda nu kapegkagaga nu Allah endu kaisa-isa nin.
Filipino Translation (Maguindanaon) - Rowwad Translation CenterTig nu Zakariya: Kadenan ku umbali aku sa tanda (sa magingay su kaluma ku), tig nu Allah: ya nin tanda na di ka miyug edtalu kanu manga taw sa taman sa telu gay (ya tabiya na ka-tasbih).
Filipino Translation (Maguindanaon) - Rowwad Translation CenterNa liniyuwan in su manga taw ebpun sa pedsambayanganin, inigulinganin i edsambayang kanu den sa mapita-malulem.
Filipino Translation (Maguindanaon) - Rowwad Translation Center(Tig nu Allah): O Yahya! Kamali ka su kitab (Taurat) sa mabagel endu inenggay nami sa lekanin i kataw (ungangen) sa wata pan.
Filipino Translation (Maguindanaon) - Rowwad Translation Center(Endu binaluy) a limu sekanin (kanu manga taw) ebpun sa lekami (Allah) endu suti sekanin endu na-aden sa magilek sa Allah.
Filipino Translation (Maguindanaon) - Rowwad Translation CenterEndu ebpiya-piya sa duwa a mimbata lun, endu dala ma-aden sa tamegesen a darwaka a supak sa Kadenan nin.
Filipino Translation (Maguindanaon) - Rowwad Translation CenterSagyahatra sekanin sa kanu gay a kinambata lun (malilintad) endu su gay a kapatay nin, endu su kambuwatin (kanu kinapatay nin) sa bibyag.
Filipino Translation (Maguindanaon) - Rowwad Translation CenterEndu labit ka (Muhammad) san sa kitab (Qur’an) si Maryam kanu kutika a tinumangka (tinagakin) su kadakelin sa lu mibpawang sa gabetadan a tampal sa sebangan.
Filipino Translation (Maguindanaon) - Rowwad Translation CenterNa nangaden sa makadalindingin sa ginawa nin (linemambung), sinugu nami (tig nu Allah) lu sa lekanin su Jibril a mibpalas sa manguda a mama a mapya i palasin.
Filipino Translation (Maguindanaon) - Rowwad Translation CenterTig nu Jibril: saki na sinugu aku nu Kadenan nengka ka endu ku ka-enggan seka sa wata a mapya.
Filipino Translation (Maguindanaon) - Rowwad Translation CenterTig nu Maryam: panun i ka-aden a wata sa laki sa dala aku makembil na mama endu di kena aku darwaka?
Filipino Translation (Maguindanaon) - Rowwad Translation CenterTig nu Jibril: manggula den inan, ugayd na pidtalu nu Kadenan nengka i nampamba i malemu sa lekanin, endu baluyn nami a tanda kanu manga taw endu limu ebpun sa lekami, endu di ebplis na manggula bun.
Filipino Translation (Maguindanaon) - Rowwad Translation CenterNa ginedamin su tyanin lu kanu lawas u kayu kulma (taman sa nakambata), ya nin nadtalu: niya ba ka minatay aku sa da pan i niya manggula, na dala den mabanding (malabit) sa laki sa kalipatanan den.
Filipino Translation (Maguindanaon) - Rowwad Translation CenterNa tinawag nu Jibril sa tampal sa baba: di ka pelidu i ginawa nengka, ka saben-sabenal a binaluy nu Kadenan nengka san sa kababan nengka i ig a pelagilay a ka-inuman.
Filipino Translation (Maguindanaon) - Rowwad Translation CenterKan ka lun endu inum ka kanu ig endu pakagalaw ka sa beneng, na amayka aden mailay nengka apiya sakataw a manusya na (edtalu ka): midsamaya aku sa Allah sa kabpuwasa sa di ka edtalu-talu, na di aku a benal embityala saguna sa manusya.
Filipino Translation (Maguindanaon) - Rowwad Translation CenterNa initin su wata nin lu kanu manga kadakelin, ya pidtalu nu manga taw: O Maryam! Nayt engka anan a wata na di kena paydu inan a kayayan.
Filipino Translation (Maguindanaon) - Rowwad Translation CenterSeka (Maryam) na suled kun na suled kani Harun, si ama nengka na di kena mawag (a mama) endu si ina nengka (na endaw ka den anan miniling).
Filipino Translation (Maguindanaon) - Rowwad Translation CenterNa inigulinganin su wata nin, ya nilan nadtalu na: panun i kambityala nami sa wata a pebpuyut pamun?
Filipino Translation (Maguindanaon) - Rowwad Translation CenterTig nu wata (su Eisa): benal a saki na ulipen aku nu Allah inenggan aku nin sa kitab, endu binaluy aku nín a nabi.
Filipino Translation (Maguindanaon) - Rowwad Translation CenterEndu pinambarakat aku nin apiya endaw aku makendaw, endu inidtutuma nin sa laki i kadsambayang endu kadzakat taman sa bibyag aku pan.
Filipino Translation (Maguindanaon) - Rowwad Translation CenterEndu sagyahatra (kalilintad) sya sa laki kanu kinambata sa laki endu su gay a kapatay ku, endu gay a kambuwat ku a bibyag aku.
Filipino Translation (Maguindanaon) - Rowwad Translation CenterNamba si Eisa a wata ni Maryam a midtalu sa bantang a penduwa-duwa kanu (kaped na pedtalu sa wata nu Allah).
Filipino Translation (Maguindanaon) - Rowwad Translation CenterDala sa Allah i mumbal sa wata nin, mahasuti sekanin, amayka aden kahanda nin na ya nin bu edtalun na pangaden ka na ma-aden (sapelek mata bu i kangagan nin).
Filipino Translation (Maguindanaon) - Rowwad Translation CenterEndu su Allah i Kadenan ku a Kadenan nu bun, na simba nu sekanin, ka namba i lalan a matidtu a dala lun i kabigkug.
Filipino Translation (Maguindanaon) - Rowwad Translation CenterNa mimbida-bida su manga taw (kanu Eisa) na sa bawgan sa naraka i kanu manga kafir kanu gay a kadalpa (kawma nilan) kanu gay a masla (kabangkit sa dunya-kabulig sa mahsar).
Filipino Translation (Maguindanaon) - Rowwad Translation CenterMagayp silan kanu kakineg nilan kailay nilan kanu gay a makatingguma silan sa lekami, ugayd na silan a baradusa na saguna na natading silan sa mapayag.
Filipino Translation (Maguindanaon) - Rowwad Translation CenterEndu pakagileki ka silan (Muhammad) kanu gay a ka-anteng-anteng a napasad (ibagangapa) i siksa nilan, na silan a (kafir) na dala sa ginawa nilan i (masiksa) endu silan na di bangimbenal.
Filipino Translation (Maguindanaon) - Rowwad Translation Center(Tig nu Allah) benal a sekami i mawaris kanu lupa endu su dalemin, endu syabun makambalingan sa lekami.
Filipino Translation (Maguindanaon) - Rowwad Translation CenterEndu labit ka (Muhammad) san sa kitab (Qur’an) si Ibrahim ka sekanin na benal (bantang) endu nabi sekanin.
Filipino Translation (Maguindanaon) - Rowwad Translation CenterPidtalu nin kani ama nin: Hay ama ku! Nginan ka pedsimban engka i di pakakineg endu di pakailay endu dala pakangguna nin sa leka apiya paydu?
Filipino Translation (Maguindanaon) - Rowwad Translation CenterHay ama ku! Saben-sabenal a aden nakawma sa laki a kataw a dala makawma sa leka, na unuti aku ka tutulun ku seka sa lalan a matidtu a bantang.
Filipino Translation (Maguindanaon) - Rowwad Translation CenterHay ama ku! Benal a kagilekan aku sa malumpak kanu siksa ebpun sa Allah, na makuyug ka sa madtagapeda nu Shaytan lu sa naraka.
Filipino Translation (Maguindanaon) - Rowwad Translation CenterTig nu ama ni Ibrahim: nginan gabensiyan nengka i Kadenan ku Ibrahim? Amayka di ka menda (tumelen) na rajamen ku seka, pasagadi aku, tangkay aku sa mawatan.
Filipino Translation (Maguindanaon) - Rowwad Translation CenterTig nu Ibrahim: su sagyahatra nanget sa leka ipangeni ko seka sa ampun kanu Kadenan ku, ka su Kadenan ku na taliman nin i pangeni ku.
Filipino Translation (Maguindanaon) - Rowwad Translation CenterEndu ganatan ku sekanu endu su manga barahala a pedsimban nu a salakaw sa Allah, endu ya ku pangenyan su Kadenan ku, ka basi di aku bun makabpayan ka pangenin ku sa Kadenan ku sa di nin taliman.
Filipino Translation (Maguindanaon) - Rowwad Translation CenterNa guna nin ganati silan endu su pedsimban nilan a salakaw sa Allah na inenggay nami sa lekanin si Ishaq endu su Ya'kub endu uman isa kanilan na binaluy nami a nabi.
Filipino Translation (Maguindanaon) - Rowwad Translation CenterEndu labit ka (Muhammad) san sa kitab (Qur’an) su Musa ka sekanin na ikhlas endu sinugu sekanin endu nabi.
Filipino Translation (Maguindanaon) - Rowwad Translation CenterEndu tinawag nami sekanin sa tampal sa kawanan nin kanu palaw, endu pinasupeg nami sekanin sa nakineg in su kadtalu nu Allah.
Filipino Translation (Maguindanaon) - Rowwad Translation CenterEndu inenggay nami ebpun sa lekami su limu (su suled in a si Harun) a nabi a pakadtabangay nin.
Filipino Translation (Maguindanaon) - Rowwad Translation CenterEndu labit ka (Muhammad) san sa kitab (Qur’an) su Ismail, ka sekanin na benal i pasadin, endu sekanin na sinugu a nabi.
Filipino Translation (Maguindanaon) - Rowwad Translation CenterEndu pedsugun nin su kaluma nin sa kadsambayang endu kadzakat, ya kaaden na gasuwatan u Kadenan nin.
Filipino Translation (Maguindanaon) - Rowwad Translation CenterLabit ka (Muhammad) san sa kitab anan (Qur’an) su Idris, ka sekanin na benal gayd i kadtalu nin a nabi.
Filipino Translation (Maguindanaon) - Rowwad Translation CenterSilan a manga taw a inikalimu nu Allah silan ebpun sa manga nabi a manga mawli a taw ni Adam, endu su pinapageda nami kanu awang nu Nuh endu su manga mawli a taw ni Ibrahim endu su Ismail endu su tinutulu nami endu pinamili nami, amayka batyan kanilan su tanda nu malim (Allah) na mangalimbaban silan a sinemugyud endu bagulyang.
Filipino Translation (Maguindanaon) - Rowwad Translation CenterNa makambwat kanu ulyan nilan i manga taw a dinadag nilan su sambayang, endu ya nilan inunutan na kyug a ginawa nilan, na di ebplis na ya nilan maparuli su bawgan sa naraka.
Filipino Translation (Maguindanaon) - Rowwad Translation CenterYa tabiya su midtawbat endu nangimbenal endu minggalebek sa manga mapya, na makaludep silan kanu surga, endu di silan madsalimbut sa apiya paydu.
Filipino Translation (Maguindanaon) - Rowwad Translation CenterManga surga a jannatu ad'n (gatakenan) a pibpasad u Allah kanu manga ulipen nin sa gayb, ka su Allah na matuman a benal i pasadin.
Filipino Translation (Maguindanaon) - Rowwad Translation CenterDala makineg nilan sa surga a mawag a kadtalu ya tabiya na mapya, endu kanilan i rizki nilan sa magabi-mapita.
Filipino Translation (Maguindanaon) - Rowwad Translation CenterEndu di kami (malaikat) makatulun ya tabiya na suguwan nu Kadenan nengka bu (Muhammad), lekanin a Allah su gasangulan (a gay a mawli) endu su gataligkudanan (su dunya) endu su pageletan nu duwa, dala kanu Kadenan nengka i limpang (malipat).
Filipino Translation (Maguindanaon) - Rowwad Translation CenterKadenan nu pitu lapis a langit endu su lupa endu su pageletan nin, na simba nu sekanin endu edsabar kanu sa simba sa Allah, dala natawan nengka a sangay nu Allah.
Filipino Translation (Maguindanaon) - Rowwad Translation CenterNgintu di katademan nu manga manusya (kafir) i binaluy nami sekanin sa unan a dala pan mabaluy na dala (bun) sekanin?
Filipino Translation (Maguindanaon) - Rowwad Translation CenterMawli na pamadsenggayan i uman isa tumpuk, ka endaw i kategas a isa sa Allah na lu bumba bagunut i kapasang a siksa nin,
Filipino Translation (Maguindanaon) - Rowwad Translation CenterMawli na katawan nami bun kanilan i wagib lagangen (baganagen) sa naraka endu su ilaleg, endu su ped a kasiksan.
Filipino Translation (Maguindanaon) - Rowwad Translation CenterEndu dala isa sa lekanu a di makaludep sa naraka, ka entu na hukuman nu Kadenan nengka a di ebplis na kawkitan.
Filipino Translation (Maguindanaon) - Rowwad Translation CenterMawli na lepasen nami su nagilekan sa Allah, endu itagak nami lu sa naraka su manga baradusa sa lusak, endu mababa i kayanan nilan.
Filipino Translation (Maguindanaon) - Rowwad Translation CenterAmayka batyan kanilan (kafir) su ayatan nami a mapayag, na ya edtalun nu manga kafir (a kawasa) kanu silan a manga mu'min (a miskinan): endaw kanu kafir atawa mu'min i mapya i kabetadanin endu mapya i kabuliganin?
Filipino Translation (Maguindanaon) - Rowwad Translation CenterDi bu pili-pila i madakel i bininasa nami kanu manga taw a nangawna a silan pan i madakel i tamuk in endu mapya i palas a kailay lun.
Filipino Translation (Maguindanaon) - Rowwad Translation CenterEdtalu ka (Muhammad): su entayn e natadin kanilan na lugkan, umanan nu Allah su umulin, endu pedsinggumananin sa limu a mapayag, kena ka ipedsiksa lun taman sa mailay nilan su inibpasad kanilan (mabunu atawa mabyag silan) atawa ka siksa sa naraka, na katawan nilan den bantu u entayn i mawag i kabetadanin, endu malubay i manga tantara nin (sundalu nin).
Filipino Translation (Maguindanaon) - Rowwad Translation CenterEndu edsinggumanan nu Allah su nangatutulu sa tutulu, endu su inugut sa Allah na gasama kanu egkuwanun i sangat i kapiyanin, kanu Kadenan nengka i balasin endu kabpawangan.
Filipino Translation (Maguindanaon) - Rowwad Translation CenterNailay nengka (Muhammad) su taw a sinupakin su manga ayatan nami, endu pidtalu nin i kanggan aku pamun sa tamuk endu wata.
Filipino Translation (Maguindanaon) - Rowwad Translation CenterNgintu nailay nin i gayb atawa ka ngintu aden pasad nilan sa Allah a minggungala sa Rahman?
Filipino Translation (Maguindanaon) - Rowwad Translation CenterEndu sekami bun i mawaris kanu pidtalu nin a (tamuk endu wata) endu (tig nu Allah): makawma bun sa lekami na isa nin bu.
Filipino Translation (Maguindanaon) - Rowwad Translation CenterDi kena, ibpalawa bu na manga barahala sa kinasimba nilan (sa barahala) endu mabaluy a semupak kanilan sa gay a mawli.
Filipino Translation (Maguindanaon) - Rowwad Translation CenterDa nengka mailay (Muhammad) i sinugu nami su manga shaytan lu kanu manga kafir sa mapagkawalaw kanilan sa mawag.
Filipino Translation (Maguindanaon) - Rowwad Translation CenterNa di ka semasawi su kasiksa kanilan ka pembilangen nami bun su gay nilan atawa kapengginawa nilan taman kanu ajal nilan.
Filipino Translation (Maguindanaon) - Rowwad Translation CenterSu gay a buligen nami su manga magilek sa Allah lu sa Rahman sa migkuda iganat sa kalyu nin sa kubur.
Filipino Translation (Maguindanaon) - Rowwad Translation Center(Sabap kanu kadtalu nilan) na paydu bu i di kapegkalupet nu manga langit sa namba a kadtalu nilan, endu su lupa na gabukakal, endu su manga palaw a galundus a egkagubal.
Filipino Translation (Maguindanaon) - Rowwad Translation CenterBenal su manga mu'min a minggalebek sa manga mapya na pembaluyn nu Allah silan sa kagkakalimwa.
Filipino Translation (Maguindanaon) - Rowwad Translation CenterYa tidtu na pinakalmuwan nami (su Qur’an) ka basa nengka, ka endu kapakalilinyan nengka kanu manga magilek, endu kapakagilekan nengka su manga taw a di mataw sa haqq, bantang.
Filipino Translation (Maguindanaon) - Rowwad Translation CenterEndu madakel i bininasa nami a manga taw a nawna kanilan na dala isa bu a maparuli nengka kanilan ataw a makineg kanilan a suara apiya paydu.