Filipino Translation (Maguindanaon) - Rowwad Translation CenterYa nu kalilinyan na padtadayn kanu sa di kanu pangindawn, di kanu sugun, dikanu sapalan, kagina ka pendarwaka kanu.
Filipino Translation (Maguindanaon) - Rowwad Translation CenterBininasa nami su muna i kabagel nin kanu manga taw na naypus den su upaman u manga taw a darwaka, na maytu bun ba i kabinasa kanu mawli.
Filipino Translation (Maguindanaon) - Rowwad Translation CenterEndu amayka idsan nengka silan (Muhammad) u entayn i minaluy sa kanu manga langit endu lupa, ya nilan edtalun: su Allah a mapulu a mataw.
Filipino Translation (Maguindanaon) - Rowwad Translation CenterNa binaluy nin sa lekanu su lupa sa nabelat endu binaluy nin sa lekanu i manga lalan ka endu malemu sa lekanu i katuntul nu.
Filipino Translation (Maguindanaon) - Rowwad Translation CenterEndu sekanin a (Allah) i napatulun ebpun sa langit su ulan sa nakaukul endu pinapayapat nin kanu dalpa a minatay, maytu bun ba i kalyu nu sa kubur.
Filipino Translation (Maguindanaon) - Rowwad Translation CenterEndu sekanin (Allah) i minaluy kanu manga embalangan, endu binaluy nin sa lekanu su bagedan sa lagat endu su manga binatang a bagedan nu.
Filipino Translation (Maguindanaon) - Rowwad Translation CenterUpama ka makadtakena kanu sa kanu bigkugung nin na madtalu nu i mahasuti su Allah a pinandaya nin sa lekami i nya ba ka da kagaga nami lun upama di kena bu su Allah.
Filipino Translation (Maguindanaon) - Rowwad Translation CenterEndu binaluy nu manga mushrik su kaped kanu ulipen nu Allah a wata nin su malaikat, saben-sabenal su manusya na kafir sa mapayag.
Filipino Translation (Maguindanaon) - Rowwad Translation CenterAmayka madtalu sa kanilan (a manga mama) i mimbata su kaluma nilan sa (wata) a babay na migkalibedteng i byas nin, napenu na lidu na ginawa.
Filipino Translation (Maguindanaon) - Rowwad Translation CenterDi mapakay sa Allah su bagumbalan nin sa palas na entu ba i lekanin, endu di makagaga i babay sa kapambuwat sa hujjah sa mana su mama.
Filipino Translation (Maguindanaon) - Rowwad Translation CenterEndu binaluy nilan su manga malaikat a babay inunta na ulipen nu Allah, ngintu nailay nilan i kinabaluy kanu malaikat? Isulat nu su kadtalu nilan, endu idsan silan salta su siksa.
Filipino Translation (Maguindanaon) - Rowwad Translation CenterKadtalu nilan pan: upama di kena bu kyug nu Allah a di tanu masimba i barahala, na dala den mun kataw nilan a salakaw sa kandalbut.
Filipino Translation (Maguindanaon) - Rowwad Translation CenterEndu mamba ka dala sinugu nami a nawna sa leka sya kanu dalpa a bangindaw a di kena ya pidtalu nu manga dupang: nya na bagunutan nami su manga lukes nami kanu agama nilan na bagunutan nami silan sa nya ba a kamal.
Filipino Translation (Maguindanaon) - Rowwad Translation CenterPidatlu nu sinugu: apya ya pan mapya i nait ku kanu manga agama nu kalukesan nu? Ya nilan kadtalu: pegkapiran nami i langun a nait nu.
Filipino Translation (Maguindanaon) - Rowwad Translation CenterEndu pidtalu nu Ibrahim kani ama nin endu su taw nin: saki (Ibrahim) na lepas aku sa kanu pedsimban nu.
Filipino Translation (Maguindanaon) - Rowwad Translation CenterEndu binaluy nin su kapaka-isa kanu manga mawli a taw nin sa mawli sa lekanin, ka basi kambalinganan (nu kafir sa Makkah su agama nu Ibrahim).
Filipino Translation (Maguindanaon) - Rowwad Translation CenterUgayd na pinandaya ku silan, taman sa nakawma sa kanilan su haqq endu su sinugu a mapayag.
Filipino Translation (Maguindanaon) - Rowwad Translation CenterGuna makawma su haqq na ya nilan kadtalu: namba na sih’r, endu sekami na egkapiran nami i namba a sinugu.
Filipino Translation (Maguindanaon) - Rowwad Translation CenterEndu pidtalu nilan pan: upama ka sya nakatulun su Qur’an sa duwa kataw a mama (isa sa Makkah, isa sa Taif) na mapya gayd (di kena san kani Muhammad).
Filipino Translation (Maguindanaon) - Rowwad Translation CenterNgintu silan i pembad kanu limu nu Kadenan nengka? Sekami (Allah) na pimbad nami su kawyag nilan sya sa dunya, endu inupulu nami sa pangkatan su ped sa kanilan na sandagen nu isa su ped nin, su limu nu Kadenan nengka (Muhammad) na ya labi i kapya nin kanu pagigimuwan nilan.
Filipino Translation (Maguindanaon) - Rowwad Translation CenterEndu upama di kena bu matimu su taw sa ka-kafir sa Allah, na baluyn nami kanu migkafir sa Allah i pila ka atep a walay nin, endu su panikan nin sa lu ba silan mamanik.
Filipino Translation (Maguindanaon) - Rowwad Translation CenterEndu aden kanu manga walay nilan i manga bengawan endu manga kantil a pilak a sandangan nilan.
Filipino Translation (Maguindanaon) - Rowwad Translation CenterEndu su manga palas, langun nu entu ba na pegkalilinyan bu sa kawyag sa dunya, endu su akhirat na ya pan mapya kanu manga taw a magilek sa Allah.
Filipino Translation (Maguindanaon) - Rowwad Translation CenterEndu su taw a embalawagan nin su Qur’an na padtagapedan nami sa shaytan a namba i pakat nin.
Filipino Translation (Maguindanaon) - Rowwad Translation CenterEndu saben-sabenal na su shaytan i timading sa lekanin kanu tutulu, endu ga-antap nilan i silan i gatutulu.
Filipino Translation (Maguindanaon) - Rowwad Translation CenterTaman sa amayka nakawma su gay a mawli na ya nin madtalu na, nya ba makatangka aku sa leka, sa mana su katawan nu sebangan-sedepan, ngin den a kawag a tagapeda.
Filipino Translation (Maguindanaon) - Rowwad Translation CenterEndu dala katagan nin su sendit saguna a gay kanu kinasakutu nu, sekanu endu su shaytan na simbul kanu san sa siksa.
Filipino Translation (Maguindanaon) - Rowwad Translation CenterAtawaka ipailay nami sa leka sya sa dunya su inibpasad sa kanilan a siksa na magaga nami.
Filipino Translation (Maguindanaon) - Rowwad Translation CenterKamali ka su iniwahi nami sa leka, ka saben-sabenal na seka na nan ka sa lalan a matidtu.
Filipino Translation (Maguindanaon) - Rowwad Translation CenterEndu saben-sabenal a panduwan sa leka endu su manga taw nengka, na di ebplis na kaidsan kanu bun.
Filipino Translation (Maguindanaon) - Rowwad Translation CenterEndu idsa nengka kanu nawna sa leka a sinugu nami, upama ngintu inumbalan nami silan sa salakaw sa Allah (barahala) a simban nilan.
Filipino Translation (Maguindanaon) - Rowwad Translation CenterEndu pina-it nami su Musa kanu manga ayatan nami lu kanu Fir’awn endu su manga kasaligan nin, pidtalu (nu Musa): saben-sabenal a saki na sinugu aku nu kadenan nu dunya.
Filipino Translation (Maguindanaon) - Rowwad Translation CenterGuna makawma sa kanilan su manga ayatan nami na kena ka pidtatawanan nilan bu su Musa (endu su manga ayatan).
Filipino Translation (Maguindanaon) - Rowwad Translation CenterEndu dala inipailay nami sa kanilan a tanda a di kena masla pan kanu ped nin (kanu nawna lun) endu tinyuba nami silan sa siksa ka basi magumbaya silan.
Filipino Translation (Maguindanaon) - Rowwad Translation CenterPidtalu nilan: seka (Musa) na mategel sa sih’r pangeni ka sa Kadenan nengka i pambuwaten nin i pasadin sa leka ka matutulu kami.
Filipino Translation (Maguindanaon) - Rowwad Translation CenterGuna nami ibagawa sa kanilan su siksa a nakasugat sa kanilan na binaluba nilan menem su pasad nilan (a semimba sa laki).
Filipino Translation (Maguindanaon) - Rowwad Translation CenterEndu pinapanawag nu Fir’awn kanu manga taw nin: ngintu di kena ba saki i pendatu sa Mis’r? Endu nya su manga ig a pelagilay kanu kababan ku, ngintu di nu gailay?
Filipino Translation (Maguindanaon) - Rowwad Translation CenterUpama ka mamba ka mimbalegkas sa bulawan atawaka mimakuta sa bulawan atawaka ka namba ka aden makawma a malaikat amayka benal a makadsaksi sa lekanin.
Filipino Translation (Maguindanaon) - Rowwad Translation CenterPinamagisu nin su taw nin, na pinaginugutan nilan kagina silan a manga taw na faasiq silan tanan.
Filipino Translation (Maguindanaon) - Rowwad Translation CenterGuna nilan pedtalsaka su ikalipunget nami na sinuliyan nami silan, a manga taw na Faasiq silan tanan.
Filipino Translation (Maguindanaon) - Rowwad Translation CenterEndu guna makambuwat su wata nu Maryam (su Eisa) a upaman na su manga taw nengka na pedtatawa bu silan.
Filipino Translation (Maguindanaon) - Rowwad Translation CenterEndu pidtalu nilan: ngintu ya mapya su manga kadenan tanu atawaka sekanin (Eisa)? Da pembuwatan nilan a di kena kabpalawa sa leka kagina silan i tagukagen.
Filipino Translation (Maguindanaon) - Rowwad Translation CenterDa sa lekanin (Eisa) ya tabya na ulipen a inikalimu nami endu binaluy nami sekanin a upaman kanu tupu nu Israel.
Filipino Translation (Maguindanaon) - Rowwad Translation CenterEndu upama pigkahanda nami bu sa ya nami baluyn a taw na dalpa a nya i malaikat a sambi nu, na simban aku nilan na binasan kanu nilan.
Filipino Translation (Maguindanaon) - Rowwad Translation CenterEndu saben-sabenal (si Eisa) i tanda nu kabangkit sa dunya, na da kanu penduwa-duwa endu unuti aku nu ka nan su lalan a matidtu.
Filipino Translation (Maguindanaon) - Rowwad Translation CenterEndu da kanu enggula sa kasapalan kanu nu shaytan, ka saben-sabenal su shaytan na satru (kuntra) nu a mapayag.
Filipino Translation (Maguindanaon) - Rowwad Translation CenterGuna makawma su Eisa a nakapananggit sa mapayag, ya nin pidtalu: saben-sabenal a nakawma aku sa lekanu sa nabi aku, endu ipayag ku su ped a pimbibidayan nu, endu ikagilek nu su Allah endu paginugunuti aku nu.
Filipino Translation (Maguindanaon) - Rowwad Translation CenterSaben-sabenal su Allah i Kadenan ku a Kadenan nu bun, na simba nu sekanin, namba i lalan a matitdu.
Filipino Translation (Maguindanaon) - Rowwad Translation CenterNa mimbida-bida su lumpukan nu manga taw, su bawgan sa naraka i makwa nu manga kafir a siksa nu gay a mawli a masakit.
Filipino Translation (Maguindanaon) - Rowwad Translation CenterSu edtatagapeda kanu entu ba a gay na mamagukag (midtatagapeda sa malat) ya tabya na su magilek sa Allah.
Filipino Translation (Maguindanaon) - Rowwad Translation CenterHay sekanu anan a manga ulipen ku da gilek nu saguna a gay endu da sa lekanu i malidu i ginawa nu (di kanu masiksa).
Filipino Translation (Maguindanaon) - Rowwad Translation CenterGabalibet silan a manga tagayan a bulawan endu kendi, endu lu sa dalem na surga su kalilinyan nu ginawa endu su (kalilinyan nu) mata, endu sekanu na di kanu den makalyu sa surga.
Filipino Translation (Maguindanaon) - Rowwad Translation CenterEndu entu ba su surga a pinawarisan sa lekanu a manga bamaginugut sabap kanu galebek nu a nasuwatan nu Allah.
Filipino Translation (Maguindanaon) - Rowwad Translation CenterEndu tumawag silan kanu Malik (malaikat a pedtuldu sa naraka): pangeni ka i imatayan kami den u Kadenan nengka, tigin: san kanu den ba ka dili kanu den makalyu.
Filipino Translation (Maguindanaon) - Rowwad Translation CenterSaben-sabenal a initalingguma nami sa lekanu su haqq, ugayd na ya madakel sa lekanu na kabensyan nu su haqq.
Filipino Translation (Maguindanaon) - Rowwad Translation CenterAtawaka ya nilan antap na di nami gakineg su masulen nilan endu su kapagedunga nilan, kena ka su manga sinugu nami na ipedsulat nilan i galebekan nilan.
Filipino Translation (Maguindanaon) - Rowwad Translation CenterEdtalu ka (Muhammad): amayka aden wata nu Allah (sa mana kadtalu nilan) na saki i semimba lun.
Filipino Translation (Maguindanaon) - Rowwad Translation CenterMahasuti su Kadenan nu manga langit endu su lupa a Kadenan nu Arsh sa kanu langun na pedtalun nu manga mushrik.
Filipino Translation (Maguindanaon) - Rowwad Translation CenterPasagadi ka silan kanu baatil a kalilinyan nilan endu kandadalemet bu, taman sa mawma nilan bun i gay nilan a nakabpasad sa kanilan (siksa).
Filipino Translation (Maguindanaon) - Rowwad Translation CenterEndu sekanin i Kadenan lu sa langit endu sya sa lupa, endu sekanin i mataw sa masulen endu mapayag.
Filipino Translation (Maguindanaon) - Rowwad Translation CenterEndu mahasuti su Allah kigkuwan kanu manga langit endu lupa endu su pageletan nu langit-lupa endu sekanin i mataw sa kawma na gay a mawli, endu lu bun sa lekanin i kadsunudan.
Filipino Translation (Maguindanaon) - Rowwad Translation CenterEndu da kamilikan nu pedsimban nilan a salakaw sa Allah makashafa’at ya tabya na su midsaksi sa bantang, endu katawan nilan bun.
Filipino Translation (Maguindanaon) - Rowwad Translation CenterEndu idsan nengka silan upama entayn i minaluy sa kanilan, na ya nilan bun edtalun: su Allah, na ngintu ka pendalbut pan silan.
Filipino Translation (Maguindanaon) - Rowwad Translation CenterTigkeli ka silan, endu ya ka edtalu na kalilintad (ka mawma nilan bun i gay a mawli) na katawan nilan bun.