Fulani Translation - Rowwad Translation CenterMin tagiraali kammuuji ɗin e leydi ndin e ko woni hakkunde majji, si wonaa e goonga e lajala happaangal [fii mum]. Yedduɓe ɓen ko ɗuurniiɓe e ko ɓe ndentiniraa kon.
Fulani Translation - Rowwad Translation CenterMaaku: "On nji'ii ko ndewoton kon hara wonaa Allah, kollee Kam ko ɗi tagi e leydi ndiin? Kaa hara hiɗi mari geɗal e [tagoore] kammuuji ɗiin? Awa ngaddanee lam deftere jippinaande ado ndee ɗoo ma batte ganndal, si wonii ko on gooŋɗuɓe !".
Fulani Translation - Rowwad Translation CenterKo hommbo ɓuri majjude, wa on dewoowo ko wanaa Allah, ko jaabotaako mo haa Ñande Darngal? Hara ɗin [deweteeɗi] ko welsindiiɗi e dewal majji.
Fulani Translation - Rowwad Translation CenterKaa ɓe wi'at woni :"O pekindi nde?" Awa maaku: "Si taw mi pefkndi nde, awa doo on duncantaa lam hu'unde e [lepte] Allah ɗen. Ko Kaŋko ɓuri anndude oon, tuma nde jumpoton e mayre. O yonii seedee hakkunde am e mon. Ko Kaŋko woni kaforowo, jurmotooɗo On.
Fulani Translation - Rowwad Translation CenterMaaku: "Mi wonaa adano e Nulaaɓe ɓeen; mi anndaa kadi ko waɗetee mi, maa ko waɗeteɗon. Mi jokkaa si wonaa ko wahayinaa kon e am; mi laataaki si wonaa jeertinoowo ɓanngina".
Fulani Translation - Rowwad Translation CenterMaaku: "Yeetee kam, si tawii le konde iwrunde ka Allah, njedduɗon ɗum, seedotooɗo e ɓiɗɓe Israa'ila ɓen ceedii e [sellugol] ɗum, o gooŋɗini, onon kan townitiɗon...Pellet, Allah feewnata yimɓe tooñooɓe ɓeen.
Fulani Translation - Rowwad Translation CenterYedduɓe ɓen wi'ani gooŋɗinɓe ɓen: "Si tawno ɗuum ko moƴƴere, ɓeen (waasuɓe) adototaako men e mum". Nde wonunoo ɓe fewnoraani nde, ma ɓe mbi'u: "Ndee ko fenaande neeɓunde!".
Fulani Translation - Rowwad Translation CenterHino aditiinde, deftere Muusaa nden, ɗowornde e yurmeende. Ndee ɗoo kadi, ko deftere gooŋɗinir- nde [ɗeya defte] e ɗemngal aarabu, fii yo jeertinir (nde) tooñooɓe ɓen e weltinirnde moƴƴinooɓe ɓeen.
Fulani Translation - Rowwad Translation CenterMin njamirii neɗɗaŋke on moƴƴagol e jibimɓe mo ɓen: Jiido makko soworike mo saɗteende, o njibiniri mo kadi saɗteende; soweede mo e enteede mo ko lebbi cappanɗe tati, haa ka o si o yottike cagatalaaku makku nguun o timminii duuɓi cappanɗe nayi, o wi'a: "Joomi, longinam jettugol neema Ma mo neeminirɗaa mi miin e jibimɓe kam, e nde mi ngollata moƴƴuɗi weltinayɗe Ma, moƴƴinanaa kam geñngol am ngol. Mi tuubanii Ma, ko mi jiyaaɗo e jebbiliiɓe ɓeen".
Fulani Translation - Rowwad Translation CenterKo ɓeen ngoni ɓe Min njaɓanta ko ɓuri moƴƴude e ko ɓe ngolli, Min njawtana ɓe bonɗi maɓɓe, (ɓe jeyaama) e yimɓe Aljanna ɓen. Ɗuum ko fodoore goonga nde ɓe podanoo.
Fulani Translation - Rowwad Translation CenterKala noon bi'anɗo jipnaaɓe mum ɓeen: "Uf mo'on ! Kere on poday kam immintineede hara le gooŋɗii mofte yawtiino ado kam?" Hara ɓen ɗiɗo no faabtinora Allah [wiide mo]: "Ee bone maa, Gooŋɗin ! Pellet, fodooree Allah nde ko goonga". O wi'a: "Ɗuum wonaani, si wonaa tinndi adinooɓe ɓen".
Fulani Translation - Rowwad Translation CenterHino woodani kala [fedde e maɓɓe]: darjaaji e ko ɓe ngolli ko, fii no O hunnirana ɓe njoɓdi golle maɓɓe ɗeen; e hoore ɓe tooñetaake.
Fulani Translation - Rowwad Translation CenterÑande he'eferɓe ɓeen weeɓitoytee e Yiite ngeen (ɓe mbi'anee): "On naɓii moƴƴi mon ɗin ka nguurndam mon aduna, ndakmitorɗon ɗi. Hannde noon, on njoɓitirte lepte koynooje, sabu ko townitoraynoɗon ko ka hoore leydi, ko aldaa e goonga, e ko ngollatnoɗon noɗon kon faasiqaaku".
Fulani Translation - Rowwad Translation CenterƁe mbi'i: "E a aru min fii yo a firliaa min e dewetee- ɗi amen ɗiin? Awa addan min ko kammbiranɗaa min kon, si wonii ko a jiyaaɗo e gooɓe ɓeen".
Fulani Translation - Rowwad Translation CenterO maaki: "Ganndal ngal ko ka Allah woni. Miin mi yottinanat on tun woni, ko mi nulaa kon. Ko woni tun mi yi'ii ko on yimɓe majjaaɓe".
Fulani Translation - Rowwad Translation CenterNde ɓe nji'unoo ruulde honde weeɓitii fewtiri ayɗe maɓɓe ɗen, ɓe mbi'i: "Ndee ko duulere toɓatnde e men". Ko nden kan woni ! ko kawjirnoɗon kon : ko henndu, ndu lepte mu'usuuɗe woni e mum.
Fulani Translation - Rowwad Translation Centerhindu muncira kala hu'unde, yamiroore Joomi mayru". Ɓe mbaɗtini, tawi yi'etaake si wonaa koɗooli maɓɓe ɗin. Ko wano nii Min njoɓitirta yimɓe bonnooɓe ɓen.
Fulani Translation - Rowwad Translation CenterGooŋɗii Min njeɗiino ɓe, e ko ko Min njeɗaali on e mum. Min mbaɗani ɓe nanɗe, e ji'iɗe e ɓerɗe. Kono ɗeen nanɗe maɓɓe, e j'iiɗe maɓɓe e ɓerɗe maɓɓe (fof) duncanaani ɓe goɗɗum, tawde ɓe laatino yeddooɓe aayeeje Allah ɗen. Ko ɓe njalkitatnoo ko jippii e maɓɓe.
Fulani Translation - Rowwad Translation CenterKo haɗno ɗin ɗi ɓe njogitornoo deweteeɗi ɓaɗtinorɗi ga Allah, faaboo ɓe? Tigi on, ɗiin majjirii ɓe; ko ɗum wonnoo fenaande maɓɓe e ko ɓe pekindotonoo. Mo
Fulani Translation - Rowwad Translation CenterEey mon yo mbatu amen, nootee noddoowo e Allah on, ngooŋɗinon mo. [On tuma] O haforanat on bakkatuuji ɗiin, O daɗnda on lepte mu'usuuɗe.
Fulani Translation - Rowwad Translation CenterKala mo nootaake noddoowo e Allah on, o wonaa laawotooɗo ka leydi, o alaa kadi giɗo ga makko. Ko ɓen ngoni e ndeer majjere ɓanngunde".
Fulani Translation - Rowwad Translation CenterE ɓee nji'aani won'de ko Allah tagi kammuuji ɗiin e leydi ndin, O ronkiraani tagugol ɗi, won'de ko O kattanɗo wuurnitugol maayɓe ɓen? Ko non woniri. Pellet, ko O kaɗtanɗo kala hu'unde.
Fulani Translation - Rowwad Translation CenterMuññor muñal joomiraaɓe pellital ɓeen ka Nulaaɓe; wota a hawjan ɓe. Ñande ɓe nji'oyta ko ɓe kammbiranaa kon, ɓe mba'oyat wa si ɓe ñiiɓaano [ka leydi] si wonaa dumunna-hun ñalawma. Ɗun ko yottinal. Ko homɓe halketee si wonaa yimɓe faasiqiiɓe ɓeen?