Filipino Translation (Maguindanaon) - Rowwad Translation CenterSu langun a pugi na kanu Allah a napatulun kanu ulipenin sa kanu Qur’an, endu dala nin baluya kanu dalemin i midsusungkanga (bigkug).
Filipino Translation (Maguindanaon) - Rowwad Translation CenterMatidtu sa ipakagilekin su siksa a mapasang ebpun sa Allah, endu pakalilininin su manga mu'min a silan na penggalebek sa manga mapya, na kanilan su balas a mapya (sa gay a mawli).
Filipino Translation (Maguindanaon) - Rowwad Translation CenterEndu pakagilekanin su (manga taw) a midtalu sa namaruli su Allah sa wata (mana su Yahudi endu Nasrani).
Filipino Translation (Maguindanaon) - Rowwad Translation CenterDala kanilan i sabut (kanu pedtalu nilan), endu (labi pan) su manga lukes nilan a masla gayd i pidtalu nilan a belyu sa ngali nilan, dala kanu entu a kadtalu ya tabiya na kalebutan.
Filipino Translation (Maguindanaon) - Rowwad Translation CenterDi ka (Muhammad) pembinasa i ginawa nengka sa di nilan kapangimbenal sa kanu nan a bangimbenalen (Qur’an).
Filipino Translation (Maguindanaon) - Rowwad Translation CenterSaben-sabenal sa lekami na binaluy nami kanu lupa i namangetu a mapya i palasin, ka endu nami gabatalu u entayn i mapya i galebekin.
Filipino Translation (Maguindanaon) - Rowwad Translation CenterEndu saben-sabenal sa lekami na binaluy nami i (nalabit antu a namangetu) sa manga lupet a nagangu sa di den mamangetu.
Filipino Translation (Maguindanaon) - Rowwad Translation CenterGa-antap engka su manga taw nu takub endu su sinulatan sa kanilan, na kuyug kanu manga tanda nami a makagayp.
Filipino Translation (Maguindanaon) - Rowwad Translation Center(Labit ka Muhammad) su kinaludep u manga nguda sa takub, endu pidtalu nilan: Kadenan nami enggay kami ebpun sa leka sa limu, endu pagkapiya ka sa lekami su galebek ami sa tutulu.
Filipino Translation (Maguindanaon) - Rowwad Translation CenterEndu sinapengan nami su manga tangila nilan sa pinatulug nami silan kanu dalem nu takub sa lagu- lagunan.
Filipino Translation (Maguindanaon) - Rowwad Translation CenterMawli na pinagedam nami silan ka endu nami katawan kanu duwa a di bagayun u entayn i nakatanud sa kainawget nilan sa takub.
Filipino Translation (Maguindanaon) - Rowwad Translation CenterSekami na panudtulen nami sa leka (Muhammad) su tudtulan kanilan a benal, saben-sabenal na silan a manganguda na nangimbenal kanu Kadenan nilan endu inumanan nami silan sa tutulu.
Filipino Translation (Maguindanaon) - Rowwad Translation CenterEndu binagel nami su pusung nilan sa kadtalu sa bantang kanu dapan nu datu nilan, sa ya nilan pidtalu: ya nami Kadenan na su Kadenan nu langit endu lupa, di kami semimba sa kadenan a salakaw sa lekanin, ka saben-sabenal a nakasagad i ka-kafir nami amayka salakaw sa Allah i simban nami.
Filipino Translation (Maguindanaon) - Rowwad Translation CenterSilan a manga taw nami a minumbal sa salakaw sa Allah a manga kadenan, na entuba ka pambwaten nilan i tindeg a matalima sa tidtu, na dala den muna i kadupangin kanu taw edtetebwanin su Allah sa kalbutan.
Filipino Translation (Maguindanaon) - Rowwad Translation CenterEndu su waktu a kapedtangka nilan kanu manga taw endu su pedsimban nilan a salakaw sa Allah na pidtalu nu ped kanilan: ludep kanu sa takub ka pakawladen nu Kadenan nu sa lekanu su limu nin, endu adilen in sa lekanu kanu katamanan nu i madtagapeda nu a mapya.
Filipino Translation (Maguindanaon) - Rowwad Translation CenterEndu mailay nengka su senang a semebang sa di nin masumpit su takub sa tampal sa kawanan, amay menem ka semedep na lipusen nin menem i tampal sa biwang, na silan na lu silan sa ludep (a takub), entuba na kaped kanu manga tanda a kapegkagaga nu Allah, su entayn i tinutulu nu Allah na entuba i natutulu (sa mapya), su entayn i tinadingin menem na dala maparuli nin a tumabang a manutulu sa lekanin.
Filipino Translation (Maguindanaon) - Rowwad Translation CenterEndu antapen nengka silan sa penggedam, na silan na bamedtulug, endu pegkeliden nami silan sa kawanan-biwang, su asu nilan na dinemabpa bun tampal kanu bengawan u takub, a gailay nengka silan na makapalaguy ka sa mangagan endu mapenu ka na gilek (tabang nu Allah kanilan).
Filipino Translation (Maguindanaon) - Rowwad Translation CenterEndu pinambwat nami silan ka endu silan maka-pamagidsaya, ya tig nu isa: ngin i kinawget tanu sya? Ya tig nu isa: naka-sagay tanu atawa seged bu sa gay, ya nilan nadtalu na: su Kadenan nu i mataw sa kinawget tanu sya (sa takub), sugu nu i sakataw sa lekanu lu sa galimudan (padiyan) ka nya su kulta nu sa mangilay sa mapya a pegken sa itenin sya i rizki a lu ba makabpun, endu ebpiya-piya (su pedsugun) endu kalimu-limu na (di mapakilala sa apiya sa kataw).
Filipino Translation (Maguindanaon) - Rowwad Translation CenterSaben-sabenal silan na amayka makilala kanu nilan na rajamen (pamalantayn) kanu nilan, atawa pambalinganen kanu nilan sa agama nilan na di kanu den makauntung sa taman sa taman.
Filipino Translation (Maguindanaon) - Rowwad Translation CenterEndu pinambwat nami silan ka endu nilan katawan su pasad u Allah na matuman, endu su kabangkit sa dunya na mawma sa di ebplis, na mimbida-bida su manga mu'min endu su manga kafir, na ya pidtalu nu manga kafir: embalayan su takub (sa walay), su Kadenan bu i mataw kanilan, ya menem pidtalu nu manga mu'min na: embalayan sa masjid su ubay na bengawan u takub (sa kadsambayangan).
Filipino Translation (Maguindanaon) - Rowwad Translation Center(Su kaped a manga taw) na ya nilan lun kadtalu na telu kataw (su manga wata) ika-pat su asu, su ped na lima kataw silan ika-nem su asu nilan, entu na antapan nilan sa gayb, su ped na pitu kataw ika-walu su asu nilan, edtalu ka (Muhammad): su Allah i mataw sa bilangan nilan dala mataw kanilan, ya tabiya na paydu bu, da ka pebpalawa pantag sa taw na takub, ya tabiya a kabpalawa na amayka aden nakatulun a tindeg a mapayag, endu di ka bagidsa kanu manga Yahudi endu Nasrani su manga taw sa takub.
Filipino Translation (Maguindanaon) - Rowwad Translation CenterYa tabiya (edtalu ka): kahanda nu Allah, endu tademi ka su Kadenan nengka amayka nalimpangan nengka, endu edtalu ka i kalu-kalu tutulun aku nu Kadenan ko (kanu taw nu takub).
Filipino Translation (Maguindanaon) - Rowwad Translation CenterEdtalu ka: su Allah i mataw sa kinawget nilan, ka lekanin a Allah su gayb kanu pitu lapis a langit endu lupa, sekanin i pakailay endu pakakineg, dala kanu taw nu langit endu lupa a salakaw sa Allah i tumabang, endu dala kaped nu Allah kanu hukuman nin apiya sakataw.
Filipino Translation (Maguindanaon) - Rowwad Translation CenterEndu batya ka (Muhammad) su ini-wahi sa leka a kitab (Qur’an) ebpun sa Kadenan nengka a di kasambiyan, endu dala maparuli nengka a salakaw sa Allah a ka-andigan na ginawa nengka.
Filipino Translation (Maguindanaon) - Rowwad Translation CenterEndu tigkel ka (Muhammad) salta kanu manga taw a ped-simba kanu kadenan nilan sa mapita malulem, ya nilan kahanda na su Allah, endu di ka mapasagadi silan sa kalabiyan silan u parahayasan sa dunya, endu di ka paginuguti su limpang i atay nin sa Qur’an nami, endu ya nin unutan na kyug a ginawa nin, sa yanin galebek na kabinasan.
Filipino Translation (Maguindanaon) - Rowwad Translation CenterEndu edtalu ka su bantang na ebpun sa Kadenan nu, su pegkyug (sa bantang) na mangimbenal, su di mangimbenal na eg-kafir den, ka inipagadil nami kanu manga kafir su naraka, sa langkap kanilan sa embala-bala, endu amayka mapadtabang silan na tabangan bun sa ig a mayaw, sa mana bun lana a pedsebu-sebu sa pakatutung kanu manga biyas, na ngin den i kawagin a ga-inum, endu ngin den i kawagin a gambekenan.
Filipino Translation (Maguindanaon) - Rowwad Translation CenterSaben-sabenal su manga taw menem a manga mu'min a minggalebek sa manga mapya na di nami dadagen su balas nu entayn imapya i galebekin.
Filipino Translation (Maguindanaon) - Rowwad Translation CenterSilan na kanilan i manga surga a jannatu ad'n a belagilay sa kababan nilan i pulangi a bagigimuan silan sa manga imu a bulawan, endu balegkas nilan na gadung a (sundus) pegkinggat, endu (istabraq) a pedsandang silan sa surga kanu manga kantil (mapulu a bamagagayanan) a ngin den a kapiya na balas, endu mapya a gambekenan.
Filipino Translation (Maguindanaon) - Rowwad Translation CenterEnggi ka silan sa ibaratan a duwa kataw a mama (mu'min-kafir) binaluy nami kanu isa kanilan i pamulan a duwa a manga anggur, endu nakabalibet i kayu kulma, endu bilnaluy nami i manga pamulan kanu pageletan u duwa antu.
Filipino Translation (Maguindanaon) - Rowwad Translation CenterSu duwa antu a pamulan na bagunga tanan, endu dala kulanga a unga nin, endu pina-ukit ami kanu pamageletan i lawas a ig.
Filipino Translation (Maguindanaon) - Rowwad Translation CenterEndu aden pan manga unga a ped, na pidtalunin kanu manga tagapeda nin sa bagandaganin: saki ba i madakel i tamukin, endu saki bun i mapulu i manga tagapeda nin sa leka.
Filipino Translation (Maguindanaon) - Rowwad Translation CenterEndu linemudep kanu pamulanin, endu sekanin na pidsalimbut in i ginawa nin, pidtalu nin: di ku ma-antap i madala i nya a manga tamuk.
Filipino Translation (Maguindanaon) - Rowwad Translation CenterEndu di ku ga-antap i makawma i mawli, endu amayka makalu aku kanu Kadenan ku (sa gay a mawli) na makaparuli aku sa muna pan i kapiya nin a kauliyan ku.
Filipino Translation (Maguindanaon) - Rowwad Translation CenterPidtalu nu tagapeda nin sa pedsawal nin su bityala: pigkafiran engka su minaluy sa leka ebpun sa lupa (apu tanu a Adam) mawli na mani' (pinadsimbul a ig na mama-babay) mawli na pinabpalas ka nin sa mama.
Filipino Translation (Maguindanaon) - Rowwad Translation CenterEntuba ka kinaludep nengka kanu pamulan nengka na ya nengka pidtalu na: kahanda nu Allah sa dala bagel ya tabiya na sabap kanu Allah, sa apya nya nengka kapegkailay sa laki i da ku maka-atu sa leka sa tamuk endu manga wata.
Filipino Translation (Maguindanaon) - Rowwad Translation CenterNa basi enggan aku nu Kadenan ku sa muna pan i kapiya nin ebpun sa pamulan nengka, atawa tabiya bu ka mawma na apuy (kilat) ebpun sa langit na mabaluy i lupa anan sa dala metu lun (namba i kadtalu nu manga mu'min)
Filipino Translation (Maguindanaon) - Rowwad Translation CenterAtawa ka tabiya pasenepen nu Allah su ig in, na di nengka magaga u endaw nengka pangilayn.
Filipino Translation (Maguindanaon) - Rowwad Translation CenterEndu nabalibet den ba na nakabinasa lun, na ya nin naggula na nakadsendit sa dala kataganin (a sendit) sabap sa madakel i nambaranggya nin na nalundus langun u pamulan sa dala nakwa nin, endu nadtalu nin: ya ku tumu i da ku den mun makasakutu kanu kadenan ku (dala katagan a langun a galebekan endu tamuk ka mabinasa sabap sa sakutu)
Filipino Translation (Maguindanaon) - Rowwad Translation CenterEndu dala den sa lekanin i lumpukan na kadakelin a tumabang sa lekanin a salakaw sa Allah, endu di makadtabang sa lekanin i ginawa nin.
Filipino Translation (Maguindanaon) - Rowwad Translation CenterSu gay a mawli na lekanin a Allah i kyug kanu bantang, na entuba i mapya a balas, endu mapya a gadtamanan.
Filipino Translation (Maguindanaon) - Rowwad Translation CenterEndu i-upama nengka kanilan su kabpaguyag sa dunya na mana bun ig a initulun nami ebpun sa langit, na makadsimbul kanu bamangetu sa lupa na nabaluy su bamangetu sa nakuku a pakabayug a sambel, su Allah kanu langun nu enggaga-isa na kagaga nin.
Filipino Translation (Maguindanaon) - Rowwad Translation CenterSu tamuk endu su manga wata na parahayasan bu sa dunya, ya mapya gayd na matidtu a galebek (kapalityala sa Allah) ka entuba i mapya kanu Kadenan nengka endu mapya a banganganayn.
Filipino Translation (Maguindanaon) - Rowwad Translation CenterEndu su gay a pabayugen nami su palaw na mailay nengka su lupa a datal, endu limuden nami silan sa dala isama nami kanilan apiya sakataw bu.
Filipino Translation (Maguindanaon) - Rowwad Translation CenterEndu makadatang silan kanu Kadenan nengka sa mid-sap, (tig nu Allah): saben-sabenal a nakawma kanu sa mana bun su paganay a kinabaluy nami sa lekanu a migkadaw kanu sa sakataw-sakataw, ugayd na yanu egkatagu sa ginawa nu na di nami baluyn sa lekanu i pasad a kambwat nu sa kubur.
Filipino Translation (Maguindanaon) - Rowwad Translation CenterEndu makabetad su kitab (uman isa) na mailay nengka su manga baradusa a tanan kangagilekan sa katamanan nilan, endu ya nilan madtalu: nabinasa tanu ka ngin den i mayaba a kitab, ka dala initagakin a manawt a kadusan endu dala masla ya tabiya na binilang bun, endu naparuli nilan sa mapayag su pinggalebek nilan, endu di edtalimbul su Kadenan nengka apiya sakataw.
Filipino Translation (Maguindanaon) - Rowwad Translation CenterEndu (labit ka Muhammad) i kinadtalu nami kanu malaikat: sugyudi nu si Adam, na sinumugyud silan (malaikat) ya tabiya na si iblis antu ba i lukes u jin a linemyu sa inugut sa Kadenan in, na ngintu ka pembaluyn nu endu su muli-a-taw nin a paginugutan nu a salakaw sa laki (Allah) inunta na silan na satru kanu nilan? Ngin den i kawagin su manga kafir a midsambi.
Filipino Translation (Maguindanaon) - Rowwad Translation CenterDala ku pedsaksiyan nu silan sa kinabaluy kanu manga langit endu su lupa, endu su kinabaluy sa ginawa nilan, endu dala ku baluya su manga shaytan a pedtabang sa kinapangaden ku.
Filipino Translation (Maguindanaon) - Rowwad Translation CenterEndu su gay a edtalun u Allah: tawag nu su inipadtagapeda nu sa laki a kadenan nu sa kadtalu nu, na tinawag nilan na dala makasumpat sa kanilan, endu binaluy nami sa pageletan u manga barahala endu su sinumimba lun i bawgan a luba silan gaulug.
Filipino Translation (Maguindanaon) - Rowwad Translation CenterEndu mailay nu manga kafir su naraka na matagu den sa ginawa nilan i namba i kabetadan nilan, endu dala den matun ilan a bengawan a kalipus nilan.
Filipino Translation (Maguindanaon) - Rowwad Translation CenterEndu saben-sabenal a pidtinatad nami san sa Qur’an, kanu manga taw i manga ibaratan/upaman, ugayd na su manusya na madakel gayd i kapalawanin.
Filipino Translation (Maguindanaon) - Rowwad Translation CenterEndu da nakasapal kanu manga kafir sa kapangimbenal kanu kinawma kanilan na tutulu (Qur’an) endu makapa-ampun silan kanu Allah ya tabiya na makawma kanilan su mana su nanggula nu nangawna kanilan, atawa makawma pan kanilan su siksa a pedsangula kanilan (mana su nanggula sa Bad'r).
Filipino Translation (Maguindanaon) - Rowwad Translation CenterEndu dala sa kapedsugu nami kanu manga sinugu ya tabiya na papegkalilini endu papegkagilek kanu manga kafir, endu ibpalawa nu manga kafir sa baatil i tindegin ka u ya nilan kyug na makena nilan sa baatil su haqq, endu binaluy nilan bu su manga ayatan ku endu su ibanginggilek kanilan a bagungaten nilan bu.
Filipino Translation (Maguindanaon) - Rowwad Translation CenterEndu dala muna i kadupangin sa taw a labiten sa lekanin su manga ayatan nu Allah na dala nin ipamamantag endu nalimpangan nin i nawna kadupanganin, (tig nu Allah): binaluy nami kanu manga atay nilan i manga dapeng sa di nilan kasabutan su Qur’an endu lu sa tangila nilan sa mawgat i kakineg ilan lun, amayka enggaten nengka silan lu sa tutulu na di a benal silan edtinidtwan.
Filipino Translation (Maguindanaon) - Rowwad Translation CenterEndu su kadenan nengka i bangampun a kigkuwan sa limu, u mana bu ka siksa nin sya sa dunya na pidtagadanin den (pamagayasan nin) silan sa siksa, ugayd na aden bun pasad kanilan sa dala maparuli nilan a kanggampanan a salakaw sa Allah.
Filipino Translation (Maguindanaon) - Rowwad Translation CenterEndu su entuba a manga dalpa a bininasa nami (timpu nu Aad, Thamud) guna silan pegkafir, endu binaluy nami sa kinabinasa kanilan i pasad (amayka endupang na mabinasa silan).
Filipino Translation (Maguindanaon) - Rowwad Translation CenterEndu (labit ka Muhammad) su kinadtalu nu Musa kanu panunugunin a (mama): di aku menda lumakaw taman a di ku mawma i gadtimwan nu duwa a lagat (lagat sa Rum endu Farish) atawa ka apiya lagunan i kalakaw ku.
Filipino Translation (Maguindanaon) - Rowwad Translation CenterGuna nilan masampay su natimwan u duwa a lagat na nalimpangan nilan su lutu nilan (seda a nalutu) na ya den linumanguy sa kanu lagat.
Filipino Translation (Maguindanaon) - Rowwad Translation CenterGuna nilan malipus duwa, tig nu Musa kanu panunugunin a wata a mama: isya nengka i lutuwan ta anan, ka saben-sabenal a nadsumbak ta sa kabpelalakaw ta anya i lugat.
Filipino Translation (Maguindanaon) - Rowwad Translation CenterTig nu wata: apa ka pan, su kinatelen ta lu kanu lakungan na nalimpangan ku su seda, endu da napalimpang lun sa laki ya tabiya na Shaytan sa madtalu ku pan, endu su seda antu na aden naumbalin a lalanin sya sa lagat a makagayp.
Filipino Translation (Maguindanaon) - Rowwad Translation CenterTig nu Musa: indanun ka namba i kalinyan ku na nalimpangan, na pimbalinganan nilan su naganatan nilan.
Filipino Translation (Maguindanaon) - Rowwad Translation CenterNa naparuli nilan i isa kanu manga ulipen ku (si Khaidar) a inenggan nami sa limu ebpun sa lekami, endu pinamandu nami ebpun sa lekami sa ilmu a kataw.
Filipino Translation (Maguindanaon) - Rowwad Translation CenterYa pidtalu nu Musa (kani Khaidar): ngintu unutan ku seka sa apiya endaw ka mangay ka endu aku nengka mapamandu sa kanu natawan nengka a nakatidtu?
Filipino Translation (Maguindanaon) - Rowwad Translation CenterTig nu Musa: maparuli aku nengka insha Allah sa makadsabar aku, endu di ku seka sungkangen sa galebek.
Filipino Translation (Maguindanaon) - Rowwad Translation CenterTig nu Khaidar: u bagunut ka salaki na da ka mangingidsa sa apya ngin a mailay nengka taman sa embityalan (edtalun ku) bun sa leka i bandingan lun.
Filipino Translation (Maguindanaon) - Rowwad Translation CenterNa ginumanat silan taman sa nakapageda silan sa awang (sa inibedtas silan), linesu nu Khaidar su awang, tig nu Musa: nginan ka linesu nengka ka endu pakageledi taw anan? Saben-sabenal masla i kawagan a galebek engka anan.
Filipino Translation (Maguindanaon) - Rowwad Translation CenterNa ginumanat menem silan, taman sa aden nabalak nilan a wata, binunu ni Khaidar, tig u Musa nginan ka minimatay ka sa di kena minunu? Ungkir a benal i galebek nengka.
Filipino Translation (Maguindanaon) - Rowwad Translation CenterTig nu Musa: amayka idsan ku pan seka sa ulyan a nya ba na pitas aku den, ka aden tindeg nengka a kapitas engka sa laki.
Filipino Translation (Maguindanaon) - Rowwad Translation CenterNa ginumanat menem silan taman sa nawma nilan i taw na dalpa, bangeni silan sa pegken na dala tinumalima sa kapakan kanilan, na aden nailay ni Khaidar a pakasandang a walay sa gaudtang na pinatidtu ni Khaidar, tig nu Musa: u namba ka napasukay ka sa namba a galebek (sa kinapatidtu sa walay)
Filipino Translation (Maguindanaon) - Rowwad Translation CenterTig nu Khaidar: nya den ba su pasad a kabpitas ta, panudtulen ku muna sa leka su dala nengka kadsabari a galebek ku sa dinaway aku nengka.
Filipino Translation (Maguindanaon) - Rowwad Translation CenterSu awang a linesu ku na kana manga miskinan a sya i galebek ilan sa lagat na kyug ku na aden madtila nu awang ka aden kawman nilan a datu a pegkwa sa awang sa peges amayka dala tila na awang.
Filipino Translation (Maguindanaon) - Rowwad Translation CenterEndu wata menem antu a binunu ku na duwa a lukesin na mu'min na bangandamen ku i matunda nin silan sa kandupang endu kagkafir amayka egkasla.
Filipino Translation (Maguindanaon) - Rowwad Translation CenterNa ya nami kyug na sambiyan u Kadenan nilan (i wata antu a mama) sa mapya (a makasambi) endu malimu sa duwa a lukesin.
Filipino Translation (Maguindanaon) - Rowwad Translation CenterEndu su walay antu a gatunggad na kana duwa kataw a wata a yatim kanu dalpa, na entu sa kababan na walay antu na ginadung kanilan a tamuk na ama nilan a salih (mapya a taw), na ya kyug nu Kadenan nengka na egkasla pan silan entu pan a pagemawnin kanilan su ginadung, limu intu ebpun kanu Kadenan nengka, di kena ku kyug a ginawa i kinanggalebek ku lun, namba i tudtulan nu da nengka magaga edsabar.
Filipino Translation (Maguindanaon) - Rowwad Translation CenterEndu ibagidsa nu manga Yahudi sa leka (Muhammad) si Zulqarnain, edtalu ka: panudtulen ku bun sa lekanu i tudtulanun.
Filipino Translation (Maguindanaon) - Rowwad Translation Center(Tig nu Allah): benal a pinandayan namin sa lekanin (Zulqarnain) su lupa, endu inenggan nami sekanin sa langun a lalan a kasampay nin sa kahanda nin.
Filipino Translation (Maguindanaon) - Rowwad Translation CenterTaman sa nakawma sa tampal sa pedsedepan u senang, naparuli nin i pedsedepan (u senang), na ya nin kailay lun na aden lupa nin (a malumiket), endu naparuli nin i manga taw (ilham sa lekanin sa tig nu Allah): O Zulqarnain! Myug ka sumiksa atawa byagen silan ka endu nengka ma-ulipen silan.
Filipino Translation (Maguindanaon) - Rowwad Translation CenterTig nu Zulqarnain: su eg-kafir na di ebplis i kasiksa nami lun, mawli na makambalingan kanu Kadenan nilan na siksan nin sa siksa a mapasang a naraka.
Filipino Translation (Maguindanaon) - Rowwad Translation CenterEndu su nangimbenal endu minggalebek sa galebek a mapya na lekanin i balas a surga, endu edtalun nami sa lekanin kanu suguwan nami i kalemuan sekanin.
Filipino Translation (Maguindanaon) - Rowwad Translation CenterTaman sa nakawma menem sekanin (Zulqarnain) sa tampal sa sebangan a manga taw a dala pakadalung kanilan kanu senang ka dala gabun dala pamulan a kasilungan.
Filipino Translation (Maguindanaon) - Rowwad Translation CenterTaman sa nawma nin i lalan kanu pageletan a duwa timan a palaw, a natun nin lu ba i manga taw a malegen pedsabutan i kadtalu nin.
Filipino Translation (Maguindanaon) - Rowwad Translation CenterPidtalu nilan: Hay Zulqarnain! Saben-sabenal kanu Ya'juj endu su Ma'juj na paminasa silan kanu dalpa (bangimatay) na ngintu myug ka bun sa sukayan nami seka sa mapelen nengka i belyuwan nilan anan?
Filipino Translation (Maguindanaon) - Rowwad Translation CenterTig nu Zulqarnain: su inenggay nu Kadenan ku sa laki na ya pan mapya (kanu ipedsukay nu) ugayd na tabangi aku nu sa bagel ka ibetad ko sa pageletanu i makapelen kanilan.
Filipino Translation (Maguindanaon) - Rowwad Translation CenterEnggay aku nu sa manga tebped a putaw, taman sa guna makapagidsan sa kalambeg (napenu na putaw) sun pageletan nu duwa a palaw na tig ni (Zulqarnain): iyup nu (bagyupen), taman sa migkaliga su putaw na apuy, tig in menem: i sya nu su galang a tinunag, inudud lun.
Filipino Translation (Maguindanaon) - Rowwad Translation Center(Si Ya'juj endu si Ma'juj) na dala nilan magaga sa makalyu silan endu di nilan kagaga i pamesuan nilan sabap sa kategasin.
Filipino Translation (Maguindanaon) - Rowwad Translation CenterTig nu Zulqarnain: namba na limu ebpun sa Kadenan ku, na amayka makawma su pasad u Kadenan ku (kagubal sa dunya) na belupeten nin, endu benal su pasad u Kadenan ku.
Filipino Translation (Maguindanaon) - Rowwad Translation CenterEndu lu nami den ba tinagak silan a midsisimbul silan sa pegkadakel, amayka yupen su sanggakala na buligen nami silan tanan.
Filipino Translation (Maguindanaon) - Rowwad Translation CenterSilan a manga taw na di nilan edtulikan su Qur’an, endu di nilan magaga i kapanuliman sa panduwan.
Filipino Translation (Maguindanaon) - Rowwad Translation CenterYa kataw nu manga kafir ka di ku i-siksa kanilan i binaluy nilan su ulipen ko a pedsimban nilan (mana su Eisa/su malaikat) a salakaw salaki, inidtatalama nami kanu manga kafir su naraka jahannam a katumpan nilan.
Filipino Translation (Maguindanaon) - Rowwad Translation CenterSu manga taw a nabatal (nabinasa) i galebekin sya sa kabpaguyag sa dunya (pegkakalilini bu sa supak) na ya bun gatagu sa ginawa nilan na silan na manga mapya gayd i galebekin.
Filipino Translation (Maguindanaon) - Rowwad Translation CenterSilan ba su manga kafir, supak kanu manga ayatan nu Kadenan nilan, endu di bangimbenal sa ka-adap sa Allah na nagugul i manga galebek nilan, na dala patindegen nami sa gay a mawli kanilan a timbangan a mapya.
Filipino Translation (Maguindanaon) - Rowwad Translation CenterEntu ba i balas nu manga kafir na naraka jahannam sabap sa kinagkafir nilan, endu binaluy nilan su manga ayat ku endu su manga sinugu ku sa pinagungat nilan bu.
Filipino Translation (Maguindanaon) - Rowwad Translation CenterSaben-sabenal su manga mu'min menem a minggalebek silan sa manga mapya na kanilan menem su jannatul firdaws a katumpan nilan sa gay a mawli.
Filipino Translation (Maguindanaon) - Rowwad Translation CenterSa dala den kanilan i kalyu, endu di silan myug maalat (mugaling) sa apiya endaw (ya tabiya na kahanada nu Allah).
Filipino Translation (Maguindanaon) - Rowwad Translation CenterEdtalu ka kanilan (Muhammad): apiya langun a lagat ka umbalen a dawat ka isulat su kadtalu nu Kadenan ku na maibped su lagat sa di pan maibped su kadtalu nu Allah, apiya tundugan pan samaytu ba i kadakelin (apiya mumbal sa lagat a satiman).
Filipino Translation (Maguindanaon) - Rowwad Translation CenterEdtalu ka (Muhammad) i saki na manusya aku a pagidsan nu bun, ipe-wahi sa laki i Kadenan nu na isa bu, na su taw a magingarap sa ma-adapin su Kadenan nin sa mapya na enggalebek sa mapya a galebek, endu di nin isakutu su kasimba nin sa Kadenan nin.