Filipino Translation (Maguindanaon) - Rowwad Translation CenterMahasuti su napalakaw (Allah) kanu ulipen nin (Muhammad) sa magabi, ganat sa Masjidil Haram taman lu sa Masjidil Aqsa a pinambarakat nami su embala-bala lun, ka ipabpagilay nami sa lekanin (Muhammad) su manga tanda nami, saben-sabenal sekanin a Allah i pakakineg a pakailay.
Filipino Translation (Maguindanaon) - Rowwad Translation CenterEndu inenggay nami kani Musa su kitab endu binaluy nami a tutulu kanu tupu nu Israel sa da kanu mamaluli sa salakaw sa Allah i saligan nu.
Filipino Translation (Maguindanaon) - Rowwad Translation CenterEndu pinakatawan nami bun kanu manga tupu nu Israel kanu kitab a Taurat i maminasa kanu sya sa lupa sa makaduwa, endu ebpapulu kanu sa masla a kabpapulu.
Filipino Translation (Maguindanaon) - Rowwad Translation CenterNa amayka mawma den su isa kanu duwa, na pambuwaten nami sa lekanu i ulipen nami a mapasang endu mabagel i kambunuwa nin, na dalidipenin su langun u pamageletan u dalpa, endu pasad into a di ebplis na manggula.
Filipino Translation (Maguindanaon) - Rowwad Translation CenterMawli na imbalingan nami sa lekanu su kapeges kanilan, endu pagkadakelen nami sa lekanu su manga tamuk endu manga wata, endu binaluy nami sekanu i madakel i bilanganin nin.
Filipino Translation (Maguindanaon) - Rowwad Translation Center(Edtalu ka) amayka ebpiya-piya kanu na ginawa nu bun i migkapiya, endu amayka migkawag kanu (mindupang) na ginawa nu bun (i masiksa), na amayka nawma su pasad (kaduwa a kandupang) na egkenem su manga biyas nu sa lidu na ginawa, endu ludepan nilan su Masjidil Aqsa sa mana bun su nawna a kinaludep nilan, endu maminasa sa sangat a kapaminasa.
Filipino Translation (Maguindanaon) - Rowwad Translation Center(Inipayag u Allah kanu Taurat) sa basi ikalimu kanu bun u Kadenan nu, endu amayka edsaluman kanu na edsalumanan nami bun sekanu, endu binaluy nami su jahannam kanu manga kafir i ikam nilan.
Filipino Translation (Maguindanaon) - Rowwad Translation CenterSaben-sabenal su Qur’an na pedtutulu sa lalan a pinakamatidtu, endu papegkalilini kanu manga mu'min, a silan i penggalebek sa manga mapya, na benal a kanilan su balas a mapya a masla.
Filipino Translation (Maguindanaon) - Rowwad Translation CenterEndu saben-sabenal su di bangimbenal sa gay a mawli na pidtatalenganan nami sa kanilan su siksa a mapasang.
Filipino Translation (Maguindanaon) - Rowwad Translation CenterEndu in-du’a nu taw sa mawag (su galipungetanin) sa mana bun su kapamagayasin sa kand’ua nin sa kanu makapiya kanu ginawa nin, su manusya na masasaw (di matigkel a bukasu).
Filipino Translation (Maguindanaon) - Rowwad Translation CenterEndu binaluy nami su magabi endu malamag a duwa a tanda (a kapegkagaga) na pinunas nami su sigay nu magabi (sa ulan-ulan) endu binaluy nami su sigay nu malamag sa pakapailay, ka endu mapangilay su limu nu Allah ebpun sa Kadenan nu, endu katawan su bilangan nu manga lagun endu su bilangan u manga ulan-ulan (manga gay) endu langun u enggaga- isa na inipayag nami san sa (Qur’an) sa mapayag.
Filipino Translation (Maguindanaon) - Rowwad Translation CenterEndu uman i manusya na nambalig nin su kitab (sinulatan) kanu galebekin kanu tengu nin, sa palyun nami sa lekanin (bukatan sa kasangulan nin) sa mabaratemu nin sa mapayag.
Filipino Translation (Maguindanaon) - Rowwad Translation Center(Edtalun sa lekanin): batya ka i kitab nengka sa natabuwan, saguna a gay sa igkila-kila sa leka.
Filipino Translation (Maguindanaon) - Rowwad Translation CenterSu tinumuntul sa (Islam) na ginawa nin bun i nakatuntul, su midtadingan na ya nin bun tinading su ginawa nin, endu di mandusa na isa i dusa na ped in, endu di kami sumiksa endu mapa-surga taman a di kami pan makapambuwat sa sinugu.
Filipino Translation (Maguindanaon) - Rowwad Translation CenterEndu amayka egkahandan nami i binasan nami i dalpa na pagkadakelen nami su mapya i katamanan nin, ka lumyu silan sa inugut (semupak) na wagib bu lawa su siksa kanilan nabinasa bu lawa silan.
Filipino Translation (Maguindanaon) - Rowwad Translation CenterEndu di bu pila-pila i bininasa nami kanu nangawna (a manga taw) sa ulyan ni Nuh, endu su Kadenan nengka i pedtyakap kanu manga kadusan nu manga ulipenin, a mataw (su Allah) a pakailay.
Filipino Translation (Maguindanaon) - Rowwad Translation CenterSu myug sa limu sa sagugunay na enggaganan nami (menggay) sa kanu kalilinyan in sa endaw bu i kyug ami kanu pegkyugan nami bu menem, mawli na binaluy nami sa lekanin su jahannam a kaludepan nin a mawag gayd sa nakatangka sa limu nu Allah.
Filipino Translation (Maguindanaon) - Rowwad Translation CenterSu ya nin menem kyugan su akhirat endu pinamikalanin sa galebek (a mapya) na sekanin na mu'min, na silan i manga taw a langun a galebekanin na pidsukuran.
Filipino Translation (Maguindanaon) - Rowwad Translation CenterUman isa kanu duwa (mu'min-kafir) na pembagelen nami kanu rizki nin a ebpun sa Kadenan nengka, ka dala kanu rizki nu Kadenan nengka i ma-haram kanu pedsupak.
Filipino Translation (Maguindanaon) - Rowwad Translation CenterIlay ka (Muhammad) u panun i kinapandadalabya nami kanu sabad kanu ped in (sya sa dunya) endu lu sa akhirat i masla a pangkatan (pahala), endu masla a kandadalabya (di kena mana bu sya sa dunya).
Filipino Translation (Maguindanaon) - Rowwad Translation CenterDa ka mumbal sa isa a kadenan a lyu sa Allah, ka maka-ayan ka sa kalusak i mabpalas nengka.
Filipino Translation (Maguindanaon) - Rowwad Translation CenterEndu inibpalyugat u Kadenan nengka i da kanu sumimba ya tabiya na su Allah, endu kabpiyapiya sa duwa-mimbata, na amayka masawt na katuwa silan duwa na san sa leka atawa sakataw kanilan na di ka bu mangagkag silan endu di ka silan edtegasi, endu ya ka edtalu (kambityala) kanilan na kadtalu a mananaw.
Filipino Translation (Maguindanaon) - Rowwad Translation CenterEndu imbaba nengka kanilan su ula-ula (su palangay) sabap kanu limu, endu edtalu ka: Kadenan ku, ikalimu nengka silan sa mana su kinakalimu nilan sa laki (kinatyakap nilan) sa manawt aku pan.
Filipino Translation (Maguindanaon) - Rowwad Translation CenterSu Kadenan nu i mataw sa kanu dalem nu ginawa nu, amayka sekanu ka manga mapya kanu (edtidtu kanu) na sekanin a Allah na bangampun kanu manga taw a baratawbat.
Filipino Translation (Maguindanaon) - Rowwad Translation CenterEndu inggay nengka kanu manga pagali nengka su kawagibin, endu su miskinan, endu su natanaw (di pakawli sa dalpa) na da ka (menem) magudal (mapalyu sa tamok a supak sa Islam).
Filipino Translation (Maguindanaon) - Rowwad Translation CenterSaben-sabenal na su taw a magudal na manga pagali nu manga Shaytan, na su Shaytan na supak sa Kadenan nin (di makatadem sa limu).
Filipino Translation (Maguindanaon) - Rowwad Translation CenterEndu amayka di nengka ka-enggan silan (a manga pagali) kanu limu ebpun kanu Kadenan engka na pagangapa ka, sa edtalu ka kanilan i su kadtalu a mapya.
Filipino Translation (Maguindanaon) - Rowwad Translation CenterEndu di ka kemegkem su lima nengka sa ibetad nengka sa tengu nengka (sabap sa kasingit) endu di ka menem pembelat sa dala den masama lun, ka maka-ayan ka (makagkaya ka) sa tilan ka na taw sa pangimbulatan ka.
Filipino Translation (Maguindanaon) - Rowwad Translation CenterSaben-sabenal su Kadenan nengka na belatenin i rizki nin kanu kagkahanda nin endu simpitanin, ka sekanin a Allah kanu manga ulipenin na katawanin na gailay nin.
Filipino Translation (Maguindanaon) - Rowwad Translation CenterEndu di nu pembunu su manga wata nu sa gilek sa kamiskin ka sekami i pe-rizki kanilan endu sekanu, su kabununu kanilan na kadusan a masla (sa Allah).
Filipino Translation (Maguindanaon) - Rowwad Translation CenterEndu di nu semikeni su kadzina (di enggulan su ukit a makadzina) ka su (kadzina) na sangat a maledsik, endu mawag a benal a ukit (a kadtiwalay).
Filipino Translation (Maguindanaon) - Rowwad Translation CenterEndu di nu pembunu su ngyawa a hinaram nu Allah ya tabiya na haqq, (su pinamakay na Islam a kabunu) ka su taw a binunu sa dinupang (pidtibaban sa dala kawagibin) na binaluy nami kanu wali nin (lukesin-pagalinin) i bagel sa kakwa (katuntut in) sa kawagib, na di nin pasagaden i galebekin (di padsublan su kasuli) ka sekanin na nanget i pedtabangan nu Allah.
Filipino Translation (Maguindanaon) - Rowwad Translation CenterEndu di nu semupegi su tamuk nu yateem (binasan atawa kwan sa di kena kawagib) ya tabiya na muna pan i kapiya nin (sa pagkadakelen) taman sa makasampay sa balig, endu tuman nu i pasadu a mapya, kagina su pasad na ibagidsa (salta na siksa amayka di matuman).
Filipino Translation (Maguindanaon) - Rowwad Translation CenterEndu patidtu nu i kapagasadu amayka nagasad kanu, endu edtimbang kanu sa bantang a matidtu, ka entu ba i mapya, endu mapya i mawli nin.
Filipino Translation (Maguindanaon) - Rowwad Translation CenterDa ka bagamung sa dala leka lun ataw na (dala sabut engka lun) ka su tangila endu su mata na langun a namba na pangingidsan (salta sa naraka).
Filipino Translation (Maguindanaon) - Rowwad Translation CenterEndu da ka belakaw kanu lupa sa kasandagan ka seka na di nengka malesu su lupa sa kadsangkad, endu di nengka kalepengan su palaw sa kapulu.
Filipino Translation (Maguindanaon) - Rowwad Translation CenterLangun a entuba a nalabit na mawag a benal lu sa Kadenan nengka a inisapalin a nabensiyan nin.
Filipino Translation (Maguindanaon) - Rowwad Translation CenterLangun a entu na kaped kanu ini-wahi nu Kadenan nengka sa leka a kadtalu a nanga-atul endu da ka mamaluli salta sa Allah a isa a kadenan ka makasumek ka lu sa naraka a masla i tila nin sa nakatangka sa limu nu Allah.
Filipino Translation (Maguindanaon) - Rowwad Translation CenterNgintu ya bu tinantu nu Kadenan nu sa lekanu (a makagkapiya) na su manga wata a manga mama, endu kanu Allah menem i manga malaikat a babay? Sekanu a manga kafir na saben-sabenal a namba a kadtalu na masla gayd (lu sa Allah i kasiksan nin).
Filipino Translation (Maguindanaon) - Rowwad Translation CenterEndu saben-sabenal a pidtinatad nami san sa Qur’an banan su manga ibaratan (upaman) ka endu kanu (su di bangimbenal) ma-indaw, na dala pakauman kanilan (a inugut) a di kena (nalunsanan) i kinatangka nilan (kanu Qur’an).
Filipino Translation (Maguindanaon) - Rowwad Translation CenterEdtalu ka (Muhammad): u mana bu ka duwa kataw i Kadenan sa mana su kadtalu nilan na magagawa silan sa Arsh, endu sapalan na isa i kapedin.
Filipino Translation (Maguindanaon) - Rowwad Translation CenterMahasuti su Allah kanu langun u pedtalu nilan, lepas sekanin, mapulu su Allah sa kapulwa kasla.
Filipino Translation (Maguindanaon) - Rowwad Translation CenterPedtasbih sa lekanin (Allah) su manga langit endu lupa endu su dalemin, endu dala kanu enggaga-isa a di kena pedtasbih sa pugi sa Kadenan nilan, ugayd na di nu kasabutan i tasbih nilan, su Allah na matigkel a bangampun.
Filipino Translation (Maguindanaon) - Rowwad Translation CenterEndu amayka binatya nengka su Qur’an, na binaluy nami kanu pageletan nengka sa kanu manga taw a di bangimbenal sa gay a mawli i pagelet a pakadalinding sa leka sa di ka nilan mailay.
Filipino Translation (Maguindanaon) - Rowwad Translation CenterEndu binaluy nami i dapeng kanu manga atay nilan a di nilan kasabut lun, endu sya sa tangila nilan su kabisu, endu amayka linabit nenka su Kadenan nengka san sa Qur’an sa isa nin bu (di malabit i barahala nilan) na tumaligkud silan endu mawa silan. (di silan tumalima).
Filipino Translation (Maguindanaon) - Rowwad Translation Center(Tig nu Allah): Sekami na katawan nami su bakikinegen nilan amayka bakikineg silan sa leka (Muhammad), endu silan na bamagedunga silan sa ya nilan pedtalun (manga kafir): dala sa bagunutan nu banan tabiya na mama a nasugat a pakayd.
Filipino Translation (Maguindanaon) - Rowwad Translation CenterIlay ka (Muhammad) i kapamelagid nilan sa leka sa embalang-balangan a upaman, na natading silan, di nilan magaga i makatuntul silan sa sa lalan (a bantang)
Filipino Translation (Maguindanaon) - Rowwad Translation CenterEndu ya nilan kadtalu na u nagubal su tulan tanu (naldak) na libubuk su badan tanu, na ditanu den makambwat sa mabagu tanu pamun.
Filipino Translation (Maguindanaon) - Rowwad Translation CenterAtawa muna pan sa putaw a masla den sa ginawa nu, na ya nilan den edtalun: kanu i kawma na namba (Muhammad) endu entayn i mapambalingan sa lekami? Edtalu ka: su minaluy sa lekanu paganay, na iteku nilan sa leka su ulu nilan sa ungat (bagungat) bu, endu edtalun nilan: kanu i namba? Edtalu ka kanilan: basi masupeg (mangagan) di kena den mawatan i kawma nin.
Filipino Translation (Maguindanaon) - Rowwad Translation CenterGay a katawag sa lekanu na makasumpat kanu sa pugi sa Allah, endu ma-antap i paydu bu ged i kinadtangen nu sa kubur (ataw sya sa dunya).
Filipino Translation (Maguindanaon) - Rowwad Translation CenterEdtalu ka kanu manga ulipen ku i ya nilan edtalun na mapya, ka saben-sabenal su Shaytan na pembinasa kanu pamageletan nilan, ka su Shaytan na satru (kuntra) nu manusya a mapayag.
Filipino Translation (Maguindanaon) - Rowwad Translation CenterSu Kadenan nu i mataw sa lekanu sa yanin kyug i ikalimu kanu nin atawa siksan kanu nin, endu di kena ya nami kinasugu sa leka sa kanilan i pedtyakap ka.
Filipino Translation (Maguindanaon) - Rowwad Translation CenterEndu su Kadenan nengka i mataw kanu dalem nu manga langit endu su lupa, endu saben- sabenal a pinandadalabya nami su ped kanu manga nabi kanu kaped lun, endu inenggay nami kanu Daud su Zabur.
Filipino Translation (Maguindanaon) - Rowwad Translation CenterEdtalu ka (Muhammad) i tawagen nilan su pedsimban nilan a salakaw sa Allah, na di nin kamilikan sa makapa-awa nin su pakagkayd sa lekanu, endu di nin magaga mapasibay su pakagkayd sa lekanu.
Filipino Translation (Maguindanaon) - Rowwad Translation CenterSilan a manga taw a pedsimba (sa barahala) na pedtuntut sa Kadenan nilan sa titayan a makasupeg silan (Allah) endu baginagkay silan sa limu nu Kadenan nin, endu kagilekan sa siksa nin, ka benal su siksa nu Kadenan nengka na ingatan.
Filipino Translation (Maguindanaon) - Rowwad Translation CenterEndu da dalpa a di kena sekami bun i pembinasa lun sa unan a (di pan gauma) i gay a mawli, atawa sekami bun i sumiksa kanu taw nin sa siksa a mapasang, langun a entuba na lu sa Lawh Al-Mahfudh nakasulat.
Filipino Translation (Maguindanaon) - Rowwad Translation CenterEndu da nakasapal sa lekami sa papaytan nami silan sa siksa, ya tabiya na kinapandalbut u nangawna kanilan, endu inenggay nami kanu (taw) nu Thamud su unta a babay a kailay sa mapayag na pindupangan nilan (sinumbali), endu da kapedsugu nami kanu manga siksa kanu dupang, ya tabiya na ipapegkagilek.
Filipino Translation (Maguindanaon) - Rowwad Translation CenterEndu pidtalu nami sa leka: su Kadenan nengka na langkap kanu manga taw, endu dala nami baluya su gangailay a inipailay nami sa leka (kanu mi'raj) ya tabiya na fitnah (ipembatalu) kanu manga taw, endu su kayu a namulkan san sa Qur’an (zaqqum), endu papegkagilekan nami silan, na dala nakawman kanilan (kapaginugut) ya tabiya na kinandupang a masla.
Filipino Translation (Maguindanaon) - Rowwad Translation CenterEndu labit ka kanilan su kinadtalu nami kanu malaikat sa sugyudi nu si Adam, na sinumugyud silan ya tabiya na si Iblis, ka ya nin pidtalu: enduken ka paka-sugyud aku sa yanin asal na lupa?
Filipino Translation (Maguindanaon) - Rowwad Translation CenterTig nu Iblis: ipailay nengka sa laki Kadenan ku i namba pinakapulu nengka anan sa laki ka amayka pakalendun nengka i umur ku taman sa gay a mawli na tadingeng ku i manga mawli a taw nin, ya tabiya na paydu bu kanilan (i di ku matading).
Filipino Translation (Maguindanaon) - Rowwad Translation Center(Tig nu Allah): lu ka den ka entayn i munut sa leka na saben-sabenal su naraka jahannam i balas nu a balas a dala kulangin.
Filipino Translation (Maguindanaon) - Rowwad Translation CenterEndu enggat ka i magaga nengka kanilan kanu suwara nengka (manga sengal/music, langun a supak sa Allah), endu tawag ka silan kanu (tantara) a pakukuda nengka endu su pelalakaw (a pembunu kanu manga mu'min) endu amungi ka silan kanu manga tamuk ilan (pantiyali a haram) endu su manga wata nilan (ka bagusal kanu babay sa haram) endu pagakali ka den silan, ka da kapadulatan nu Shaytan ya tabiya na su sya bu i atay nin sa dunya.
Filipino Translation (Maguindanaon) - Rowwad Translation Center(Tig nu Allah): saben-sabenal su ulipen ku na da lalan nengka kanilan (Shaytan) a mabagel sa katading nengka kanilan, Ka su kadenan nengka i pedtuldu kanilan.
Filipino Translation (Maguindanaon) - Rowwad Translation CenterSu Kadenan nu i pabpagiseg sa lekanu kanu bageda nu sya sa lagat ka mapangilay nu su limu nin, ka sekanin a Allah na malimu gayd sa lekanu.
Filipino Translation (Maguindanaon) - Rowwad Translation CenterEndu amayka kagilekan kanu sa kakagem sya sa lagat, na natading su pedsimban nu ya tabiya na su Allah, guna kanu nin belepasa (kanu kapegkageled) ini-lu kanu sa kapuluwan, na sinemakutu kanu menem, endu ya ka-aden nu manusya na madakel i kakafirin.
Filipino Translation (Maguindanaon) - Rowwad Translation CenterPakagedam kanu sa kalilintad sa da kanu makageled sa lagat, na da kanu malepas sya tampal sa kapuluwan (lupa), atawa ka masugat kanu na sambel (sa apiya da kanu bun makageled sa lagat), mawli na dala bun maparuli nu a tumuldu sa lekanu a salakaw sa Allah.
Filipino Translation (Maguindanaon) - Rowwad Translation CenterAtawa da kanu bun malepas u pambalinganen kanu nin sa makaisa, na patibpuan kanu nin sa sambel a mabagel sa ibayug kanu nin sa pageleden kanu nin kanu kapegkafir nu, mawli na dala mapaluli nu a makasapal sa lekami (manga taw a semuli sa lekami).
Filipino Translation (Maguindanaon) - Rowwad Translation CenterEndu saben-sabenal a inipulu nami su tupu nu Adam, pinapageda nami silan sa kapuluwan endu lagat, endu rinizkiyan nami silan sa manga mapya, endu inilabi nami silan kanu madakel a binaluy nami sa sampulna a kinalabi.
Filipino Translation (Maguindanaon) - Rowwad Translation CenterSu gay a tawagen nami i uman isa kanu inunutan nin, na su (taw) a inenggay nami sa lekanin su kitab nin tampal sa kawanan nin na silan na batyan nilan su kitab nilan sa mapya, endu di silan madsalimbut sa apiya paydu.
Filipino Translation (Maguindanaon) - Rowwad Translation CenterEndu su taw a pisek sya sa dunya (di nin mailay su limu nu Allah) na sekanin lu sa akhirat na pisek bun sa lalan.
Filipino Translation (Maguindanaon) - Rowwad Translation CenterEndu saben-sabenal a sinupegan nilan i ka- fitnah sa leka (Muhammad) kanu ini-wahi nami sa leka (Qur’an) ka endu kami nengka kadtebuan sa salakaw kanu wahi, na u nakwa kanilan bu na seka i kalilinyan nilan a tagapeda nilan.
Filipino Translation (Maguindanaon) - Rowwad Translation CenterEndu u di kena nami bu seka tinigel na saben- sabenal a paydu bu ged i dala nengka kasalig kanilan.
Filipino Translation (Maguindanaon) - Rowwad Translation CenterU nanggula nengka bu su atulan nilan na matakep i siksa nengka sa dunya, endu siksa nengka sa gay a mawli, mawli na dala mapaluli nengka a tumabang sa leka.
Filipino Translation (Maguindanaon) - Rowwad Translation CenterEndu sinupegan (panginggileken) ka nilan, ka endu ka nilan makapalyu sa kanu lupa (Makkah), ugayd na kyug nu Allah i kinaganat nengka, endu dala bun kawgeti silan sa ulyan a kinaganat engka. (nabunu silan sa Bad'r).
Filipino Translation (Maguindanaon) - Rowwad Translation CenterMamba i ukit nu Allah kanu sinugu nin a nawna sa leka (Muhammad) endu dala mapaluli nengka kanu ukit nami a makasibay.
Filipino Translation (Maguindanaon) - Rowwad Translation CenterItindeg nengka su sambayang sa kapulid a senang taman sa kasedep na senang (dhuhur, as'r, maghrib, isha) endu (batya ka) su Qur’an kanu faj'r (sambayang a sub'h) ka su Qur’an sya kanu faj'r (kadsambayang sa sub'h) na pedsaksiyan nu manga malaikat.
Filipino Translation (Maguindanaon) - Rowwad Translation CenterEndu su ped kanu magabi na tahajjud ka ka sunnat sa leka, ka di ebplis na pambuwaten ka nu Kadenan nengka sa mapulu a pangkatan (lu sa surga).
Filipino Translation (Maguindanaon) - Rowwad Translation CenterEndu edtalu ka: Kadenan ku paludep aku sa beludepan a benal (sa Madinah) endu palyu aku sa belyuwan a benal (Makkah) endu enggi aku ebpun sa leka sa tindeg a bagel a makatabang sa laki.
Filipino Translation (Maguindanaon) - Rowwad Translation CenterEndu edtalu ka: nakawma su bantang na mailang (mapunas) su baatil, ka su baatil na andang a mapunas.
Filipino Translation (Maguindanaon) - Rowwad Translation CenterEndu ipedtulun nami ebpun kanu Qur’an i makauli (makagamut) sa dalu, endu limu kanu manga mu'min, endu dala makawman kanu manga tading a salakaw sa kalugyan.
Filipino Translation (Maguindanaon) - Rowwad Translation CenterEndu amayka inikalimu nami su manusya (a di bangimbenal) na tumaligkud atawa tumangkili sa kadsukur sa Allah amayka dinumalu atawa nakamutu na tinebpekan.
Filipino Translation (Maguindanaon) - Rowwad Translation CenterEdtalu ka: uman isa na enggalebeken nin endaw i nalayamanin, na su Kadenan nu i mataw kanu naka-tuntul sa lalan.
Filipino Translation (Maguindanaon) - Rowwad Translation CenterEndu su ibagidsa nilan sa leka su ngyawa, edtalu ka: su ngyawa na su Allah i mataw lun, endu da kanu enggay sa kataw, ya tabiya na paydu gayd.
Filipino Translation (Maguindanaon) - Rowwad Translation CenterEndu amayka nagkahanda nami i iyawa nami su kataw a wahi nami sa leka (su Qur’an) na dala maparuli nengka a kasaligan nengka lun sa kambalinganin.
Filipino Translation (Maguindanaon) - Rowwad Translation CenterYa tabya na limu ebpun sa Kadenan nengka, saben-sabenal su kalimu nin sa leka na sangat i kasla nin.
Filipino Translation (Maguindanaon) - Rowwad Translation CenterEdtalu ka kanilan sa apya embulig su manusya endu su jin sa mapambuat silan sa pagidsan nu Qur’an na di nilan magaga i pagidsanin, apiya pan su sabad kanilan na midtatabanga den silan.
Filipino Translation (Maguindanaon) - Rowwad Translation CenterEndu saben-sabenal a pidtinatad nami san sa Qur’an kanu manga taw i langun a ibaratan, na menda bun su kadakelan kanilan (di tumalima) ya tabiya na kagkafir bu.
Filipino Translation (Maguindanaon) - Rowwad Translation CenterEndu pidtalu nilan: di nami pangimbenalen seka (Muhammad) taman a di nengka makapambuat sa lekami kanu lupa i manga buwal na ig.
Filipino Translation (Maguindanaon) - Rowwad Translation CenterAtawa ka ma-aden sa leka i pamulan a kayu kulma endu teneb, endu pambuat ka i manga lawas a ig kanu pamageletan nu pamulan nengka.
Filipino Translation (Maguindanaon) - Rowwad Translation CenterAtawa palundusi kami sa langit, atawa ka pambuat ka su Kadenan nengka endu su manga malaikat sa manga mapayag.
Filipino Translation (Maguindanaon) - Rowwad Translation CenterAtawa ka ma-aden sa leka i walay a dala pagidsanin sa kapiya atawa pusug ka sa langit, na di nami bun pangimbenalen i nakapusug ka sa langit, taman a di nengka makapatulun i kitab a batyan nami, edtalu ka (O Muhammad): mahasuti su Kadenan ku, ka dala sa laki (inan) ya tabiya na manusya aku bu a sinugu.
Filipino Translation (Maguindanaon) - Rowwad Translation CenterEndu dala nakasapal kanu manga taw sa kapangimbenal kanu kinauma nu tutulu kanilan ya tabiya na pidtalu nilan na napambuat besen su Allah sa manusya a sinugu (ibagumpak a kadtalu)?
Filipino Translation (Maguindanaon) - Rowwad Translation CenterEdtalu ka kanilan u mana bu ka malaikat bu i taw na lupa a lumalakaw sa tumatana, na ya nami bun patulunen kanilan ebpun sa langit na malaikat bun i sugun nami.
Filipino Translation (Maguindanaon) - Rowwad Translation CenterEdtalu ka su Allah i saksi kanu pageletan nu, ka sekanin (Allah) na katawanin su manga ulipenin a pakailay kanilan.
Filipino Translation (Maguindanaon) - Rowwad Translation CenterEndu su taw a tinutulu nu Allah na entuba i nakatuntul, endu su tadingenin na dala mapaluli nengka kanilan a tumuganul a salakaw sa Allah, endu buligen nami silan sa gay a mawli sa ibaguna i biyas nilan sa naraka sa pisek a maw a bisu, kandalepan nilan i naraka uman mapandeng (su apuy) na umanan menem sa kayaw.
Filipino Translation (Maguindanaon) - Rowwad Translation CenterEntu ba i balas nilan kagina migkafir silan kanu manga ayatan nami, pidtalu nilan: u nalupet su tulan tanu endu libubuk (tanu) na makambuat tanu pamun sa bagu mawatan a manggula intu.
Filipino Translation (Maguindanaon) - Rowwad Translation CenterNgintu da nilan mailay su Allah na binaluy nin su manga langit endu su lupa, a magaga nin mumbal i pagidsan nilan, endu binaluy nu Allah kanilan i tadtab a da kabplis nin na mawma (gay a mawli) na minenda su baradusa (da palityala) ya tabiya na sinemupak silan.
Filipino Translation (Maguindanaon) - Rowwad Translation CenterEdtalu ka (Muhammad): u mana bu ka kagkyug- kyugan su gunsi nu limu nu Kadenan ku na kamalan nu (kapedta nu) sabap sa gilek sa kambaranggya ka su manusya na masingit.
Filipino Translation (Maguindanaon) - Rowwad Translation CenterEndu saben-sabenal a inenggay nami kanu Musa i siyaw ka biyas a manga tanda a manga mapayag, na idsa nengka kanu tupu nu Israel su kutika a nakawma kanilan si Musa na ya pidtalu ni Fir’awn: saki Musa na bagantapen ko seka sa nasugat kana si'hr (pakayd).
Filipino Translation (Maguindanaon) - Rowwad Translation CenterTig nu Musa: natawan nengka i dala nangaden kanu siyaw kabiyas ya tabiya na su Kadenan nu manga langit endu su lupa sa manga tanda a kapeg-kagaga nu Allah? Endu bagantapen ku seka (Fir’awn) sa nalugi ka a nabinasa ka.
Filipino Translation (Maguindanaon) - Rowwad Translation CenterEndu nagkahanda (ni Fir’awn) i pawanin silan sa lupa (na Mis’r) na pinageled nami sekanin endu su manga pedin sa langun.
Filipino Translation (Maguindanaon) - Rowwad Translation CenterEndu pidtalu nami kanu tupu nu Israel kanu ulyanin i endalpa kanu sya sa lupa sa (Mis’r), na amayka makawma su pasad a gay a mawli na pambwaten nami sekanu a midsisimbul.
Filipino Translation (Maguindanaon) - Rowwad Translation CenterEndu initulun nami su bantang (Qur’an) endu sabap sa bantang na inibaba nami, endu dala kinasugu nami sa leka (Muhammad) ya tabiya na mapakalilini endu mapakagilek.
Filipino Translation (Maguindanaon) - Rowwad Translation CenterEndu su Qur’an na pinayagan nami (sa mapya-mawag / halal-haram) ka endu nengka mabatya kanu manga taw sa malanat, endu pinatulun nami sa paydu-paydu.
Filipino Translation (Maguindanaon) - Rowwad Translation CenterEdtalu ka: pangimbenal kanu atawa di, na di kakulangan su manga taw a natawan nilan su Qur’an sa kanu nawna pan, na amayka batyan kanilan na makambaba silan sa kasugyud sa Allah.
Filipino Translation (Maguindanaon) - Rowwad Translation CenterEndu ya nilan edtalun na mahasuti su Kadenan nami, na saben-sabenal kanu pasad nu Kadenan nami na manggula.
Filipino Translation (Maguindanaon) - Rowwad Translation CenterEndu imbaba nilan su biyas ilan a bagulyang, endu kadsisinggumanan silan sa gilek sa Allah.
Filipino Translation (Maguindanaon) - Rowwad Translation CenterEdtalu ka: tawag nu su Allah, atawa Al-Rahman, apiya ngin den i ngalanin a itawagu lun na lekanin su manga ngala a mapya, endu di ka gayd mapaka-tanug i kan-du’a nengka, endu di ka menem ped-sulen na ya ka enggula na pageletan na matanug endu di kena matanug.
Filipino Translation (Maguindanaon) - Rowwad Translation CenterEndu edtalu ka i langun a pugi endu pedsukuran na lekanin a Allah, da makambata endu da tagapedanin kanu kapegkagaga nin (kadatu nin), endu dala sa lekanin i wali (pedtabang endu pedsaligan), endu pakasla ka sekanin sa sampulna a kapapegkasla.