Albanian Translation - Rowwad Translation CenterAta dinë vetëm anën e jashtme të jetës së kësaj bote, ndërsa ndaj botës tjetër janë krejtësisht të shkujdesur.
Albanian Translation - Rowwad Translation CenterA nuk mendojnë ata në vetvete: Allahu krijoi qiejt, Tokën dhe çdo gjë ndërmjet tyre vetëm me urtësi dhe për një kohë të caktuar? Por, shumë prej njerëzve, në të vërtetë, e mohojnë takimin me Zotin e tyre.
Albanian Translation - Rowwad Translation CenterA nuk udhëtuan ata nëpër tokë, që të shihnin se si ishte fundi i atyre që ishin para tyre? Ata ishin më të fortë, madje ata e punonin tokën dhe e gjallëronin atë më shumë se këta. Edhe atyre u vajtën të dërguarit e tyre me prova të qarta. Pra, Allahu nuk u bëri padrejtësi atyre, por ata i bënë padrejtësi vetvetes.
Albanian Translation - Rowwad Translation CenterPastaj, përfundimi i atyre që bënë keq ishte më i keqi, sepse ata përgënjeshtruan ajetet e Allahut dhe talleshin me to.
Albanian Translation - Rowwad Translation Centerkurse ata që mohojnë e përgënjeshtrojnë ajetet Tona dhe takimin e botës tjetër, do të sillen për dënim.
Albanian Translation - Rowwad Translation CenterAi e nxjerr të gjallën prej së vdekurës, e nxjerr të vdekurën prej së gjallës dhe e gjallëron tokën pasi të jetë tharë. Po kështu edhe ju do të nxirreni.
Albanian Translation - Rowwad Translation CenterPrej shenjave të Tij është edhe ajo se Ai krijoi për ju bashkëshorte nga lloji juaj, që të gjeni prehje tek ato dhe vuri ndërmjet jush dashuri e mëshirë. Njëmend, në këtë ka shenja për njerëzit që mendojnë.
Albanian Translation - Rowwad Translation CenterPrej shenjave të Tij është edhe krijimi i qiejve e i Tokës dhe llojllojshmëria e gjuhëve dhe ngjyrave tuaja. Vërtet në këtë ka shenja për të diturit.
Albanian Translation - Rowwad Translation CenterPrej shenjave të Tij është edhe gjumi juaj gjatë natës e gjatë ditës dhe kërkimi i mirësisë së Tij nga ana juaj. Sigurisht, në këtë ka shenja për njerëzit që dëgjojnë.
Albanian Translation - Rowwad Translation CenterPrej shenjave të Tij është gjithashtu se Ai jua shfaq vetëtimën, e cila ju ngjall frikë e shpresë dhe ju lëshon shi nga qielli, me të cilin e gjallëron tokën pasi të jetë tharë. Pa dyshim, në këtë ka shenja për njerëzit që kuptojnë.
Albanian Translation - Rowwad Translation CenterPrej shenjave të Tij është po ashtu se Ai bën qiellin e Tokën të qëndrojnë me urdhrin e Tij e pastaj, kur t'ju thërrasë një herë, ju do të dilni përnjëherë nga toka.
Albanian Translation - Rowwad Translation CenterËshtë Ai që e nis krijimin e më pas e përsërit atë, ndërkohë që kjo është edhe më e lehtë për të.[2] Atij i takon shembulli më i lartë në qiej e në Tokë dhe Ai është i Gjithëfuqishmi, i Urti.
Albanian Translation - Rowwad Translation CenterAi ju sjell një shembull nga vetë ju: a keni ndonjë ortak nga skllevërit tuaj që ndajnë me ju në mënyrë të barabartë pasurinë që jua kemi dhënë? A u frikësoheni atyre ashtu siç i frikësoheni shtresës suaj? Kështu ua sqarojmë shenjat njerëzve që kuptojnë.
Albanian Translation - Rowwad Translation CenterPor jo! Keqbërësit ndjekin dëshirat e tyre pa pasur dije. E kush mund ta udhëzojë atë që Allahu e çon në humbje? Ata nuk kanë asnjë ndihmëtar.
Albanian Translation - Rowwad Translation CenterPra, ktheje fytyrën nga feja (e vërtetë) duke qenë besimdrejtë, natyra e pastër në të cilën Allahu i ka krijuar njerëzit. S'ka ndryshim të krijimit të Allahut. Kjo është feja e drejtë, por shumica e njerëzve nuk e dinë.
Albanian Translation - Rowwad Translation CenterKur njerëzit i godet ndonjë e keqe, ata i luten Zotit të tyre, duke u kthyer tek Ai të penduar, Por, sapo ua mundëson të shijojnë mëshirën e Tij, disa prej tyre i bëjnë ortakë Zotit të tyre,
Albanian Translation - Rowwad Translation CenterMos vallë u kemi shpallur Ne atyre ndonjë dëshmi që mbështet shoqërimin që ia bëjnë Atij (në adhurim)?!
Albanian Translation - Rowwad Translation CenterKur ua mundësojmë njerëzve të shijojnë mëshirën, ata gëzohen me të e, kur i godet ndonjë e keqe për shkak të asaj që kanë bërë duart e tyre, i humbin shpresat.
Albanian Translation - Rowwad Translation CenterA nuk e shohin ata se Allahu ia shton rizkun kujt të dojë dhe ia pakon kujt të dojë?! Vërtet, në këtë ka shenja për njerëzit që besojnë.
Albanian Translation - Rowwad Translation CenterPra, jepja të afërmit, nevojtarit dhe udhëtarit të mbetur rrugës të drejtën e vet! Kjo është më e mirë për ata që kërkojnë kënaqësinë e Allahut. Mu ata janë të sukseshmit.
Albanian Translation - Rowwad Translation CenterÇfarëdo pasurie që u jepni njerëzve me qëllim që t'ju kthehet më shumë, ajo nuk shtohet tek Allahu.[3] Ndërkaq, çfarëdo lëmoshe që jepni, duke kërkuar kënaqësinë e Allahut, pikërisht kjo është ajo që do të shumëfishohet.
Albanian Translation - Rowwad Translation CenterAllahu është Ai që ju krijoi ju, pastaj ju furnizoi e më pas ju bën të vdisni e mandej ju ringjall. A mund të bëjë ndokush nga të adhuruarit tuaj (përveç Allahut) diçka të këtillë? I patëmeta e i Lartësuar është Ai mbi çdo gjë që i shoqërojnë Atij.
Albanian Translation - Rowwad Translation CenterNë tokë e në det është shfaqur e keqja për shkak të asaj që kanë bërë duart e njerëzve, që Allahu t'i bëjë të shijojnë pasojat e disa veprave që kanë bërë, në mënyrë që të kthehen.
Albanian Translation - Rowwad Translation CenterThuaj: "Udhëtoni nëpër botë dhe shihni se si ishte fundi i atyre që ishin para jush!" Shumica prej tyre ishin idhujtarë.
Albanian Translation - Rowwad Translation CenterKtheje fytyrën nga feja e drejtë para se të vijë një Ditë e caktuar nga Allahu, e cila nuk mund të zmbrapset. Atë Ditë njerëzit do të ndahen.
Albanian Translation - Rowwad Translation CenterKush nuk beson, do të bartë pasojat e mosbesimit të tij, e kush bën vepra të mira, ia përgatit vendin vetes (në Xhenet).
Albanian Translation - Rowwad Translation CenterAi do t'i shpërblejë nga dhuntia e Tij ata që besuan dhe bënë vepra të mira. Vërtet, Ai nuk i do jobesimtarët.
Albanian Translation - Rowwad Translation CenterPrej shenjave të Tij është edhe se Ai i dërgon erërat si përgëzuese, që t'ju bëjë të shijoni mëshirën e Tij, që anijet të lundrojnë me urdhrin e Tij, që të kërkoni nga mirësia e Tij dhe që të jeni mirënjohës.
Albanian Translation - Rowwad Translation CenterNë të vërtetë, Ne çuam para teje të dërguar te popujt e tyre, të cilët u erdhën me prova të qarta. Pastaj u hakmorëm ndaj atyre që bënë ligësi. Është detyrë Jona t'i ndihmojmë besimtarët.
Albanian Translation - Rowwad Translation CenterAllahu është Ai që i dërgon erërat që t'i lëvizin retë, pastaj i shpërndan në qiell si të dojë dhe i ndan pjesë-pjesë, e më pas sheh shiun sesi del prej tyre. Pastaj, sapo të bjerë mbi ata që do nga robërit e Vet, ata gëzohen përnjëherë,
Albanian Translation - Rowwad Translation CenterShih pra gjurmët e mëshirës së Allahut se si e gjallëron tokën pasi të jetë tharë. Me të vërtetë, ky është Ai që do t'i ringjallë të vdekurit dhe Ai është i Plotfuqishëm për çdo gjë.
Albanian Translation - Rowwad Translation CenterPor, nëse u dërgojmë ndonjë erë të dëmshme dhe i shohin (të mbjellat e tyre) të zverdhura, atëherë ata bëhen mohues (të dhuntive).
Albanian Translation - Rowwad Translation CenterTi nuk mund t'i bësh të vdekurit të dëgjojnë, as mund t'i bësh të shurdhrit të dëgjojnë thirrjen, kur ata të kthejnë shpinën!
Albanian Translation - Rowwad Translation CenterTi nuk mund t'i shmangësh të verbrit nga gabimi i tyre. Ti mund t'i bësh të dëgjojnë vetëm ata që besojnë në ajetet Tona. Ata janë muslimanë (të nënshtruar ndaj Nesh).
Albanian Translation - Rowwad Translation CenterAllahu është Ai që ju krijoi në gjendje dobësie, pastaj pas dobësisë ju jep forcë e pas fuqisë ju bën të dobët e të thinjur. Ai krijon çfarë të dojë dhe Ai është i Gjithëdijshmi, i Plotfuqishmi.
Albanian Translation - Rowwad Translation CenterDitën kur të ndodhë Kiameti, keqbërësit do të betohen se nuk kanë qëndruar (në varr) më shumë se një orë. Kështu shmangen ata (nga e vërteta).
Albanian Translation - Rowwad Translation CenterNdërkaq, ata të cilëve u është dhënë dituria dhe besimi do të thonë: "Ju qëndruat sipas caktimit të Allahut deri në Ditën e Ringjalljes. Kjo është Dita e Ringjalljes, por ju nuk e dinit."
Albanian Translation - Rowwad Translation CenterNe u kemi sjellë njerëzve në këtë Kuran çdo lloj shembulli. Por, edhe nëse u sjell atyre mrekulli, jobesimtarët, me siguri, do të thonë: "Ju ndiqni vetëm të kotën."
Albanian Translation - Rowwad Translation CenterPra, duro, sepse premtimi i Allahut është i vërtetë dhe kurrsesi mos lejo të të shkurajojnë ata që nuk besojnë!