caseriqMeaning search in the Qur'an

Surah Al-Muminoon المؤمنون

118 verses · Mecca · revelation order 74

Surah Al-Muminoon, Verse 1

بِسْمِ ٱللَّهِ ٱلرَّحْمَٰنِ ٱلرَّحِيمِ قَدْ أَفْلَحَ ٱلْمُؤْمِنُونَ

Filipino Translation (Maguindanaon) - Rowwad Translation CenterSaben-sabenal a nakauntung su manga mu'min.

See all translations of this verse →

Surah Al-Muminoon, Verse 2

ٱلَّذِينَ هُمْ فِى صَلَاتِهِمْ خَٰشِعُونَ

Filipino Translation (Maguindanaon) - Rowwad Translation CenterSilan kanu kapedsambayang nilan na gilek silan sa Allah.

See all translations of this verse →

Surah Al-Muminoon, Verse 3

وَٱلَّذِينَ هُمْ عَنِ ٱللَّغْوِ مُعْرِضُونَ

Filipino Translation (Maguindanaon) - Rowwad Translation CenterEndu silan na di nilan amungan i da kataganin.

See all translations of this verse →

Surah Al-Muminoon, Verse 4

وَٱلَّذِينَ هُمْ لِلزَّكَوٰةِ فَٰعِلُونَ

Filipino Translation (Maguindanaon) - Rowwad Translation CenterEndu ibagenggay nilan su zakat ilan.

See all translations of this verse →

Surah Al-Muminoon, Verse 5

وَٱلَّذِينَ هُمْ لِفُرُوجِهِمْ حَٰفِظُونَ

Filipino Translation (Maguindanaon) - Rowwad Translation CenterEndu pedtuldun nilan su sangulan nilan.

See all translations of this verse →

Surah Al-Muminoon, Verse 6

إِلَّا عَلَىٰٓ أَزْوَٰجِهِمْ أَوْ مَا مَلَكَتْ أَيْمَٰنُهُمْ فَإِنَّهُمْ غَيْرُ مَلُومِينَ

Filipino Translation (Maguindanaon) - Rowwad Translation CenterYa tabiya na kaluma nilan, atawa su kamilikan nilan a di silan matila.

See all translations of this verse →

Surah Al-Muminoon, Verse 7

فَمَنِ ٱبْتَغَىٰ وَرَآءَ ذَٰلِكَ فَأُو۟لَٰٓئِكَ هُمُ ٱلْعَادُونَ

Filipino Translation (Maguindanaon) - Rowwad Translation CenterNa entayn i mangilay sa subla pan sa nya ba na entuba su manga taw a matibaba.

See all translations of this verse →

Surah Al-Muminoon, Verse 8

وَٱلَّذِينَ هُمْ لِأَمَٰنَٰتِهِمْ وَعَهْدِهِمْ رَٰعُونَ

Filipino Translation (Maguindanaon) - Rowwad Translation CenterEndu pedtuldun nilan su salig sa kanilan endu su pasad ilan.

See all translations of this verse →

Surah Al-Muminoon, Verse 9

وَٱلَّذِينَ هُمْ عَلَىٰ صَلَوَٰتِهِمْ يُحَافِظُونَ

Filipino Translation (Maguindanaon) - Rowwad Translation CenterEndu pedtuganulen nilan i langun nu manga sambayangilan.

See all translations of this verse →

Surah Al-Muminoon, Verse 10

أُو۟لَٰٓئِكَ هُمُ ٱلْوَٰرِثُونَ

Filipino Translation (Maguindanaon) - Rowwad Translation CenterNa silan i pakawaris.

See all translations of this verse →

Surah Al-Muminoon, Verse 11

ٱلَّذِينَ يَرِثُونَ ٱلْفِرْدَوْسَ هُمْ فِيهَا خَٰلِدُونَ

Filipino Translation (Maguindanaon) - Rowwad Translation CenterKanu surga a firdaws sa di den silan makaliyu.

See all translations of this verse →

Surah Al-Muminoon, Verse 12

وَلَقَدْ خَلَقْنَا ٱلْإِنسَٰنَ مِن سُلَٰلَةٍ مِّن طِينٍ

Filipino Translation (Maguindanaon) - Rowwad Translation CenterEndu saben-sabenal a binaluy nami si Adam a yanin tupu na lupa.

See all translations of this verse →

Surah Al-Muminoon, Verse 13

ثُمَّ جَعَلْنَٰهُ نُطْفَةً فِى قَرَارٍ مَّكِينٍ

Filipino Translation (Maguindanaon) - Rowwad Translation CenterMawli na binaluy nami su muli-a-taw sa nutfah (midsimbul a ig nu mama-babay) sya kanu tiyan nu babay.

See all translations of this verse →

Surah Al-Muminoon, Verse 14

ثُمَّ خَلَقْنَا ٱلنُّطْفَةَ عَلَقَةً فَخَلَقْنَا ٱلْعَلَقَةَ مُضْغَةً فَخَلَقْنَا ٱلْمُضْغَةَ عِظَٰمًا فَكَسَوْنَا ٱلْعِظَٰمَ لَحْمًا ثُمَّ أَنشَأْنَٰهُ خَلْقًا ءَاخَرَ فَتَبَارَكَ ٱللَّهُ أَحْسَنُ ٱلْخَٰلِقِينَ

Filipino Translation (Maguindanaon) - Rowwad Translation CenterMawli na pinambaluy nami su nutfah sa lugu, pinambaluy nami su lugu sa mana kemel, pinambaluy sa tulan, na binawsan nami sa sapu, mawli na iniyupan nami (atawa tinaguwan sa ngyawa), mahasuti su Allah a mapya gayd i kapamaluy nin.

See all translations of this verse →

Surah Al-Muminoon, Verse 15

ثُمَّ إِنَّكُم بَعْدَ ذَٰلِكَ لَمَيِّتُونَ

Filipino Translation (Maguindanaon) - Rowwad Translation CenterMawli na sekanu na matay kanu bun.

See all translations of this verse →

Surah Al-Muminoon, Verse 16

ثُمَّ إِنَّكُمْ يَوْمَ ٱلْقِيَٰمَةِ تُبْعَثُونَ

Filipino Translation (Maguindanaon) - Rowwad Translation CenterMawli na sekanu na (makawma) kanu sa gay a mawli sa makambuat sa kubur.

See all translations of this verse →

Surah Al-Muminoon, Verse 17

وَلَقَدْ خَلَقْنَا فَوْقَكُمْ سَبْعَ طَرَآئِقَ وَمَا كُنَّا عَنِ ٱلْخَلْقِ غَٰفِلِينَ

Filipino Translation (Maguindanaon) - Rowwad Translation CenterEndu saben-sabenal a binaluy nami kanu pulu nu i pitu lapis a langit, endu dala sa lekami i makadtalipenda nami su langun u binaluy.

See all translations of this verse →

Surah Al-Muminoon, Verse 18

وَأَنزَلْنَا مِنَ ٱلسَّمَآءِ مَآءًۢ بِقَدَرٍ فَأَسْكَنَّٰهُ فِى ٱلْأَرْضِ وَإِنَّا عَلَىٰ ذَهَابٍۭ بِهِۦ لَقَٰدِرُونَ

Filipino Translation (Maguindanaon) - Rowwad Translation CenterEndu pinatulun nami ebpun sa langit su ig sa na-ukul bu, na pinadtakena (pinasenep) nami sa lupa, endu magaga nami i mailang su langun a ig sa dunya.

See all translations of this verse →

Surah Al-Muminoon, Verse 19

فَأَنشَأْنَا لَكُم بِهِۦ جَنَّٰتٍ مِّن نَّخِيلٍ وَأَعْنَٰبٍ لَّكُمْ فِيهَا فَوَٰكِهُ كَثِيرَةٌ وَمِنْهَا تَأْكُلُونَ

Filipino Translation (Maguindanaon) - Rowwad Translation CenterNa pinambuwat nami sa lekanu kanu ig i manga pamulanu, kayu kulma endu inab, aden lekanu a manga unga na kayu a madakel, endu entuba i pegken nu.

See all translations of this verse →

Surah Al-Muminoon, Verse 20

وَشَجَرَةً تَخْرُجُ مِن طُورِ سَيْنَآءَ تَنۢبُتُ بِٱلدُّهْنِ وَصِبْغٍ لِّلْـَٔاكِلِينَ

Filipino Translation (Maguindanaon) - Rowwad Translation CenterEndu kayu a lu bagetu’ kanu palaw a (Sina'i) sa entuba a kayu na aden lana nin, kaped lun na pegkenu (namba su zaitun).

See all translations of this verse →

Surah Al-Muminoon, Verse 21

وَإِنَّ لَكُمْ فِى ٱلْأَنْعَٰمِ لَعِبْرَةً نُّسْقِيكُم مِّمَّا فِى بُطُونِهَا وَلَكُمْ فِيهَا مَنَٰفِعُ كَثِيرَةٌ وَمِنْهَا تَأْكُلُونَ

Filipino Translation (Maguindanaon) - Rowwad Translation CenterEndu aden kanu manga binatang i manga indawan, banginumen su gatasin endu madakel i papedtagan lun, endu pegken nu pan su (kaped kanu) binatang.

See all translations of this verse →

Surah Al-Muminoon, Verse 22

وَعَلَيْهَا وَعَلَى ٱلْفُلْكِ تُحْمَلُونَ

Filipino Translation (Maguindanaon) - Rowwad Translation CenterEndu bagedan nu sya sa kapuluwan (pegkudan nu), sya menem sa ig su kapal.

See all translations of this verse →

Surah Al-Muminoon, Verse 23

وَلَقَدْ أَرْسَلْنَا نُوحًا إِلَىٰ قَوْمِهِۦ فَقَالَ يَٰقَوْمِ ٱعْبُدُوا۟ ٱللَّهَ مَا لَكُم مِّنْ إِلَٰهٍ غَيْرُهُۥٓ أَفَلَا تَتَّقُونَ

Filipino Translation (Maguindanaon) - Rowwad Translation CenterEndu sinugu nami su Nuh lu kanu manga taw nin, ya nin pidtalu: simba nu su Allah, ka da kadenan nu a salakaw sa lekanin, na ngintu ka di nu ikagilek?

See all translations of this verse →

Surah Al-Muminoon, Verse 24

فَقَالَ ٱلْمَلَؤُا۟ ٱلَّذِينَ كَفَرُوا۟ مِن قَوْمِهِۦ مَا هَٰذَآ إِلَّا بَشَرٌ مِّثْلُكُمْ يُرِيدُ أَن يَتَفَضَّلَ عَلَيْكُمْ وَلَوْ شَآءَ ٱللَّهُ لَأَنزَلَ مَلَٰٓئِكَةً مَّا سَمِعْنَا بِهَٰذَا فِىٓ ءَابَآئِنَا ٱلْأَوَّلِينَ

Filipino Translation (Maguindanaon) - Rowwad Translation CenterYa pidtalu nu manga ganga-unutan nu manga kafir kanu manga taw nin: da inan (si Nuh) ka manusya a pagidsan tanu bun, ya nin kyugan na kalabiyan kanu nin, u pegkyug su Allah (sa matutulu tanu) na yanin patulunen i malaikat, ka dala nami makineg inan sa kalukesan nami.

See all translations of this verse →

Surah Al-Muminoon, Verse 25

إِنْ هُوَ إِلَّا رَجُلٌۢ بِهِۦ جِنَّةٌ فَتَرَبَّصُوا۟ بِهِۦ حَتَّىٰ حِينٍ

Filipino Translation (Maguindanaon) - Rowwad Translation CenterBenal a mama inan (su Nuh) a buneg, angati nu ka matay bun.

See all translations of this verse →

Surah Al-Muminoon, Verse 26

قَالَ رَبِّ ٱنصُرْنِى بِمَا كَذَّبُونِ

Filipino Translation (Maguindanaon) - Rowwad Translation CenterTig nu Nuh: Kadenan ku, tabangi aku sabap sa papendalebuten aku nilan.

See all translations of this verse →

Surah Al-Muminoon, Verse 27

فَأَوْحَيْنَآ إِلَيْهِ أَنِ ٱصْنَعِ ٱلْفُلْكَ بِأَعْيُنِنَا وَوَحْيِنَا فَإِذَا جَآءَ أَمْرُنَا وَفَارَ ٱلتَّنُّورُ فَٱسْلُكْ فِيهَا مِن كُلٍّ زَوْجَيْنِ ٱثْنَيْنِ وَأَهْلَكَ إِلَّا مَن سَبَقَ عَلَيْهِ ٱلْقَوْلُ مِنْهُمْ وَلَا تُخَٰطِبْنِى فِى ٱلَّذِينَ ظَلَمُوٓا۟ إِنَّهُم مُّغْرَقُونَ

Filipino Translation (Maguindanaon) - Rowwad Translation CenterIni-wahi nami sa lekanin: umbal ka sa awang sa parihala nami endu suguwan nami, na amayka mawma su kahanda nami na edsebu su pugun (bagaluganan) na papageda ka i embiyasan sa enggaga-duwa (babay-mama), endu su kaluma nengka ya tabiya na su na-ukul den sa maka amung mabinasa, endu di aku imbityala pantag kanu manga kafir ka makageled silan tanan.

See all translations of this verse →

Surah Al-Muminoon, Verse 28

فَإِذَا ٱسْتَوَيْتَ أَنتَ وَمَن مَّعَكَ عَلَى ٱلْفُلْكِ فَقُلِ ٱلْحَمْدُ لِلَّهِ ٱلَّذِى نَجَّىٰنَا مِنَ ٱلْقَوْمِ ٱلظَّٰلِمِينَ

Filipino Translation (Maguindanaon) - Rowwad Translation CenterAmayka nakapageda kanu den sa awang endu su manga tagapeda nengka na edtalu ka: langun a pugi na kanu Allah ka linepas kami nin kanu manga salimbuten.

See all translations of this verse →

Surah Al-Muminoon, Verse 29

وَقُل رَّبِّ أَنزِلْنِى مُنزَلًا مُّبَارَكًا وَأَنتَ خَيْرُ ٱلْمُنزِلِينَ

Filipino Translation (Maguindanaon) - Rowwad Translation CenterEndu edtalu ka: Kadenan ku, pambeken aku sa katumpan a barakat, endu seka i mapya gayd a mapagkaleben.

See all translations of this verse →

Surah Al-Muminoon, Verse 30

إِنَّ فِى ذَٰلِكَ لَـَٔايَٰتٍ وَإِن كُنَّا لَمُبْتَلِينَ

Filipino Translation (Maguindanaon) - Rowwad Translation CenterBenal a nadalem lu ba su tanda a kapegkagaga nu Allah, endu nabatalu su Nuh endu su manga taw nin.

See all translations of this verse →

Surah Al-Muminoon, Verse 31

ثُمَّ أَنشَأْنَا مِنۢ بَعْدِهِمْ قَرْنًا ءَاخَرِينَ

Filipino Translation (Maguindanaon) - Rowwad Translation CenterMawli na pinambuwat ami sa ulyan nilan i manga taw a nauli kanilan (tupu nilan).

See all translations of this verse →

Surah Al-Muminoon, Verse 32

فَأَرْسَلْنَا فِيهِمْ رَسُولًا مِّنْهُمْ أَنِ ٱعْبُدُوا۟ ٱللَّهَ مَا لَكُم مِّنْ إِلَٰهٍ غَيْرُهُۥٓ أَفَلَا تَتَّقُونَ

Filipino Translation (Maguindanaon) - Rowwad Translation CenterNa sinugu nami kanilan i sinugu ebpun bun kanilan (ya nin pedtalun): paka-isa nu su Allah a simban ka dala kadenan nu a salakaw sa lekanin, na ngintu di nu ikagilek?

See all translations of this verse →

Surah Al-Muminoon, Verse 33

وَقَالَ ٱلْمَلَأُ مِن قَوْمِهِ ٱلَّذِينَ كَفَرُوا۟ وَكَذَّبُوا۟ بِلِقَآءِ ٱلْـَٔاخِرَةِ وَأَتْرَفْنَٰهُمْ فِى ٱلْحَيَوٰةِ ٱلدُّنْيَا مَا هَٰذَآ إِلَّا بَشَرٌ مِّثْلُكُمْ يَأْكُلُ مِمَّا تَأْكُلُونَ مِنْهُ وَيَشْرَبُ مِمَّا تَشْرَبُونَ

Filipino Translation (Maguindanaon) - Rowwad Translation CenterEndu pidtalu nu manga kasaligan kanu kawmin a kafir endu napandalebut sa kabaratemu sa Allah sa gay a mawli endu inenggan nami sa limu sya sa dunya: dala bun inan ka manusya a pagidsan tanu nu, ya nilan bun pegken na pegken tanu endu ya nilan bun baginumen na su baginumen tanu.

See all translations of this verse →

Surah Al-Muminoon, Verse 34

وَلَئِنْ أَطَعْتُم بَشَرًا مِّثْلَكُمْ إِنَّكُمْ إِذًا لَّخَٰسِرُونَ

Filipino Translation (Maguindanaon) - Rowwad Translation CenterAmayka paginugutan nu i manusya a pagidsan nu bun na sekanu den i manga taw a nangalugi.

See all translations of this verse →

Surah Al-Muminoon, Verse 35

أَيَعِدُكُمْ أَنَّكُمْ إِذَا مِتُّمْ وَكُنتُمْ تُرَابًا وَعِظَٰمًا أَنَّكُم مُّخْرَجُونَ

Filipino Translation (Maguindanaon) - Rowwad Translation CenterInibpasad in sa lekanu i amayka minatay kanu den endu libubuk kanu den endu nangalupet den su tulan nu na makambuwat pamun?

See all translations of this verse →

Surah Al-Muminoon, Verse 36

هَيْهَاتَ هَيْهَاتَ لِمَا تُوعَدُونَ

Filipino Translation (Maguindanaon) - Rowwad Translation CenterMawatan-mawatan a manggula i langun a pedtalunin i namba a mama.

See all translations of this verse →

Surah Al-Muminoon, Verse 37

إِنْ هِىَ إِلَّا حَيَاتُنَا ٱلدُّنْيَا نَمُوتُ وَنَحْيَا وَمَا نَحْنُ بِمَبْعُوثِينَ

Filipino Translation (Maguindanaon) - Rowwad Translation CenterDa galebek ka baguyag tanu bu sya sa dunya, matay tanu endu embibyag tanu, endu da den kambuwat tanu ebpaluman (dala den siksa, atawa gay a mawli).

See all translations of this verse →

Surah Al-Muminoon, Verse 38

إِنْ هُوَ إِلَّا رَجُلٌ ٱفْتَرَىٰ عَلَى ٱللَّهِ كَذِبًا وَمَا نَحْنُ لَهُۥ بِمُؤْمِنِينَ

Filipino Translation (Maguindanaon) - Rowwad Translation CenterNamba sekanin na mama a pedtebuwanin su Allah sa kalebut, endu da sa lekitanu i kapangimbenal sa lekanin.

See all translations of this verse →

Surah Al-Muminoon, Verse 39

قَالَ رَبِّ ٱنصُرْنِى بِمَا كَذَّبُونِ

Filipino Translation (Maguindanaon) - Rowwad Translation CenterYa nin nadtalu; Kadenan ku tabangi aku kagina pinandalbut aku nilan.

See all translations of this verse →

Surah Al-Muminoon, Verse 40

قَالَ عَمَّا قَلِيلٍ لَّيُصْبِحُنَّ نَٰدِمِينَ

Filipino Translation (Maguindanaon) - Rowwad Translation CenterTig nu Allah: paydu bu a timpu i nasama kanilan ka makadsendit silan langun.

See all translations of this verse →

Surah Al-Muminoon, Verse 41

فَأَخَذَتْهُمُ ٱلصَّيْحَةُ بِٱلْحَقِّ فَجَعَلْنَٰهُمْ غُثَآءً فَبُعْدًا لِّلْقَوْمِ ٱلظَّٰلِمِينَ

Filipino Translation (Maguindanaon) - Rowwad Translation CenterNa sinayab silan na kilat, minatay silan, na binaluy nami silan sa mana utan a nagangu sa mawatan den kanu limu nu Allah su manga taw a salimbuten.

See all translations of this verse →

Surah Al-Muminoon, Verse 42

ثُمَّ أَنشَأْنَا مِنۢ بَعْدِهِمْ قُرُونًا ءَاخَرِينَ

Filipino Translation (Maguindanaon) - Rowwad Translation CenterMawli na pinambuwat nami sa ulyan nilan i manga taw a nakasukeli.

See all translations of this verse →

Surah Al-Muminoon, Verse 43

مَا تَسْبِقُ مِنْ أُمَّةٍ أَجَلَهَا وَمَا يَسْتَـْٔخِرُونَ

Filipino Translation (Maguindanaon) - Rowwad Translation CenterDi makawna kanu taw su ajal nin, endu di bun makadtatangguli.

See all translations of this verse →

Surah Al-Muminoon, Verse 44

ثُمَّ أَرْسَلْنَا رُسُلَنَا تَتْرَا كُلَّ مَا جَآءَ أُمَّةً رَّسُولُهَا كَذَّبُوهُ فَأَتْبَعْنَا بَعْضَهُم بَعْضًا وَجَعَلْنَٰهُمْ أَحَادِيثَ فَبُعْدًا لِّقَوْمٍ لَّا يُؤْمِنُونَ

Filipino Translation (Maguindanaon) - Rowwad Translation CenterMawli na sinugu nami su manga sinugu sa namakadtutundug, uman makawma kanu manga taw su sinugu na pandalbuten nu nawman nilan, endu midtutundug bun i kinabinasa kanilan, binaluy nami silan a bityala a mawag (tarsilan), mawatan su limu kanu manga taw a di bangimbenal.

See all translations of this verse →

Surah Al-Muminoon, Verse 45

ثُمَّ أَرْسَلْنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلْطَٰنٍ مُّبِينٍ

Filipino Translation (Maguindanaon) - Rowwad Translation CenterMawli na sinugu nami si Musa endu su suledin a si Harun kanu manga ayatan nami endu tindeg a mapayag.

See all translations of this verse →

Surah Al-Muminoon, Verse 46

إِلَىٰ فِرْعَوْنَ وَمَلَإِي۟هِۦ فَٱسْتَكْبَرُوا۟ وَكَانُوا۟ قَوْمًا عَالِينَ

Filipino Translation (Maguindanaon) - Rowwad Translation CenterLu kani Fir’awn endu su kadakelin, na mimamasla silan, na silan i manga taw a mibpapulu.

See all translations of this verse →

Surah Al-Muminoon, Verse 47

فَقَالُوٓا۟ أَنُؤْمِنُ لِبَشَرَيْنِ مِثْلِنَا وَقَوْمُهُمَا لَنَا عَٰبِدُونَ

Filipino Translation (Maguindanaon) - Rowwad Translation CenterYa nilan pidtalu na di tanu mangimbenal sa pagidsan tanu bun, su taw nilan na namba su bangulipenen tanu.

See all translations of this verse →

Surah Al-Muminoon, Verse 48

فَكَذَّبُوهُمَا فَكَانُوا۟ مِنَ ٱلْمُهْلَكِينَ

Filipino Translation (Maguindanaon) - Rowwad Translation CenterPinandalbut nilan, na nabinasa silan.

See all translations of this verse →

Surah Al-Muminoon, Verse 49

وَلَقَدْ ءَاتَيْنَا مُوسَى ٱلْكِتَٰبَ لَعَلَّهُمْ يَهْتَدُونَ

Filipino Translation (Maguindanaon) - Rowwad Translation CenterSaben-sabenal a inenggay nami kani Musa su kitab ka basi matutulu silan.

See all translations of this verse →

Surah Al-Muminoon, Verse 50

وَجَعَلْنَا ٱبْنَ مَرْيَمَ وَأُمَّهُۥٓ ءَايَةً وَءَاوَيْنَٰهُمَآ إِلَىٰ رَبْوَةٍ ذَاتِ قَرَارٍ وَمَعِينٍ

Filipino Translation (Maguindanaon) - Rowwad Translation CenterEndu binaluy nami su wata a mama ni Maryam (Eisa) endu si ina nin a tanda, endu tinuganul nami silan lu kanu mapulu a lupa sa aden buwalin.

See all translations of this verse →

Surah Al-Muminoon, Verse 51

يَٰٓأَيُّهَا ٱلرُّسُلُ كُلُوا۟ مِنَ ٱلطَّيِّبَٰتِ وَٱعْمَلُوا۟ صَٰلِحًا إِنِّى بِمَا تَعْمَلُونَ عَلِيمٌ

Filipino Translation (Maguindanaon) - Rowwad Translation CenterSekanu a manga sinugu kan kanu kanu mapya, endu enggalebek kanu sa mapya, ka benal a katawan ku i galebek nu.

See all translations of this verse →

Surah Al-Muminoon, Verse 52

وَإِنَّ هَٰذِهِۦٓ أُمَّتُكُمْ أُمَّةً وَٰحِدَةً وَأَنَا۠ رَبُّكُمْ فَٱتَّقُونِ

Filipino Translation (Maguindanaon) - Rowwad Translation CenterEndu nya ba i agama nu na satiman bu, na saki bu i Kadenan nu, na ikagilek aku nu.

See all translations of this verse →

Surah Al-Muminoon, Verse 53

فَتَقَطَّعُوٓا۟ أَمْرَهُم بَيْنَهُمْ زُبُرًا كُلُّ حِزْبٍۭ بِمَا لَدَيْهِمْ فَرِحُونَ

Filipino Translation (Maguindanaon) - Rowwad Translation CenterNa nakabpipitas silan sa madakel i lumpukan nilan, uman isa kanu pegkamalanin na entuba i kalilinyanin.

See all translations of this verse →

Surah Al-Muminoon, Verse 54

فَذَرْهُمْ فِى غَمْرَتِهِمْ حَتَّىٰ حِينٍ

Filipino Translation (Maguindanaon) - Rowwad Translation CenterPasagadi ka silan kanu kapendusa nilan, ka makawma bun kanilan su kapatay.

See all translations of this verse →

Surah Al-Muminoon, Verse 55

أَيَحْسَبُونَ أَنَّمَا نُمِدُّهُم بِهِۦ مِن مَّالٍ وَبَنِينَ

Filipino Translation (Maguindanaon) - Rowwad Translation Center(Ngintu) bagantapen nilan i kabagenggay nami kanilan sa tamuk endu wata?

See all translations of this verse →

Surah Al-Muminoon, Verse 56

نُسَارِعُ لَهُمْ فِى ٱلْخَيْرَٰتِ بَل لَّا يَشْعُرُونَ

Filipino Translation (Maguindanaon) - Rowwad Translation CenterNa bamagayasan nami silan sa mapaya, na di nilan egkagedam (na kanarakan nilan).

See all translations of this verse →

Surah Al-Muminoon, Verse 57

إِنَّ ٱلَّذِينَ هُم مِّنْ خَشْيَةِ رَبِّهِم مُّشْفِقُونَ

Filipino Translation (Maguindanaon) - Rowwad Translation CenterBenal a ya mapya a taw na su di gapinda kanu ginawa nin i gilekin sa Allah.

See all translations of this verse →

Surah Al-Muminoon, Verse 58

وَٱلَّذِينَ هُم بِـَٔايَٰتِ رَبِّهِمْ يُؤْمِنُونَ

Filipino Translation (Maguindanaon) - Rowwad Translation CenterEndu silan a nangimbenal kanu manga ayatan u Kadenan nilan.

See all translations of this verse →

Surah Al-Muminoon, Verse 59

وَٱلَّذِينَ هُم بِرَبِّهِمْ لَا يُشْرِكُونَ

Filipino Translation (Maguindanaon) - Rowwad Translation CenterEndu di silan pedsakutu sa Kadenan nilan.

See all translations of this verse →

Surah Al-Muminoon, Verse 60

وَٱلَّذِينَ يُؤْتُونَ مَآ ءَاتَوا۟ وَّقُلُوبُهُمْ وَجِلَةٌ أَنَّهُمْ إِلَىٰ رَبِّهِمْ رَٰجِعُونَ

Filipino Translation (Maguindanaon) - Rowwad Translation CenterEndu inggay nilan pamun su inenggay kanilan a tamuk atawa sadaqah, endu atay nilan na magilek, endu lu silan pembalingan sa Allah.

See all translations of this verse →

Surah Al-Muminoon, Verse 61

أُو۟لَٰٓئِكَ يُسَٰرِعُونَ فِى ٱلْخَيْرَٰتِ وَهُمْ لَهَا سَٰبِقُونَ

Filipino Translation (Maguindanaon) - Rowwad Translation CenterEntuba i bamagayas sa mapya endu silan i nawna (enggula) sa mapya.

See all translations of this verse →

Surah Al-Muminoon, Verse 62

وَلَا نُكَلِّفُ نَفْسًا إِلَّا وُسْعَهَا وَلَدَيْنَا كِتَٰبٌ يَنطِقُ بِٱلْحَقِّ وَهُمْ لَا يُظْلَمُونَ

Filipino Translation (Maguindanaon) - Rowwad Translation CenterEndu da inibpaliyugat nami ya tabiya na su magaga nu, endu sya sa lekami su kitab a pedtalu sa bantang, endu di silan madsalimbut.

See all translations of this verse →

Surah Al-Muminoon, Verse 63

بَلْ قُلُوبُهُمْ فِى غَمْرَةٍ مِّنْ هَٰذَا وَلَهُمْ أَعْمَٰلٌ مِّن دُونِ ذَٰلِكَ هُمْ لَهَا عَٰمِلُونَ

Filipino Translation (Maguindanaon) - Rowwad Translation CenterUgayd na su atay nilan na tading sya sa nya ba (Qur’ an) endu aden pan manga galebek ilan a kaped a penggalebeken nilan a kasiksan.

See all translations of this verse →

Surah Al-Muminoon, Verse 64

حَتَّىٰٓ إِذَآ أَخَذْنَا مُتْرَفِيهِم بِٱلْعَذَابِ إِذَا هُمْ يَجْـَٔرُونَ

Filipino Translation (Maguindanaon) - Rowwad Translation CenterTaman sa bininasa nami su gangaunutan nilan (lu sa Bad'r) uman isa kanilan na mimbukasu.

See all translations of this verse →

Surah Al-Muminoon, Verse 65

لَا تَجْـَٔرُوا۟ ٱلْيَوْمَ إِنَّكُم مِّنَّا لَا تُنصَرُونَ

Filipino Translation (Maguindanaon) - Rowwad Translation CenterDa kanu pembukasu kanu nya a gay, ka sekanu na di kanu katabangan.

See all translations of this verse →

Surah Al-Muminoon, Verse 66

قَدْ كَانَتْ ءَايَٰتِى تُتْلَىٰ عَلَيْكُمْ فَكُنتُمْ عَلَىٰٓ أَعْقَٰبِكُمْ تَنكِصُونَ

Filipino Translation (Maguindanaon) - Rowwad Translation CenterKa saben-sabenal a pembatyan sa lekanu su manga ayatan ku na sekanu na semunud kanu a semalilit kanu.

See all translations of this verse →

Surah Al-Muminoon, Verse 67

مُسْتَكْبِرِينَ بِهِۦ سَٰمِرًا تَهْجُرُونَ

Filipino Translation (Maguindanaon) - Rowwad Translation CenterPemamasla kanu, namagumpung (sa mawag) kanu magabi sa tagaken nilan (su Qur’an).

See all translations of this verse →

Surah Al-Muminoon, Verse 68

أَفَلَمْ يَدَّبَّرُوا۟ ٱلْقَوْلَ أَمْ جَآءَهُم مَّا لَمْ يَأْتِ ءَابَآءَهُمُ ٱلْأَوَّلِينَ

Filipino Translation (Maguindanaon) - Rowwad Translation CenterNgintu ka di nilan pangangasipen (su Qur’an) aden nakawma kanilan a dala makawma kanu kalukesan nilan a nangawna?

See all translations of this verse →

Surah Al-Muminoon, Verse 69

أَمْ لَمْ يَعْرِفُوا۟ رَسُولَهُمْ فَهُمْ لَهُۥ مُنكِرُونَ

Filipino Translation (Maguindanaon) - Rowwad Translation CenterAtawa da nilan katawi su sinugu (Muhammad) ka bagungkiren nilan?

See all translations of this verse →

Surah Al-Muminoon, Verse 70

أَمْ يَقُولُونَ بِهِۦ جِنَّةٌۢ بَلْ جَآءَهُم بِٱلْحَقِّ وَأَكْثَرُهُمْ لِلْحَقِّ كَٰرِهُونَ

Filipino Translation (Maguindanaon) - Rowwad Translation CenterAtawa ya nilan pedtalun na buneg? Kena! Ka nakawma kanilan su bantang (ugayd) na ya madakel kanilan i mabensi sa bantang.

See all translations of this verse →

Surah Al-Muminoon, Verse 71

وَلَوِ ٱتَّبَعَ ٱلْحَقُّ أَهْوَآءَهُمْ لَفَسَدَتِ ٱلسَّمَٰوَٰتُ وَٱلْأَرْضُ وَمَن فِيهِنَّ بَلْ أَتَيْنَٰهُم بِذِكْرِهِمْ فَهُمْ عَن ذِكْرِهِم مُّعْرِضُونَ

Filipino Translation (Maguindanaon) - Rowwad Translation CenterAmayka su bantang ka edtatanggunut kanu kyug u ginawa nilan na mabinasa su manga langit endu su lupa endu su pageletan nilan, tembu inenggay nami kanilan su Qur’an, (ugayd) na tinaligkudan nilan.

See all translations of this verse →

Surah Al-Muminoon, Verse 72

أَمْ تَسْـَٔلُهُمْ خَرْجًا فَخَرَاجُ رَبِّكَ خَيْرٌ وَهُوَ خَيْرُ ٱلرَّٰزِقِينَ

Filipino Translation (Maguindanaon) - Rowwad Translation CenterDi kena ka pegkuwa kanilan sa buwis, ka su buwis nu Kadenan nengka na ya pan labi i kapiya nin, endu sekanin i mapya a pe-rizki.

See all translations of this verse →

Surah Al-Muminoon, Verse 73

وَإِنَّكَ لَتَدْعُوهُمْ إِلَىٰ صِرَٰطٍ مُّسْتَقِيمٍ

Filipino Translation (Maguindanaon) - Rowwad Translation CenterEndu seka (Muhammad) na bagenggaten nengka silan lu sa matidtu a lalan.

See all translations of this verse →

Surah Al-Muminoon, Verse 74

وَإِنَّ ٱلَّذِينَ لَا يُؤْمِنُونَ بِٱلْـَٔاخِرَةِ عَنِ ٱلصِّرَٰطِ لَنَٰكِبُونَ

Filipino Translation (Maguindanaon) - Rowwad Translation CenterEndu benal su manga taw a di bangimbenal sa gay a mawli, na sinemibay sa kanu lalan a matidtu. (agama Islam)

See all translations of this verse →

Surah Al-Muminoon, Verse 75

وَلَوْ رَحِمْنَٰهُمْ وَكَشَفْنَا مَا بِهِم مِّن ضُرٍّ لَّلَجُّوا۟ فِى طُغْيَٰنِهِمْ يَعْمَهُونَ

Filipino Translation (Maguindanaon) - Rowwad Translation CenterAmayka inikalimu nami silan endu iyawa nami su pakagkayd kanilan na mananalusan silan sa kadupangan nilan.

See all translations of this verse →

Surah Al-Muminoon, Verse 76

وَلَقَدْ أَخَذْنَٰهُم بِٱلْعَذَابِ فَمَا ٱسْتَكَانُوا۟ لِرَبِّهِمْ وَمَا يَتَضَرَّعُونَ

Filipino Translation (Maguindanaon) - Rowwad Translation CenterEndu saben-sabenal a bininasa nami silan sa siksa, na dabun silan embaba kanu Kadenan nilan, endu dala silan pangumpaya sa Allah.

See all translations of this verse →

Surah Al-Muminoon, Verse 77

حَتَّىٰٓ إِذَا فَتَحْنَا عَلَيْهِم بَابًا ذَا عَذَابٍ شَدِيدٍ إِذَا هُمْ فِيهِ مُبْلِسُونَ

Filipino Translation (Maguindanaon) - Rowwad Translation CenterTaman sa amayka bukatan nami su bengawan nu naraka nilan a sangat i kapasangin, na natebped kanilan su inam sa mapya.

See all translations of this verse →

Surah Al-Muminoon, Verse 78

وَهُوَ ٱلَّذِىٓ أَنشَأَ لَكُمُ ٱلسَّمْعَ وَٱلْأَبْصَٰرَ وَٱلْأَفْـِٔدَةَ قَلِيلًا مَّا تَشْكُرُونَ

Filipino Translation (Maguindanaon) - Rowwad Translation CenterSekanin a Allah i minumbal sa lekanu sa kakineg endu kailay endu atay, na paydu gayd i kadsukur nu (sa Allah).

See all translations of this verse →

Surah Al-Muminoon, Verse 79

وَهُوَ ٱلَّذِى ذَرَأَكُمْ فِى ٱلْأَرْضِ وَإِلَيْهِ تُحْشَرُونَ

Filipino Translation (Maguindanaon) - Rowwad Translation CenterEndu sekanin (Allah) i minaluy sa lekanu sya sa lupa, endu lu kanu bun tanan mabulig sa lekanin.

See all translations of this verse →

Surah Al-Muminoon, Verse 80

وَهُوَ ٱلَّذِى يُحْىِۦ وَيُمِيتُ وَلَهُ ٱخْتِلَٰفُ ٱلَّيْلِ وَٱلنَّهَارِ أَفَلَا تَعْقِلُونَ

Filipino Translation (Maguindanaon) - Rowwad Translation CenterEndu sekanin (Allah) i bangimatay endu banguyag, endu lekanin su kambidayan nu magabi endu malamag, na ngintu ka di kanu bagungangen?

See all translations of this verse →

Surah Al-Muminoon, Verse 81

بَلْ قَالُوا۟ مِثْلَ مَا قَالَ ٱلْأَوَّلُونَ

Filipino Translation (Maguindanaon) - Rowwad Translation CenterKena! Ka ya nilan kadtalu na mana bun su nadtalu nu nangawna.

See all translations of this verse →

Surah Al-Muminoon, Verse 82

قَالُوٓا۟ أَءِذَا مِتْنَا وَكُنَّا تُرَابًا وَعِظَٰمًا أَءِنَّا لَمَبْعُوثُونَ

Filipino Translation (Maguindanaon) - Rowwad Translation CenterTig nilan: u matay tanu na nabaluy tanu a libubuk a nangalupet su manga tulan tanu na (ngintu) makambuwat tanu pon?

See all translations of this verse →

Surah Al-Muminoon, Verse 83

لَقَدْ وُعِدْنَا نَحْنُ وَءَابَآؤُنَا هَٰذَا مِن قَبْلُ إِنْ هَٰذَآ إِلَّآ أَسَٰطِيرُ ٱلْأَوَّلِينَ

Filipino Translation (Maguindanaon) - Rowwad Translation CenterSaben-sabenal a inibpasad sa lekami endu su kalukesan nami i namba sa dapan makawma (si Muhammad) na (da) inan ya tabiya na kalbutan a nangawna a manga taw.

See all translations of this verse →

Surah Al-Muminoon, Verse 84

قُل لِّمَنِ ٱلْأَرْضُ وَمَن فِيهَآ إِن كُنتُمْ تَعْلَمُونَ

Filipino Translation (Maguindanaon) - Rowwad Translation CenterEdtalu ka kanilan (Muhammad): entayn i kigkuwan sa lupa endu su dalemin amayka katawan nu?

See all translations of this verse →

Surah Al-Muminoon, Verse 85

سَيَقُولُونَ لِلَّهِ قُلْ أَفَلَا تَذَكَّرُونَ

Filipino Translation (Maguindanaon) - Rowwad Translation CenterYa nilan edtalun na: kanu Allah, na edtalu ka kanilan i ngintu ka di kanu ma-indaw?

See all translations of this verse →

Surah Al-Muminoon, Verse 86

قُلْ مَن رَّبُّ ٱلسَّمَٰوَٰتِ ٱلسَّبْعِ وَرَبُّ ٱلْعَرْشِ ٱلْعَظِيمِ

Filipino Translation (Maguindanaon) - Rowwad Translation CenterEdtalu ka kanilan: entayn i Kadenan nu manga langit a pitu lapis endu entayn i Kadenan nu Arsh a masla?

See all translations of this verse →

Surah Al-Muminoon, Verse 87

سَيَقُولُونَ لِلَّهِ قُلْ أَفَلَا تَتَّقُونَ

Filipino Translation (Maguindanaon) - Rowwad Translation CenterYa nilan edtalun na: kanu Allah, na edtalu ka kanilan: ngintu ka di silan kagilekan?

See all translations of this verse →

Surah Al-Muminoon, Verse 88

قُلْ مَنۢ بِيَدِهِۦ مَلَكُوتُ كُلِّ شَىْءٍ وَهُوَ يُجِيرُ وَلَا يُجَارُ عَلَيْهِ إِن كُنتُمْ تَعْلَمُونَ

Filipino Translation (Maguindanaon) - Rowwad Translation CenterEdtalu ka kanilan: entayn i pakamilik kanu masulen u enggaga-isa na sekanin i pedtuldu? Di kena ba sekanin i pedtuldu lun amayka katawan nu?

See all translations of this verse →

Surah Al-Muminoon, Verse 89

سَيَقُولُونَ لِلَّهِ قُلْ فَأَنَّىٰ تُسْحَرُونَ

Filipino Translation (Maguindanaon) - Rowwad Translation CenterYa nilan edtalun na: kanu Allah, edtalu ka kanilan: ngintu ka pedsibay kanu?

See all translations of this verse →

Surah Al-Muminoon, Verse 90

بَلْ أَتَيْنَٰهُم بِٱلْحَقِّ وَإِنَّهُمْ لَكَٰذِبُونَ

Filipino Translation (Maguindanaon) - Rowwad Translation CenterKena! Ka initingguma nami kanilan su bantang, endu silan i manga malbut.

See all translations of this verse →

Surah Al-Muminoon, Verse 91

مَا ٱتَّخَذَ ٱللَّهُ مِن وَلَدٍ وَمَا كَانَ مَعَهُۥ مِنْ إِلَٰهٍ إِذًا لَّذَهَبَ كُلُّ إِلَٰهٍۭ بِمَا خَلَقَ وَلَعَلَا بَعْضُهُمْ عَلَىٰ بَعْضٍ سُبْحَٰنَ ٱللَّهِ عَمَّا يَصِفُونَ

Filipino Translation (Maguindanaon) - Rowwad Translation CenterDala wata nu Allah endu dala kapedin a kadenan, u naduwa timan bu i kadenan na uman isa na tyakapanin i binaluy nin, endu ebpapuluwan a isa i kaped in, mahasuti su Allah kanu pedtalun nu manga mushrik.

See all translations of this verse →

Surah Al-Muminoon, Verse 92

عَٰلِمِ ٱلْغَيْبِ وَٱلشَّهَٰدَةِ فَتَعَٰلَىٰ عَمَّا يُشْرِكُونَ

Filipino Translation (Maguindanaon) - Rowwad Translation CenterKatawan nu Allah su gayb endu su mapayag, mahasuti su Allah kanu ipedsakutu nilan a manga mushrik.

See all translations of this verse →

Surah Al-Muminoon, Verse 93

قُل رَّبِّ إِمَّا تُرِيَنِّى مَا يُوعَدُونَ

Filipino Translation (Maguindanaon) - Rowwad Translation CenterEdtalu ka (Muhammad): Kadenan ku u ipailay nengka sa laki su kasiksan nilan.

See all translations of this verse →

Surah Al-Muminoon, Verse 94

رَبِّ فَلَا تَجْعَلْنِى فِى ٱلْقَوْمِ ٱلظَّٰلِمِينَ

Filipino Translation (Maguindanaon) - Rowwad Translation CenterKadenan ku di aku lumagit kanu manga salimbuten.

See all translations of this verse →

Surah Al-Muminoon, Verse 95

وَإِنَّا عَلَىٰٓ أَن نُّرِيَكَ مَا نَعِدُهُمْ لَقَٰدِرُونَ

Filipino Translation (Maguindanaon) - Rowwad Translation CenterEndu benal a sekami na magaga nami mapailay sa leka i siksa nilan.

See all translations of this verse →

Surah Al-Muminoon, Verse 96

ٱدْفَعْ بِٱلَّتِى هِىَ أَحْسَنُ ٱلسَّيِّئَةَ نَحْنُ أَعْلَمُ بِمَا يَصِفُونَ

Filipino Translation (Maguindanaon) - Rowwad Translation CenterYa nengka isuli kanu mawag a pakaydan nilan sa leka na mapya sa taman a magaga nengka, ka katawan nami su langun u kapendalbut ilan.

See all translations of this verse →

Surah Al-Muminoon, Verse 97

وَقُل رَّبِّ أَعُوذُ بِكَ مِنْ هَمَزَٰتِ ٱلشَّيَٰطِينِ

Filipino Translation (Maguindanaon) - Rowwad Translation CenterEndu edtalu ka (Muhammad): Kadenan ku lumindung aku sa leka kanu sasat nu shaytan.

See all translations of this verse →

Surah Al-Muminoon, Verse 98

وَأَعُوذُ بِكَ رَبِّ أَن يَحْضُرُونِ

Filipino Translation (Maguindanaon) - Rowwad Translation CenterEndu lumindung aku sa leka kadenan ku kanu dalpa nu shaytan.

See all translations of this verse →

Surah Al-Muminoon, Verse 99

حَتَّىٰٓ إِذَا جَآءَ أَحَدَهُمُ ٱلْمَوْتُ قَالَ رَبِّ ٱرْجِعُونِ

Filipino Translation (Maguindanaon) - Rowwad Translation CenterTaman sa amayka nawma na kapatay su isa sa kanilan (manga kafir), na tig nilan: pambalingan aku pan Kadenan ku.

See all translations of this verse →

Surah Al-Muminoon, Verse 100

لَعَلِّىٓ أَعْمَلُ صَٰلِحًا فِيمَا تَرَكْتُ كَلَّآ إِنَّهَا كَلِمَةٌ هُوَ قَآئِلُهَا وَمِن وَرَآئِهِم بَرْزَخٌ إِلَىٰ يَوْمِ يُبْعَثُونَ

Filipino Translation (Maguindanaon) - Rowwad Translation CenterKa basi manggalebek ku i mapya a dinadag ku, dala kambalinganin, namba a kadtalu na da kataganin kanu midtalu, endu aden dalinding sa di nilan kambalingan sa dunya (namba su barzakh) taman sa kambuwat ilan sa kubur (kagkukum).

See all translations of this verse →

Surah Al-Muminoon, Verse 101

فَإِذَا نُفِخَ فِى ٱلصُّورِ فَلَآ أَنسَابَ بَيْنَهُمْ يَوْمَئِذٍ وَلَا يَتَسَآءَلُونَ

Filipino Translation (Maguindanaon) - Rowwad Translation CenterNa amayka yupen su sanggakala na dala den su kapamagandagay sa bangsa, endu di silan makapamidsaya.

See all translations of this verse →

Surah Al-Muminoon, Verse 102

فَمَن ثَقُلَتْ مَوَٰزِينُهُۥ فَأُو۟لَٰٓئِكَ هُمُ ٱلْمُفْلِحُونَ

Filipino Translation (Maguindanaon) - Rowwad Translation CenterSu taw a ya mawgat sa timbangan su mapya nin na silan a manga taw i namakauntung.

See all translations of this verse →

Surah Al-Muminoon, Verse 103

وَمَنْ خَفَّتْ مَوَٰزِينُهُۥ فَأُو۟لَٰٓئِكَ ٱلَّذِينَ خَسِرُوٓا۟ أَنفُسَهُمْ فِى جَهَنَّمَ خَٰلِدُونَ

Filipino Translation (Maguindanaon) - Rowwad Translation CenterSu taw a ya mawgat sa timbangan su marat na entuba i manga taw a linugi nilan i ginawa nilan, a di silan makaliyu sa naraka.

See all translations of this verse →

Surah Al-Muminoon, Verse 104

تَلْفَحُ وُجُوهَهُمُ ٱلنَّارُ وَهُمْ فِيهَا كَٰلِحُونَ

Filipino Translation (Maguindanaon) - Rowwad Translation CenterKa galupang nu apuy i manga biyas nilan, endu silan i mawag a benal i mabpalas nilan.

See all translations of this verse →

Surah Al-Muminoon, Verse 105

أَلَمْ تَكُنْ ءَايَٰتِى تُتْلَىٰ عَلَيْكُمْ فَكُنتُم بِهَا تُكَذِّبُونَ

Filipino Translation (Maguindanaon) - Rowwad Translation CenterDi kena ba pembatyan bun sa lekanu su manga ayatan ku na sekanu na papendalbuten nu su manga ayatan ku?

See all translations of this verse →

Surah Al-Muminoon, Verse 106

قَالُوا۟ رَبَّنَا غَلَبَتْ عَلَيْنَا شِقْوَتُنَا وَكُنَّا قَوْمًا ضَآلِّينَ

Filipino Translation (Maguindanaon) - Rowwad Translation CenterYa nilan madtalu na: Kadenan nami tinalaw kami nu makabinasa sa lekami, na sekami i manga taw a nangatading.

See all translations of this verse →

Surah Al-Muminoon, Verse 107

رَبَّنَآ أَخْرِجْنَا مِنْهَا فَإِنْ عُدْنَا فَإِنَّا ظَٰلِمُونَ

Filipino Translation (Maguindanaon) - Rowwad Translation CenterKadenan nami paliyu kami sa naraka, ka amayka ebpaluman kami na sekami i manga dupang.

See all translations of this verse →

Surah Al-Muminoon, Verse 108

قَالَ ٱخْسَـُٔوا۟ فِيهَا وَلَا تُكَلِّمُونِ

Filipino Translation (Maguindanaon) - Rowwad Translation CenterTig nu Allah: san kanu den ba egkaleben, da kanu mangeni-magingalap.

See all translations of this verse →

Surah Al-Muminoon, Verse 109

إِنَّهُۥ كَانَ فَرِيقٌ مِّنْ عِبَادِى يَقُولُونَ رَبَّنَآ ءَامَنَّا فَٱغْفِرْ لَنَا وَٱرْحَمْنَا وَأَنتَ خَيْرُ ٱلرَّٰحِمِينَ

Filipino Translation (Maguindanaon) - Rowwad Translation CenterSu kaped kanu manga ulipen ku na ya nilan edtalun na: Kadenan nami nangimbenal kami na ampun ka sa lekami (su dusa) endu ikalimu kami nengka endu seka i labi a mapya a malimu.

See all translations of this verse →

Surah Al-Muminoon, Verse 110

فَٱتَّخَذْتُمُوهُمْ سِخْرِيًّا حَتَّىٰٓ أَنسَوْكُمْ ذِكْرِى وَكُنتُم مِّنْهُمْ تَضْحَكُونَ

Filipino Translation (Maguindanaon) - Rowwad Translation CenterYa nu pinakaydan kanilan na bagungaten nu, taman sa tinagak nu su Qur’an endu pedtatawan nu silan.

See all translations of this verse →

Surah Al-Muminoon, Verse 111

إِنِّى جَزَيْتُهُمُ ٱلْيَوْمَ بِمَا صَبَرُوٓا۟ أَنَّهُمْ هُمُ ٱلْفَآئِزُونَ

Filipino Translation (Maguindanaon) - Rowwad Translation CenterBenal a saki na saguna na binalasan ku silan kanu kinadsabar nilan, ka silan i manga taw a namakauntung a nambadtug sa mapya.

See all translations of this verse →

Surah Al-Muminoon, Verse 112

قَٰلَ كَمْ لَبِثْتُمْ فِى ٱلْأَرْضِ عَدَدَ سِنِينَ

Filipino Translation (Maguindanaon) - Rowwad Translation Center(Tig nu Allah): ngin i kinawget nu sa lupa kanu tilenduwan na lagun?

See all translations of this verse →

Surah Al-Muminoon, Verse 113

قَالُوا۟ لَبِثْنَا يَوْمًا أَوْ بَعْضَ يَوْمٍ فَسْـَٔلِ ٱلْعَآدِّينَ

Filipino Translation (Maguindanaon) - Rowwad Translation CenterTig nilan: nakasampay kami bu sa dunya sa sagay bu atawa seged bu sa gay, idsa nu kanu pedtuldu sa manga galebek (malaikat).

See all translations of this verse →

Surah Al-Muminoon, Verse 114

قَٰلَ إِن لَّبِثْتُمْ إِلَّا قَلِيلًا لَّوْ أَنَّكُمْ كُنتُمْ تَعْلَمُونَ

Filipino Translation (Maguindanaon) - Rowwad Translation Center(Tig nu Allah): da kanu matangen sa dunya ya tabiya na paidu bu gayd umana bu ka katawanu (ya mawget i ka naraka).

See all translations of this verse →

Surah Al-Muminoon, Verse 115

أَفَحَسِبْتُمْ أَنَّمَا خَلَقْنَٰكُمْ عَبَثًا وَأَنَّكُمْ إِلَيْنَا لَا تُرْجَعُونَ

Filipino Translation (Maguindanaon) - Rowwad Translation CenterYa nu ga-antap na kinabaluy sa lekanu na dala hikmah (sabapin), endu di kanu makambalingan sa lekami?

See all translations of this verse →

Surah Al-Muminoon, Verse 116

فَتَعَٰلَى ٱللَّهُ ٱلْمَلِكُ ٱلْحَقُّ لَآ إِلَٰهَ إِلَّا هُوَ رَبُّ ٱلْعَرْشِ ٱلْكَرِيمِ

Filipino Translation (Maguindanaon) - Rowwad Translation CenterMahasuti su Allah a datu a bantang, da Kadenan a pedsimban a wagib ya tabiya na sekanin a Kadenan nu Ar'sh a masla.

See all translations of this verse →

Surah Al-Muminoon, Verse 117

وَمَن يَدْعُ مَعَ ٱللَّهِ إِلَٰهًا ءَاخَرَ لَا بُرْهَٰنَ لَهُۥ بِهِۦ فَإِنَّمَا حِسَابُهُۥ عِندَ رَبِّهِۦٓ إِنَّهُۥ لَا يُفْلِحُ ٱلْكَٰفِرُونَ

Filipino Translation (Maguindanaon) - Rowwad Translation CenterEndu su taw a semimba pamun sa salakaw sa Allah a dala tindegin, na benal su balasin na lu bun kanu Kadenanin, endu benal su manga kafir na da silan makauntung.

See all translations of this verse →

Surah Al-Muminoon, Verse 118

وَقُل رَّبِّ ٱغْفِرْ وَٱرْحَمْ وَأَنتَ خَيْرُ ٱلرَّٰحِمِينَ

Filipino Translation (Maguindanaon) - Rowwad Translation CenterEndu edtalu ka (Muhammad): Kadenan ku ampun ka, ka malimu ka, seka i mapya a malimu.

See all translations of this verse →

Looking for a topic? Try the meaning search — your question is scanned across all 6,236 verses. →
Language — 70