caseriqMeaning search in the Qur'an

Surah Al-Jaathiya الجاثية

37 verses · Mecca · revelation order 65

Surah Al-Jaathiya, Verse 1

بِسْمِ ٱللَّهِ ٱلرَّحْمَٰنِ ٱلرَّحِيمِ حمٓ

Filipino Translation (Maguindanaon) - Rowwad Translation CenterHa-Meem (su Allah i mataw kanu ma’na nin).

See all translations of this verse →

Surah Al-Jaathiya, Verse 2

تَنزِيلُ ٱلْكِتَٰبِ مِنَ ٱللَّهِ ٱلْعَزِيزِ ٱلْحَكِيمِ

Filipino Translation (Maguindanaon) - Rowwad Translation CenterNakatulun su kitab (Qur’an) ebpun sa Allah a mapulu a mataw sa kapandadayta.

See all translations of this verse →

Surah Al-Jaathiya, Verse 3

إِنَّ فِى ٱلسَّمَٰوَٰتِ وَٱلْأَرْضِ لَـَٔايَٰتٍ لِّلْمُؤْمِنِينَ

Filipino Translation (Maguindanaon) - Rowwad Translation CenterSaben-sabenal kanu manga langit endu su lupa na manga tanda (nu kaisa-isa nu Allah) kanu manga taw a manga bamaginugut.

See all translations of this verse →

Surah Al-Jaathiya, Verse 4

وَفِى خَلْقِكُمْ وَمَا يَبُثُّ مِن دَآبَّةٍ ءَايَٰتٌ لِّقَوْمٍ يُوقِنُونَ

Filipino Translation (Maguindanaon) - Rowwad Translation CenterEndu kinabaluy sa lekanu (manusya) endu su pembuwat a manga pauled-uled na manga tanda ebpun kanu manga taw a gatagu sa ginawa nilan.

See all translations of this verse →

Surah Al-Jaathiya, Verse 5

وَٱخْتِلَٰفِ ٱلَّيْلِ وَٱلنَّهَارِ وَمَآ أَنزَلَ ٱللَّهُ مِنَ ٱلسَّمَآءِ مِن رِّزْقٍ فَأَحْيَا بِهِ ٱلْأَرْضَ بَعْدَ مَوْتِهَا وَتَصْرِيفِ ٱلرِّيَٰحِ ءَايَٰتٌ لِّقَوْمٍ يَعْقِلُونَ

Filipino Translation (Maguindanaon) - Rowwad Translation CenterEndu su kapedsukelya nu magabi-malmag, endu pinatulun nu Allah ebpun sa langit a pakawyag kanu lupa sa ulyan na kinapatay nin, endu su sambel a pebpayapat na manga tanda lu kanu manga taw a aden akal nin.

See all translations of this verse →

Surah Al-Jaathiya, Verse 6

تِلْكَ ءَايَٰتُ ٱللَّهِ نَتْلُوهَا عَلَيْكَ بِٱلْحَقِّ فَبِأَىِّ حَدِيثٍۭ بَعْدَ ٱللَّهِ وَءَايَٰتِهِۦ يُؤْمِنُونَ

Filipino Translation (Maguindanaon) - Rowwad Translation CenterSu langun nu manga tanda nu Allah na pembatiyan nami sa leka (Muhammad) sa bantang, na ngin pan i kadtalu a salakaw kanu kadtalu nu Allah endu su manga ayatan nin i pangimbenalen nilan.

See all translations of this verse →

Surah Al-Jaathiya, Verse 7

وَيْلٌ لِّكُلِّ أَفَّاكٍ أَثِيمٍ

Filipino Translation (Maguindanaon) - Rowwad Translation CenterSu bawgan sa naraka i kadtakenan nu malbut a baradusa.

See all translations of this verse →

Surah Al-Jaathiya, Verse 8

يَسْمَعُ ءَايَٰتِ ٱللَّهِ تُتْلَىٰ عَلَيْهِ ثُمَّ يُصِرُّ مُسْتَكْبِرًا كَأَن لَّمْ يَسْمَعْهَا فَبَشِّرْهُ بِعَذَابٍ أَلِيمٍ

Filipino Translation (Maguindanaon) - Rowwad Translation CenterGakineg nin su manga ayatan nu Allah sa pembatiyan sa lekanin, mawli na mananalusan bun su kapemamasla nin sa mana bun dala nin makineg, panudtul ka sa lekanin su siksa a masakit.

See all translations of this verse →

Surah Al-Jaathiya, Verse 9

وَإِذَا عَلِمَ مِنْ ءَايَٰتِنَا شَيْـًٔا ٱتَّخَذَهَا هُزُوًا أُو۟لَٰٓئِكَ لَهُمْ عَذَابٌ مُّهِينٌ

Filipino Translation (Maguindanaon) - Rowwad Translation CenterAmayka aden natawan nin a paydu a ayat na pinagungat nin bu, silan su manga taw a kanilan su siksa a di nilan ganga ganan.

See all translations of this verse →

Surah Al-Jaathiya, Verse 10

مِّن وَرَآئِهِمْ جَهَنَّمُ وَلَا يُغْنِى عَنْهُم مَّا كَسَبُوا۟ شَيْـًٔا وَلَا مَا ٱتَّخَذُوا۟ مِن دُونِ ٱللَّهِ أَوْلِيَآءَ وَلَهُمْ عَذَابٌ عَظِيمٌ

Filipino Translation (Maguindanaon) - Rowwad Translation CenterTaligkudan nilan su naraka, endu da katagan nin sa kanilan su pantiyalyan nilan, endu su sinimba nilan a salakaw sa Allah, endu sa kanilan su siksa a masla.

See all translations of this verse →

Surah Al-Jaathiya, Verse 11

هَٰذَا هُدًى وَٱلَّذِينَ كَفَرُوا۟ بِـَٔايَٰتِ رَبِّهِمْ لَهُمْ عَذَابٌ مِّن رِّجْزٍ أَلِيمٌ

Filipino Translation (Maguindanaon) - Rowwad Translation CenterNamba na tutulu, su manga kafir kanu ayatan nu Allah (pedsupaken nilan) na kanilan su siksa a kayaya a masakit.

See all translations of this verse →

Surah Al-Jaathiya, Verse 12

ٱللَّهُ ٱلَّذِى سَخَّرَ لَكُمُ ٱلْبَحْرَ لِتَجْرِىَ ٱلْفُلْكُ فِيهِ بِأَمْرِهِۦ وَلِتَبْتَغُوا۟ مِن فَضْلِهِۦ وَلَعَلَّكُمْ تَشْكُرُونَ

Filipino Translation (Maguindanaon) - Rowwad Translation CenterSu Allah na pinandaya nin sa lekanu su lagat ka endu makapalalaguy su bagedan nu sa kahanda nu Allah ka endu nu mapangilay su limu nu Allah endu kanu makadsukur.

See all translations of this verse →

Surah Al-Jaathiya, Verse 13

وَسَخَّرَ لَكُم مَّا فِى ٱلسَّمَٰوَٰتِ وَمَا فِى ٱلْأَرْضِ جَمِيعًا مِّنْهُ إِنَّ فِى ذَٰلِكَ لَـَٔايَٰتٍ لِّقَوْمٍ يَتَفَكَّرُونَ

Filipino Translation (Maguindanaon) - Rowwad Translation CenterEndu pinandaya nin sa lekanu su dalem nu langit endu su lupa sa langun nin, langun entu ba na manga tanda nu Allah kanu manga taw, ka endu silan makapamikir.

See all translations of this verse →

Surah Al-Jaathiya, Verse 14

قُل لِّلَّذِينَ ءَامَنُوا۟ يَغْفِرُوا۟ لِلَّذِينَ لَا يَرْجُونَ أَيَّامَ ٱللَّهِ لِيَجْزِىَ قَوْمًۢا بِمَا كَانُوا۟ يَكْسِبُونَ

Filipino Translation (Maguindanaon) - Rowwad Translation CenterEdtalu ka (Muhammad) kanu manga bamaginugut i ampunen nilan su manga taw a dala kanilan su manga gay (gay a siksa) nu Allah endu kabalasan su manga taw sa lalaw nu galebek nilan.

See all translations of this verse →

Surah Al-Jaathiya, Verse 15

مَنْ عَمِلَ صَٰلِحًا فَلِنَفْسِهِۦ وَمَنْ أَسَآءَ فَعَلَيْهَا ثُمَّ إِلَىٰ رَبِّكُمْ تُرْجَعُونَ

Filipino Translation (Maguindanaon) - Rowwad Translation CenterSu taw a enggalebek sa mapya na lekanin bun, su mawag menem na maytu bun ba, mawli na lu kanu bun makambalingan sa Allah.

See all translations of this verse →

Surah Al-Jaathiya, Verse 16

وَلَقَدْ ءَاتَيْنَا بَنِىٓ إِسْرَٰٓءِيلَ ٱلْكِتَٰبَ وَٱلْحُكْمَ وَٱلنُّبُوَّةَ وَرَزَقْنَٰهُم مِّنَ ٱلطَّيِّبَٰتِ وَفَضَّلْنَٰهُمْ عَلَى ٱلْعَٰلَمِينَ

Filipino Translation (Maguindanaon) - Rowwad Translation CenterEndu saben-sabenal a inenggan nami su tupu nu Israel sa kitab endu kapangukum endu su kanabi, endu rinizkiyan nami silan kanu manga mapya, endu su timpu nilan na inilabi nami silan kanu salakaw sa kanilan sya sa dunya.

See all translations of this verse →

Surah Al-Jaathiya, Verse 17

وَءَاتَيْنَٰهُم بَيِّنَٰتٍ مِّنَ ٱلْأَمْرِ فَمَا ٱخْتَلَفُوٓا۟ إِلَّا مِنۢ بَعْدِ مَا جَآءَهُمُ ٱلْعِلْمُ بَغْيًۢا بَيْنَهُمْ إِنَّ رَبَّكَ يَقْضِى بَيْنَهُمْ يَوْمَ ٱلْقِيَٰمَةِ فِيمَا كَانُوا۟ فِيهِ يَخْتَلِفُونَ

Filipino Translation (Maguindanaon) - Rowwad Translation CenterEndu inenggay nami su manga mapayag a kasuguwan na da silan embida-bida ya tabya na nakawma sa kanilan su kataw, sabap sa dengki nilan, su Allah bu i kumukum sa kanilan sa gay a mawli kanu langun nu di nilan bamagayunan.

See all translations of this verse →

Surah Al-Jaathiya, Verse 18

ثُمَّ جَعَلْنَٰكَ عَلَىٰ شَرِيعَةٍ مِّنَ ٱلْأَمْرِ فَٱتَّبِعْهَا وَلَا تَتَّبِعْ أَهْوَآءَ ٱلَّذِينَ لَا يَعْلَمُونَ

Filipino Translation (Maguindanaon) - Rowwad Translation CenterMawli na binaluy nami (seka Muhammad) kanu lalan nu agama na namba i unuti ka, di ka munuti su kyug nu manga taw a di mataw.

See all translations of this verse →

Surah Al-Jaathiya, Verse 19

إِنَّهُمْ لَن يُغْنُوا۟ عَنكَ مِنَ ٱللَّهِ شَيْـًٔا وَإِنَّ ٱلظَّٰلِمِينَ بَعْضُهُمْ أَوْلِيَآءُ بَعْضٍ وَٱللَّهُ وَلِىُّ ٱلْمُتَّقِينَ

Filipino Translation (Maguindanaon) - Rowwad Translation CenterSilan a manga taw na dala guna nilan sa leka apya paydu, endu su manga dupang menem na silan-silan sa gay a mawli, su Allah menem i pedtuldu kanu magilek sa Allah.

See all translations of this verse →

Surah Al-Jaathiya, Verse 20

هَٰذَا بَصَٰٓئِرُ لِلنَّاسِ وَهُدًى وَرَحْمَةٌ لِّقَوْمٍ يُوقِنُونَ

Filipino Translation (Maguindanaon) - Rowwad Translation CenterNamba (su Qur’an) i palitan nu manga taw, endu tutulu, endu limu kanu manga taw a natagu sa ginawa nin su gay a mawli.

See all translations of this verse →

Surah Al-Jaathiya, Verse 21

أَمْ حَسِبَ ٱلَّذِينَ ٱجْتَرَحُوا۟ ٱلسَّيِّـَٔاتِ أَن نَّجْعَلَهُمْ كَٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ سَوَآءً مَّحْيَاهُمْ وَمَمَاتُهُمْ سَآءَ مَا يَحْكُمُونَ

Filipino Translation (Maguindanaon) - Rowwad Translation CenterGa-antap nu manga kafir a manga maledsik i galebekan nin i baluyn nami silan sa mana su manga nangimbenal endu minggalebek sa manga mapya sa magidsan silan sa kawyag endu kapatay, mawag a benal intu a hukuman.

See all translations of this verse →

Surah Al-Jaathiya, Verse 22

وَخَلَقَ ٱللَّهُ ٱلسَّمَٰوَٰتِ وَٱلْأَرْضَ بِٱلْحَقِّ وَلِتُجْزَىٰ كُلُّ نَفْسٍۭ بِمَا كَسَبَتْ وَهُمْ لَا يُظْلَمُونَ

Filipino Translation (Maguindanaon) - Rowwad Translation CenterEndu binaluy nu Allah su manga langit endu su lupa sa bantang ka endu kabalasan i uman isa kanu galebek nin, endu silan na dili silan madtalimbul.

See all translations of this verse →

Surah Al-Jaathiya, Verse 23

أَفَرَءَيْتَ مَنِ ٱتَّخَذَ إِلَٰهَهُۥ هَوَىٰهُ وَأَضَلَّهُ ٱللَّهُ عَلَىٰ عِلْمٍ وَخَتَمَ عَلَىٰ سَمْعِهِۦ وَقَلْبِهِۦ وَجَعَلَ عَلَىٰ بَصَرِهِۦ غِشَٰوَةً فَمَن يَهْدِيهِ مِنۢ بَعْدِ ٱللَّهِ أَفَلَا تَذَكَّرُونَ

Filipino Translation (Maguindanaon) - Rowwad Translation CenterNailay nengka su taw a ya nin pigkadenanen su kyug na ginawa nin, endu tinutupan su tangila nin endu su pusung nin endu su kailay nin sa isa a tutup, na entayn i makatutulu sa lekanin a salakaw sa Allah, na ngintu ka di kanu ma-indaw?

See all translations of this verse →

Surah Al-Jaathiya, Verse 24

وَقَالُوا۟ مَا هِىَ إِلَّا حَيَاتُنَا ٱلدُّنْيَا نَمُوتُ وَنَحْيَا وَمَا يُهْلِكُنَآ إِلَّا ٱلدَّهْرُ وَمَا لَهُم بِذَٰلِكَ مِنْ عِلْمٍ إِنْ هُمْ إِلَّا يَظُنُّونَ

Filipino Translation (Maguindanaon) - Rowwad Translation CenterEndu ya nilan kadtalu na da inan (gay a mawli) ya tabya na mawyag tanu sa dunya, matay tanu endu mawyag tanu, endu da makapatay sa lekitanu ya tabya na (makawma) su timpu, na da sabut nilan sa tindeg nilan ya tabya na kapangantap.

See all translations of this verse →

Surah Al-Jaathiya, Verse 25

وَإِذَا تُتْلَىٰ عَلَيْهِمْ ءَايَٰتُنَا بَيِّنَٰتٍ مَّا كَانَ حُجَّتَهُمْ إِلَّآ أَن قَالُوا۟ ٱئْتُوا۟ بِـَٔابَآئِنَآ إِن كُنتُمْ صَٰدِقِينَ

Filipino Translation (Maguindanaon) - Rowwad Translation CenterEndu amayka batyan sa kanilan su manga ayatan nami a mapayag na dala edsalinan nilan ya tabya nadtalu nilan: pambuwat nu su manga lukes nami amayka benal kanu.

See all translations of this verse →

Surah Al-Jaathiya, Verse 26

قُلِ ٱللَّهُ يُحْيِيكُمْ ثُمَّ يُمِيتُكُمْ ثُمَّ يَجْمَعُكُمْ إِلَىٰ يَوْمِ ٱلْقِيَٰمَةِ لَا رَيْبَ فِيهِ وَلَٰكِنَّ أَكْثَرَ ٱلنَّاسِ لَا يَعْلَمُونَ

Filipino Translation (Maguindanaon) - Rowwad Translation CenterEdtalu ka (Muhammad) sa kanilan: su Allah i baguyag sa lekanu, mawli na imatayan kanu nin, mawli na limuden kanu nin sa dala kabplis nin sa gay a mawli, ugayd na madakel kanu taw i di nilan katawan.

See all translations of this verse →

Surah Al-Jaathiya, Verse 27

وَلِلَّهِ مُلْكُ ٱلسَّمَٰوَٰتِ وَٱلْأَرْضِ وَيَوْمَ تَقُومُ ٱلسَّاعَةُ يَوْمَئِذٍ يَخْسَرُ ٱلْمُبْطِلُونَ

Filipino Translation (Maguindanaon) - Rowwad Translation CenterLekanin a Allah i kamilik sa manga langit endu su lupa endu su gay a mawma su gay a mawli na malugi den su manga batil i galebek nin.

See all translations of this verse →

Surah Al-Jaathiya, Verse 28

وَتَرَىٰ كُلَّ أُمَّةٍ جَاثِيَةً كُلُّ أُمَّةٍ تُدْعَىٰٓ إِلَىٰ كِتَٰبِهَا ٱلْيَوْمَ تُجْزَوْنَ مَا كُنتُمْ تَعْمَلُونَ

Filipino Translation (Maguindanaon) - Rowwad Translation CenterEndu mailay nengka su ummat a mayan sa balitekenan, uman isa na tawagen su kitab nin, saguna na pembalasan kanu den kanu balas nu manga galebek nu.

See all translations of this verse →

Surah Al-Jaathiya, Verse 29

هَٰذَا كِتَٰبُنَا يَنطِقُ عَلَيْكُم بِٱلْحَقِّ إِنَّا كُنَّا نَسْتَنسِخُ مَا كُنتُمْ تَعْمَلُونَ

Filipino Translation (Maguindanaon) - Rowwad Translation CenterNan su kitab nami, edtalu sa lekanu sa benal, ka pedtuldun nami su langun nu pinggalebek nu.

See all translations of this verse →

Surah Al-Jaathiya, Verse 30

فَأَمَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ فَيُدْخِلُهُمْ رَبُّهُمْ فِى رَحْمَتِهِۦ ذَٰلِكَ هُوَ ٱلْفَوْزُ ٱلْمُبِينُ

Filipino Translation (Maguindanaon) - Rowwad Translation CenterSu manga bamaginugut endu minggalebek sa manga mapya na paludepen silan nu Kadenan nilan kanu limu nin, entu den ba su badtugan a mapayag.

See all translations of this verse →

Surah Al-Jaathiya, Verse 31

وَأَمَّا ٱلَّذِينَ كَفَرُوٓا۟ أَفَلَمْ تَكُنْ ءَايَٰتِى تُتْلَىٰ عَلَيْكُمْ فَٱسْتَكْبَرْتُمْ وَكُنتُمْ قَوْمًا مُّجْرِمِينَ

Filipino Translation (Maguindanaon) - Rowwad Translation CenterEndu su manga kafir menem na idsan silan: di kena ba pembatyan sa lekanu su ayatan ku na mimamasela kanu, na sekanu banan i manga taw a manga darwaka.

See all translations of this verse →

Surah Al-Jaathiya, Verse 32

وَإِذَا قِيلَ إِنَّ وَعْدَ ٱللَّهِ حَقٌّ وَٱلسَّاعَةُ لَا رَيْبَ فِيهَا قُلْتُم مَّا نَدْرِى مَا ٱلسَّاعَةُ إِن نَّظُنُّ إِلَّا ظَنًّا وَمَا نَحْنُ بِمُسْتَيْقِنِينَ

Filipino Translation (Maguindanaon) - Rowwad Translation CenterEndu amayka pidtalu sa kanilan su pasad nu Allah na benal a matuman endu su gay a mawli na da kebplis nin, na ya nu kadtalu: di nami katawan i gay a mawli, bangantap kami bu sa di kena bun gatagu sa ginawa nami.

See all translations of this verse →

Surah Al-Jaathiya, Verse 33

وَبَدَا لَهُمْ سَيِّـَٔاتُ مَا عَمِلُوا۟ وَحَاقَ بِهِم مَّا كَانُوا۟ بِهِۦ يَسْتَهْزِءُونَ

Filipino Translation (Maguindanaon) - Rowwad Translation CenterEndu napayag sa kanilan su kawag nu galebek nilan, endu nakatumpalak den sa kanilan su kabagungat nilan.

See all translations of this verse →

Surah Al-Jaathiya, Verse 34

وَقِيلَ ٱلْيَوْمَ نَنسَىٰكُمْ كَمَا نَسِيتُمْ لِقَآءَ يَوْمِكُمْ هَٰذَا وَمَأْوَىٰكُمُ ٱلنَّارُ وَمَا لَكُم مِّن نَّٰصِرِينَ

Filipino Translation (Maguindanaon) - Rowwad Translation CenterEndu edtalun sa kanilan: saguna na itagak kanu sya sa naraka, ka mana bun su kinatagak nu sa nya ba a gay nu, endu ya nu kadtakenan su naraka a dala makadtabang sa lekanu.

See all translations of this verse →

Surah Al-Jaathiya, Verse 35

ذَٰلِكُم بِأَنَّكُمُ ٱتَّخَذْتُمْ ءَايَٰتِ ٱللَّهِ هُزُوًا وَغَرَّتْكُمُ ٱلْحَيَوٰةُ ٱلدُّنْيَا فَٱلْيَوْمَ لَا يُخْرَجُونَ مِنْهَا وَلَا هُمْ يُسْتَعْتَبُونَ

Filipino Translation (Maguindanaon) - Rowwad Translation CenterKagina sekanu na ya nu pinakaydan kanu manga ayatan nu Allah na bagungaten bu, nasimpang kanu na kapaguyag sa dunya, na saguna a gay na di silan makalyu sa naraka endu dala makapangeni sa kagkapya nilan.

See all translations of this verse →

Surah Al-Jaathiya, Verse 36

فَلِلَّهِ ٱلْحَمْدُ رَبِّ ٱلسَّمَٰوَٰتِ وَرَبِّ ٱلْأَرْضِ رَبِّ ٱلْعَٰلَمِينَ

Filipino Translation (Maguindanaon) - Rowwad Translation CenterPugin su Allah kigkuwan sa manga langit endu su lupa, endu kigkuwan pan kanu dunya.

See all translations of this verse →

Surah Al-Jaathiya, Verse 37

وَلَهُ ٱلْكِبْرِيَآءُ فِى ٱلسَّمَٰوَٰتِ وَٱلْأَرْضِ وَهُوَ ٱلْعَزِيزُ ٱلْحَكِيمُ

Filipino Translation (Maguindanaon) - Rowwad Translation CenterLekanin su kasla kanu pitu lapis a langit endu lupa, endu sekanin i mapulu a mataw sa kapandadayta.

See all translations of this verse →

Looking for a topic? Try the meaning search — your question is scanned across all 6,236 verses. →
Language — 70