caseriqMeaning search in the Qur'an

Surah Al-Hajj الحج

78 verses · Medina · revelation order 103

Surah Al-Hajj, Verse 1

بِسْمِ ٱللَّهِ ٱلرَّحْمَٰنِ ٱلرَّحِيمِ يَٰٓأَيُّهَا ٱلنَّاسُ ٱتَّقُوا۟ رَبَّكُمْ إِنَّ زَلْزَلَةَ ٱلسَّاعَةِ شَىْءٌ عَظِيمٌ

Filipino Translation (Maguindanaon) - Rowwad Translation CenterSekanu a manga taw na ikagilek nu su Kadenan nu, su kalinug a ipenggubal (sa dunya) na masla (timbang a siksa).

See all translations of this verse →

Surah Al-Hajj, Verse 2

يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّآ أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى ٱلنَّاسَ سُكَٰرَىٰ وَمَا هُم بِسُكَٰرَىٰ وَلَٰكِنَّ عَذَابَ ٱللَّهِ شَدِيدٌ

Filipino Translation (Maguindanaon) - Rowwad Translation CenterU mailay nu bu na kalimpangan nu babay a pedsusuwan i papedsusu nin, endu makambata su magingay sa di kena waktu, endu ya nengka mailay kanu manga taw na galangut (sabap sa gilekin) na di kena silan galangut ugayd na siksa nu Allah a sangat i kapasangin (di nilan gagenggen).

See all translations of this verse →

Surah Al-Hajj, Verse 3

وَمِنَ ٱلنَّاسِ مَن يُجَٰدِلُ فِى ٱللَّهِ بِغَيْرِ عِلْمٍ وَيَتَّبِعُ كُلَّ شَيْطَٰنٍ مَّرِيدٍ

Filipino Translation (Maguindanaon) - Rowwad Translation CenterKaped kanu manusya nabpalawa kanu Allah sa dala sabutin endu yanin unutan i shaytan a natading.

See all translations of this verse →

Surah Al-Hajj, Verse 4

كُتِبَ عَلَيْهِ أَنَّهُۥ مَن تَوَلَّاهُ فَأَنَّهُۥ يُضِلُّهُۥ وَيَهْدِيهِ إِلَىٰ عَذَابِ ٱلسَّعِيرِ

Filipino Translation (Maguindanaon) - Rowwad Translation CenterPinadtanan den (kanu shaytan) sa entayn i munut lun na tadingen nin, endu lu nin tutulun sa siksa a pegkalaw-kalaw.

See all translations of this verse →

Surah Al-Hajj, Verse 5

يَٰٓأَيُّهَا ٱلنَّاسُ إِن كُنتُمْ فِى رَيْبٍ مِّنَ ٱلْبَعْثِ فَإِنَّا خَلَقْنَٰكُم مِّن تُرَابٍ ثُمَّ مِن نُّطْفَةٍ ثُمَّ مِنْ عَلَقَةٍ ثُمَّ مِن مُّضْغَةٍ مُّخَلَّقَةٍ وَغَيْرِ مُخَلَّقَةٍ لِّنُبَيِّنَ لَكُمْ وَنُقِرُّ فِى ٱلْأَرْحَامِ مَا نَشَآءُ إِلَىٰٓ أَجَلٍ مُّسَمًّى ثُمَّ نُخْرِجُكُمْ طِفْلًا ثُمَّ لِتَبْلُغُوٓا۟ أَشُدَّكُمْ وَمِنكُم مَّن يُتَوَفَّىٰ وَمِنكُم مَّن يُرَدُّ إِلَىٰٓ أَرْذَلِ ٱلْعُمُرِ لِكَيْلَا يَعْلَمَ مِنۢ بَعْدِ عِلْمٍ شَيْـًٔا وَتَرَى ٱلْأَرْضَ هَامِدَةً فَإِذَآ أَنزَلْنَا عَلَيْهَا ٱلْمَآءَ ٱهْتَزَّتْ وَرَبَتْ وَأَنۢبَتَتْ مِن كُلِّ زَوْجٍۭ بَهِيجٍ

Filipino Translation (Maguindanaon) - Rowwad Translation CenterSekanu a manga taw, amayka penduwa-duwa kanu sa kambuwat nu na benal a binaluy nami sekanu ebpun sa lupa, mawli na nutfah (midsimbul a ig na mama-babay), mawli na lugu a aden sapu nin, a napasad i gapa nin endu aden bun da mapasad (galudos), ipebpayag nami sa lekanu endu papedtangenen nami kanu (ludep nu tyan) su mag-kahanda nami taman sa timpu nin a napasad, mawli na palyun nami sekanu a wata a manawt, mawli na masampay nu su kabagel nu (kanguda) endu aden bun pebpatay (sa mangagan) endu aden bun pakagaws sa taman (sa matwa) sa mababa gayd i kailay lun ka mimbalingan sa wata endu dala den katawanin apiya paydu (bungaw), endu mailay nengka su lupa sa mamala, na amayka pinatulunan nami sa ulan na enggagalebek endu egkapulu endu patun nin i embalangan na mapya i palas nin.

See all translations of this verse →

Surah Al-Hajj, Verse 6

ذَٰلِكَ بِأَنَّ ٱللَّهَ هُوَ ٱلْحَقُّ وَأَنَّهُۥ يُحْىِ ٱلْمَوْتَىٰ وَأَنَّهُۥ عَلَىٰ كُلِّ شَىْءٍ قَدِيرٌ

Filipino Translation (Maguindanaon) - Rowwad Translation CenterKagina su Allah na sekanin i haqq (bantang) endu sekanin i banguyag sa namamatay endu kagaga nin i langun na enggaga-isa.

See all translations of this verse →

Surah Al-Hajj, Verse 7

وَأَنَّ ٱلسَّاعَةَ ءَاتِيَةٌ لَّا رَيْبَ فِيهَا وَأَنَّ ٱللَّهَ يَبْعَثُ مَن فِى ٱلْقُبُورِ

Filipino Translation (Maguindanaon) - Rowwad Translation CenterBenal a su gay a mawli na di ebplis na makawma, endu benal su Allah na pambuwaten nin su (manga taw) sa kubur.

See all translations of this verse →

Surah Al-Hajj, Verse 8

وَمِنَ ٱلنَّاسِ مَن يُجَٰدِلُ فِى ٱللَّهِ بِغَيْرِ عِلْمٍ وَلَا هُدًى وَلَا كِتَٰبٍ مُّنِيرٍ

Filipino Translation (Maguindanaon) - Rowwad Translation CenterEndu ped kanu taw na ebpalawa sa Allah sa dala kataw nin endu dala tutulu endu dala kitabin a masigay.

See all translations of this verse →

Surah Al-Hajj, Verse 9

ثَانِىَ عِطْفِهِۦ لِيُضِلَّ عَن سَبِيلِ ٱللَّهِ لَهُۥ فِى ٱلدُّنْيَا خِزْىٌ وَنُذِيقُهُۥ يَوْمَ ٱلْقِيَٰمَةِ عَذَابَ ٱلْحَرِيقِ

Filipino Translation (Maguindanaon) - Rowwad Translation CenterLemengi sa bala sa kasandag ka endu gatading sa agama, lekanin sya sa dunya i kayaya endu pananamen nami sekanin sa gay a mawli kanu siksa a pakatutung.

See all translations of this verse →

Surah Al-Hajj, Verse 10

ذَٰلِكَ بِمَا قَدَّمَتْ يَدَاكَ وَأَنَّ ٱللَّهَ لَيْسَ بِظَلَّٰمٍ لِّلْعَبِيدِ

Filipino Translation (Maguindanaon) - Rowwad Translation CenterSabap sa galebekan nu lima nengka, endu benal su Allah na di edsalimbut kanu manga ulipen nin.

See all translations of this verse →

Surah Al-Hajj, Verse 11

وَمِنَ ٱلنَّاسِ مَن يَعْبُدُ ٱللَّهَ عَلَىٰ حَرْفٍ فَإِنْ أَصَابَهُۥ خَيْرٌ ٱطْمَأَنَّ بِهِۦ وَإِنْ أَصَابَتْهُ فِتْنَةٌ ٱنقَلَبَ عَلَىٰ وَجْهِهِۦ خَسِرَ ٱلدُّنْيَا وَٱلْـَٔاخِرَةَ ذَٰلِكَ هُوَ ٱلْخُسْرَانُ ٱلْمُبِينُ

Filipino Translation (Maguindanaon) - Rowwad Translation CenterEndu ped kanu manga taw a pedsimba sa Allah sa penduwa-duwa na amayka nasugat a mapya na makatana su atay nin endu amayka nasugat na batalu na enda nin su agama, na nalapis sa dunya endu lu sa akhirat na entuba i kinalapis a mapayag.

See all translations of this verse →

Surah Al-Hajj, Verse 12

يَدْعُوا۟ مِن دُونِ ٱللَّهِ مَا لَا يَضُرُّهُۥ وَمَا لَا يَنفَعُهُۥ ذَٰلِكَ هُوَ ٱلضَّلَٰلُ ٱلْبَعِيدُ

Filipino Translation (Maguindanaon) - Rowwad Translation CenterPedsimba sa salakaw sa Allah a di makagkayd sa lekanin endu di bun makangguna sa lekanin, entuba i gatading sa mawatan.

See all translations of this verse →

Surah Al-Hajj, Verse 13

يَدْعُوا۟ لَمَن ضَرُّهُۥٓ أَقْرَبُ مِن نَّفْعِهِۦ لَبِئْسَ ٱلْمَوْلَىٰ وَلَبِئْسَ ٱلْعَشِيرُ

Filipino Translation (Maguindanaon) - Rowwad Translation CenterPedsimbanin i ya masupeg i kabinasan nin sa pakangguna nin, mawag a benal a pedtabang endu ngin den i kawag nin a tagapeda.

See all translations of this verse →

Surah Al-Hajj, Verse 14

إِنَّ ٱللَّهَ يُدْخِلُ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ جَنَّٰتٍ تَجْرِى مِن تَحْتِهَا ٱلْأَنْهَٰرُ إِنَّ ٱللَّهَ يَفْعَلُ مَا يُرِيدُ

Filipino Translation (Maguindanaon) - Rowwad Translation CenterBenal su Allah na paludepen nin su manga mu'min a minggalebek sa manga mapya sa manga surga a belagilay sa kababan nin i manga pulangi, su Allah na enggalebekenin i kahanda nin.

See all translations of this verse →

Surah Al-Hajj, Verse 15

مَن كَانَ يَظُنُّ أَن لَّن يَنصُرَهُ ٱللَّهُ فِى ٱلدُّنْيَا وَٱلْـَٔاخِرَةِ فَلْيَمْدُدْ بِسَبَبٍ إِلَى ٱلسَّمَآءِ ثُمَّ لْيَقْطَعْ فَلْيَنظُرْ هَلْ يُذْهِبَنَّ كَيْدُهُۥ مَا يَغِيظُ

Filipino Translation (Maguindanaon) - Rowwad Translation CenterEntayn i taw a antapen nin i di tabangan nu Allah su sinugu nin (Muhammad) sya sa dunya endu akhirat na pekeIenin i ginawa nin sa tali kanu atep nu walay nin ka ebpatay, na ilaynin u ngintu su galebek nin antu na maawa nin su di nin kalilinyan a tabang (kanu Muhammad).

See all translations of this verse →

Surah Al-Hajj, Verse 16

وَكَذَٰلِكَ أَنزَلْنَٰهُ ءَايَٰتٍۭ بَيِّنَٰتٍ وَأَنَّ ٱللَّهَ يَهْدِى مَن يُرِيدُ

Filipino Translation (Maguindanaon) - Rowwad Translation CenterEndu mamba i kinapatulun nami sa manga ayat a manga mapayag endu su Allah na tutulunin endaw i magkahanda nin.

See all translations of this verse →

Surah Al-Hajj, Verse 17

إِنَّ ٱلَّذِينَ ءَامَنُوا۟ وَٱلَّذِينَ هَادُوا۟ وَٱلصَّٰبِـِٔينَ وَٱلنَّصَٰرَىٰ وَٱلْمَجُوسَ وَٱلَّذِينَ أَشْرَكُوٓا۟ إِنَّ ٱللَّهَ يَفْصِلُ بَيْنَهُمْ يَوْمَ ٱلْقِيَٰمَةِ إِنَّ ٱللَّهَ عَلَىٰ كُلِّ شَىْءٍ شَهِيدٌ

Filipino Translation (Maguindanaon) - Rowwad Translation CenterBenal su manga mu'min endu su manga Yahudi endu su manga Nasrani endu su Sabit endu su Majusi endu su manga mushrik na su Allah i kumukum kanilan sa gay a mawli, su Allah na langun nu enggaga-isa na kadsaksyan nin.

See all translations of this verse →

Surah Al-Hajj, Verse 18

أَلَمْ تَرَ أَنَّ ٱللَّهَ يَسْجُدُ لَهُۥ مَن فِى ٱلسَّمَٰوَٰتِ وَمَن فِى ٱلْأَرْضِ وَٱلشَّمْسُ وَٱلْقَمَرُ وَٱلنُّجُومُ وَٱلْجِبَالُ وَٱلشَّجَرُ وَٱلدَّوَآبُّ وَكَثِيرٌ مِّنَ ٱلنَّاسِ وَكَثِيرٌ حَقَّ عَلَيْهِ ٱلْعَذَابُ وَمَن يُهِنِ ٱللَّهُ فَمَا لَهُۥ مِن مُّكْرِمٍ إِنَّ ٱللَّهَ يَفْعَلُ مَا يَشَآءُ

Filipino Translation (Maguindanaon) - Rowwad Translation CenterNgintu da nengka katawi su Allah na pedsugyudan nu dalem nu manga langit endu su lupa endu senang endu ulan-ulan endu su manga bitun endu su manga palaw endu su manga kayu endu su mamelanap-lanap, endu su kadakelan kanu manga taw? Endu madakel bun menem (kanu manga taw) i nawagib sa lekanin su siksa, endu su taw a ilusak nu Allah na dala makapulu lun, endu su Allah na penggalebekenin i kahanda nin.

See all translations of this verse →

Surah Al-Hajj, Verse 19

هَٰذَانِ خَصْمَانِ ٱخْتَصَمُوا۟ فِى رَبِّهِمْ فَٱلَّذِينَ كَفَرُوا۟ قُطِّعَتْ لَهُمْ ثِيَابٌ مِّن نَّارٍ يُصَبُّ مِن فَوْقِ رُءُوسِهِمُ ٱلْحَمِيمُ

Filipino Translation (Maguindanaon) - Rowwad Translation CenterSu duwa a di magayun (mu'min-kafir) na lu silan egkukum sa Allah, su kafir i ginapa i balegkasin ebpun sa naraka sa pembubuwan su ulu nin sa midtaman i kayaw nin a ig sa naraka.

See all translations of this verse →

Surah Al-Hajj, Verse 20

يُصْهَرُ بِهِۦ مَا فِى بُطُونِهِمْ وَٱلْجُلُودُ

Filipino Translation (Maguindanaon) - Rowwad Translation CenterPakatunag sa dalem na tyan nilan endu upis nilan.

See all translations of this verse →

Surah Al-Hajj, Verse 21

وَلَهُم مَّقَٰمِعُ مِنْ حَدِيدٍ

Filipino Translation (Maguindanaon) - Rowwad Translation CenterAden pan kanilan i manga putaw a ipembetay (dinidisan).

See all translations of this verse →

Surah Al-Hajj, Verse 22

كُلَّمَآ أَرَادُوٓا۟ أَن يَخْرُجُوا۟ مِنْهَا مِنْ غَمٍّ أُعِيدُوا۟ فِيهَا وَذُوقُوا۟ عَذَابَ ٱلْحَرِيقِ

Filipino Translation (Maguindanaon) - Rowwad Translation CenterUman silan miyug lemyu sa naraka endu lidu na ginawa nilan na imbalingan bun silan (na edtalun menem kanilan): nanami nu su siksa a pakatutung.

See all translations of this verse →

Surah Al-Hajj, Verse 23

إِنَّ ٱللَّهَ يُدْخِلُ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ جَنَّٰتٍ تَجْرِى مِن تَحْتِهَا ٱلْأَنْهَٰرُ يُحَلَّوْنَ فِيهَا مِنْ أَسَاوِرَ مِن ذَهَبٍ وَلُؤْلُؤًا وَلِبَاسُهُمْ فِيهَا حَرِيرٌ

Filipino Translation (Maguindanaon) - Rowwad Translation CenterSaben-sabenal su Allah na paludepen nin su manga mu'min a minggalebek sa manga mapya sa surga a belagilay sa kababanin i manga pulangi, na aden pamun kanilan i manga pagigimuwan a manga bulusu a bulawan endu muntya, endu ya nilan balegkas na sutra.

See all translations of this verse →

Surah Al-Hajj, Verse 24

وَهُدُوٓا۟ إِلَى ٱلطَّيِّبِ مِنَ ٱلْقَوْلِ وَهُدُوٓا۟ إِلَىٰ صِرَٰطِ ٱلْحَمِيدِ

Filipino Translation (Maguindanaon) - Rowwad Translation CenterEndu natutulu silan sa mapya a kadtalu (laa ilaaha illa Allah) endu tinutulu silan kanu lalan a mapya (agama Islam).

See all translations of this verse →

Surah Al-Hajj, Verse 25

إِنَّ ٱلَّذِينَ كَفَرُوا۟ وَيَصُدُّونَ عَن سَبِيلِ ٱللَّهِ وَٱلْمَسْجِدِ ٱلْحَرَامِ ٱلَّذِى جَعَلْنَٰهُ لِلنَّاسِ سَوَآءً ٱلْعَٰكِفُ فِيهِ وَٱلْبَادِ وَمَن يُرِدْ فِيهِ بِإِلْحَادٍۭ بِظُلْمٍ نُّذِقْهُ مِنْ عَذَابٍ أَلِيمٍ

Filipino Translation (Maguindanaon) - Rowwad Translation CenterBenal su manga kafir na ipedsapal nilan i kaunut sa lalan sa Allah (Islam), endu su Masjidil Haram na binaluy nami kanu manga taw sa mamagidsan, (haj-umrah) su pedtakena endu su belagkut, endu su (manga taw) pegkahanda kanu dalem nin sa mawag na pananamen nami sekanin sa siksa a masakit.

See all translations of this verse →

Surah Al-Hajj, Verse 26

وَإِذْ بَوَّأْنَا لِإِبْرَٰهِيمَ مَكَانَ ٱلْبَيْتِ أَن لَّا تُشْرِكْ بِى شَيْـًٔا وَطَهِّرْ بَيْتِىَ لِلطَّآئِفِينَ وَٱلْقَآئِمِينَ وَٱلرُّكَّعِ ٱلسُّجُودِ

Filipino Translation (Maguindanaon) - Rowwad Translation CenterEndu initutulu nami kanu Ibrahim su nabetadan nu baytullah, (tig nu Allah): di ka pedsakutu sa apiya paydu, endu suti ka su walay ku kanu bamed-tawaf endu su bamedtindeg endu su peruku-pedsugyud.

See all translations of this verse →

Surah Al-Hajj, Verse 27

وَأَذِّن فِى ٱلنَّاسِ بِٱلْحَجِّ يَأْتُوكَ رِجَالًا وَعَلَىٰ كُلِّ ضَامِرٍ يَأْتِينَ مِن كُلِّ فَجٍّ عَمِيقٍ

Filipino Translation (Maguindanaon) - Rowwad Translation CenterPakatawika (Ibrahim) sa manga taw su kagkagi, makawma silan sa belalakaw endu pegkuda sa unta a malubay, embala-bala a mawatan i gasunguwan nin.

See all translations of this verse →

Surah Al-Hajj, Verse 28

لِّيَشْهَدُوا۟ مَنَٰفِعَ لَهُمْ وَيَذْكُرُوا۟ ٱسْمَ ٱللَّهِ فِىٓ أَيَّامٍ مَّعْلُومَٰتٍ عَلَىٰ مَا رَزَقَهُم مِّنۢ بَهِيمَةِ ٱلْأَنْعَٰمِ فَكُلُوا۟ مِنْهَا وَأَطْعِمُوا۟ ٱلْبَآئِسَ ٱلْفَقِيرَ

Filipino Translation (Maguindanaon) - Rowwad Translation CenterKa endu nilan kadsaksyan su makambarapantag kanilan (sa gay a mawli), endu katademan nilan i ngalan nu Allah kanu paydu a gay (kanu kasumbali nilan) sa kanu inirizki nu Allah kanilan ebpun kanu manga binatang a pangangayamen a pedsumbalin (Qurban-Hadyi), na kan kanu lun endu pakan nu su gapasangan gayd sa kabpaguyag.

See all translations of this verse →

Surah Al-Hajj, Verse 29

ثُمَّ لْيَقْضُوا۟ تَفَثَهُمْ وَلْيُوفُوا۟ نُذُورَهُمْ وَلْيَطَّوَّفُوا۟ بِٱلْبَيْتِ ٱلْعَتِيقِ

Filipino Translation (Maguindanaon) - Rowwad Translation CenterMawli na ituman nilan su langun u (manaasikul haj) endu ituman nilan i manga samaya nilan, endu tumawaf silan sa (Ka'bah) a danden a walay.

See all translations of this verse →

Surah Al-Hajj, Verse 30

ذَٰلِكَ وَمَن يُعَظِّمْ حُرُمَٰتِ ٱللَّهِ فَهُوَ خَيْرٌ لَّهُۥ عِندَ رَبِّهِۦ وَأُحِلَّتْ لَكُمُ ٱلْأَنْعَٰمُ إِلَّا مَا يُتْلَىٰ عَلَيْكُمْ فَٱجْتَنِبُوا۟ ٱلرِّجْسَ مِنَ ٱلْأَوْثَٰنِ وَٱجْتَنِبُوا۟ قَوْلَ ٱلزُّورِ

Filipino Translation (Maguindanaon) - Rowwad Translation CenterSu taw a pakasla nin su agama nu Allah na entuba i makagkapiya sa lekanin lu sa Kadenan in, endu inihalal sa lekanu su manga binatang, ya tabiya na su hinaram, na edsanggilay nu su maledsik ebpun kanu manga barahala, endu edsanggilay nu su kadtalu a kalebutan (atawa sakutu).

See all translations of this verse →

Surah Al-Hajj, Verse 31

حُنَفَآءَ لِلَّهِ غَيْرَ مُشْرِكِينَ بِهِۦ وَمَن يُشْرِكْ بِٱللَّهِ فَكَأَنَّمَا خَرَّ مِنَ ٱلسَّمَآءِ فَتَخْطَفُهُ ٱلطَّيْرُ أَوْ تَهْوِى بِهِ ٱلرِّيحُ فِى مَكَانٍ سَحِيقٍ

Filipino Translation (Maguindanaon) - Rowwad Translation CenterBantang i kasangkup sa Allah, di semakutu sa lekanin, endu su taw a semakutu sa Allah na mana bun tinumibpu ebpun sa langit a bamagagawan na papanuk, atawa ka mana bun nasugat na sambel a nakabayug sa mawatan.

See all translations of this verse →

Surah Al-Hajj, Verse 32

ذَٰلِكَ وَمَن يُعَظِّمْ شَعَٰٓئِرَ ٱللَّهِ فَإِنَّهَا مِن تَقْوَى ٱلْقُلُوبِ

Filipino Translation (Maguindanaon) - Rowwad Translation CenterSu taw a pakasela nin su manga (galebekanin) a simba sa ebpiya-piyananin na tanda nu gilek sa Allah ebpun sa manga atay.

See all translations of this verse →

Surah Al-Hajj, Verse 33

لَكُمْ فِيهَا مَنَٰفِعُ إِلَىٰٓ أَجَلٍ مُّسَمًّى ثُمَّ مَحِلُّهَآ إِلَى ٱلْبَيْتِ ٱلْعَتِيقِ

Filipino Translation (Maguindanaon) - Rowwad Translation CenterAden kangataganin sa lekanu (i pinanumbali) taman kanu timpu a paydu, mawli na su tidtu a kataganin na lu sa walay a danden (baytullah).

See all translations of this verse →

Surah Al-Hajj, Verse 34

وَلِكُلِّ أُمَّةٍ جَعَلْنَا مَنسَكًا لِّيَذْكُرُوا۟ ٱسْمَ ٱللَّهِ عَلَىٰ مَا رَزَقَهُم مِّنۢ بَهِيمَةِ ٱلْأَنْعَٰمِ فَإِلَٰهُكُمْ إِلَٰهٌ وَٰحِدٌ فَلَهُۥٓ أَسْلِمُوا۟ وَبَشِّرِ ٱلْمُخْبِتِينَ

Filipino Translation (Maguindanaon) - Rowwad Translation CenterUman isa tumpuk kanu nangawna na aden pedsumbaliyanin, ka endu nilan katademan su ngalan nu Allah kanu inirizki nin kanilan a manga binatang a pangangayamen, su Kadenan nu na Kadenan a isa bu na sekanin i sangkupi nu, endu pakalilini ka (Muhammad) su manga taw a bangalimbaban sa Allah.

See all translations of this verse →

Surah Al-Hajj, Verse 35

ٱلَّذِينَ إِذَا ذُكِرَ ٱللَّهُ وَجِلَتْ قُلُوبُهُمْ وَٱلصَّٰبِرِينَ عَلَىٰ مَآ أَصَابَهُمْ وَٱلْمُقِيمِى ٱلصَّلَوٰةِ وَمِمَّا رَزَقْنَٰهُمْ يُنفِقُونَ

Filipino Translation (Maguindanaon) - Rowwad Translation CenterAmayka linabit su Allah na egkelep i atay nilan sa gilek nilan, endu matigkel silan sa makasugat kanilan a mapasang (batalu), endu pedtindeg silan sa sambayang, endu su ped kanu rizki kanilan na pem-baranggyan nilan.

See all translations of this verse →

Surah Al-Hajj, Verse 36

وَٱلْبُدْنَ جَعَلْنَٰهَا لَكُم مِّن شَعَٰٓئِرِ ٱللَّهِ لَكُمْ فِيهَا خَيْرٌ فَٱذْكُرُوا۟ ٱسْمَ ٱللَّهِ عَلَيْهَا صَوَآفَّ فَإِذَا وَجَبَتْ جُنُوبُهَا فَكُلُوا۟ مِنْهَا وَأَطْعِمُوا۟ ٱلْقَانِعَ وَٱلْمُعْتَرَّ كَذَٰلِكَ سَخَّرْنَٰهَا لَكُمْ لَعَلَّكُمْ تَشْكُرُونَ

Filipino Translation (Maguindanaon) - Rowwad Translation CenterBinaluy nami sa lekanu su unta a tanda nu agama nu Allah, aden pakagkapiya nin sa lekanu, na labit u i ngala nu Allah sa kasumbali lun, amayka minatay den sa da den galebekin na entupan ka pagitung nu i kakan nu lun, endu pakan nu su da pegkenin a di bangeni, endu su da bun pegkenin a bangeni, mamba i kinapandaya nami lun sa lekanu, ka endu kanu makadsukur sa Allah.

See all translations of this verse →

Surah Al-Hajj, Verse 37

لَن يَنَالَ ٱللَّهَ لُحُومُهَا وَلَا دِمَآؤُهَا وَلَٰكِن يَنَالُهُ ٱلتَّقْوَىٰ مِنكُمْ كَذَٰلِكَ سَخَّرَهَا لَكُمْ لِتُكَبِّرُوا۟ ٱللَّهَ عَلَىٰ مَا هَدَىٰكُمْ وَبَشِّرِ ٱلْمُحْسِنِينَ

Filipino Translation (Maguindanaon) - Rowwad Translation CenterDi pakasampay sa Allah su lugu endu su sapu nin ugayd na ya pakasampay na su gilek ebpun sa lekanu, mamba i kinapandaya nami Iun sa lekanu, ka endu kanu makatakbir sa Allah kanu initutulu nin sa lekanu, endu pakalilini ka (Muhammad) su manga taw a ebpiya-piya.

See all translations of this verse →

Surah Al-Hajj, Verse 38

إِنَّ ٱللَّهَ يُدَٰفِعُ عَنِ ٱلَّذِينَ ءَامَنُوٓا۟ إِنَّ ٱللَّهَ لَا يُحِبُّ كُلَّ خَوَّانٍ كَفُورٍ

Filipino Translation (Maguindanaon) - Rowwad Translation CenterBenal su Allah na pangalawanin sa makagkayd su manga mu'min, su Allah na di nin kyugan su di kasaligan.

See all translations of this verse →

Surah Al-Hajj, Verse 39

أُذِنَ لِلَّذِينَ يُقَٰتَلُونَ بِأَنَّهُمْ ظُلِمُوا۟ وَإِنَّ ٱللَّهَ عَلَىٰ نَصْرِهِمْ لَقَدِيرٌ

Filipino Translation (Maguindanaon) - Rowwad Translation CenterInisugut kanu manga mu'min i embunuwa silan, kagina dinupang silan, endu su Allah i tumabang kanilan a pakagaga.

See all translations of this verse →

Surah Al-Hajj, Verse 40

ٱلَّذِينَ أُخْرِجُوا۟ مِن دِيَٰرِهِم بِغَيْرِ حَقٍّ إِلَّآ أَن يَقُولُوا۟ رَبُّنَا ٱللَّهُ وَلَوْلَا دَفْعُ ٱللَّهِ ٱلنَّاسَ بَعْضَهُم بِبَعْضٍ لَّهُدِّمَتْ صَوَٰمِعُ وَبِيَعٌ وَصَلَوَٰتٌ وَمَسَٰجِدُ يُذْكَرُ فِيهَا ٱسْمُ ٱللَّهِ كَثِيرًا وَلَيَنصُرَنَّ ٱللَّهُ مَن يَنصُرُهُۥٓ إِنَّ ٱللَّهَ لَقَوِىٌّ عَزِيزٌ

Filipino Translation (Maguindanaon) - Rowwad Translation CenterSu silan a binugaw sa dalpa nilan sa dala kawagibin, ya tabiya (a kinabugaw) na kapedtalu nilan sa ya nami kadenan su Allah, endu di kena bu su kalbihan nu Allah kanu manga taw a mu'min kanu manga kafir na nagubal su pedsimban nu ulama nu manga Yahudi, endu su pedsimban nu manga Nasrani, endu su manga masjid a pedtademan sa Allah sa madakel, endu idsabek nu Allah su taw a idsabekin su agama nu Allah, su Allah i mabagel a mapulu.

See all translations of this verse →

Surah Al-Hajj, Verse 41

ٱلَّذِينَ إِن مَّكَّنَّٰهُمْ فِى ٱلْأَرْضِ أَقَامُوا۟ ٱلصَّلَوٰةَ وَءَاتَوُا۟ ٱلزَّكَوٰةَ وَأَمَرُوا۟ بِٱلْمَعْرُوفِ وَنَهَوْا۟ عَنِ ٱلْمُنكَرِ وَلِلَّهِ عَٰقِبَةُ ٱلْأُمُورِ

Filipino Translation (Maguindanaon) - Rowwad Translation CenterSilan a manga taw na amayka nakadtakena silan kanu lupa na itunay nilan su sambayang endu zakat endu isugu nilan su mapya endu isapal nilan su mawag, endu lu bun sa Allah i kambalinganan nu manga taw endu langun nu galebek.

See all translations of this verse →

Surah Al-Hajj, Verse 42

وَإِن يُكَذِّبُوكَ فَقَدْ كَذَّبَتْ قَبْلَهُمْ قَوْمُ نُوحٍ وَعَادٌ وَثَمُودُ

Filipino Translation (Maguindanaon) - Rowwad Translation CenterAmayka pandalebuten ka nilan na pinandalebut nilan bun su nangawna kanilan su kawm nu Nuh endu su Aad endu su Thamud.

See all translations of this verse →

Surah Al-Hajj, Verse 43

وَقَوْمُ إِبْرَٰهِيمَ وَقَوْمُ لُوطٍ

Filipino Translation (Maguindanaon) - Rowwad Translation CenterEndu su kawm nu Ibrahim endu kawm nu Lut.

See all translations of this verse →

Surah Al-Hajj, Verse 44

وَأَصْحَٰبُ مَدْيَنَ وَكُذِّبَ مُوسَىٰ فَأَمْلَيْتُ لِلْكَٰفِرِينَ ثُمَّ أَخَذْتُهُمْ فَكَيْفَ كَانَ نَكِيرِ

Filipino Translation (Maguindanaon) - Rowwad Translation CenterEndu su manga tagapeda nu Madian, endu pinadalebut bun su Musa, na pinadtaday ku su kafir, mawli na bininasa ku silan, na di ebplis i katumpalak ku kanilan.

See all translations of this verse →

Surah Al-Hajj, Verse 45

فَكَأَيِّن مِّن قَرْيَةٍ أَهْلَكْنَٰهَا وَهِىَ ظَالِمَةٌ فَهِىَ خَاوِيَةٌ عَلَىٰ عُرُوشِهَا وَبِئْرٍ مُّعَطَّلَةٍ وَقَصْرٍ مَّشِيدٍ

Filipino Translation (Maguindanaon) - Rowwad Translation CenterMadakel i manga dalpa a bininasa nami sa entuba na dupang i taw nin, na nalundus i manga walay nilan, endu su kalut a nailatan, endu maligay a mabagel sa namamatay kigkuwan lun.

See all translations of this verse →

Surah Al-Hajj, Verse 46

أَفَلَمْ يَسِيرُوا۟ فِى ٱلْأَرْضِ فَتَكُونَ لَهُمْ قُلُوبٌ يَعْقِلُونَ بِهَآ أَوْ ءَاذَانٌ يَسْمَعُونَ بِهَا فَإِنَّهَا لَا تَعْمَى ٱلْأَبْصَٰرُ وَلَٰكِن تَعْمَى ٱلْقُلُوبُ ٱلَّتِى فِى ٱلصُّدُورِ

Filipino Translation (Maguindanaon) - Rowwad Translation CenterNgintu ka di silan lumalakaw kanu lupa ka endu kataguwan silan a pusung a magungangen, atawa manga tangila a ipanuliman, ka di man gapisek su manga mata nu, ugayda ya gapisek na su manga pusung sya sa laleb.

See all translations of this verse →

Surah Al-Hajj, Verse 47

وَيَسْتَعْجِلُونَكَ بِٱلْعَذَابِ وَلَن يُخْلِفَ ٱللَّهُ وَعْدَهُۥ وَإِنَّ يَوْمًا عِندَ رَبِّكَ كَأَلْفِ سَنَةٍ مِّمَّا تَعُدُّونَ

Filipino Translation (Maguindanaon) - Rowwad Translation CenterEndu pedtagadan kanilan sa makawma den kanilan i siksa, na di man ebplis i pasad u Allah, endu benal a sagay lu sa Kadenan nengka na timbang a sangibu lagun sya sa dunya.

See all translations of this verse →

Surah Al-Hajj, Verse 48

وَكَأَيِّن مِّن قَرْيَةٍ أَمْلَيْتُ لَهَا وَهِىَ ظَالِمَةٌ ثُمَّ أَخَذْتُهَا وَإِلَىَّ ٱلْمَصِيرُ

Filipino Translation (Maguindanaon) - Rowwad Translation CenterEndu madakel a dalpa a pinadtaday ku, a benal a dupang i taw nin, mawli na bininasa ku, endu sya bun silan sa laki makadsunud.

See all translations of this verse →

Surah Al-Hajj, Verse 49

قُلْ يَٰٓأَيُّهَا ٱلنَّاسُ إِنَّمَآ أَنَا۠ لَكُمْ نَذِيرٌ مُّبِينٌ

Filipino Translation (Maguindanaon) - Rowwad Translation CenterEdtalu ka kanilan (Muhammad): sekanu a manga taw! Benal a saki na ya bu laki na kapapedtidtu a mapayag.

See all translations of this verse →

Surah Al-Hajj, Verse 50

فَٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُم مَّغْفِرَةٌ وَرِزْقٌ كَرِيمٌ

Filipino Translation (Maguindanaon) - Rowwad Translation CenterSu manga mu'min endu minggalebek sa manga mapya na kanilan su ampun endu rizki a mapulu. (surga)

See all translations of this verse →

Surah Al-Hajj, Verse 51

وَٱلَّذِينَ سَعَوْا۟ فِىٓ ءَايَٰتِنَا مُعَٰجِزِينَ أُو۟لَٰٓئِكَ أَصْحَٰبُ ٱلْجَحِيمِ

Filipino Translation (Maguindanaon) - Rowwad Translation CenterSu manga taw menem a ya nilan galebek na pebpelnen (su Qur’an) a di nilan pagalagan su namangunut kanu nabi na silan i manga taw kigkuwan sa apuy sa naraka.

See all translations of this verse →

Surah Al-Hajj, Verse 52

وَمَآ أَرْسَلْنَا مِن قَبْلِكَ مِن رَّسُولٍ وَلَا نَبِىٍّ إِلَّآ إِذَا تَمَنَّىٰٓ أَلْقَى ٱلشَّيْطَٰنُ فِىٓ أُمْنِيَّتِهِۦ فَيَنسَخُ ٱللَّهُ مَا يُلْقِى ٱلشَّيْطَٰنُ ثُمَّ يُحْكِمُ ٱللَّهُ ءَايَٰتِهِۦ وَٱللَّهُ عَلِيمٌ حَكِيمٌ

Filipino Translation (Maguindanaon) - Rowwad Translation CenterEndu dala sinugu nami a nawna sa leka (Muhammad), endu dala nabi ya tabiya na aden binatya nin a ayat, na simbulan nu shaytan su binatya nin, na batalen nu Allah su inamung nu shaytan, mawli na atul nu Allah su manga ayatin, su Allah i mataw sa mapayag-masulen.

See all translations of this verse →

Surah Al-Hajj, Verse 53

لِّيَجْعَلَ مَا يُلْقِى ٱلشَّيْطَٰنُ فِتْنَةً لِّلَّذِينَ فِى قُلُوبِهِم مَّرَضٌ وَٱلْقَاسِيَةِ قُلُوبُهُمْ وَإِنَّ ٱلظَّٰلِمِينَ لَفِى شِقَاقٍۭ بَعِيدٍ

Filipino Translation (Maguindanaon) - Rowwad Translation CenterKa mabaluy su binatya nu shaytan a fitnah kanu nakadalem kanu manga atay nilan i dalu, endu manga tegas i manga atay nilan, endu su manga salimbuten na mawatan i katalima nilan sa haqq.

See all translations of this verse →

Surah Al-Hajj, Verse 54

وَلِيَعْلَمَ ٱلَّذِينَ أُوتُوا۟ ٱلْعِلْمَ أَنَّهُ ٱلْحَقُّ مِن رَّبِّكَ فَيُؤْمِنُوا۟ بِهِۦ فَتُخْبِتَ لَهُۥ قُلُوبُهُمْ وَإِنَّ ٱللَّهَ لَهَادِ ٱلَّذِينَ ءَامَنُوٓا۟ إِلَىٰ صِرَٰطٍ مُّسْتَقِيمٍ

Filipino Translation (Maguindanaon) - Rowwad Translation CenterEndu katawan u manga taw a aden ilmu nin su Qur’an na haqq ebpun kanu Kadenan nengka na pangimbenalen nilan endu makatana su manga atay nilan, endu su Allah i tumutulu kanu manga mu'min kanu lalan a matidtu (Islam).

See all translations of this verse →

Surah Al-Hajj, Verse 55

وَلَا يَزَالُ ٱلَّذِينَ كَفَرُوا۟ فِى مِرْيَةٍ مِّنْهُ حَتَّىٰ تَأْتِيَهُمُ ٱلسَّاعَةُ بَغْتَةً أَوْ يَأْتِيَهُمْ عَذَابُ يَوْمٍ عَقِيمٍ

Filipino Translation (Maguindanaon) - Rowwad Translation CenterEndu di gapinda kanu manga kafir i kanduwa- duwa kanu Qur’an taman sa makawma kanilan sa matekaw su kabangkit sa dunya (atawa kapatay) atawa makawma kanilan i siksa kanu gay a da den kapiya nin kanilan.

See all translations of this verse →

Surah Al-Hajj, Verse 56

ٱلْمُلْكُ يَوْمَئِذٍ لِّلَّهِ يَحْكُمُ بَيْنَهُمْ فَٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ فِى جَنَّٰتِ ٱلنَّعِيمِ

Filipino Translation (Maguindanaon) - Rowwad Translation CenterSu kadatu kanu gay a mawli na kanu Allah, kukumen nin silan, na su manga mu'min a minggalebek sa manga mapya na lu silan kanu dalem u surga a na’eem.

See all translations of this verse →

Surah Al-Hajj, Verse 57

وَٱلَّذِينَ كَفَرُوا۟ وَكَذَّبُوا۟ بِـَٔايَٰتِنَا فَأُو۟لَٰٓئِكَ لَهُمْ عَذَابٌ مُّهِينٌ

Filipino Translation (Maguindanaon) - Rowwad Translation CenterSu manga kafir menem endu napandalbut sa manga ayatan nami na kanilan menem i siksa a makalusak kanilan.

See all translations of this verse →

Surah Al-Hajj, Verse 58

وَٱلَّذِينَ هَاجَرُوا۟ فِى سَبِيلِ ٱللَّهِ ثُمَّ قُتِلُوٓا۟ أَوْ مَاتُوا۟ لَيَرْزُقَنَّهُمُ ٱللَّهُ رِزْقًا حَسَنًا وَإِنَّ ٱللَّهَ لَهُوَ خَيْرُ ٱلرَّٰزِقِينَ

Filipino Translation (Maguindanaon) - Rowwad Translation CenterEndu su manga taw a nalalaguy sabap sa agama nilan mawli na nabunu silan atawa minatay silan, na pe-rizkiyan nu Allah silan sa mapya a rizki, endu su Allah i mapya gayd a pe-rizki.

See all translations of this verse →

Surah Al-Hajj, Verse 59

لَيُدْخِلَنَّهُم مُّدْخَلًا يَرْضَوْنَهُۥ وَإِنَّ ٱللَّهَ لَعَلِيمٌ حَلِيمٌ

Filipino Translation (Maguindanaon) - Rowwad Translation CenterPaludepen nu Allah silan sa kaludepan a kasuwatan nilan, endu su Allah i mataw sa mapayag-masulen.

See all translations of this verse →

Surah Al-Hajj, Verse 60

ذَٰلِكَ وَمَنْ عَاقَبَ بِمِثْلِ مَا عُوقِبَ بِهِۦ ثُمَّ بُغِىَ عَلَيْهِ لَيَنصُرَنَّهُ ٱللَّهُ إِنَّ ٱللَّهَ لَعَفُوٌّ غَفُورٌ

Filipino Translation (Maguindanaon) - Rowwad Translation CenterKagina su taw a mu'min a sinemuli sa mana bun su kinapakaydun, mawli na pindupangan sekanin, na tabangan u Allah ka su Allah na malasam a bangampun.

See all translations of this verse →

Surah Al-Hajj, Verse 61

ذَٰلِكَ بِأَنَّ ٱللَّهَ يُولِجُ ٱلَّيْلَ فِى ٱلنَّهَارِ وَيُولِجُ ٱلنَّهَارَ فِى ٱلَّيْلِ وَأَنَّ ٱللَّهَ سَمِيعٌۢ بَصِيرٌ

Filipino Translation (Maguindanaon) - Rowwad Translation CenterSu Allah na ibeludepin su magabi kanu malamag, endu iludepin su malamag kanu umagabi, endu su Allah na pakakineg a pakailay.

See all translations of this verse →

Surah Al-Hajj, Verse 62

ذَٰلِكَ بِأَنَّ ٱللَّهَ هُوَ ٱلْحَقُّ وَأَنَّ مَا يَدْعُونَ مِن دُونِهِۦ هُوَ ٱلْبَٰطِلُ وَأَنَّ ٱللَّهَ هُوَ ٱلْعَلِىُّ ٱلْكَبِيرُ

Filipino Translation (Maguindanaon) - Rowwad Translation CenterSaben-sabenal kanu Allah na bantang endu su pedsimban nilan a salakaw sa Allah a barahala na batal, endu benal su Allah i mapulu a masla.

See all translations of this verse →

Surah Al-Hajj, Verse 63

أَلَمْ تَرَ أَنَّ ٱللَّهَ أَنزَلَ مِنَ ٱلسَّمَآءِ مَآءً فَتُصْبِحُ ٱلْأَرْضُ مُخْضَرَّةً إِنَّ ٱللَّهَ لَطِيفٌ خَبِيرٌ

Filipino Translation (Maguindanaon) - Rowwad Translation CenterDi nengka gailay i papedtulun nu Allah ebpun sa langit i ig, na mabaluy su lupa sa pegkagadung, su Allah na magungaya kanu ulipenin a mataw kanilan.

See all translations of this verse →

Surah Al-Hajj, Verse 64

لَّهُۥ مَا فِى ٱلسَّمَٰوَٰتِ وَمَا فِى ٱلْأَرْضِ وَإِنَّ ٱللَّهَ لَهُوَ ٱلْغَنِىُّ ٱلْحَمِيدُ

Filipino Translation (Maguindanaon) - Rowwad Translation CenterLekanin a (Allah) su dalem na pitu lapis a langit endu lupa, endu su Allah i kawasa a pebpugin.

See all translations of this verse →

Surah Al-Hajj, Verse 65

أَلَمْ تَرَ أَنَّ ٱللَّهَ سَخَّرَ لَكُم مَّا فِى ٱلْأَرْضِ وَٱلْفُلْكَ تَجْرِى فِى ٱلْبَحْرِ بِأَمْرِهِۦ وَيُمْسِكُ ٱلسَّمَآءَ أَن تَقَعَ عَلَى ٱلْأَرْضِ إِلَّا بِإِذْنِهِۦٓ إِنَّ ٱللَّهَ بِٱلنَّاسِ لَرَءُوفٌ رَّحِيمٌ

Filipino Translation (Maguindanaon) - Rowwad Translation CenterDi nengka gailay i pinandayan nu Allah sa lekanu su lupa endu su bagedan a balalaguy sa lagat sa kahanda nin, endu pedsegedanin su manga langit sa di makabetad sa lupa ya tabiya na kahandanin, su Allah na malasam a malimu kanu manga taw.

See all translations of this verse →

Surah Al-Hajj, Verse 66

وَهُوَ ٱلَّذِىٓ أَحْيَاكُمْ ثُمَّ يُمِيتُكُمْ ثُمَّ يُحْيِيكُمْ إِنَّ ٱلْإِنسَٰنَ لَكَفُورٌ

Filipino Translation (Maguindanaon) - Rowwad Translation CenterSekanin a (Allah) i minuyag sa lekanu, mawli na imatayan kanu nin, entupan a uyagen kanu nin, benal su manusya na madakel i kakafirin.

See all translations of this verse →

Surah Al-Hajj, Verse 67

لِّكُلِّ أُمَّةٍ جَعَلْنَا مَنسَكًا هُمْ نَاسِكُوهُ فَلَا يُنَٰزِعُنَّكَ فِى ٱلْأَمْرِ وَٱدْعُ إِلَىٰ رَبِّكَ إِنَّكَ لَعَلَىٰ هُدًى مُّسْتَقِيمٍ

Filipino Translation (Maguindanaon) - Rowwad Translation CenterBinaluy nami kanu uman isa i agama nin a penggalebekenin, na da ka magukag (Muhammad) kanu salimpang nilan, endu pangenggat ka kanu agama nu Kadenan nengka, ka seka i natutulu sa matidtu.

See all translations of this verse →

Surah Al-Hajj, Verse 68

وَإِن جَٰدَلُوكَ فَقُلِ ٱللَّهُ أَعْلَمُ بِمَا تَعْمَلُونَ

Filipino Translation (Maguindanaon) - Rowwad Translation CenterAmayka ibpalawa kanilan, na edtalu ka (Muhammad): su Allah i mataw sa langun a penggalebekenu.

See all translations of this verse →

Surah Al-Hajj, Verse 69

ٱللَّهُ يَحْكُمُ بَيْنَكُمْ يَوْمَ ٱلْقِيَٰمَةِ فِيمَا كُنتُمْ فِيهِ تَخْتَلِفُونَ

Filipino Translation (Maguindanaon) - Rowwad Translation CenterSu Allah i kumukum sa lekanu sa gay a mawli kanu langun a di nu bamagayunan.

See all translations of this verse →

Surah Al-Hajj, Verse 70

أَلَمْ تَعْلَمْ أَنَّ ٱللَّهَ يَعْلَمُ مَا فِى ٱلسَّمَآءِ وَٱلْأَرْضِ إِنَّ ذَٰلِكَ فِى كِتَٰبٍ إِنَّ ذَٰلِكَ عَلَى ٱللَّهِ يَسِيرٌ

Filipino Translation (Maguindanaon) - Rowwad Translation CenterNgintu di nengka katawan na su Allah na katawanin i dalem a pitu lapis a langit endu lupa? Langun a entuba na nakadalem kanu kitab (Lawh Al-Mahfudh) endu benal a malemu gayd kanu Allah.

See all translations of this verse →

Surah Al-Hajj, Verse 71

وَيَعْبُدُونَ مِن دُونِ ٱللَّهِ مَا لَمْ يُنَزِّلْ بِهِۦ سُلْطَٰنًا وَمَا لَيْسَ لَهُم بِهِۦ عِلْمٌ وَمَا لِلظَّٰلِمِينَ مِن نَّصِيرٍ

Filipino Translation (Maguindanaon) - Rowwad Translation CenterEndu pedsimban nilan i salakaw sa Allah, sa dala nakatulun kanilan ebpun sa Allah a tindeg lun, endu dala kanilan a kataw endu dala kanu salimbuten i makadtabang kanilan.

See all translations of this verse →

Surah Al-Hajj, Verse 72

وَإِذَا تُتْلَىٰ عَلَيْهِمْ ءَايَٰتُنَا بَيِّنَٰتٍ تَعْرِفُ فِى وُجُوهِ ٱلَّذِينَ كَفَرُوا۟ ٱلْمُنكَرَ يَكَادُونَ يَسْطُونَ بِٱلَّذِينَ يَتْلُونَ عَلَيْهِمْ ءَايَٰتِنَا قُلْ أَفَأُنَبِّئُكُم بِشَرٍّ مِّن ذَٰلِكُمُ ٱلنَّارُ وَعَدَهَا ٱللَّهُ ٱلَّذِينَ كَفَرُوا۟ وَبِئْسَ ٱلْمَصِيرُ

Filipino Translation (Maguindanaon) - Rowwad Translation CenterEndu amayka batyan kanilan su manga ayatan nami a manga mapayag na mailay nengka kanu manga biyas ilan a manga kafir i kalibedteng, paydu gayd i di nilan kabetay kanu manga taw a pembatya kanilan kanu manga ayatan nami, na edtalun ku sa lekanu i mawag luba? Su apuy sa naraka, inibpasad u Allah kanu manga kafir a ngin den i kawagin a kabpawangan.

See all translations of this verse →

Surah Al-Hajj, Verse 73

يَٰٓأَيُّهَا ٱلنَّاسُ ضُرِبَ مَثَلٌ فَٱسْتَمِعُوا۟ لَهُۥٓ إِنَّ ٱلَّذِينَ تَدْعُونَ مِن دُونِ ٱللَّهِ لَن يَخْلُقُوا۟ ذُبَابًا وَلَوِ ٱجْتَمَعُوا۟ لَهُۥ وَإِن يَسْلُبْهُمُ ٱلذُّبَابُ شَيْـًٔا لَّا يَسْتَنقِذُوهُ مِنْهُ ضَعُفَ ٱلطَّالِبُ وَٱلْمَطْلُوبُ

Filipino Translation (Maguindanaon) - Rowwad Translation CenterSekanu a manga taw aden nakambwat a upaman na panuliman nu, su pedsimban nu a salakaw sa Allah a manga watu, manga kayu, na di a benal makaumbal sa apiya langaw bu i upamanin, apiya mimbulig silan, na amayka aden initangag a langaw kanu inideket kanu barahala, na apiya paydu na di magaga nu barahala mapaulit, magidsan a dala kagaga nin su pedsimba endu su pedsimban.

See all translations of this verse →

Surah Al-Hajj, Verse 74

مَا قَدَرُوا۟ ٱللَّهَ حَقَّ قَدْرِهِۦٓ إِنَّ ٱللَّهَ لَقَوِىٌّ عَزِيزٌ

Filipino Translation (Maguindanaon) - Rowwad Translation CenterDa nilan pakasela su Allah a wagib a papegkaslan, saben-sabenal su Allah i mabagel a mapulu.

See all translations of this verse →

Surah Al-Hajj, Verse 75

ٱللَّهُ يَصْطَفِى مِنَ ٱلْمَلَٰٓئِكَةِ رُسُلًا وَمِنَ ٱلنَّاسِ إِنَّ ٱللَّهَ سَمِيعٌۢ بَصِيرٌ

Filipino Translation (Maguindanaon) - Rowwad Translation CenterSu Allah i bamili kanu malaikat sa manga sinugu, endu sya kanu manga taw, su Allah i pakakineg a pakailay.

See all translations of this verse →

Surah Al-Hajj, Verse 76

يَعْلَمُ مَا بَيْنَ أَيْدِيهِمْ وَمَا خَلْفَهُمْ وَإِلَى ٱللَّهِ تُرْجَعُ ٱلْأُمُورُ

Filipino Translation (Maguindanaon) - Rowwad Translation CenterKatawan nu Allah su nanggalebek nilan den, endu su manggalebek nilan a mawli, endu lu sa Allah i langun a galebek a kambalinganan.

See all translations of this verse →

Surah Al-Hajj, Verse 77

يَٰٓأَيُّهَا ٱلَّذِينَ ءَامَنُوا۟ ٱرْكَعُوا۟ وَٱسْجُدُوا۟ وَٱعْبُدُوا۟ رَبَّكُمْ وَٱفْعَلُوا۟ ٱلْخَيْرَ لَعَلَّكُمْ تُفْلِحُونَ

Filipino Translation (Maguindanaon) - Rowwad Translation CenterSekanu a manga mu'min ruku' kanu endu sugyud kanu, endu simba nu su Kadenan nu, endu enggalebek nu i mapya, ka malemu sa lekanu i makauntung kanu.

See all translations of this verse →

Surah Al-Hajj, Verse 78

وَجَٰهِدُوا۟ فِى ٱللَّهِ حَقَّ جِهَادِهِۦ هُوَ ٱجْتَبَىٰكُمْ وَمَا جَعَلَ عَلَيْكُمْ فِى ٱلدِّينِ مِنْ حَرَجٍ مِّلَّةَ أَبِيكُمْ إِبْرَٰهِيمَ هُوَ سَمَّىٰكُمُ ٱلْمُسْلِمِينَ مِن قَبْلُ وَفِى هَٰذَا لِيَكُونَ ٱلرَّسُولُ شَهِيدًا عَلَيْكُمْ وَتَكُونُوا۟ شُهَدَآءَ عَلَى ٱلنَّاسِ فَأَقِيمُوا۟ ٱلصَّلَوٰةَ وَءَاتُوا۟ ٱلزَّكَوٰةَ وَٱعْتَصِمُوا۟ بِٱللَّهِ هُوَ مَوْلَىٰكُمْ فَنِعْمَ ٱلْمَوْلَىٰ وَنِعْمَ ٱلنَّصِيرُ

Filipino Translation (Maguindanaon) - Rowwad Translation CenterEndu en-jihad kanu sa Allah sa benal a jihad, ka sekanin i namili sa lekanu (sa mamayapat sa Islam), endu da nin baluya sa lekanu su agama sa makapasang sa lekanu, agama nu ama nu a si Ibrahim a minedtu sa lekanu sa manga Muslim, sa unan a da pan makatulun su Qur’an, endu samba sa kitab anan su Rasul (Muhammad) a makadsaksi sa lekanu, na makadsaksi kanu bun kanu manga taw, na itindegu su sambayang endu inggay nu su zakat, endu kamali nu su agama nu Allah (Islam) ka sekanin i pedtuganul sa lekanu, na ngin den a kapiya na pedtuldu endu mapya gayd a tumabang.

See all translations of this verse →

Looking for a topic? Try the meaning search — your question is scanned across all 6,236 verses. →
Language — 70