Fulani Translation - Rowwad Translation CenterTuma nde Muusaa maakannoo ɓeynguure makko nden: "Min dey, mi haynike yiite, mi addana on ka nge woni ɗon kumpital ma mi addana on docotal kuɓɓungal, bela jo'o onon on itwoto.
Fulani Translation - Rowwad Translation CenterTuma nde o arnoo e magge, o noddaa: Ɗuum woni barkinaama on wonɗo ka yiite e ɓen wonɓe banŋe magge, e Senaare wonanii Alla Jooma winndere nden.
Fulani Translation - Rowwad Translation CenterLiɓu tuggordu maaɗa ndun, Tuma nde o yi'unoo ndu hundu dilla, a wi'ayma kayru ko ndu mbooɗdi, o hucciti ko o doguɗo o yiltitaake. Ko an yo Muusaa: "Wata a hul, Min dey Nulaaɓe ɓen kulataa to Am".
Fulani Translation - Rowwad Translation CenterNaatnu junngo ma ngon ka jiiba maaɗa, ngo yaltay ko ngo ranewo ko aldaa e bone, [ɗum no jeyaa] e ndeer aayeeje jeenay nulaaɗe e Fir'awna e yimɓe makko ɓen, pellet, kamɓe ɓe laatike yimɓe faasiqiiɓe.
Fulani Translation - Rowwad Translation CenterGooŋɗii Min ngokkii Daawuuda e Sulaymaana Ganndal ɓe maaki: "Yettoore nden woodanii Alla On ɓurnuɗo min e dow ɗuuɗuɓe immorde e jeyaaɓe makko gooŋɗinɓe ɓen".
Fulani Translation - Rowwad Translation CenterSulaymaana roni Daawuuda, O maaki: "eey mon yimɓe, min nganndinaama haala colli ɗin, men okkaama immorde e kala hu'unde, Pellet, ɗumɗoo ko ɗum woni ɓural ɓanngungal".
Fulani Translation - Rowwad Translation Center[Sulaymaana] moosi ko o jaluɗo immorde e konngol maggi ngol, o maaki: "Jooma, lonnginam no mi yettira neema maaɗa mo neeminɗaa e dow am on, e jibibinɓe lam ɓen, e nde mi gollata ko moƴƴi mbeltoraa ɗum, naatnaami ka Yurmeende Maaɗa wond'ude e jiyaaɓe Ma moƴƴuɓe ɓe".
Fulani Translation - Rowwad Translation CenterNdu ñiiɓe ko woɗɗaani, ndu wi'i: "mi huɓindike ko a huɓindaaki ɗum, mi addanii ma immorde to Saba'i kumpital yananaangal".
Fulani Translation - Rowwad Translation CenterMin dey, mi tawii sonnaajo no laamii ɓe homo okkaa immorde e kala hu'unde, no woodami mo kadi jullere [laamu] mawnde.
Fulani Translation - Rowwad Translation CenterMi tawii mo kaŋko e yimɓe makko ɓen heɓe cujjana na'ange nge ga Alla; Seytaane no cuɗaniɓe golle maɓɓe ɗen o faddii ɓe ga Laawol ngol, kamɓe ɓe peewataa.
Fulani Translation - Rowwad Translation CenterKo haɗata ɓe cujjana Alla oon jaltinoowo ko suuɗii kon ka kammuuli e ka leydi homo Anndi ko cuuɗoton e ko peñinton.
Fulani Translation - Rowwad Translation CenterPellet, nduu ko immorde e Sulaymaana, pellet, ko woni e mayru ko: "Innde Alla kuuɓuɗo Yurmeende keeriiɗo Yurmeende Oon".
Fulani Translation - Rowwad Translation CenterO wi'i: "eey mon mbatu, mbaɗtee kam e feere e ɗee fiyaake am, mi laataaki taƴoowo fiyaake haa tawteɗon e am".
Fulani Translation - Rowwad Translation CenterƁe mbi'i: "Enen ko en jooma doole e jooma hare caɗtuɗe, fiyaake ɗen ko ka maaɗa woni, ndaaru ko holɗum njamirtaa".
Fulani Translation - Rowwad Translation CenterTuma nde ɓe arnoo ka Sulaymaana, o maaki: "Enee, on ɓeydiray kam jawdi, kon ko Alla okkimmi, no ɓuri moƴƴude diini kon ko O okki on, ko woni, onon hoɗon farnora neldaari mooɗon ndin".
Fulani Translation - Rowwad Translation CenterO maaki: "eey mon mbatu, ko hommbo e mooɗon addanta kam jullere laamu makko nden, ko adii ɓe arude ka am ko ɓe jebbiliiɓe?"
Fulani Translation - Rowwad Translation CenterNgaari jinna ndin wi'i: "Min, mi addante nde ko adii a immaade e darnde maaɗa nden, e pellet, min e dow ɗum ko mi cemmbuɗo koolaaɗo".
Fulani Translation - Rowwad Translation CenterOon mo woni ka mu ganndal immorde ka deftere wi'i: "Min mi anndante nde ko adii a nde ndarɗe maaɗa ɗen ruttotoo e maaɗa". Tuma nde o yi'unoo nde ko nde ñiiɓunde ka makko, o maaki: "Ɗum ɗoo, ko immorde e Ɓural Joomi am, fii yo o ndarndo lam si mi jarnay [mo] maaɗum si mi yeddat [mo], kala jarnuɗo anndu ko o jarni kon wonanay wonkii makko kin, kala yedduɗo kadi pellet, Joomi am ko o Galo Tedduɗo".
Fulani Translation - Rowwad Translation CenterO maaki: "Faytinanee mo jullere laamu makko nden, ndaaren si on annditat, kaa o laatoto jiyaaɗo e ɓen ɓe anndittaa".
Fulani Translation - Rowwad Translation CenterTuma nde o arnoo, [o] wi'aa: "Enee, ko nii jullere maaɗa nden wa'i?" O wi'i: "Awi'ayma ko kayre tigi nii". Min ndokkaama ganndal ko adii mo, min laatii jebbiliiɓe.
Fulani Translation - Rowwad Translation CenterWi'anaa mo: "Naatu ka huɓeere". Tuma nde o yi'unoo nde o sikki ko nde duneere(tewru), o ñori dense (korle)makko ɗen. [Sulaymaana] maaki: "Pellet, ndee ko huɓeere newɗiniraande ndaarorɗe". [Debbo on] wi'i: "Jooma, min dey mi tooñii woŋkii am, mi jebbilanike Alla Jooma winndire nden, wond'ude e Sulaymaana".
Fulani Translation - Rowwad Translation CenterGooŋɗii Min Nulii fa'ade e Samuudinkooɓe ɓen musiɗɗo maɓɓe on Saalihu, ɗum woni rewee Alla. Tawi kamɓe ko ɓe feddeeji ɗiɗi hiɓe beeñondira.
Fulani Translation - Rowwad Translation CenterO maaki: "Ko onon yo yimɓe am, ko fii holɗum heñornton bone ɗen ko adii moƴƴere nden?" "Ko haɗi imsinanao Alla mbelejo'o onon on njurminoyte".
Fulani Translation - Rowwad Translation CenterƁe mbi'i: "Min kiitinorii ma e ɓen won'ɗuɓe e maaɗa". O maaki: "kiite mooɗon on ko ka Alla woni, ko woni, onon ko on yimɓe fitneteeɓe"
Fulani Translation - Rowwad Translation CenterƁe mb'i: Ɓe ngooɗndirii Alla, ma min waalanan mo ka suudu kaŋko e ɓeynguure makko nden refti ma min wi'an jeyɓe mo ɓen; men tawaaka bargol yimɓe makko ɓen, e pellet, menen ko men gooŋɗuɓe".
Fulani Translation - Rowwad Translation CenterNdaaru, ko honno laatorno battane hodo maɓɓe ngon, Minen Min njirbinno ɓe kamɓe e yimɓe maɓɓe ɓen ɓe fof maɓɓe.
Fulani Translation - Rowwad Translation CenterMin daɗndi mo kaŋko e yimɓe makko ɓen, si wonaa debbo makko on; [on ɗon] Min hoddiranii mo ko o jiyaaɗo e halketaaɓe ɓen.
Fulani Translation - Rowwad Translation CenterMaaku: Yettoore nden ko Alla woodani, kisiyee wonii e jiyaaɓe makko ɓen ɓe O suɓii. Enee, ko Alla ɓuri moƴƴude, kaa ko ɗin ɗiɓe sirkanta?
Fulani Translation - Rowwad Translation CenterKaa ko hommbo tagi kammuuji ɗin e leydi ndin O jippinani on immorde ka kammu ndiyam? Min puɗiniri ɗam gese joomiraaje ŋari. Wonantaa on nde puɗinon leɗɗe majje. Enee, hara deweteeɗo no woodi wond'ude e Alla? Ko woni, kamɓe ko ɓe yimɓe ooñotooɓe.
Fulani Translation - Rowwad Translation CenterKaa ko hommbo waɗi leydi ndin ñiiɓndi, O waɗi hakkunde mayri calluɗi O waɗani ndi pelle o waɗi hakkunde maaje ɗen ɗiɗi heedo?, hara na woodi deweteeɗo [goo] wond'ude e Alla? ko woni, ɓurɓe ɗuuɗude ɓen e maɓɓe ɓe nganndaa.
Fulani Translation - Rowwad Translation CenterKaa ko hommbo jaabato ɓittiiɗo on si o noddi mo o hunca bone ɗen o waɗa on lontiiɓe ka leydi? Na woodi Koreweteeɗo goo wond'ude e Alla? Famɗii ko mbaajitoɗon.
Fulani Translation - Rowwad Translation CenterKaa ko hommbo feewnata on ka niɓe njoorndi e ka maayo, e ko hommbo accitata keni ɗin wewlinirayɗi fii Yurmeende Makko nden? Enee, ko deweteeɗo goo wond'ude e Alla? Alla Toowii ga ko ɓe cirkata kon.
Fulani Translation - Rowwad Translation CenterKaa ko hommbo woni puɗɗuɗo tagoore nde refti O rutta ngu, e ko hommbo arsikata on immorde ka kammu e ka leydi? Enee, ko deweteeɗo goo wond'ude e Alla? Maaku: "Addee daliili mooɗon on si tawii ko on gooŋɗuɓe".
Fulani Translation - Rowwad Translation CenterMaaku: "Anndaa ko wirnii kon ɓen wonɓe ka kammuuli e ka leydi si wonaa Alla. Ɓe so'ataa kadi ko honnde tuma ɓe immintinoytee".
Fulani Translation - Rowwad Translation CenterKo woni, ganndal maɓɓe ngal hattii fii Laakara on, ko woni, kamɓe heɓe e sikke fii [Laakara], ko woni, kamɓe ko ɓe wumuɓe fii ɗum.
Fulani Translation - Rowwad Translation CenterƁeen yedduɓe mbi'i: " Enee, hay si min laatike mbullaari e baabiraaɓe amen ɓen kadi, e hara minen ko min yaltinoyteeɓe?"
Fulani Translation - Rowwad Translation CenterPellet, Joomi maaɗa ko O Jom Ɓural e dow yimɓe ɓeen, kono ɓurɓe ɗuuɗude ɓen e maɓɓe ɓe njaarnataa [Alla].
Fulani Translation - Rowwad Translation CenterPellet ndee Alqur'aanaare, hende filloo e dow ɓiɗɓe Israa'iila ɓen fii hu'unde nde ɓe ɓuri luutondirde nden e fii muuɗum.
Fulani Translation - Rowwad Translation CenterAn a wonaani peewnoowo wumɓe ɓen e ga majjere maɓɓe nde. A nanintaa si wonaa ɓen gooŋɗinɓe Aayeeje Amen ɗen hara kamɓe ko ɓe jebbiliiɓe.
Fulani Translation - Rowwad Translation CenterE ñande Min mooɓoyta immorde e kala mofte dental jeyaaɓe e ɓen yennooɓe Aayeeje Amen ɗen hara kamɓe heɓe coggee.
Fulani Translation - Rowwad Translation CenterHaa si ɓe ngarii, O Daala: "Eyoo, on yenniino Aayeeje Am ɗen, hara on huɓindoraali ɗi ganndal. Kaa ko holɗum wonɗon e gollude?"
Fulani Translation - Rowwad Translation CenterEnee, hara ɓe yiaani, Minen Min mbaɗii jemma on fii yo ɓe deeƴu e maako, e ñalawma on nji'irɗo? Pellet, wonii e ɗum Aayeeje wonan'de yimɓe gooŋɗinooɓe ɓen.
Fulani Translation - Rowwad Translation CenterE Ñande wuttoytee ka alaadu, ɗenƴoo ɓen wonɓe ka kammuuli e ɓen wonɓe ka leydi, si wonaa ɓen ɓe Alla muuyi, gooto kala e maɓɓe aray e makko hara ko ɓe hoykiniiɓe.
Fulani Translation - Rowwad Translation CenterHaɗa tina pelle ɗen, cikka ko ɗe fenndiiɗe, hara le kannje heɗe wuloo wulagol duule ɗen, ɗuum ko kuugal Alla, On ŋarɗinɗo kala hu'unde, pellet, Kaŋko ko O kumpitiiɗo ko ngolloton kon.
Fulani Translation - Rowwad Translation CenterMo ardii e moƴƴere nden haray no woodani mo ko ɓuri nde moƴƴude, hara kamɓe ko ɓe hooliiɓe immorde e ɗenƴere nden Ñande.
Fulani Translation - Rowwad Translation CenterMo ardii kadi e bone ɗen, j'eece maɓɓe ɗen kippete ka Yiite. Yalli on yoɓete si wonaa kon ko laatinoɗon hoɗon ngolla?
Fulani Translation - Rowwad Translation CenterAnndu ko mi yamiraa ko yo mi rewJooma ndii leydi ndi Alla harmini ɗum, no woodani mo kala hu'unde. Mi yamiraama kadi yo mi laato jiyaaɗo e jebbiliiɓe ɓeen.
Fulani Translation - Rowwad Translation CenterE yo mi janngu Alqur'aanaare ndeen, mo feewii ko hoore-makko o feewani, mo majjii kadi maaku: "Min dey, ko mi jiyaaɗo e jeertinooɓe ɓeen.
Fulani Translation - Rowwad Translation CenterMaaku kadi: "jettooje nden ngoodanii Alla, aray O holla on Aayeeje makko ɗeen ngaanndon ɗe". Joomi maaɗa wonaani belsindiiɗo ga e kon ko ngolloton.