Filipino Translation (Maguindanaon) - Rowwad Translation CenterDa kinabaluy nami kanu manga langit endu lupa endu su pageletan nin ya tabya na bantang endu mawa bun, endu su manga kafir na pimbalwagan nilan su inipakagilek sa kanilan.
Filipino Translation (Maguindanaon) - Rowwad Translation CenterEdtalu ka (Muhammad): edtalu nu su pedsimban nu a salakaw sa Allah u ngin i nabaluy nin sya sa lupa atawaka ngintu aden nakadtabang kanu Allah lu sa langit, isya nu i kitab a nawna pan (sa Qur’an) atawaka basi aden pan nasama kanu kataw a nawna amayka benal i kadtalu nu.
Filipino Translation (Maguindanaon) - Rowwad Translation CenterEndu da den muna i katading nin kanu taw a pedsimba sa salakaw sa Allah, sa da bun katalima nin kanu bangeni nin taman sa gay a mawli, namba pedsimban nilan na da bun labut nin.
Filipino Translation (Maguindanaon) - Rowwad Translation CenterEndu amayka nabulig su manga taw sa gay a mawli na satrun (kuntran) nilan su kadenan nilan endu sangkan nilan i kinasimba nilan (kanu barahala).
Filipino Translation (Maguindanaon) - Rowwad Translation CenterEndu amayka batyan sa kanilan su manga ayatan nami a mapayag na ya kadtalu nu manga kafir kanu bantang, guna makawma sa kanilan: na namba na sih’r a mapayag.
Filipino Translation (Maguindanaon) - Rowwad Translation CenterAtawaka edtalun nilan i inedtebu nu (Muhammad), edtalu ka sa kanilan: amayka inidtebu ku na di aku nu magaga mangawn sa naraka, su Allah i mataw kanu pedtalun nu (sa Qur’an) nasasangan den a saksi tanu su kadtalu nu, sekanin (Allah) i bangampun a malimu.
Filipino Translation (Maguindanaon) - Rowwad Translation CenterEdtalu ka sa kanilan: di kena aku nakadtebu kanu manga sinugu, endu di ku bun katawan u ngin i pakaydan nu Kadenan sa laki endu sekanu, ka da bugunutan ku a liyu sa ipe-wahi sa laki, endu da salaki ya tabya papegkagileken ku sekanu sa mapayag.
Filipino Translation (Maguindanaon) - Rowwad Translation CenterEdtalu nu sa laki upama ka naka-ebpun bun sa Allah na sinangkan nu, na aden bun mid-saksi kanu tupu nu Israel sa benal (i Qur’an) taman sa nangimbenal sekanin, na sekanu na mimamasela kanu, su Allah na di nin tutulun su manga salimbuten.
Filipino Translation (Maguindanaon) - Rowwad Translation CenterEndu pidtalu pan nu manga kafir kanu manga bamaginugut: amayka mapya inan na di tanu nilan kawnanan sa mapya, na kagina ka da silan matutulu na ya nilan menem kadtalu na namba na kalbutan a danden.
Filipino Translation (Maguindanaon) - Rowwad Translation CenterEndu nawna pan su kitab nu Musa a bagunutan endu limu, endu nya menem a kitab (Qur’an) na nagayun bun silan a basa Arab, ka endu maka-panggigilek kanu manga dupang, endu makapya kanu manga mapya.
Filipino Translation (Maguindanaon) - Rowwad Translation CenterSaben-sabenal su manga taw a ya nilan pigkadenan su Allah, mawli na midtidtu silan na da gilek nilan sa kanaraka endu da sa kanilan i malidu i ginawa nilan kanu gatagak nilan.
Filipino Translation (Maguindanaon) - Rowwad Translation CenterSilan ba antu a manga taw i kigkuwan sa surga sa di den makalyu, balas intu kanu manga galebek nilan (a mapya sya sa dunya).
Filipino Translation (Maguindanaon) - Rowwad Translation CenterEndu inibpalyugat nami kanu manusya i kabpya-pya nin kanu duwa a mimbata sa lekanin, si ina nin a napasangan sa kagingay lun, kinambata lun na napasangan bun, endu telu pulu a ulan entu pan a mamitas, taman sa amayka mabagel den sa nakagaws den sa pat pulu lagun na ya nin edtalun: Kadenan ku ilhami aku sa kadsukur ku sa leka sabap kanu limu nengka sa laki endu su duwa a lukes ku endu manggalebek ku i mapya a kasuwatan nengka endu makagkapya sa laki su mawli a taw ku, ka midtawbat aku sa leka, endu saki na kuyug aku kanu manga Muslim.
Filipino Translation (Maguindanaon) - Rowwad Translation CenterSilan a manga taw i taliman nami silan, su mapya a galebek nilan, endu pasagadan nami su kawagan nilan, lu silan sa surga, ituman nu Kadenan sa kanilan su pasad nin kanu nganin a pigkahanda nilan a bagapasen nilan.
Filipino Translation (Maguindanaon) - Rowwad Translation CenterEndu su taw a pidtalu nin kanu duwa a lukes nin: mawag kanu gayd, pedtyag kanu sa makalyu aku (sa kubur) na madakel den i namamatay na dala bun silan makalyu, inunta na bangeni bun (sa Allah) su duwa a lukes nin: nabinasa ka den (a wata), su pasad nu Allah na benal, silan na ya nilan kadtalu: na namba (Qur’an) na sulat a nawna.
Filipino Translation (Maguindanaon) - Rowwad Translation CenterSilan a manga taw na wagib a siksan, makuyug kanu nangawna a manga taw a jin endu manusya, ka silan a manga taw a nangalugi.
Filipino Translation (Maguindanaon) - Rowwad Translation CenterEndu uman isa ya nin pangkatan su galebek nin, endu padsampulnan kanu galebekan nilan sa di silan madupang.
Filipino Translation (Maguindanaon) - Rowwad Translation CenterEndu su gay a pa-narakan den su manga kafir, edtalun sa kanilan: dala pinatagan nu kanu manga mapya nu lu sa dunya endu migkalilini kanu bu na saguna a gay a balasan kanu sa siksa a mapalusak sa lekanu sabap kanu kinamamasela nu lu sa dunya sa da kawagib nin, endu sabap kanu kina-faasiq nu.
Filipino Translation (Maguindanaon) - Rowwad Translation CenterLabit ka (Muhammad) su suled ni Aad (Hud) a pinanginggilek nin su taw nin kanu bawgan, a madakel den i nawna a nalabit a makagilek, magidsan kasangulan-taligkudan, sa da kanu sumimba ya tabya su Allah, (pidtalu nin): saki na kagilekan aku sa lekanu kanu siksa a masla.
Filipino Translation (Maguindanaon) - Rowwad Translation CenterYa nilan pidtalu na nginan pabpagendan nengka i manga kadenan nami? Na pambuwat ka i siksa a pedtalun nengka amayka benal ka.
Filipino Translation (Maguindanaon) - Rowwad Translation CenterPidtalu (ni Hud): su Allah i mataw kanu siksa ipedsampay ku bu sa lekanu su inisugu sa laki, ugayd na gailay ku na sekanu a manga taw na dili mataw.
Filipino Translation (Maguindanaon) - Rowwad Translation CenterGuna nilan mailay i malibuteng sa lu pedsangul kanu bawgan nilan, ya nilan kadtalu: nan su dadtem a pabpagulan sa lekitanu, (pidtalu nu Hud): di kena ka namba i siksa a pedtagadan nu a sambel sa ya nin dalem na siksa a masakit.
Filipino Translation (Maguindanaon) - Rowwad Translation CenterPembinasan nin i langun a gasugat nin sa kahanda nu Kadenan nin, na nabaluy silan a dala den mailay sa kanilan a salakaw pan kanu manga walay na manga darwaka.
Filipino Translation (Maguindanaon) - Rowwad Translation CenterEndu saben-sabenal a inenggan nami silan sa muna pan sa lekanu (a Quraish) endu inenggan nami silan sa kakineg endu kailay endu pusung, na dala natagan nin sa kanilan su kakineg, kailay, endu su pusung sa apya paydu kagina silan na pedsangkan nilan su manga ayatan nami, endu nakatumpalak (nawagib) sa kanilan su siksa a bagungaten nilan.
Filipino Translation (Maguindanaon) - Rowwad Translation CenterEndu bininasa nami su embala-bala kanu dalpa nu, endu linampal nami su manga ayatan nami, ka basi magumbaya silan.
Filipino Translation (Maguindanaon) - Rowwad Translation CenterNamba ka pidtabangan bu silan u kadenan nilan a salakaw sa Allah (kayu-wata) ugayd na nakadtadingay silan, ka entu ba su kalbutan nilan a ipedtebu nilan sa ginawa nilan.
Filipino Translation (Maguindanaon) - Rowwad Translation CenterAden isa a gay a pinatalabuk nami sa leka (Muhammad) i mga jin a makikineg sa Qur’an, guna silan makawma na ya nilan pidtalu: tana kanu, guna makapasad na ginumanat silan, lu silan mibpawang kanu kadakel nilan, sa bangenggat silan (sa agama Islam).
Filipino Translation (Maguindanaon) - Rowwad Translation CenterPidtalu nilan (manga jin): sekanu a manga pagali nami aden nakineg nami a kitab a nakatulun sa ulyan nu Musa a nagayun kanu kitab nin (Musa) sa pedtutulu sa bantang, endu ipedtutulu nin i lalan a matidtu.
Filipino Translation (Maguindanaon) - Rowwad Translation CenterSekanu a manga tagapeda nami, talima nu su sinugu nu Allah endu pangimbenal nu, ka ampunen nin su ped kanu kadusan nu, endu lepasen kanu nin kanu siksa a malipedes a masakit.
Filipino Translation (Maguindanaon) - Rowwad Translation CenterEndu su taw a di nin taliman su enggatan nu nabi na da sa lekanin i makalyu sa dalpa (siksa sya sa lupa) endu da den sa lekanin i kasaligan nin, endu namba i manga taw a natadin sa mapayag.
Filipino Translation (Maguindanaon) - Rowwad Translation CenterNgintu dala nilan mailay su Allah i minaluy kanu manga langit endu su lupa, na dala malugat sa kinabaluy nin lun, na magaga nin sa mawyag su minatay, sekanin (Allah) na kagaga nin i langun na enggaga-isa.
Filipino Translation (Maguindanaon) - Rowwad Translation CenterSu gay a iludep su manga kafir lu sa naraka, na edtalu nu manga malaikat: di kena nya ba i benal? Ya nilan madtalu: benal, Kadenan nami! (Edtalun sa kanilan): nanami nu su siksa sabap sa kinagkafir nu (lu sa dunya).
Filipino Translation (Maguindanaon) - Rowwad Translation CenterEdsabar ka (Muhammad) ka midsabar bun su manga sinugu a nawna salka, na di ka pedtagadi silan ka su gay a mailay nilan su inibpasad sa kanilan na ya nilan ma-antap na nalegan bu silan sa dunya, (su Qur’an) na ipedsampay nengka bu, na dala mabinasa a salakaw kanu manga faasiq.