Albanian Translation - Rowwad Translation CenterNe i krijuam qiejt, Tokën dhe çdo gjë ndërmjet tyre vetëm me urtësi dhe për një kohë të caktuar. Por, jobesimtarët shmangen nga ajo që u paralajmërohet.
Albanian Translation - Rowwad Translation CenterThuaj: "Më tregoni për ata që i adhuroni në vend të Allahut! Më thoni pra, çfarë kanë krijuar ata në Tokë! Apo, mos kanë hise në krijimin e qiejve? Më sillni një libër të shpallur para këtij ose ndonjë gjurmë dijeje, nëse po e thoni të vërtetën!"
Albanian Translation - Rowwad Translation CenterKush është më i humbur se ai që, në vend të Allahut, u lutet atyre që nuk i përgjigjen deri në Ditën e Kiametit dhe janë të pavetëdijshëm për lutjet e tyre?!
Albanian Translation - Rowwad Translation CenterKur u lexohen ajetet Tona të qarta, ata që mohojnë thonë për të vërtetën, kur u vjen: "Ky (Kurani) është vetëm një magji e kulluar."
Albanian Translation - Rowwad Translation CenterApo, mos thonë vallë: "Ai e trilloi atë!"? Thuaju: "Nëse unë e kam trilluar, atëherë ju nuk mund të më mbroni nga Allahu. Ai e di mirë çfarë flisni për Të. Mjafton Ai si dëshmitar mes meje e jush dhe Ai është Falësi i Madh, Mëshirëploti."
Albanian Translation - Rowwad Translation CenterThuaj: "Unë nuk jam i pari prej të dërguarve dhe nuk e di çfarë do të ndodhë me mua ose me ju. Unë ndjek vetëm atë që më shpallet dhe unë jam vetëm një paralajmërues i qartë."
Albanian Translation - Rowwad Translation CenterThuaj: "Më thoni, çka nëse ai (Kurani) është prej Allahut e ju e mohoni atë, ndërsa një dëshmitar nga bijtë e Israilit dëshmoi për vërtetësinë e tij dhe e besoi, ndërkohë që ju u treguat mendjemëdhenj?!" Me të vërtetë, Allahu nuk i udhëzon njerëzit e padrejtë."
Albanian Translation - Rowwad Translation CenterJobesimtarët thonë për ata që besojnë: "Po të ishte diçka e mirë, ata nuk do të na kishin paraprirë në të." Meqë nuk u udhëzuan prej tij, ata thonë: "Ky është një trillim i vjetër."
Albanian Translation - Rowwad Translation CenterPara tij ishte Libri i Musait si udhërrëfyes e mëshirë. Ky (Kurani) është një Libër që e vërteton atë, (i shpallur) në gjuhën arabe, për të paralajmëruar ata që bëjnë padrejtësi dhe si përgëzim për punëmbarët.
Albanian Translation - Rowwad Translation CenterMe të vërtetë, ata që thonë: "Zoti ynë është Allahu" e pastaj qëndrojnë të palëkundur në rrugën e drejtë, nuk do të kenë frikë e as do të pikëllohen.
Albanian Translation - Rowwad Translation CenterNe e kemi porositur njeriun që të sillet mirë me prindërit e vet. Nëna e tij e bart atë me mundime dhe e lind me mundime. Barra dhe të ushqyerit me gji zgjasin tridhjetë muaj. Kur arrin pjekurinë dhe mbush dyzet vjet, thotë: "Zoti im, më frymëzo që të të falënderoj për mirësitë që m'i ke dhënë mua e prindërve të mi dhe që të bëj vepra të mira me të cilat je i kënaqur, si dhe bëji të mirë pasardhësit e mi! Te Ti kthehem i penduar dhe Ty të jam dorëzuar.
Albanian Translation - Rowwad Translation CenterKëta janë ata prej të cilëve i pranojmë veprat më të mira që kanë bërë dhe ua falim të këqijat. Ata do të jenë banorë të Xhenetit. Ky është premtimi i vërtetë që u është premtuar.
Albanian Translation - Rowwad Translation CenterDikush u thotë prindërve të vet: "Uf ju! A po më premtoni se do të ringjallem, ndërkohë që kanë kaluar shumë breza para meje?" Ndërkaq, ata i kërkojnë ndihmë Allahut (duke i thënë të birit): "Mjerë ti! Beso, sepse premtimi i Allahut është i vërtetë!" Por, ai thotë: "Kjo nuk është gjë tjetër veçse përralla të të parëve."
Albanian Translation - Rowwad Translation CenterKëta janë ata lidhur me të cilët është përmbushur vendimi (për dënimin e tyre) siç ndodhi me popujt e xhinëve dhe njerëzve që ishin para tyre. Ata ishin vërtet të humbur.
Albanian Translation - Rowwad Translation CenterTë gjithë do të ketë shkallë të caktuara, sipas asaj që kanë punuar. Allahu do t'ua japë të plotë shpërblimin për veprat e tyre e nuk do t'u bëhet padrejtësi.
Albanian Translation - Rowwad Translation CenterDitën kur jobesimtarët do të sillen para Zjarrit, do t'u thuhet: "Ju i shfrytëzuat të mirat tuaja në jetën e dynjasë dhe u kënaqët me to, prandaj, sot do të ndëshkoheni me dënimin poshtërues, sepse tregoheshit pa të drejtë mendjemëdhenj në Tokë dhe ishit të pabindur."
Albanian Translation - Rowwad Translation CenterKujto vëllanë e adëve (Hudin), kur e paralajmëroi popullin e vet në Ahkaf, – ndonëse edhe para tij e pas tij pati paralajmërues, – (duke thënë): "Mos adhuroni askënd tjetër përveç Allahut! Me të vërtetë, unë kam frikë për ju nga dënimi i një Dite të madhe."
Albanian Translation - Rowwad Translation CenterAta thanë: "A ke ardhur te ne për të na larguar nga zotat tanë?! Atëherë, na e sill atë me të cilën na kërcënon, nëse po e thua të vërtetën!"
Albanian Translation - Rowwad Translation CenterAi u tha: "Dija (për çastin e dënimit) është vetëm tek Allahu, ndërsa unë po jua përcjell atë me të cilën jam dërguar, por po e shoh që ju jeni një popull që nuk di."
Albanian Translation - Rowwad Translation CenterKur panë një re që po vinte drejt luginave të tyre, thanë: "Kjo është një re që do të na sjellë shi!" (Hudi iu përgjigj): "Jo, por kjo është ajo që kërkuat me ngut: një stuhi që mbart një dënim të dhembshëm,
Albanian Translation - Rowwad Translation Centerqë shkatërron çdo gjë me urdhrin e Zotit të vet." Në mëngjes u panë vetëm banesat e tyre. Kështu e ndëshkojmë popullin keqbërës.
Albanian Translation - Rowwad Translation CenterNe u dhamë atyre fuqi që nuk ju kemi dhënë juve. Ua dhuruam edhe të dëgjuarit, të parët dhe zemrat, por as dëgjimi, as shikimi e as zemrat nuk u sollën atyre kurrfarë dobie, sepse i mohuan ajetet e Allahut, prandaj ata i përfshiu dënimi me të cilin talleshin.
Albanian Translation - Rowwad Translation CenterNe kemi shkatërruar vendbanimet përreth jush dhe u kemi dërguar shenja të llojllojshme, që të mund të ktheheshin (në rrugë të drejtë).
Albanian Translation - Rowwad Translation CenterPërse nuk u dolën në ndihmë ata që i kishin marrë si zota krahas Allahut për t'u afruar tek Ai? Përkundrazi, ata u zhdukën prej tyre. Kjo ishte pra gënjeshtra e tyre dhe ajo që trilluan.
Albanian Translation - Rowwad Translation CenterKujto kur dërguam te ti një grup xhinësh për të dëgjuar Kuranin, të cilët, kur arritën aty, thanë: "Heshtni (e dëgjoni me vëmendje)!" Kur përfundoi (leximi), u kthyen te populli i tyre për t'ua tërhequr vërejtjen,
Albanian Translation - Rowwad Translation Centerduke thënë: "O populli ynë! Kemi dëgjuar një Libër që është shpallur pas Musait, i cili vërteton atë që ishte para tij dhe udhëzon drejt së vërtetës dhe drejt rrugës së drejtë.
Albanian Translation - Rowwad Translation CenterO populli ynë! Përgjigjjuni thirrësit të Allahut dhe besojini atij, që Allahu t'ju falë gjynahet tuaja dhe t'ju shpëtojë prej një dënimi të dhembshëm!
Albanian Translation - Rowwad Translation CenterE, ai që s'i përgjigjet thirrjes së Allahut, nuk do të mund t'i ikë Atij në Tokë dhe, pos Allahut, nuk ka mbrojtës. Të atillët janë në humbje të qartë.
Albanian Translation - Rowwad Translation CenterA nuk e shohin ata se Allahu, i Cili krijoi qiejt dhe Tokën pa u lodhur në krijimin e tyre, ka mundësi t'i ngjallë të vdekurit?! Po, sigurisht, Ai është i Plotfuqishëm për çdo gjë.
Albanian Translation - Rowwad Translation CenterDitën kur jobesimtarët do të sillen para Zjarrit, do t'u thuhet: "A nuk qenka kjo e vërtetë?" Ata do të thonë: "Po, për Zotin tonë!" Ai do të thotë: "Atëherë, shijoni dënimin për shkak se mohuat!"
Albanian Translation - Rowwad Translation CenterPra, duro ashtu siç duruan të dërguarit e patundur dhe mos kërko përshpejtimin e dënimit për ta! Ditën kur të shohin atë që u është premtuar, do t'u duket sikur të kenë qëndruar vetëm një çast të ditës. Kjo është një kumtesë. Nuk shkatërrohet askush tjetër përveç njerëzve të pabindur!