Albanian Translation - Rowwad Translation CenterMe të vërtetë, Ne ta zbritëm ty (o Pejgamber) Librin me të vërtetën, prandaj adhuroje Allahun me përkushtim të sinqertë ndaj Tij.
Albanian Translation - Rowwad Translation CenterVërtet, vetëm Allahut i takon adhurimi i çiltër. Ndërkaq, ata që marrin për mbrojtës të tjerë pos Tij, duke thënë: "Ne i adhurojmë ata vetëm që të na afrojnë me Allahun", (le ta dinë se) Allahu do të gjykojë mes tyre lidhur me atë për të cilën kundërshtoheshin. Allahu nuk e udhëzon atë që është gënjeshtar dhe tepër mohues.
Albanian Translation - Rowwad Translation CenterNëse Allahu do të kishte dashur të merrte për vete ndonjë fëmijë, Ai do të kishte zgjedhur çfarë të donte nga ajo që krijon. I patëmeta është Ai! Ai është Allahu, i Vetmi, Ngadhënjimtari i pamposhtur.
Albanian Translation - Rowwad Translation CenterAi krijoi qiejt dhe Tokën me urtësi. Ai mbështjell ditën me natë dhe natën me ditë. Ai nënshtroi Diellin dhe Hënën. Të gjitha lundrojnë në një kohë të caktuar. Vini re, Ai është i Gjithëfuqishmi dhe Falësi i Madh!
Albanian Translation - Rowwad Translation CenterAi ju krijoi prej një njeriu të vetëm, pastaj prej tij bëri bashkëshorten e tij dhe krijoi për ju tetë çifte bagëtish. Ai ju krijon në barqet e nënave tuaja, krijim pas krijimi, në tri shtresa errësire. Ky është Allahu, Zoti juaj. Atij i takon sundimi. Askush pos Tij nuk meriton të adhurohet. Pra, përse shmangeni atëherë?!
Albanian Translation - Rowwad Translation CenterNëse ju mohoni, Allahu nuk ka nevojë për ju, ndonëse nuk është i kënaqur me mosbesimin e robërve të Tij. Por, nëse jeni mirënjohës, Ai e pëlqen atë për ju. Askush nuk do të bartë barrën e tjetrit. Pastaj kthimi juaj është te Zoti juaj dhe Ai do t'ju njoftojë për atë që keni punuar. Pa dyshim, Ai është i Gjithëdijshëm për atë që ka në zemra.
Albanian Translation - Rowwad Translation CenterKur njeriun e godet fatkeqësia, ai i lutet Zotit të vet, i kthyer tek Ai me pendim. E, kur i dhuron mirësi nga ana e Tij, ai harron krejtësisht për çfarë lutej më parë dhe i sajon Allahut ortakë, për të shmangur të tjerët nga rruga e Tij. Thuaj: "Kënaqu me mosbesimin tënd për pak kohë, se ti, pa dyshim, do të jesh prej banorëve të Zjarrit!"
Albanian Translation - Rowwad Translation Center(A është më i mirë ky) apo ai që vazhdimisht falet gjatë natën, duke bërë sexhde e duke qëndruar në këmbë, që ka frikë botën tjetër dhe shpreson në mëshirën e Zotit të vet? Thuaj: "A janë të barabartë ata që dinë me ata që nuk dinë?" Në të vërtetë, vetëm mendarët marrin mësim.
Albanian Translation - Rowwad Translation CenterThuaj: "O robërit e Mi që besoni, frikësojuni Zotit tuaj! Për ata që bëjnë mirë në këtë botë do të ketë të mira. Ndërkohë, toka e Allahut është e gjerë. Njëmend, durimtarët do të shpërblehen pa masë."
Albanian Translation - Rowwad Translation CenterE ju adhuroni çfarëdo që dëshironi përveç Tij." Thuaj: "Njëmend, të humburit e vërtetë janë ata që do të humbasin veten dhe familjet e tyre në Ditën e Kiametit. Pa dyshim, kjo është humbja e qartë."
Albanian Translation - Rowwad Translation CenterAta do të kenë shtresa zjarri sipër dhe poshtë tyre. Kështu i kërcënon Allahu robërit e Tij. Pra, o robërit e Mi, më kini frikën Mua!
Albanian Translation - Rowwad Translation CenterNdërkaq, për ata që i shmangen adhurimit të zotave të rremë dhe kthehen tek Allahu të penduar, do të ketë myzhde. Prandaj, përgëzoji robërit e Mi,
Albanian Translation - Rowwad Translation Centertë cilët e dëgjojnë fjalën me vëmendje dhe ndjekin më të mirën e saj. Këta janë ata që i ka udhëzuar Allahu dhe pikërisht këta janë mendarët.
Albanian Translation - Rowwad Translation CenterA mund ta shpëtosh atë për të cilin është dhënë vendimi për dënim? A mund ta shpëtosh atë që gjendet në Zjarr?
Albanian Translation - Rowwad Translation CenterNdërkaq, për ata që i frikësohen Zotit të tyre do të ketë pallate të larta, të ndërtuara njëra mbi tjetrën, nën të cilat rrjedhin lumenjtë. Ky është premtimi i Allahut e Allahu nuk e thyen kurrë premtimin.
Albanian Translation - Rowwad Translation CenterA nuk e sheh se Allahu lëshon ujë nga qielli dhe e drejton atë nëpër burime në tokë? Pastaj, me anë të tij, nxjerr bimë me ngjyra të ndryshme. Më pas, ato thahen dhe i sheh të zverdhura; në fund i shndërron në thërrime. Vërtet, në këtë ka mësim për ata që kanë mend.
Albanian Translation - Rowwad Translation CenterA është njësoj ai që Allahu i ka hapur zemrën për Islamin dhe ecën në dritën e Zotit të tij (me atë që zemra i është ngurtësuar)? Mjerë ata që i kanë zemrat të ngurta ndaj përmendjes së Allahut! Ata janë me të vërtetë në një humbje të qartë.
Albanian Translation - Rowwad Translation CenterAllahu ka zbritur fjalën më të bukur, një Libër me pjesë të ngjashme dhe përsëritje të harmonishme. Prej tij, lëkurat e atyre që i frikësohen Zotit të tyre rrëqethen; pastaj, lëkurat dhe zemrat e tyre zbuten në përmendjen e Allahut. Ky është udhëzimi i Allahut, me të cilën Ai udhëzon kë të dojë. E atë që Allahu e lë në humbje, askush nuk mund ta udhëzojë.
Albanian Translation - Rowwad Translation CenterA është njësoj (me besimtarin) ai që me fytyrën e vet përpiqet të shmangë dënimin e tmerrshëm në Ditën e Kiametit? E do t'u thuhet zullumqarëve: "Shijoni atë që keni fituar!"
Albanian Translation - Rowwad Translation CenterEdhe ata që ishin para tyre përgënjeshtruan të vërtetën, prandaj dënimi i goditi prej nga nuk e prisnin.
Albanian Translation - Rowwad Translation CenterPrandaj, Allahu i bëri ata të shijojnë poshtërimin në jetën e kësaj bote, por dënimi i jetës tjetër është edhe më i madh, sikur ta dinin!
Albanian Translation - Rowwad Translation CenterAllahu sjell një shembull: një njeri që u shërben disa ortakëve që grinden mes vete dhe një njeri tjetër që i përket vetëm një zotërie. A janë të barabartë në gjendje? I gjithë lavdërimi i takon Allahut, por shumica e tyre nuk e dinë.
Albanian Translation - Rowwad Translation CenterE kush është më i padrejtë se ai që shpif gënjeshtra kundër Allahut dhe përgënjeshtron të vërtetën kur ajo i vjen?! A nuk është në Xhehenem vendi i jobesimtarëve?!
Albanian Translation - Rowwad Translation CenterAllahu do t'i shlyejë veprat e tyre më të këqija dhe do t'i shpërblejë sipas veprave më të mira që kanë bërë.
Albanian Translation - Rowwad Translation CenterA nuk i mjafton Allahu robit të Tij? Megjithatë, ata të frikësojnë me të tjerë pos Tij. Atë që Allahu e lë në humbje, askush s'mund ta udhëzojë.
Albanian Translation - Rowwad Translation CenterAtë që Allahu e udhëzon, askush nuk mund ta humbë. A nuk është Allahu i Gjithëfuqishëm dhe i Zoti për hakmarrje?!
Albanian Translation - Rowwad Translation CenterNëse i pyet ata se kush i krijoi qiejt dhe Tokën, me siguri do të thonë: "Allahu." Thuaj: "Atëherë, më thoni, ata, të cilëve u luteni pos Allahut, a mund të largojnë dëmin nëse Allahu dëshiron të më dëmtojë, ose a mund të ndalojnë mëshirën e Tij nëse Ai dëshiron të më mëshirojë?!" Thuaj: "Mua më mjafton Allahu; vetëm Atij le t'i mbështeten ata që mbështeten."
Albanian Translation - Rowwad Translation CenterThuaj: "O populli im, veproni sipas mënyrës suaj; unë do të veproj sipas simes, por së shpejti do ta mësoni
Albanian Translation - Rowwad Translation CenterNe ta shpallëm ty Librin me të vërtetën për njerëzit. Kushdo që ndjek udhëzimin, e ka për të mirën e vet, e kush humb rrugën, ai humb në dëm të vet. Ti (o Muhamed) nuk je përgjegjës për ta.
Albanian Translation - Rowwad Translation CenterAllahu merr shpirtrat në kohën e vdekjes së tyre dhe ata që nuk kanë vdekur gjatë gjumit të tyre. Pastaj, Ai mban ata për të cilët ka vendosur vdekjen dhe lëshon të tjerët deri në një afat të caktuar. Vërtet, në këtë ka shenja për njerëzit që mendojnë.
Albanian Translation - Rowwad Translation CenterA mos kanë gjetur ata ndërmjetësues përveç Allahut?! Thuaj: "Vallë, edhe nëse ata nuk kanë asgjë në dorë dhe nuk kuptojnë?!"
Albanian Translation - Rowwad Translation CenterThuaj: "I gjithë ndërmjetësimi është në dorën e Allahut. Atij i përket sundimi i qiejve dhe i Tokës. Pastaj tek Ai do të ktheheni."
Albanian Translation - Rowwad Translation CenterKur përmendet vetëm Allahu, zemrat e atyre që nuk besojnë në botën tjetër neveriten, ndërsa, kur përmenden të tjerët pos Tij, ata gëzohen.
Albanian Translation - Rowwad Translation CenterThuaj: "O Allah, Krijues i qiejve dhe i Tokës, Njohës i së fshehtës e së dukshmes, Ti do të gjykosh ndërmjet robërve të Tu lidhur me atë për të cilën kundërshtoheshin."
Albanian Translation - Rowwad Translation CenterSikur keqbërësit të kishin gjithë pasurinë që gjendet në Tokë, madje edhe një herë aq, do ta jepnin atë për të shpëtuar nga dënimi i tmerrshëm në Ditën e Kiametit. Atyre do t'u shfaqet prej Allahut ajo që nuk e kishin paramenduar.
Albanian Translation - Rowwad Translation CenterKur njeriun e godet ndonjë e keqe, ai na lutet Neve, ndërkohë, kur i dhurojmë mirësi nga ana Jonë, thotë: "Kjo më është dhënë vetëm për shkak të diturisë sime." Jo, ajo është një sprovë, por shumica e tyre nuk e dinë.
Albanian Translation - Rowwad Translation CenterAta i goditi dënimi i të këqijave që kishin bërë, por edhe keqbërësit prej këtyre do t'i godasë dënimi i të këqijave që kanë bërë dhe nuk do të mund të shpëtojnë.
Albanian Translation - Rowwad Translation CenterA nuk e dinë ata se Allahu ia shton rizkun kujt të dojë dhe ia pakon kujt të dojë?! Vërtet, në këtë ka shenja për njerëzit që besojnë.
Albanian Translation - Rowwad Translation CenterThuaj: "O robërit e Mi, të cilët e keni ngarkuar veten me shumë gjynahe, mos e humbni shpresën në mëshirën e Allahut, se, me të vërtetë, Allahu i fal të gjitha gjynahet. Njëmend, Ai është Falësi i Madh, Mëshirëploti.
Albanian Translation - Rowwad Translation CenterKthehuni te Zoti juaj dhe dorëzojuni Atij para se t'ju vijë dënimi, sepse atëherë nuk do të ndihmoheni!
Albanian Translation - Rowwad Translation CenterNdiqni më të mirën e asaj që ju është shpallur nga Zoti juaj, para se t'ju vijë dënimi papritur, pa e vënë re,
Albanian Translation - Rowwad Translation Centerqë të mos thotë njeriu: "Ah i mjeri unë që shpërfilla detyrimet ndaj Allahut dhe isha prej atyre që talleshin!"
Albanian Translation - Rowwad Translation CenterOse, kur të shohë dënimin, të thotë: "Ah, sikur të mund të kthehesha edhe një herë (në dynja) e të bëhesha prej vepërmirëve!"
Albanian Translation - Rowwad Translation Center(Por do t'i thuhet): "Në të vërtetë, ty të erdhën ajetet e Mia, por ti i përgënjeshtrove, u tregove mendjemadh dhe ishe prej jobesimtarëve."
Albanian Translation - Rowwad Translation CenterDitën e Kiametit do t'i shohësh ata që kanë shpifur gënjeshtra për Allahun me fytyra të nxira. A nuk është në Xhehenem vendi i mendjemëdhenjve?!
Albanian Translation - Rowwad Translation CenterNdërkohë, Allahu do t'i shpëtojë ata që ia patën frikën duke u dhënë fitore; ata nuk do t'i prekë e keqja e as do të pikëllohen.
Albanian Translation - Rowwad Translation CenterTë Tij janë çelësat e qiejve dhe të Tokës. Ndërkaq, ata që mohojnë ajetet e Allahut, pikërisht ata janë të humburit.
Albanian Translation - Rowwad Translation CenterMe të vërtetë, të është shpallur ty dhe atyre para teje: "Nëse do t'i shoqëroje Allahut diçka (në adhurim), me siguri, veprat e tua do të asgjësoheshin dhe, pa dyshim, do të ishe prej të humburve."
Albanian Translation - Rowwad Translation CenterAta nuk e madhëruan Allahun ashtu siç e meriton, ndërkohë që e tërë Toka do të jetë në grushtin e Tij në Ditën e Kiametit, kurse qiejt do të jenë të mbështjellë në të djathtën e Tij. I patëmeta dhe i Lartësuar është Ai mbi gjithçka që ia shoqërojnë Atij.
Albanian Translation - Rowwad Translation CenterKur t'i fryhet surit, do të vdesin të gjithë ata që janë në qiej dhe ata në tokë, me përjashtim të atyre që do Allahu. Pastaj do të fryhet në të përsëri, dhe ja, ata do të ngrihen duke shikuar.
Albanian Translation - Rowwad Translation CenterToka do të shndrisë nga drita e Zotit të vet e do të vendoset Libri (i veprave), si dhe do të sillen pejgamberët e dëshmitarët dhe do të gjykohen me drejtësi e nuk do t'u bëhet e padrejtë.
Albanian Translation - Rowwad Translation CenterÇdo shpirt do të marrë shpërblimin të plotë për atë që ka bërë, sepse Ai e di më së miri se çfarë kanë vepruar.
Albanian Translation - Rowwad Translation CenterJobesimtarët do të shtyhen drejt Xhehenemit në turma. Kur të arrijnë atje e dyert e tij të jenë hapur, rojat do t'u thonë: "A nuk ju erdhën të dërguar nga mesi juaj për t'jua lexuar ajetet e Zotit tuaj dhe për t'ju paralajmëruar për takimin e kësaj Dite?" Ata do të thonë: "Po, sigurisht, por vendimi i dënimit u bë i pashmangshëm për jobesimtarët."
Albanian Translation - Rowwad Translation CenterAtyre do t'u thuhet: "Hyni në portat e Xhehenemit, ku do të qëndroni përgjithmonë!" Sa vendbanim i keq për mendjemëdhenjtë!
Albanian Translation - Rowwad Translation CenterNdërkaq, ata që patën frikë Zotin e tyre, do të çohen në Xhenet në turma. Kur të arrijnë atje e dyert e tij të jenë hapur, rojat do t'u thonë: "Paqja qoftë mbi ju! Ju keni qenë të mirë, prandaj hyni në të, për të qëndruar përgjithmonë!"
Albanian Translation - Rowwad Translation CenterAta do të thonë: "Lavdërimi i takon Allahut, që përmbushi premtimin e Vet dhe na la në trashëgim tokën (e Xhenetit), që të vendosemi në të kudo që dëshirojmë. Sa i shkëlqyer është shpërblimi i punëtorëve!
Albanian Translation - Rowwad Translation CenterE do të shohësh melekët të rreshtuar rreth Arshit, duke lartësuar Zotin e tyre me lavdërim dhe ata do të gjykohen me drejtësi e do të thuhet: "Lavdërimi i takon Allahut, Zotit të botëve!"