Fulani Translation - Rowwad Translation CenterHino woodi e yimɓe ɓen, soodiroowo mbeleeɗe konnguɗi haa o majjira e laawol Alla ngol ko aldaa e ganndal, o jogitora (aayeeje) ɗen jalnitgol. ɓeen ɗon, hino woodani ɓe lepte koynooje.
Fulani Translation - Rowwad Translation CenterSi aayeeje Amen ɗen njanngaama e makko, o huccitira(runtora) townitaare, wa si tawii o nanaani ɗe, wa si tawii ko pahu woni e noppi makko. weltanir-mo lepte mu'usɗe.
Fulani Translation - Rowwad Translation CenterO tagirii kammuuji ɗin ko aldaa e tugaale, ɗe nji'oton; o wernii ka leydi pelle fii wota ndi dillidu e mon; o saaki e mayri kala ruugayngel. Min njippiniri ndiyam ka kammu, Min puɗini e mayri kala nooneeji tedduɗi.
Fulani Translation - Rowwad Translation Center"Ɗuum ɗoo ko tagoore Alla. Kollee Kam ko ɗi (ndewoton ɗin) ga Makko tagi?" Si ko woni, tooñɓe ɓeen no e majjere ɓanngunde.
Fulani Translation - Rowwad Translation CenterGooŋɗii Min ngokkii Luqmaan ñenƴal: "Won'de yettu Alla. Kala jettuɗo, haray ko hoore-makko o yettani; kala noon jedduɗo, anndu pellet, Alla ko Galo, jettiniiɗo".
Fulani Translation - Rowwad Translation CenterJaŋto tuma Luqmaana wi'annoo geɗal makko on, hari homo waajoo mo: "Ko an ɓinngel am, wota a sirkan Alla. Pellet, sirku on ko tooñe mawɗe".
Fulani Translation - Rowwad Translation CenterMin njamirii neɗɗaŋke on [ɗoftagol] jibinɓe mo ɓen; yumma makko saawirii mo lo'ere e hoore lo'ere: entugol mo ngol, ko e ndeer duuɓi ɗiɗi. "Won'de yettam e jipnaaɓe maa ɓen. Ko ka am woni waɗtinirde nden".
Fulani Translation - Rowwad Translation CenterSi ɓe tiiɗnorii ma fii cirkangol Kam e ko a alanaa ɗum ganndal, wota a ɗofto ɓe; won'ndir e maɓɓe ka aduna ɗoo moƴƴere. Jokku laawol on duttiiɗo e am. Refti ko ka Am woni ruttorde mon, mi yeetitoo on, ko ngollatnoɗon.
Fulani Translation - Rowwad Translation Center"eeyma ɓinngel am, anndu ɗe [golle bonɗe maa moƴƴe], si fotii wa abbere, immorde e nenndi foññe, ɗum wona e fetere, maa ka kammuuji maa ka leydi, Alla artirat nde. Pellet, Alla ko Newiiɗo, kumpitiiɗo.
Fulani Translation - Rowwad Translation CenterEey ma ɓinngel am, ñiiɓnu juulde nden, yamiraa moƴƴere, haɗaa ŋiñere(pankare), muñño-ɗaa e ko heɓu-maa. Pellet, ɗum ko jeyaaɗum e fiyakkuji mawɗi.
Fulani Translation - Rowwad Translation CenterWota fal yimɓe ɓen ye'eso maa ngon, wota a yahru ka leydi ñaaƴagol. Pellet, Alla yiɗaa kala ñaaƴotooɗo mantoo.
Fulani Translation - Rowwad Translation CenterHakindo e yahdu-maa ndun, joltinaa(ustu) hito maa ngon; ko ɓuri añeede e hitooji ɗin, pellet, ko lu'ukaadu bamɗi.
Fulani Translation - Rowwad Translation CenterE on nji'aani won'de Alla eeltanii on ko woni kon ka kammuuji e ka leydi? O huuɓitiri on neemaaji makko peeñuɗi e suuɗiiɗi. Hino woodi e yimɓe ɓen, on wennjiroowo e fii Alla, ko aldaa e gannndal, wonaa peewal, wonaa Deftere jalbunde.
Fulani Translation - Rowwad Translation CenterSi ɓe mbianaa:"njokkee kon ko Allah Jippini", ɓe mbi'a: "Si ko woni, min njokkay ko men tawri kon baabiraaɓe amen ɓen"; e hay si tawii seytaane wonii hino nodda ɓe e lepte dulboowe ngen!
Fulani Translation - Rowwad Translation CenterKala jebbilɗo ye'eso mun ngon fa'ade e Alla, hara ko o moƴƴinɗo, gooŋɗii o jaggiima e ɓoggol tiiɗungol. Ko ka Alla woni battane fiyakuuji ɗin.
Fulani Translation - Rowwad Translation CenterKala kedduɗo, wota ke'eferaaku makko sunine. Ko ka amen woni ruttorde maɓɓe, Min kumpita ɓe ko ɓe ngollatnoo noo. Pellet, Alla ko gannduɗo jaati ɓerɗe.
Fulani Translation - Rowwad Translation CenterPellet, si a lamndike ɓe : "Ko hommbo tagi kammuuji ɗin e leydi ndin?" Ma ɓe mbi'i'u: "Ko Alla!" Maaku: "Jettooje ngoodanii Alla!". Kono ko ɓuri ɗuuɗude e maɓɓe nganndaa.
Fulani Translation - Rowwad Translation CenterHay si tawii ko woni ka hoore leydi kon e leɗɗe, [settiraama] karambi, maayo ngo ɓeydora (wontugol ndaha) ɓaawo ɗuum, yeru maaje jeeɗiɗi, konnguɗi Alla ɗin lannataa. Pellet, Alla ko poolɗo, Ñeeñɗo.
Fulani Translation - Rowwad Translation CenterE a yiaani won'de Alla no naatna jemma on e ndeer ñalawra on, O naatna ñalawma kadi e ndeer jemma on, O eltii kadi na'ange ngen e lewru ndun, kala majji no doga haa e lajal innaangal? E won'de Alla ko kumpitiiɗo ko ngolloton kon.
Fulani Translation - Rowwad Translation CenterƊuum [ko jaŋtaa ɗoo], ko tawde pellet, Alla ko Kaŋko woni Goonga, e won'de kon ko ɓe noddata ga makko, ko ɗuum woni mehre nden, e won'de ko Alla woni Toowɗo, Mawnɗo On.
Fulani Translation - Rowwad Translation CenterE a yiaani won'de laaɗe ɗen heɗe ndogira ka maayo e neema Alla, fii yo O hollu on maandeeji makko ɗin? Wonii e ɗuum, maandeeji, wonan'de kala keewuɗo-muñal, jettoowo (neema).
Fulani Translation - Rowwad Translation CenterSi tawii morlooɗe(bempejje) kippiriiɓe wa duule [maa pelle], ɓe noddat Alla, hara heɓe laɓɓinani mo dewal; tuma nde o daɗndunooɓe ka njoorndi, tawi no e maɓɓe kakindiiɗo. Jeddataa Aayeeje Amen ɗen, si wonaa kala keewɗo janfa, ke'efeera.
Fulani Translation - Rowwad Translation CenterEey mon yo yimɓe! Kulee Joomi mon, kulon ñaaande, nde baaba duncanoytaa ɓiɗɗo mun, wonaa ɓiɗɗo on kadi duncanoyta ben mun hay hu'unde. Pellet, fodoore Alla nden ko goonga. Wota nguurndam aduna hodu on, wata hodu on e Alla, (seytaane) kodoowo!
Fulani Translation - Rowwad Translation CenterPellet, ko ka Alla woni anndal Darngal, Homo jippina toɓo; Homo anndi ko woni ka ndeer renngaaji. Wo'kii (woo) anndaa ko ki faggitoto janngo, woŋkii (woo) kadi anndaa ko e leydi honndi maayata. Pellet, Alla ko gannduɗo, kumpitiiɗo.