Fulani Translation - Rowwad Translation CenterFeewnde fii yo o [Nulaaɗo on] hulɓinir lepte cattuɗe immorde ka makko o weltinira gooŋɗinɓe ɓen, ɓe no golla Moƴƴuɗi ɗin won'de no woodani ɓe njoddi moƴƴiri.
Fulani Translation - Rowwad Translation CenterMinen min mbaɗii ko woni ko ka hoore leydi cuɗaari mayri, fii yo min mjarribo ɓe ko hommbo e maɓɓe ɓurata moƴƴin'de golle.
Fulani Translation - Rowwad Translation CenterTuma nde sukaaɓe ɓen cornoo to wimmbo, ɓe mbi'i: "Joomi amen okku men immorde ka maaɗa Hinnayee=yurmeende newinanaa amen kadi e fiyaake amen peewal.
Fulani Translation - Rowwad Translation CenterRefti min n immintini ɓe fii yo min penñinir gonndal ko honnde e mojobe=pelle ɗen ɗiɗi ɓuri moftude [limoore] ko ɓe ñiiɓi kon dummunne.
Fulani Translation - Rowwad Translation CenterMinen Miɗen pillanaade ma kumpital fii maɓɓe e Goonga, ɓen ɗoon, ko sukaaɓe gooŋɗinɓe Joomi maɓɓe min ɓeydani ɓe Peewal.
Fulani Translation - Rowwad Translation CenterMin kaɓɓi e dow ɓerɗe maɓɓe tuma nde ɓe darinoo, ɓe mb'i: "Joomi amen ko Jeyɗo o kammuuji ɗin e leydi ndin, men noddataa ko woori Mo deweteeɗi, gooŋɗii haray men mb'ii ontuma [konngol] pantungol.
Fulani Translation - Rowwad Translation CenterƁee yimɓe amen, ɓe jogitike ko woori Mo deweteeɗi, ko haaanunoo ko yo ɓe ngddu e dow maɓɓe dalil ɓannguɗo. Ko hommbo ɓuri tooñde ko foti e on pekindiiɗo fenaande o fawi e Alla.
Fulani Translation - Rowwad Translation CenterTuma nde mgoɗɗitinoɗon ɓe e ko ɓe ndewata ko ko woori Alla, ɓe coroyi to wimbo Joomi mon fontani on e Yurmeende makko nden o newinani on e fiyaake mon neweende.
Fulani Translation - Rowwad Translation CenterHaɗa yi'a naange nge si nge ƴellitike henge naayora ka wimbo maɓɓe seŋgo ñaamo, si henge mutude nge mutirana ɓe ka seŋgo nano, kamɓe heɓe e yaajeende e ɗum, ko jeyaaɗum e kaawisaji Alla, on mo Alla feewni ko on woni peewɗo, kala mo,o majjini a heɓantaa mo keeɗo perwnoowo.
Fulani Translation - Rowwad Translation CenterHaɗa sikka ɓe ko ɓe finɓe, tawi kamɓe ko ɓe ɗaaniiɓe, Miɗen mbylitira ɓe seŋgo ñaamo e seŋgo nano, rawaandu maɓɓe ndu no fori koyɗe ndun ɗe ka dammbugal, si a ƴellitike e maɓɓe a ruŋtotono e maɓɓe ndogaa a heewatno kulol immorde e maɓɓe.
Fulani Translation - Rowwad Translation CenterKo nii Min immintiniri ɓe fii yo ɓe laɓnondir hakkunde maɓɓe, bi'oowo wi'i e maɓɓe: "No foti heewde ko ñiiɓɗon?" Ɓe mbi'i: "Min ñiiɓii ñallal maa goɗɗum e ñallal." Ɓe mbi'i: "Ko Joomi mon woni ngannduɗo emmbere ko ñiiɓuɗon, nulee goɗɗo e mon won'dude e ɗii kaaki=ceede mon ɗoo ka saare, yo o ndaaru ko hommbo e maɓɓe ɓuri laaɓde ñaamitee, yo o addan on ñaametee immorde e on ɗon, yo o molto wata go'oto tin fii mon.
Fulani Translation - Rowwad Translation CenterPellet, kamɓe si ɓe ƴellitike e mon ɓe piɗat on, ma ɓe ndutta on e laawol maɓɓe ngol, on tuma on maletaake poomaa.
Fulani Translation - Rowwad Translation CenterKo nii min n njaltiniri fii maɓɓe, fii yo ɓe nganndu pellet, Fodoore Alla nde ko nde Goonga, Pellet, Darnga sikke alaa e maggal. Tuma nde ɓe pooɗondiratnoo hakkunde maɓɓe fiyaake maɓɓe ɗen, ɓe mbi'i'i: "Mahee e hoore maɓɓe maadi, ko Joomi maɓɓe woni gannduɗo fii maɓɓe." Ɓe foolɓe e fiyaake mu'un mbi'i i: "Min njogitoto e dow maɓɓe Juulirde."
Fulani Translation - Rowwad Translation CenterAray ɓe mbi'a: "Ko ɓe tato nayaɓo maɓɓe ko rawaandu maɓɓe ndu." Ɓe mbi'a kadi: "Ko ɓe njowo njeegaɓo maɓɓe ko rawaandu maɓɓe ndu ko fampaangol e niɓe." Ɓe mbi'a kadi: "Ko ɓe njeeɗiɗo njeetataɓo maɓɓe ko rawaandu maɓɓe ndun." Maaku: "Ko Joomi an woni gannduɗo limoore maɓɓe, anndaa ɓe si wonaa seeɗaaɓe." Wata a weeñju fii maɓɓe si wonaa yewtere feeñnde, wota a lanndo fii maɓɓe hay e gooto e maɓɓe.
Fulani Translation - Rowwad Translation CenterSi wonaa si Alla Muuyii, janto Joomi maaɗa si a yejjitii, maaku: "No tijjaa nde Joomi an Feewnan mi ko ɓuri ɓadaade immorde e ɗum Peewal."
Fulani Translation - Rowwad Translation CenterMaaku: "Ko Alla woni gannduɗo emmbere ko ɓe ñiiɓi, ko Kaŋko heeranii ko wirnii ko ka kammuuji e ka leydi kaawes ko yi'iri wa makko e ko naniri, alanaa ɓe ga makko giɗo, o kafidaa e ñaawoore makko he hay gooto.
Fulani Translation - Rowwad Translation CenterJanngu ko wahayinaa e maaɗa ko immorde e deftere Joomi maa nden, alaa wattitoowo Daaluyeeji=konngudi Makko ɗin, a heɓataa ga makko fattorde.
Fulani Translation - Rowwad Translation CenterTabintin woŋkii maaɗa kin won'dude e ɓen noddooɓe Joomi maɓɓe ka bimmbi e ka kiikiiɗe heɓe faandii Jaati makko Kin, wota gite maa ɗe njawtu ga maɓɓe hara haɗa fa'andii cuɗaari nguurndam aduna, wota a ɗofto on mo Min mbelsindini ɓerɗe mun ga jaŋtagol Min o njokki beleeɗe makko fiyaake makko on woni halkaare.
Fulani Translation - Rowwad Translation CenterMaaku Goonga ka immorde ka Joomi mon, mono faalaa yo o gooŋɗin mono faalaa yo o yeddu, minen min n keblanii tooñooɓe ɓe Yiite no hunnditi ɓe ɗenɗe magge ɗen si ɓe ɗaɓɓii faabo, ɓe faaboree Ndiyam mba'uɗam no sila taynaaɗo ɗam juɗa je'ece ɗe, bonii njaram bonii werde.
Fulani Translation - Rowwad Translation CenterƁeen ɗoon no woodani ɓe Aljannaaji ñiiɓal caatli no ila ley maɓɓe, hiɓe cuɗiree ton immorde e jawɗe kanŋe ɓe ɓornoo comci haakɗuɗi ɗewluɗi e jalbuɗi ko ɓe soɓɓindiiɓe=tuugiibe ton e hoore julle, moƴƴii mbarjaari moƴƴii kadi fooftorde.
Fulani Translation - Rowwad Translation CenterƊeen gese ɗiɗi kala mgaddi ñaametee majje, ɗe tooñaani hay e huunde e ɗuum, Min ce'eki hakkunde majje [gese ɗen ɗiɗi] caangol.
Fulani Translation - Rowwad Translation CenterWonani mo dimɗe, o wi'ani gon'diijo makko on tawi himo yewtude mo: "Miin miɗo ɓurmaa jawdi e teddude gorol".
Fulani Translation - Rowwad Translation CenterMi sikkaani kadai Darnga ngal daroto, mi wooɗndii si mi artira le ka Joomi am, maa mi taw sanne, waylitorde ɓurnde ba moƴƴude.
Fulani Translation - Rowwad Translation CenterGon'diijo o makko on wi'i mo, tawi homo yewtude mo: "Enee, a yeddii On Takɗo ma immorde mbullaari=leydi refti e toɓɓere [maniiyu] refti O fotndumaa gorko".
Fulani Translation - Rowwad Translation CenterKo haanunoo tuma nde naatuɗaa ka ngesa maaɗa mbi'aa: "Ko Alla muuyi ko doole alaa si wanaa Alla". Si a yi'ii kam min miɗo ɓurmaa famɗude jawdi e ɓiɗɓe.
Fulani Translation - Rowwad Translation CenterNo jortaa nde Joomi am okkoyta kam moƴƴere ɓurnde ngesa maa ba O nula e mabba lepte immorde ka kammu ba wonta boowal ɓowrungal.
Fulani Translation - Rowwad Translation CenterDimɗe makko ɗen bonnaa o weeti homo waylita newe makko ɗen e dow ko o nafki kon e mabba, tawi kammba ko fukkiiba e daƴƴe mabba, homo wi'a: "Ee haaniina,hara mi kafidaano e Joomi an hay e gooto".
Fulani Translation - Rowwad Translation CenterFiyan ɓe yeru nguurndam aduna ɗam no wa'i wa ndiyam Min njippiniɗam immorde ka kammu jillondiri e majjam puɗi leydi ndin, ɗi wonti munciiɗi keneeli no jarooɗi, Alla wonii ko o kattanɗo e dow kala hu'unde.
Fulani Translation - Rowwad Translation CenterJawdi ndi e ɓiɗɓe worɓe ɓe ko cuɗaari nguurndam aduna, moƴƴi keddotooɗi ɗin ko ɗi ɓuri moƴƴude mbarjaari ka Joomi maaɗa e moƴƴude yela.
Fulani Translation - Rowwad Translation CenterÑannde min n naɓata pelle ɗen a nji'a leydi ndin ko feeñndi, min mooɓa ɓe Min ngaccataa immorde e maɓɓe hay e gooto.
Fulani Translation - Rowwad Translation CenterƁe kolliree ka Joomi maa [ko ɓe] saffewol, [O Daalana ɓe] gooŋɗii on arii e amen wano min n tagirnoo on non, ka laawol adanol, ko woni on aaƴino won'de min n waɗanaani on fodoore.
Fulani Translation - Rowwad Translation CenterDeftere nde wallinee, a nj'a bonɓe ɓe ko hulɓe ko woni kon e mayre, ɓe mbi'a: "Ee bone amen, ko heɓi ndee deftere nde ɗalataa tosokum wonaa njanum si wonaa nde moftii ɗum, ɓe tawa ko ɓe ngolli ko
no weeɓitaa, Joomi maaɗa tooñataa hay e gooto.
Fulani Translation - Rowwad Translation CenterTuma nde Min mb'annoo maleykaaji: "cujjanee Aadama, ɓe cujji si wonaa Ibliisa o laatike jeyaaɗo e jinnaaji ɗin o yalti e Yamiroore Joomi makko. E on jogitoto mo e ɓiɗɓe makko ɓen yiɗɓe ga Am, hara kamɓe ko ɓe añɓe mo'on, bonanii tooñooɓe ɓe battudi.
Fulani Translation - Rowwad Translation CenterGooŋɗii Min fensitanii yimɓe ɓen e ndeer ndee Alqur'aanaare immorde e kala yeru, neɗɗaŋke on wonii homo ɓuri kala huunde wennjugol.
Fulani Translation - Rowwad Translation CenterHaɗaani yimɓe ɓen nde ɓe gooŋɗinta ɓe insinanoo Joomi maɓɓe tuma nde Peewal ngal arnoo e maɓɓe, si wonaa nde arata e maɓɓe sunna aranɓe ɓen maaɗun nde arata e maɓɓe lepte ɗen ko ɗe peeñuɗe.
Fulani Translation - Rowwad Translation CenterMin Nuliraani Nulaaɓe ɓe si wonaa ko weltinooɓe e jeertinooɓe, ɓe heeferɓe heɓe wennjana meere nden fii yo ɓe fuynir nde Goonga kan, ɓe njogitii aayeeje Am ɗen e ko ɓe mjeertiniraa kon jalnori.
Fulani Translation - Rowwad Translation CenterAlaa potatɗo tooñde on waajuraaɗo aayeeje Joomi makko o ɗuurii=fali e gaayi majje o yejjiti ko juuɗe makko ɗen ardini kon. Minen Min mbaɗii e ɓerɗe maɓɓe ɗen cokooɗe fii wota ɓe faamu nde, ka noppi maɓɓe kadi pahu, hay si a noddii ɓe fa'ade e Peewal ɓe peewataa on tuma haapoomaa.
Fulani Translation - Rowwad Translation CenterKo Joomi mon woni cuhroowo ko O Jom yurmeende e on, sinndo O nangitirno ɓe ko ɓe paggitii kon O yaccinanatno ɓe lepte ɗe, ko woni, no woodani ɓe fodoore ɓe heɓataa ga mayre fattorde.
Fulani Translation - Rowwad Translation CenterTuma nde Muusaa maakannoo sagata makko on: "Mi seerataa haa mi yottoo ka fottirde maaje ɗe
ɗiɗi, ma de mi wuloo jamaanu.
Fulani Translation - Rowwad Translation CenterNde ɓe lummbunoo o [Muusaa] maakani sagataa makko on: "Addan en sojjaari=bottaari men ndi, gooŋɗii en kawrii e nduu yahdu men ɗoo tampere.
Fulani Translation - Rowwad Translation CenterO wi'i: "A yi'ii, nde cornoɗen ka fetere, min mi yejjiti ɗoon li'ingu o yejjintinaani kam fii maggil si wonaa Seytaane nde mi anndita ngu jogitii laawol maggol nder maayo no haawnori".
Fulani Translation - Rowwad Translation CenterƁe tawoyi jeyaaɗo immorde e jeyaaɓe Amen min n ngokki mo jurmeende immorde ka amen, min nganndini mo immorde e amen Ganndal.
Fulani Translation - Rowwad Translation CenterMuusaa maakani mo: "Enee [a accay] mi jokkete fii yo a anndinam goɗɗum e ko ngandinaɗaa kon peewal ewal"?
Fulani Translation - Rowwad Translation CenterƁe njahi haa de ɓe mbaɗɗnoo ka laana o yulika, [Muusaa] maaki: "A yulii ka fii yo ka yoolu yimɓe makka?! gooŋɗii a addii hu'unde mawnde".
Fulani Translation - Rowwad Translation CenterƁe njehi haa nde ɓe pottunoo e suka o wari mo! P maakani [mo]: "E a war woŋkii laaɓuki tanaa [yoɓtanagol] woŋkii, gooŋɗii a addii hu'unde añiinde".
Fulani Translation - Rowwad Translation Center[Muusaa] maaki: "Si mi lanndike ma gaayi hu'unde ɓaawo ɗii, wata a won'dino e am, gooŋɗii a timminii ngantu e am.
Fulani Translation - Rowwad Translation Center[Khadiru] maaki: "Ko ɗum woni ceerdigal hakku- nde am e ma'a, mi yeewtu maa firo k ko a hattanaana munñaade e dow mum".
Fulani Translation - Rowwad Translation CenterSi ko laana ka, ka laatanike miskineeɓe ngollo- ɓe ka maayo, mi faalaa aybin'de ka, hari laatike ɓaawo maɓɓe laamɗo homo nannga kala laana o jaɓta.
Fulani Translation - Rowwad Translation CenterSi ko maadi ndin, ndi laatanino sukaaɓe ɗiɗo won'ɗuɓe ka saare, laatii ley mayri ngalu maɓɓe kamɓe ɗiɗo, hari baaba maɓɓe laatinoke moƴƴo, Joomi maaɗa Faalaa nde ɓe njottotoo sagatalaagu maɓɓe, O yaltina ngalu maɓɓe ngu [ɗuum] ko Yurmeende immorde ka Joomi maa, mi waɗiraani ɗum e yamirooree am, ɗuum ko firo kon ko a hattanaani munñaade e dow mum.
Fulani Translation - Rowwad Translation CenterHaa nde o yottinoo ka mutirde na'ange ngen o tawi henge muta e loope ɓaleeje, o tawi ton yimɓe : Min mbi'i'i: "Ko aan yo jom galaaɗi ɗiɗi, ko si a leptay ma si a jogitoto e maɓɓe ko moƴƴi.
Fulani Translation - Rowwad Translation CenterSi tawii ko on gooŋɗinɗo o golli ko moƴƴi no woodani mo njoɓdi moƴƴiri ndin, aray min n mbi'ana mo e fiyaake amen on neweende.
Fulani Translation - Rowwad Translation CenterHaa de o yottinoo ka ƴellitorde na'ange nge, o tawi henge ƴellitoo e dow yimɓe, Min mbaɗanaani ɓe ga magge heeɗo.
Fulani Translation - Rowwad Translation CenterƁe mbi'i: eey ma Julqarnayni, pellet, Yaajuuja e Maajuuja ko bonnooɓe ka leydi. Enee, min waɗante njeenaari fii yo a waɗ hakkunde amen e maɓɓe heedo?
Fulani Translation - Rowwad Translation CenterO wi'i: "Ko Joomi am weeɓinani kan kon ɓuri moƴƴude, walliree kan doole mi waɗa hakkunde mo'on e maɓɓe heedo".
Fulani Translation - Rowwad Translation CenterNgaddanee kam kunte njamɗe haa nde o feppi- ndirnoo hakkunde naɗe ɗen ɗiɗi, o wi'i: "pifee haa nde o waɗnoo ɗum yiite, o wi'i: ngaddanee kam sila mi wancina e dow mum".
Fulani Translation - Rowwad Translation CenterO wi'i: ɗum ɗoo ko Yurmeende immornde e Joomi am, si Fodoore Joomi am nden arii o waɗat [heedo] ngo ɗiggungo, Fodoore Joomi am nde laatike ko nde Goonga".
Fulani Translation - Rowwad Translation CenterEnee, ɓen yedduɓe cikku ɓe njogoto jeyaaɓe Am ɓen ga Am, Minen Min heblanii Jahannama on fii yedduɓeɓen wona werde.
Fulani Translation - Rowwad Translation CenterJahannama ko ɗum woni njoɓdi maɓɓe, sabu ko ɓe njeddi kon ɓe jogitii aayeeje am ɗen e Nulaaɓe am ɓen njalkitde.
Fulani Translation - Rowwad Translation CenterMaaku: "Pellet min, ko mi ɓanndiŋke yeru mon, no wahayineede e am. Pellet, deweteeɗo mon o ko deweteeɗo Gooto, kala jortiiɗo kawroyde e Joomi makko yo o gollu golle moƴƴe wota o kafidu e dewal Joomi makko hay e gooto".