Filipino Translation (Maguindanaon) - Rowwad Translation CenterEndu nengka kapakagilekan su manga taw kanu inipakagilek kanu manga kalukesan nilan, ka silan na dala labut nilan (sa iman sa Allah).
Filipino Translation (Maguindanaon) - Rowwad Translation CenterSaben-sabenal na ya madakel sa kanilan i nawagib su siksa, kagina di silan bangimbenal (sa Allah endu nabi).
Filipino Translation (Maguindanaon) - Rowwad Translation CenterSaben-sabenal a binaluy nami kanu manga tengu nilan i lantay-lantay taman kanu bakelengan nilan sa dili silan makatulug.
Filipino Translation (Maguindanaon) - Rowwad Translation CenterEndu binaluy nami kanu kasangulan nilan i pelen (makatanggub) endu taligkudan nilan i pelen na dinapengan nami silan sa dili den silan makailay.
Filipino Translation (Maguindanaon) - Rowwad Translation CenterNa ya bu pambarapantag kanu indawan na su minunut (sa Qur’an) endu nagilekan sa Allah sa gayb, na pakalilini ka silan kanu ampun endu balas a mapulu.
Filipino Translation (Maguindanaon) - Rowwad Translation CenterSaben-sabenal na uyagen nami su namamatay endu isulat nami su manga galebek nilan a nawna endu su pinambuwat nilan a manga kukuman pagidsan i mapya-mawag, langun na tinuganul nami lu sa kitab a mapayag.
Filipino Translation (Maguindanaon) - Rowwad Translation CenterEndu pambuwat ka sa kanilan i upaman kanu taw nu dalpa a nakawma sa kanilan i sinugu nu Allah.
Filipino Translation (Maguindanaon) - Rowwad Translation CenterKutika kinasugu nami sa duwa kataw lu sa kanilan na pinandalbut nilan, na binagel nami sa ikatelu, pidtalu nilan i sinugu kami san sa lekanu.
Filipino Translation (Maguindanaon) - Rowwad Translation CenterPidtalu nilan (su manga sinugu): sekanu na manusya kanu bun a magidsan tanu bun, endu dala den initutulu nu Allah a apya ngin a di kena papendalbuten nu.
Filipino Translation (Maguindanaon) - Rowwad Translation CenterPidtalu nilan: su Kadenan nami i mataw na saben-sabenal a sekami na sinugu kami sa lekanu.
Filipino Translation (Maguindanaon) - Rowwad Translation CenterPidtalu nu mga taw: edtempuwan nami sekanu, amayka di kanu menda na rajamen nami sekanu, endu aden mananam nu sa lekami a siksa a masakit (kadtalu nu manga darwaka kanu manga sinugu).
Filipino Translation (Maguindanaon) - Rowwad Translation CenterPidtalu nu manga sinugu: su kapanendit nu na san bun sa lekanu sa kabpangindaw sa lekanu, ka sekanu a manga taw na nakasagad i kadarwaka nin.
Filipino Translation (Maguindanaon) - Rowwad Translation CenterEndu nakawma ebpun sa mawatan kanu dalpa i mama bamagayas, ya nin pidtalu: hay sekanu a manga taw! Unuti nu su manga sinugu.
Filipino Translation (Maguindanaon) - Rowwad Translation CenterPamaginuguti nu i entayn i di kanu nin bangingidsan (pangeniyan) sa sukay sa silan na pamakatuntul.
Filipino Translation (Maguindanaon) - Rowwad Translation CenterEndu da sa laki i di ku simban su minaluy sa laki, endu lu kanu bun makambalingan sa lekanin.
Filipino Translation (Maguindanaon) - Rowwad Translation CenterNgintu ka mamaluy kanu pan sa kadenan a salakaw sa Allah, na u ya nin kyug sa laki i makagkayd na di makabarapantag salaki i safa’at nilan sa apya paydu.
Filipino Translation (Maguindanaon) - Rowwad Translation CenterSaben-sabenal i saki na nangimbenal aku kanu pedtiyakap sa lekanu na pamakikineg aku nu.
Filipino Translation (Maguindanaon) - Rowwad Translation CenterYa pidtalu sa lekanin: ludep ka sa surga, ya nin nadtalu na nya ba ka su manga taw ku a katawan nilan bu.
Filipino Translation (Maguindanaon) - Rowwad Translation CenterSabap sa inampun aku nu Kadenan ku, endu binaluy aku nin sa nakuyug aku sa kanu manga taw a ipebpulu.
Filipino Translation (Maguindanaon) - Rowwad Translation CenterEndu dala initulun nami kanu manga taw nin sa ulyan a kinapatay nin a malaikat ebpun sa langit endu di nami den itulun.
Filipino Translation (Maguindanaon) - Rowwad Translation CenterUgayd na siksa i makawma sa kanilan, isa timan bu a tekik i nakasugat sa kanilan, na da nasama sa kanilan.
Filipino Translation (Maguindanaon) - Rowwad Translation CenterDuwan-duwan nin su manga ulipen a da makawma sa kanilan a sinugu a di kena bagungatan nilan bu.
Filipino Translation (Maguindanaon) - Rowwad Translation CenterNgintu da nilan mailay i madakel i bininasa nami a nawna sa kanilan sa dala den silan makambalingan (sa dunya).
Filipino Translation (Maguindanaon) - Rowwad Translation CenterEndu tanda sa kanilan su lupa a minatay (dala bagetu lun) a inuyag nami, endu pinambuwat nami i manga lagas, su kaped na pegken nu.
Filipino Translation (Maguindanaon) - Rowwad Translation CenterKa endu silan makakan sa unga nin, endu su unga nu galebekan nu lima nilan, na ngintu di silan makadsukur?
Filipino Translation (Maguindanaon) - Rowwad Translation CenterMahasuti su Allah a binaluy nin i embalangan a pabpagetun u lupa endu su bagatu kanu lawas nilan (babay-mama) endu madakel pan i di nilan katawan.
Filipino Translation (Maguindanaon) - Rowwad Translation CenterEndu tanda pan sa kanilan su magabi endu su malamag a padsukelya (u nakawma su magabi) na nalibutangan silan.
Filipino Translation (Maguindanaon) - Rowwad Translation CenterEndu su senang na sya bagukit kanu tampat nin, entu na atulan nu Allah a mapulu a mataw.
Filipino Translation (Maguindanaon) - Rowwad Translation CenterEndu su ulan-ulan na binaluy nami a tanda (kapila na sebang) sabap kanu kabpagiseg nin na gabpalin-palin (i buntal nin) makailing sa tenduk a gapeku sa nagangu atawaka mana langgaman.
Filipino Translation (Maguindanaon) - Rowwad Translation CenterDala kanu senang i sumenang kanu magabi na dala bun kanu ulan-ulan, endu dala kanu magabi i egkagabi sa malamag, maytu bun ba su malamag, uman isa na bagukit sa kanu lalan nin.
Filipino Translation (Maguindanaon) - Rowwad Translation CenterUpama pigkahanda nami bu i pageleden nami silan sa lagat na dala makatabang sa kanilan endu dala sa kanilan i makalipus silan.
Filipino Translation (Maguindanaon) - Rowwad Translation CenterEndu amayka pidtalu sa kanilan: ikagilek nu su dusa nu saguna endu su dusa nu a naypus ka malemu-lemu sa lekanu i ikalimu kanu (amayka maituba i enggulan nu).
Filipino Translation (Maguindanaon) - Rowwad Translation CenterEndu dala pakatalingguma sa kanilan a gugudan a ped kanu manga gugudan nu pedtiyakap sa kanilan u di kena nangabaluy silan lun a namedtangkili.
Filipino Translation (Maguindanaon) - Rowwad Translation CenterEndu amayka pidtalu sa kanilan: embaranggya (enggastu) nu su kaped kanu inirizki nu Allah sa lekanu, na ya edtalun nu manga kafir kanu manga bamaginugut: enduken ka papegkanen nami na u pegkyug su Kadenan nu na sekanin den mun i mapakan lun, sekanu a taw (pedsugu sa kapakan) na natading kanu sa mapayag.
Filipino Translation (Maguindanaon) - Rowwad Translation CenterDa kapangangapan nilan ya tabya na kayup a paganay ka nu sanggakala a ipedtekaw sa kanilan sa penggusyawa silan.
Filipino Translation (Maguindanaon) - Rowwad Translation CenterEndu su mawli den a kayup kanu sanggakala na langun nilan na makambuwat kanu kubur nilan, ka lu silan mamagayas kanu hadapan nu Allah.
Filipino Translation (Maguindanaon) - Rowwad Translation CenterYa nilan madtalu: entayn i napagedam sa lekitanu? Nya den basu inibpasad nu Allah a kambuwat sa ulyan na kapatay, benal bun su langun na sinugu.
Filipino Translation (Maguindanaon) - Rowwad Translation CenterIsa timan bu a suwara a nakawma sa kanilan na langun nilan na naibped silan, nabulig kanu pegkukuman.
Filipino Translation (Maguindanaon) - Rowwad Translation CenterSaguna a gay na dili madsalimbut i uman isa sa apya paydu, endu dala makwa nu a balas ya tabya na lalaw nu galebek nu.
Filipino Translation (Maguindanaon) - Rowwad Translation CenterSilan endu su manga kaluma nilan na sya sa masilung a pedsandig kanu manga kantil (katri).
Filipino Translation (Maguindanaon) - Rowwad Translation CenterPatut kanilan siya ku entu i manga unga na kasapadan endu patut pan kanilan i nganin a ibamedsinganin nilan.
Filipino Translation (Maguindanaon) - Rowwad Translation CenterInibpasad ku sa lekanu a tupu nu Adam i di nu pedsimba su shaytan ka saben-sabenal a satru (kuntra) kanu nin a mapayag.
Filipino Translation (Maguindanaon) - Rowwad Translation CenterEndu saben-sabenal a natadin na shaytan i kadakelan sa lekanu, na ngintu ka di kanu makapagugangen?
Filipino Translation (Maguindanaon) - Rowwad Translation CenterSaguna a gay na di nami padtalun su ngali nu, ya embityala sa lekami na su manga lima nilan, a pedsaksi menem su manga ay nilan kanu langun na galebek nilan (sa dunya).
Filipino Translation (Maguindanaon) - Rowwad Translation CenterEndu u mana bu ka nagkahanda nami i piseken nami i manga mata nilan na tumuntul silan sa lalan na panun i kailay nilan.
Filipino Translation (Maguindanaon) - Rowwad Translation CenterEndu upama mana bu ka pigkahanda nami i sambiyan nami silan sa palas lu kanu kambetadan nilan na di silan makagaga miseg atawaka sumunud (embalingan).
Filipino Translation (Maguindanaon) - Rowwad Translation CenterEndu su pagkalendun nami i umur nin na egkulang su bagel-palas nin, na ngintu ka di kanu makapamikir sa kaungagenan.
Filipino Translation (Maguindanaon) - Rowwad Translation CenterEndu da nami mapamandu sa bayuk (su Muhammad) endu di nin dayt ya tabya na indawan su Qur’an a mapayag.
Filipino Translation (Maguindanaon) - Rowwad Translation CenterDi nilan gailay i binaluy nami sa kanilan kanu bagel nami su manga binatang a silan i pakamilik lun.
Filipino Translation (Maguindanaon) - Rowwad Translation CenterNa di makagaga tumabang sa kanilan (su barahala) ka silan endu su barahala nilan na ebpalawa silan sa hadapan nu Allah.
Filipino Translation (Maguindanaon) - Rowwad Translation CenterNa di ka lumidu i ginawa nengka sa kadtalu nilan ka katawan nami su ibagena nilan endu su ipebpayag nilan.
Filipino Translation (Maguindanaon) - Rowwad Translation CenterNgintu di katawan nu manusya i binaluy nami sekanin ebpun sa manni, na sekanin na mapayag gayd i kategas nin.
Filipino Translation (Maguindanaon) - Rowwad Translation CenterEndu minenggay sa upaman sa nalimpangan nin su punan nin, ya nin kadtalu na entayn i makawyag sa tulan a nalupet?
Filipino Translation (Maguindanaon) - Rowwad Translation CenterEdtalu ka (Muhammad): baguyagen nu minaluy lun paganay, endu su Allah na langun nu binaluy nin na katawan nin.
Filipino Translation (Maguindanaon) - Rowwad Translation CenterNa sekanin (Allah) na binaluyan kanu nin ebpun kanu mailaw a kayu sa apuy entu ba i ipedsulu nu.
Filipino Translation (Maguindanaon) - Rowwad Translation CenterSu Allah i minaluy sa pitu lapis a manga langit endu lupa sa kagaga nin i mamaluy pamun sa pagidsan nin, su Allah i bamaluy a mataw.
Filipino Translation (Maguindanaon) - Rowwad Translation CenterSaben-sabenal su Allah na amayka aden pegkahanda nin na ya nin bu edtalun na pangaden ka na maaden.
Filipino Translation (Maguindanaon) - Rowwad Translation CenterMahasuti su Allah, a sya kanu lima nin i kabpamilik kanu enggaga-isa endu lu bun sa lekanin pembalingan atau ka paguli.