Albanian Translation - Rowwad Translation CenterKa prej njerëzve që marrin tregime të kota për të larguar (njerëzit) nga rruga e Allahut pa kurrfarë diturie dhe sa për t'u tallur me të. Për të tillët do të ketë një dënim poshtërues.
Albanian Translation - Rowwad Translation CenterKur ndonjërit prej tyre i lexohen ajetet Tona, ai kthen shpinën me mendjemadhësi, sikur të mos i kishte dëgjuar, sikur të kishte shurdhim në veshë. Prandaj, njoftoje për një dënim të dhembshëm!
Albanian Translation - Rowwad Translation Centerku do të qëndrojnë përgjithmonë. Ky është premtim i vërtetë nga Allahu. Ai është i Gjithëfuqishmi, i Urti.
Albanian Translation - Rowwad Translation CenterAi krijoi qiejt pa shtylla që mund t'i shihni, vuri në Tokë male të patundshme, që ajo të mos lëkundet me ju dhe përhapi në të gjithfarë gjallesash. Ne lëshuam shi nga qielli dhe bëmë që në të të mbijë çdo lloj bime e këndshme.
Albanian Translation - Rowwad Translation CenterKy është krijimi i Allahut. Pra, më trego çfarë kanë krijuar të tjerët pos Tij. Në të vërtetë, keqbërësit janë në humbje të qartë.
Albanian Translation - Rowwad Translation CenterNe i dhamë Lukmanit urtësinë (duke i thënë): "Falënderoje Allahun!" Kush falënderon, në të vërtetë, e ka për të mirën e vet e, kush mohon, le ta dijë se Allahu është njëmend i Panevojë dhe i Lavdëruar.
Albanian Translation - Rowwad Translation CenterKujto kur Lukmani i tha birit të vet, duke e këshilluar: "O biri im, mos i shoqëro Allahut asgjë (në adhurim), se t'i bësh ortak Allahut është padrejtësi tepër e madhe!"
Albanian Translation - Rowwad Translation CenterNe e kemi porositur njeriun që të sillet mirë me prindërit e vet. Nëna e tij e barti atë mund pas mundi dhe e ndau nga gjiri pas dy vjetësh. E porositëm: "Të jesh mirënjohës ndaj Meje dhe ndaj prindërve të tu, se tek Unë është kthimi!"
Albanian Translation - Rowwad Translation CenterNëse ata të shtyjnë të më shoqërosh diçka në adhurim, për të cilën ti nuk di asgjë, atëherë mos iu bind atyre! Por, sillu mirë me ta në këtë botë dhe ndiqe rrugën e atyre që kthehen tek Unë të penduar! Pastaj tek Unë është kthimi juaj e Unë do t'ju njoftoj për atë që keni punuar.
Albanian Translation - Rowwad Translation Center"O biri im! Edhe po të jetë diçka sa një kokërr sinapi e ajo të ndodhet në shkëmb, në qiej apo në Tokë, Allahu do ta nxjerrë në shesh atë. Vërtet, Allahu është i Butë, i Gjithëditur.
Albanian Translation - Rowwad Translation Center"O biri im! Fale namazin, urdhëroje të mirën, ndaloje të keqen dhe bëhu i durueshëm për çfarëdo që të godet! Kjo është vërtet prej çështjeve vendimtare.
Albanian Translation - Rowwad Translation CenterMos ua kthe shpinën njerëzve me përbuzje, as mos ec nëpër tokë me kryelartësi, se, me të vërtetë, Allahu nuk e do atë që është mendjemadh e mburravec!
Albanian Translation - Rowwad Translation CenterA nuk e shihni se Allahu ju ka nënshtruar çdo gjë që gjendet në qiej e në Tokë dhe ka derdhur mbi ju të mirat e Tij të dukshme e të padukshme?! Megjithatë, ka prej njerëzve që grinden rreth Allahut pa kurrfarë diturie, pa udhëzim dhe pa Libër të ndritur.
Albanian Translation - Rowwad Translation CenterKur atyre u thuhet: "Ndiqni atë që ka shpallur Allahu!", ata thonë: "Jo! Ne do të ndjekim rrugën në të cilën i gjetëm të parët tanë." Vallë, edhe nëse shejtani po i thërret ata në dënimin e Zjarrit flakërues?!
Albanian Translation - Rowwad Translation CenterAi që i dorëzohet plotësisht Allahut, duke qenë vepërmirë, njëmend është kapur për lidhjen më të fortë. Allahut i takon fundi i të gjitha çështjeve.
Albanian Translation - Rowwad Translation CenterSa për ata që nuk besojnë, ti mos u brengos për mosbesimin e tyre! Kthimi i tyre është te Ne, e Ne do t'i njoftojmë për atë që kanë punuar. Pa dyshim, Allahu e di mirë çfarë ka në zemra.
Albanian Translation - Rowwad Translation CenterNëse do t'i pyesje ata se kush i krijoi qiejt dhe Tokën, me siguri do të thonë: "Allahu!" Thuaj: "Lavdërimi i takon Allahut" Por, shumica e tyre nuk dinë.
Albanian Translation - Rowwad Translation CenterE Allahut është gjithçka që gjendet në qiej e në Tokë. Me të vërtetë, Allahu është i Panevoji, i Lavdëruari.
Albanian Translation - Rowwad Translation CenterSikur të gjithë drurët që gjenden në Tokë të ishin pena e deti të ishte bojë e pas (shterjes së) tij të shtoheshin edhe shtatë dete të tjera, nuk do të shtereshin fjalët e Allahut. Vërtet, Allahu është i Gjithëfuqishëm, i Urtë.
Albanian Translation - Rowwad Translation CenterKrijimi dhe ringjallja juaj është njësoj si krijimi e ringjallja e një njeriu të vetëm. Vërtet, Allahu dëgjon e sheh çdo gjë.
Albanian Translation - Rowwad Translation CenterA nuk e sheh se Allahu është Ai që fut natën në ditë dhe fut ditën në natë, se Ai nënshtroi Diellin dhe Hënën, të cilat lundrojnë për një kohë të caktuar, dhe se Allahu e di mirë çfarë veproni?!
Albanian Translation - Rowwad Translation CenterKjo, se Allahu është e Vërteta, ndërsa çdo gjë që adhurojnë përveç Tij është e pavërteta, dhe se Allahu është i Larti, i Madhi.
Albanian Translation - Rowwad Translation CenterA nuk e sheh se anijet lundrojnë në det me mirësinë e Allahut, për t'ju treguar disa nga shenjat e Tij? Me të vërtetë, në këtë ka shenja për këdo që është njëmend durimtar e falënderues.
Albanian Translation - Rowwad Translation CenterKur i mbulojnë dallgët si hije (kodrash), ata i luten Allahut, duke ia kushtuar adhurimin çiltërisht Atij. Por, sapo i shpëton duke i sjellë në tokë, disa prej tyre tregohen të matur (duke mbajtur fjalën). Në të vërtetë, ajetet Tona i mohon vetëm ai që është mashtrues dhe mosmirënjohës i madh.
Albanian Translation - Rowwad Translation CenterO njerëz! Kiijeni frikë Zotin tuaj dhe frikësojuni një Dite kur asnjë prind nuk do të mund t'i bëjë kurrfarë dobie fëmijës së vet e as fëmija nuk do të mund t'i bëjë kurrfarë dobie prindit të vet. Premtimi i Allahut është i vërtetë, andaj mos lejoni që t'ju mashtrojë jeta e kësaj bote, as mos lejoni mashtruesin (shejtanin) t'ju mashtrojë për Allahun.
Albanian Translation - Rowwad Translation CenterMe të vërtetë, vetëm Allahu e di çastin e Kiametit, është Ai që e lëshon shiun dhe Ai e di çfarë ka në mitra (të grave shtatzëna). Askush nuk e di se çfarë do të fitojë nesër dhe askush nuk e di se në ç'vend do të vdesë. S'ka dyshim se Allahu është i Gjithëdijshëm, Njohës i çdo fshehtësie.