caseriqMeaning search in the Qur'an

Surah An-Naml النمل

93 verses · Mecca · revelation order 48

Surah An-Naml, Verse 1

بِسْمِ ٱللَّهِ ٱلرَّحْمَٰنِ ٱلرَّحِيمِ طسٓ تِلْكَ ءَايَٰتُ ٱلْقُرْءَانِ وَكِتَابٍ مُّبِينٍ

Filipino Translation (Maguindanaon) - Rowwad Translation CenterTa-Seen (su Allah i labi mataw kanu ma’na nin), nya ba a manga ayatan nu Qur’an, endu kitab a mapayag (minayag sa halal-haram, bantang- baatil).

See all translations of this verse →

Surah An-Naml, Verse 2

هُدًى وَبُشْرَىٰ لِلْمُؤْمِنِينَ

Filipino Translation (Maguindanaon) - Rowwad Translation CenterTutulu endu papata nu manga bamaginugut.

See all translations of this verse →

Surah An-Naml, Verse 3

ٱلَّذِينَ يُقِيمُونَ ٱلصَّلَوٰةَ وَيُؤْتُونَ ٱلزَّكَوٰةَ وَهُم بِٱلْـَٔاخِرَةِ هُمْ يُوقِنُونَ

Filipino Translation (Maguindanaon) - Rowwad Translation CenterA pedtindeg sa sambayang endu pedzakat silan endu di gapinda sa ginawa nilan su gay a mawli.

See all translations of this verse →

Surah An-Naml, Verse 4

إِنَّ ٱلَّذِينَ لَا يُؤْمِنُونَ بِٱلْـَٔاخِرَةِ زَيَّنَّا لَهُمْ أَعْمَٰلَهُمْ فَهُمْ يَعْمَهُونَ

Filipino Translation (Maguindanaon) - Rowwad Translation CenterSu manga taw a di bangimbenal sa gay a mawli na mapya gayd i kailay nilan sa galebek nilan a malat, na manteng-anteng silan sa kawagan nin sa Allah.

See all translations of this verse →

Surah An-Naml, Verse 5

أُو۟لَٰٓئِكَ ٱلَّذِينَ لَهُمْ سُوٓءُ ٱلْعَذَابِ وَهُمْ فِى ٱلْـَٔاخِرَةِ هُمُ ٱلْأَخْسَرُونَ

Filipino Translation (Maguindanaon) - Rowwad Translation CenterSilan a manga taw na kanilan su kalatan nu kasiksa, endu silan na lu sa gay a mawli i manga nangalugi.

See all translations of this verse →

Surah An-Naml, Verse 6

وَإِنَّكَ لَتُلَقَّى ٱلْقُرْءَانَ مِن لَّدُنْ حَكِيمٍ عَلِيمٍ

Filipino Translation (Maguindanaon) - Rowwad Translation CenterEndu saben-sabenal seka (Muhammad) na makawma sa leka su Qur’an ebpun saAllah a mawngangen a mataw.

See all translations of this verse →

Surah An-Naml, Verse 7

إِذْ قَالَ مُوسَىٰ لِأَهْلِهِۦٓ إِنِّىٓ ءَانَسْتُ نَارًا سَـَٔاتِيكُم مِّنْهَا بِخَبَرٍ أَوْ ءَاتِيكُم بِشِهَابٍ قَبَسٍ لَّعَلَّكُمْ تَصْطَلُونَ

Filipino Translation (Maguindanaon) - Rowwad Translation CenterLabit ka (Muhammad) su kinadtalu nu Musa kani kaluma nin sa: aden nasandeng ku a apuy, kumwa aku lu sa tudtulan ataw ka itan ku sekanu sa but na apuy a makapagegung ataw ka madsulu tanu.

See all translations of this verse →

Surah An-Naml, Verse 8

فَلَمَّا جَآءَهَا نُودِىَ أَنۢ بُورِكَ مَن فِى ٱلنَّارِ وَمَنْ حَوْلَهَا وَسُبْحَٰنَ ٱللَّهِ رَبِّ ٱلْعَٰلَمِينَ

Filipino Translation (Maguindanaon) - Rowwad Translation CenterGuna nin mawma na tinawag sekanin (nu Allah): mimbarakat i nya sa apuy anya endu su makalibet lun, mahasuti su Allah a Kadenan nu dunya.

See all translations of this verse →

Surah An-Naml, Verse 9

يَٰمُوسَىٰٓ إِنَّهُۥٓ أَنَا ٱللَّهُ ٱلْعَزِيزُ ٱلْحَكِيمُ

Filipino Translation (Maguindanaon) - Rowwad Translation CenterHay Musa! saben-sabenal na Saki su Allah a mapulu a mawngangen.

See all translations of this verse →

Surah An-Naml, Verse 10

وَأَلْقِ عَصَاكَ فَلَمَّا رَءَاهَا تَهْتَزُّ كَأَنَّهَا جَآنٌّ وَلَّىٰ مُدْبِرًا وَلَمْ يُعَقِّبْ يَٰمُوسَىٰ لَا تَخَفْ إِنِّى لَا يَخَافُ لَدَىَّ ٱلْمُرْسَلُونَ

Filipino Translation (Maguindanaon) - Rowwad Translation CenterPitasi ka su balala nengka, ya kinailay ni (Musa) na mana bun nipay, tinaligkudan nin sa da nin embalingani, (tig nu Allah): Hay Musa! Da ka pegkagilek, ka di kagilekan sa hadapan ku su manga sinugu ku.

See all translations of this verse →

Surah An-Naml, Verse 11

إِلَّا مَن ظَلَمَ ثُمَّ بَدَّلَ حُسْنًۢا بَعْدَ سُوٓءٍ فَإِنِّى غَفُورٌ رَّحِيمٌ

Filipino Translation (Maguindanaon) - Rowwad Translation CenterNa tabya na su dinupang nin i ginawa nin, mawli na midtawbat, ka saki na bangampun aku a malimu.

See all translations of this verse →

Surah An-Naml, Verse 12

وَأَدْخِلْ يَدَكَ فِى جَيْبِكَ تَخْرُجْ بَيْضَآءَ مِنْ غَيْرِ سُوٓءٍ فِى تِسْعِ ءَايَٰتٍ إِلَىٰ فِرْعَوْنَ وَقَوْمِهِۦٓ إِنَّهُمْ كَانُوا۟ قَوْمًا فَٰسِقِينَ

Filipino Translation (Maguindanaon) - Rowwad Translation CenterIludep ngka i lima nengka kanu banggala nengka ka lumyu i maputi a dala simbul nin a ped kanu siyaw a tanda, ipailay kani Fir’awn endu su manga taw nin, kagina silan a manga taw na nakalyu i galebek nin.

See all translations of this verse →

Surah An-Naml, Verse 13

فَلَمَّا جَآءَتْهُمْ ءَايَٰتُنَا مُبْصِرَةً قَالُوا۟ هَٰذَا سِحْرٌ مُّبِينٌ

Filipino Translation (Maguindanaon) - Rowwad Translation CenterGuna makawma kanilan su manga ayatan nami a mapayag na ya nilan pidtalu na sih'r (pakayd) a mapayag.

See all translations of this verse →

Surah An-Naml, Verse 14

وَجَحَدُوا۟ بِهَا وَٱسْتَيْقَنَتْهَآ أَنفُسُهُمْ ظُلْمًا وَعُلُوًّا فَٱنظُرْ كَيْفَ كَانَ عَٰقِبَةُ ٱلْمُفْسِدِينَ

Filipino Translation (Maguindanaon) - Rowwad Translation CenterEndu pedsangkan nilan sa katawan nilan ebpun sa Allah, ugayd na midtakena kanu ginawa nilan i ka-kafir kamamasla, kabpapulu, ilay ka (Muhammad) su ulyan na kapaminasa (ka binasan bun silan).

See all translations of this verse →

Surah An-Naml, Verse 15

وَلَقَدْ ءَاتَيْنَا دَاوُۥدَ وَسُلَيْمَٰنَ عِلْمًا وَقَالَا ٱلْحَمْدُ لِلَّهِ ٱلَّذِى فَضَّلَنَا عَلَىٰ كَثِيرٍ مِّنْ عِبَادِهِ ٱلْمُؤْمِنِينَ

Filipino Translation (Maguindanaon) - Rowwad Translation CenterEndu saben-sabenal a inenggay nami kanu Daud endu su Sulayman i kataw na ya nilan pidtalu: su pugi na kanu Allah a inilabi kami nin kanu madakel a manga ulipen nin a manga bamaginugut.

See all translations of this verse →

Surah An-Naml, Verse 16

وَوَرِثَ سُلَيْمَٰنُ دَاوُۥدَ وَقَالَ يَٰٓأَيُّهَا ٱلنَّاسُ عُلِّمْنَا مَنطِقَ ٱلطَّيْرِ وَأُوتِينَا مِن كُلِّ شَىْءٍ إِنَّ هَٰذَا لَهُوَ ٱلْفَضْلُ ٱلْمُبِينُ

Filipino Translation (Maguindanaon) - Rowwad Translation CenterNawarisan nu Sulayman si Daud endu pidtalu nin: Hay sekanu a manga taw! Pinakatawan sa lekami i kadtalu na papanuk, endu inenggay sa lekami i langun na enggaga-isa sa namba na limu a mapayag.

See all translations of this verse →

Surah An-Naml, Verse 17

وَحُشِرَ لِسُلَيْمَٰنَ جُنُودُهُۥ مِنَ ٱلْجِنِّ وَٱلْإِنسِ وَٱلطَّيْرِ فَهُمْ يُوزَعُونَ

Filipino Translation (Maguindanaon) - Rowwad Translation CenterEndu nabulig kanu Sulayman su manga bagel nin a jin endu manusya, endu manga papanuk, pembulig i kapapengganat nin.

See all translations of this verse →

Surah An-Naml, Verse 18

حَتَّىٰٓ إِذَآ أَتَوْا۟ عَلَىٰ وَادِ ٱلنَّمْلِ قَالَتْ نَمْلَةٌ يَٰٓأَيُّهَا ٱلنَّمْلُ ٱدْخُلُوا۟ مَسَٰكِنَكُمْ لَا يَحْطِمَنَّكُمْ سُلَيْمَٰنُ وَجُنُودُهُۥ وَهُمْ لَا يَشْعُرُونَ

Filipino Translation (Maguindanaon) - Rowwad Translation CenterTaman sa nawma nilan i bawgan a manga pila (kuliga), pidtalu nu kaunutan nilan: sekanu a manga kuliga, ludep kanu sa manga pesu nu ka endu di kanu malupet ni Sulayman endu su manga kadakel nin ka di nilan magedam.

See all translations of this verse →

Surah An-Naml, Verse 19

فَتَبَسَّمَ ضَاحِكًا مِّن قَوْلِهَا وَقَالَ رَبِّ أَوْزِعْنِىٓ أَنْ أَشْكُرَ نِعْمَتَكَ ٱلَّتِىٓ أَنْعَمْتَ عَلَىَّ وَعَلَىٰ وَٰلِدَىَّ وَأَنْ أَعْمَلَ صَٰلِحًا تَرْضَىٰهُ وَأَدْخِلْنِى بِرَحْمَتِكَ فِى عِبَادِكَ ٱلصَّٰلِحِينَ

Filipino Translation (Maguindanaon) - Rowwad Translation CenterNakadtatawa su Sulayman sa kadtalu nu pila, endu tig nin: Kadenan ku ilhami aku sa kadsukur sa limu nengka sa laki endu su lukes ku, endu manggalebek ku i mapya a kasuwatan nengka, endu paludep aku kanu manga ulipen nengka a manga salihin (mapya).

See all translations of this verse →

Surah An-Naml, Verse 20

وَتَفَقَّدَ ٱلطَّيْرَ فَقَالَ مَا لِىَ لَآ أَرَى ٱلْهُدْهُدَ أَمْ كَانَ مِنَ ٱلْغَآئِبِينَ

Filipino Translation (Maguindanaon) - Rowwad Translation CenterBangilayn nin su papanuk, (tig nu Sulayman): nginya ka di ku mailay su manunutuk? Tabya bun ka da unut.

See all translations of this verse →

Surah An-Naml, Verse 21

لَأُعَذِّبَنَّهُۥ عَذَابًا شَدِيدًا أَوْ لَأَا۟ذْبَحَنَّهُۥٓ أَوْ لَيَأْتِيَنِّى بِسُلْطَٰنٍ مُّبِينٍ

Filipino Translation (Maguindanaon) - Rowwad Translation CenterSiksan ku sa mapasang ataw ka sumbalin ku ataw ka aden (mapananggit nin) a tindeg nin a mapayag

See all translations of this verse →

Surah An-Naml, Verse 22

فَمَكَثَ غَيْرَ بَعِيدٍ فَقَالَ أَحَطتُ بِمَا لَمْ تُحِطْ بِهِۦ وَجِئْتُكَ مِن سَبَإٍۭ بِنَبَإٍ يَقِينٍ

Filipino Translation (Maguindanaon) - Rowwad Translation CenterDala ged mawget na nakawma na ya nin (manunutuk) pidtalu na: aden nailay ku a dala nengka mailay, nakabpun aku sa Saba' na aden tudtulan ku a benal.

See all translations of this verse →

Surah An-Naml, Verse 23

إِنِّى وَجَدتُّ ٱمْرَأَةً تَمْلِكُهُمْ وَأُوتِيَتْ مِن كُلِّ شَىْءٍ وَلَهَا عَرْشٌ عَظِيمٌ

Filipino Translation (Maguindanaon) - Rowwad Translation CenterAden babay a pindatuwan nin su taw na dalpa a inenggan sa langun taman (kawasa a babay) aden pan arash in a masla.

See all translations of this verse →

Surah An-Naml, Verse 24

وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ ٱللَّهِ وَزَيَّنَ لَهُمُ ٱلشَّيْطَٰنُ أَعْمَٰلَهُمْ فَصَدَّهُمْ عَنِ ٱلسَّبِيلِ فَهُمْ لَا يَهْتَدُونَ

Filipino Translation (Maguindanaon) - Rowwad Translation CenterNailay ku silan langun sa ya nilan pedsugyudan na senang a salakaw sa Allah, sa sasat a shaytan sa galebekan nilan sa di silan makatuntul sa lalan nu (Allah) na silan na di silan gatutulu.

See all translations of this verse →

Surah An-Naml, Verse 25

أَلَّا يَسْجُدُوا۟ لِلَّهِ ٱلَّذِى يُخْرِجُ ٱلْخَبْءَ فِى ٱلسَّمَٰوَٰتِ وَٱلْأَرْضِ وَيَعْلَمُ مَا تُخْفُونَ وَمَا تُعْلِنُونَ

Filipino Translation (Maguindanaon) - Rowwad Translation CenterDi pan pedsugyud sa Allah a pabpagetu’ sa pinamula sya sa lupa, sabap kanu ulan ebpun sa langit, endu katawan nin pan su ipedsulen nu endu su ipebpayag nu.

See all translations of this verse →

Surah An-Naml, Verse 26

ٱللَّهُ لَآ إِلَٰهَ إِلَّا هُوَ رَبُّ ٱلْعَرْشِ ٱلْعَظِيمِ

Filipino Translation (Maguindanaon) - Rowwad Translation CenterDala kadenan a padsimban ya tabya na su Allah kigkwan sa Ar'sh a masla.

See all translations of this verse →

Surah An-Naml, Verse 27

قَالَ سَنَنظُرُ أَصَدَقْتَ أَمْ كُنتَ مِنَ ٱلْكَٰذِبِينَ

Filipino Translation (Maguindanaon) - Rowwad Translation CenterTig nu Sulayman: amaden upama ka benal ka ataw ka pembudtud ka (manunutuk).

See all translations of this verse →

Surah An-Naml, Verse 28

ٱذْهَب بِّكِتَٰبِى هَٰذَا فَأَلْقِهْ إِلَيْهِمْ ثُمَّ تَوَلَّ عَنْهُمْ فَٱنظُرْ مَاذَا يَرْجِعُونَ

Filipino Translation (Maguindanaon) - Rowwad Translation CenterIt ka i sulat ku anya ka ulug ka lu sa kanilan, mawli na tangka ka, endu ilay ka u ngin i enggulan nilan.

See all translations of this verse →

Surah An-Naml, Verse 29

قَالَتْ يَٰٓأَيُّهَا ٱلْمَلَؤُا۟ إِنِّىٓ أُلْقِىَ إِلَىَّ كِتَٰبٌ كَرِيمٌ

Filipino Translation (Maguindanaon) - Rowwad Translation CenterTig nu bai kanu kangasaligan nin: inulugan aku sa sulat a mapulu.

See all translations of this verse →

Surah An-Naml, Verse 30

إِنَّهُۥ مِن سُلَيْمَٰنَ وَإِنَّهُۥ بِسْمِ ٱللَّهِ ٱلرَّحْمَٰنِ ٱلرَّحِيمِ

Filipino Translation (Maguindanaon) - Rowwad Translation CenterSaben-sabenal na ebpun kanu Sulayman a nya ba i uni nin: Bismillahir Rahmanir Raheem (Ibpun ku matya su ingalan nu Allah a malimu a sangat i kalimu nin).

See all translations of this verse →

Surah An-Naml, Verse 31

أَلَّا تَعْلُوا۟ عَلَىَّ وَأْتُونِى مُسْلِمِينَ

Filipino Translation (Maguindanaon) - Rowwad Translation CenterDa kanu ebpapulu sa laki, pag-Islam kanu sa laki.

See all translations of this verse →

Surah An-Naml, Verse 32

قَالَتْ يَٰٓأَيُّهَا ٱلْمَلَؤُا۟ أَفْتُونِى فِىٓ أَمْرِى مَا كُنتُ قَاطِعَةً أَمْرًا حَتَّىٰ تَشْهَدُونِ

Filipino Translation (Maguindanaon) - Rowwad Translation CenterSekanu a madakel edtalun nu u ngin i enggulan ku, ka di ku sekanu itagak sa apya ngin a galebek mana bun su natawan nu.

See all translations of this verse →

Surah An-Naml, Verse 33

قَالُوا۟ نَحْنُ أُو۟لُوا۟ قُوَّةٍ وَأُو۟لُوا۟ بَأْسٍ شَدِيدٍ وَٱلْأَمْرُ إِلَيْكِ فَٱنظُرِى مَاذَا تَأْمُرِينَ

Filipino Translation (Maguindanaon) - Rowwad Translation CenterTig nu madakel: mabagel tanu endu mapasang tanu, na san sa leka i kataw u ngin i suguwan nengka.

See all translations of this verse →

Surah An-Naml, Verse 34

قَالَتْ إِنَّ ٱلْمُلُوكَ إِذَا دَخَلُوا۟ قَرْيَةً أَفْسَدُوهَا وَجَعَلُوٓا۟ أَعِزَّةَ أَهْلِهَآ أَذِلَّةً وَكَذَٰلِكَ يَفْعَلُونَ

Filipino Translation (Maguindanaon) - Rowwad Translation CenterTig nu bai: su manga datu a kaludepan nilan i dalpa na binasan nilan, endu baluyn ilan su mapulu nu dalpa a makababa na mamba i pakaydan nilan kanu manga taw.

See all translations of this verse →

Surah An-Naml, Verse 35

وَإِنِّى مُرْسِلَةٌ إِلَيْهِم بِهَدِيَّةٍ فَنَاظِرَةٌۢ بِمَ يَرْجِعُ ٱلْمُرْسَلُونَ

Filipino Translation (Maguindanaon) - Rowwad Translation CenterUgayd na papaytan ku i namba sa hadiyah a mapulu i alaga nin ka endu tanu ma-amad u nginan datu ataw ka nabi.

See all translations of this verse →

Surah An-Naml, Verse 36

فَلَمَّا جَآءَ سُلَيْمَٰنَ قَالَ أَتُمِدُّونَنِ بِمَالٍ فَمَآ ءَاتَىٰنِۦَ ٱللَّهُ خَيْرٌ مِّمَّآ ءَاتَىٰكُم بَلْ أَنتُم بِهَدِيَّتِكُمْ تَفْرَحُونَ

Filipino Translation (Maguindanaon) - Rowwad Translation CenterGuna makawma kani Sulayman na tig in: bagenggan aku sa tamuk? Na nya pan mapya i inenggay nu Allah sa laki sa inenggay nin anan sa lekanu ugayd na sekanu na kalinyan nu gayd i hadiyah nu anan.

See all translations of this verse →

Surah An-Naml, Verse 37

ٱرْجِعْ إِلَيْهِمْ فَلَنَأْتِيَنَّهُم بِجُنُودٍ لَّا قِبَلَ لَهُم بِهَا وَلَنُخْرِجَنَّهُم مِّنْهَآ أَذِلَّةً وَهُمْ صَٰغِرُونَ

Filipino Translation (Maguindanaon) - Rowwad Translation CenterEmbalingan ka sa kanilan ka itan ku silan sa manga mama a mategel embunuwa sa dala ka-atu nilan endu palyun nami silan kanu dalpa nilan sa lusak silan sa endaw i kyug sa kanilan.

See all translations of this verse →

Surah An-Naml, Verse 38

قَالَ يَٰٓأَيُّهَا ٱلْمَلَؤُا۟ أَيُّكُمْ يَأْتِينِى بِعَرْشِهَا قَبْلَ أَن يَأْتُونِى مُسْلِمِينَ

Filipino Translation (Maguindanaon) - Rowwad Translation CenterTig nu Sulayman kanu kadakel nin: entayn i kumwa sa arash nin sa di pan silan pakapag-Islam?

See all translations of this verse →

Surah An-Naml, Verse 39

قَالَ عِفْرِيتٌ مِّنَ ٱلْجِنِّ أَنَا۠ ءَاتِيكَ بِهِۦ قَبْلَ أَن تَقُومَ مِن مَّقَامِكَ وَإِنِّى عَلَيْهِ لَقَوِىٌّ أَمِينٌ

Filipino Translation (Maguindanaon) - Rowwad Translation CenterYa pidtalu nu mapulu na jin: saki i kumwa lun sa di ka pan makatindeg sa bagayanan nengka ka mabagel aku a kasaligan.

See all translations of this verse →

Surah An-Naml, Verse 40

قَالَ ٱلَّذِى عِندَهُۥ عِلْمٌ مِّنَ ٱلْكِتَٰبِ أَنَا۠ ءَاتِيكَ بِهِۦ قَبْلَ أَن يَرْتَدَّ إِلَيْكَ طَرْفُكَ فَلَمَّا رَءَاهُ مُسْتَقِرًّا عِندَهُۥ قَالَ هَٰذَا مِن فَضْلِ رَبِّى لِيَبْلُوَنِىٓ ءَأَشْكُرُ أَمْ أَكْفُرُ وَمَن شَكَرَ فَإِنَّمَا يَشْكُرُ لِنَفْسِهِۦ وَمَن كَفَرَ فَإِنَّ رَبِّى غَنِىٌّ كَرِيمٌ

Filipino Translation (Maguindanaon) - Rowwad Translation CenterYa manem pidtalu nu aden ilmu nin sa kitab: saki i kumwa lun sa yanin kangagan na sapelek mata, guna nin mailay a nakadtakena kanu hadapan nin na yanin pidtalu na nya ba na ebpun sa limu nu Allah, pembatalun aku nin u makadsukur aku ataw ka egkafir aku, ka su taw a masukur na kana ginawa nin, su taw menem a egkafir na su Kadenan ku na kawasa a malimu a mapulu.

See all translations of this verse →

Surah An-Naml, Verse 41

قَالَ نَكِّرُوا۟ لَهَا عَرْشَهَا نَنظُرْ أَتَهْتَدِىٓ أَمْ تَكُونُ مِنَ ٱلَّذِينَ لَا يَهْتَدُونَ

Filipino Translation (Maguindanaon) - Rowwad Translation CenterTig nu Sulayman: panalin nu i arash nin anan ka endu tanu katawan u makilala nin bun ataw ka di nin den makilala.

See all translations of this verse →

Surah An-Naml, Verse 42

فَلَمَّا جَآءَتْ قِيلَ أَهَٰكَذَا عَرْشُكِ قَالَتْ كَأَنَّهُۥ هُوَ وَأُوتِينَا ٱلْعِلْمَ مِن قَبْلِهَا وَكُنَّا مُسْلِمِينَ

Filipino Translation (Maguindanaon) - Rowwad Translation CenterGuna makawma su bai na inidsan nin: nya ba su arash nengka? Tigin: mana su nya ba, tig nu: Sulayman nawna pan i kataw tanu sa lekanin endu sekitanu pan i nawna mag-islam sa lekanin.

See all translations of this verse →

Surah An-Naml, Verse 43

وَصَدَّهَا مَا كَانَت تَّعْبُدُ مِن دُونِ ٱللَّهِ إِنَّهَا كَانَتْ مِن قَوْمٍ كَٰفِرِينَ

Filipino Translation (Maguindanaon) - Rowwad Translation CenterEndu sinapalan nin kanu pedsimban nin a salakaw sa Allah, ka su bai antu na kuyug kanu manga taw a kafir.

See all translations of this verse →

Surah An-Naml, Verse 44

قِيلَ لَهَا ٱدْخُلِى ٱلصَّرْحَ فَلَمَّا رَأَتْهُ حَسِبَتْهُ لُجَّةً وَكَشَفَتْ عَن سَاقَيْهَا قَالَ إِنَّهُۥ صَرْحٌ مُّمَرَّدٌ مِّن قَوَارِيرَ قَالَتْ رَبِّ إِنِّى ظَلَمْتُ نَفْسِى وَأَسْلَمْتُ مَعَ سُلَيْمَٰنَ لِلَّهِ رَبِّ ٱلْعَٰلَمِينَ

Filipino Translation (Maguindanaon) - Rowwad Translation CenterPidtalu sa lekanin (su bai): san ka ukit sa titayan, guna nin mailay na yanin talima na lawas na ig, nasawan nin i lisen nin, tig nu Sulayman: titayan a matilak sa mana den katya, pidtalu nu bai: Kadenan ku nadupang ku i ginawa ku na mag-Islam aku sa kaped ni Sulayman kanu Kadenan nu dunya.

See all translations of this verse →

Surah An-Naml, Verse 45

وَلَقَدْ أَرْسَلْنَآ إِلَىٰ ثَمُودَ أَخَاهُمْ صَٰلِحًا أَنِ ٱعْبُدُوا۟ ٱللَّهَ فَإِذَا هُمْ فَرِيقَانِ يَخْتَصِمُونَ

Filipino Translation (Maguindanaon) - Rowwad Translation CenterEndu sinugu nami lu kani Thamud si Salih, sa simba nu su Allah, na naduwa bad su taw nin a di bagayun.

See all translations of this verse →

Surah An-Naml, Verse 46

قَالَ يَٰقَوْمِ لِمَ تَسْتَعْجِلُونَ بِٱلسَّيِّئَةِ قَبْلَ ٱلْحَسَنَةِ لَوْلَا تَسْتَغْفِرُونَ ٱللَّهَ لَعَلَّكُمْ تُرْحَمُونَ

Filipino Translation (Maguindanaon) - Rowwad Translation CenterTig nu Salih: nginan ka yanu kadtagadan i malat kanu mapya? U namba ka mapa-ampun kanu sa Allah na malemu-lemu sa lekanu i makakalimu kanu.

See all translations of this verse →

Surah An-Naml, Verse 47

قَالُوا۟ ٱطَّيَّرْنَا بِكَ وَبِمَن مَّعَكَ قَالَ طَٰٓئِرُكُمْ عِندَ ٱللَّهِ بَلْ أَنتُمْ قَوْمٌ تُفْتَنُونَ

Filipino Translation (Maguindanaon) - Rowwad Translation CenterTig nu manga kafir: senditan nami seka endu su bagunut sa leka (u ngin i manggula nami) tig nu Salih: lu sa Allah idtempu nu, ka sekanu a manga taw a ga- fitnah.

See all translations of this verse →

Surah An-Naml, Verse 48

وَكَانَ فِى ٱلْمَدِينَةِ تِسْعَةُ رَهْطٍ يُفْسِدُونَ فِى ٱلْأَرْضِ وَلَا يُصْلِحُونَ

Filipino Translation (Maguindanaon) - Rowwad Translation CenterAden kanu dalpa i siyaw kataw a baminasa kanu dalpa endu da ungaya nin a makagkapya.

See all translations of this verse →

Surah An-Naml, Verse 49

قَالُوا۟ تَقَاسَمُوا۟ بِٱللَّهِ لَنُبَيِّتَنَّهُۥ وَأَهْلَهُۥ ثُمَّ لَنَقُولَنَّ لِوَلِيِّهِۦ مَا شَهِدْنَا مَهْلِكَ أَهْلِهِۦ وَإِنَّا لَصَٰدِقُونَ

Filipino Translation (Maguindanaon) - Rowwad Translation CenterNya nilan pidtalu: edsasapay tanu sa u magabi na bunun nilan si Salih endu su kaluma nin, mawli na edtalun nilan (kanu manga taw): di nilan katawan (entayn i minunu) endu sekami na benal i kadtalu nami.

See all translations of this verse →

Surah An-Naml, Verse 50

وَمَكَرُوا۟ مَكْرًا وَمَكَرْنَا مَكْرًا وَهُمْ لَا يَشْعُرُونَ

Filipino Translation (Maguindanaon) - Rowwad Translation CenterPindulatan nilan (si Salih) na su Allah i pendulat sa di nilan gagedam.

See all translations of this verse →

Surah An-Naml, Verse 51

فَٱنظُرْ كَيْفَ كَانَ عَٰقِبَةُ مَكْرِهِمْ أَنَّا دَمَّرْنَٰهُمْ وَقَوْمَهُمْ أَجْمَعِينَ

Filipino Translation (Maguindanaon) - Rowwad Translation CenterIlay ka su ulyan na itungan nilan a malat, bininasa nami silan endu su manga taw nilan langun (a manga kafir).

See all translations of this verse →

Surah An-Naml, Verse 52

فَتِلْكَ بُيُوتُهُمْ خَاوِيَةًۢ بِمَا ظَلَمُوٓا۟ إِنَّ فِى ذَٰلِكَ لَـَٔايَةً لِّقَوْمٍ يَعْلَمُونَ

Filipino Translation (Maguindanaon) - Rowwad Translation CenterEntuba su manga dalpa nilan a dala den taw nin sabap sa kadupang nilan, lu ba su tanda nu Allah (a kapegkagaga) ka endu nilan katawan.

See all translations of this verse →

Surah An-Naml, Verse 53

وَأَنجَيْنَا ٱلَّذِينَ ءَامَنُوا۟ وَكَانُوا۟ يَتَّقُونَ

Filipino Translation (Maguindanaon) - Rowwad Translation CenterEndu linepas nami su manga bamaginugut endu magilek silan sa Allah.

See all translations of this verse →

Surah An-Naml, Verse 54

وَلُوطًا إِذْ قَالَ لِقَوْمِهِۦٓ أَتَأْتُونَ ٱلْفَٰحِشَةَ وَأَنتُمْ تُبْصِرُونَ

Filipino Translation (Maguindanaon) - Rowwad Translation CenterEndu su Lut, pidtalu nin kanu taw nin: maledsik i galebek nu, na sekanu na kailay nu bun.

See all translations of this verse →

Surah An-Naml, Verse 55

أَئِنَّكُمْ لَتَأْتُونَ ٱلرِّجَالَ شَهْوَةً مِّن دُونِ ٱلنِّسَآءِ بَلْ أَنتُمْ قَوْمٌ تَجْهَلُونَ

Filipino Translation (Maguindanaon) - Rowwad Translation CenterYa nu pegkaluman (a manga mama) na mama bun sa kyug na ginawa, di kena den su manga babay, sekanu a manga taw na manga jahil.

See all translations of this verse →

Surah An-Naml, Verse 56

فَمَا كَانَ جَوَابَ قَوْمِهِۦٓ إِلَّآ أَن قَالُوٓا۟ أَخْرِجُوٓا۟ ءَالَ لُوطٍ مِّن قَرْيَتِكُمْ إِنَّهُمْ أُنَاسٌ يَتَطَهَّرُونَ

Filipino Translation (Maguindanaon) - Rowwad Translation CenterDa pidtalu nu manga taw nin ya tabya: pa-awa nu su manga kadakel ni Lut sya sa dalpa nu a nya ka silan a manga taw a barasuti gayd.

See all translations of this verse →

Surah An-Naml, Verse 57

فَأَنجَيْنَٰهُ وَأَهْلَهُۥٓ إِلَّا ٱمْرَأَتَهُۥ قَدَّرْنَٰهَا مِنَ ٱلْغَٰبِرِينَ

Filipino Translation (Maguindanaon) - Rowwad Translation CenterNa linepas nami su Lut endu su kadakel nin ya tabya na su kaluma nin ka inamung nami kanu manga taw a nabinasa,

See all translations of this verse →

Surah An-Naml, Verse 58

وَأَمْطَرْنَا عَلَيْهِم مَّطَرًا فَسَآءَ مَطَرُ ٱلْمُنذَرِينَ

Filipino Translation (Maguindanaon) - Rowwad Translation CenterPinaulanan nami silan sa ulan a manga watu a ngin den i kawag in a ulan kanu manga taw a darwaka.

See all translations of this verse →

Surah An-Naml, Verse 59

قُلِ ٱلْحَمْدُ لِلَّهِ وَسَلَٰمٌ عَلَىٰ عِبَادِهِ ٱلَّذِينَ ٱصْطَفَىٰٓ ءَآللَّهُ خَيْرٌ أَمَّا يُشْرِكُونَ

Filipino Translation (Maguindanaon) - Rowwad Translation CenterEdtalu ka (Muhammad): su pugi na kanu Allah endu su sagyahatra na kanu manga ulipenin a pinamili nin, na ngintu su Allah i mapya ataw ka su barahala nilan?

See all translations of this verse →

Surah An-Naml, Verse 60

أَمَّنْ خَلَقَ ٱلسَّمَٰوَٰتِ وَٱلْأَرْضَ وَأَنزَلَ لَكُم مِّنَ ٱلسَّمَآءِ مَآءً فَأَنۢبَتْنَا بِهِۦ حَدَآئِقَ ذَاتَ بَهْجَةٍ مَّا كَانَ لَكُمْ أَن تُنۢبِتُوا۟ شَجَرَهَآ أَءِلَٰهٌ مَّعَ ٱللَّهِ بَلْ هُمْ قَوْمٌ يَعْدِلُونَ

Filipino Translation (Maguindanaon) - Rowwad Translation CenterSekanin (Allah) na binaluy nin su manga langit endu lupa endu pinatulun nin sa lekanu ebpun salangit i ig, na pinatu’ nami sabap kanu ig i manga pamulan a manga mapya i palas nin, di nu magaga i patun nu su manga kayu nin, na ngintu aden tagapeda nu Allah? Kena! Ka silan a manga taw na pedsibay.

See all translations of this verse →

Surah An-Naml, Verse 61

أَمَّن جَعَلَ ٱلْأَرْضَ قَرَارًا وَجَعَلَ خِلَٰلَهَآ أَنْهَٰرًا وَجَعَلَ لَهَا رَوَٰسِىَ وَجَعَلَ بَيْنَ ٱلْبَحْرَيْنِ حَاجِزًا أَءِلَٰهٌ مَّعَ ٱللَّهِ بَلْ أَكْثَرُهُمْ لَا يَعْلَمُونَ

Filipino Translation (Maguindanaon) - Rowwad Translation CenterSu Allah i minaluy kanu lupa a pedtakenan endu binaluy nin kanu lupa i manga ig endu binaluy nin i manga palaw a tigel endu binaluy nin i pageletan nu lagat endu tabang (sa di makadsimbul), dala kaped nu Allah ugayd na madakel sa kanilani di mataw.

See all translations of this verse →

Surah An-Naml, Verse 62

أَمَّن يُجِيبُ ٱلْمُضْطَرَّ إِذَا دَعَاهُ وَيَكْشِفُ ٱلسُّوٓءَ وَيَجْعَلُكُمْ خُلَفَآءَ ٱلْأَرْضِ أَءِلَٰهٌ مَّعَ ٱللَّهِ قَلِيلًا مَّا تَذَكَّرُونَ

Filipino Translation (Maguindanaon) - Rowwad Translation CenterSekanin i pedtalima kanu du’a nu nakasendud endu iyawa nin su mawag endu binaluy kanu nin a pamakadsukelya sya sa lupa, na dala man kaduwanu Allah, paydu gayd (kanu manga taw) i tumalima sa indawan sa lekanu.

See all translations of this verse →

Surah An-Naml, Verse 63

أَمَّن يَهْدِيكُمْ فِى ظُلُمَٰتِ ٱلْبَرِّ وَٱلْبَحْرِ وَمَن يُرْسِلُ ٱلرِّيَٰحَ بُشْرًۢا بَيْنَ يَدَىْ رَحْمَتِهِۦٓ أَءِلَٰهٌ مَّعَ ٱللَّهِ تَعَٰلَى ٱللَّهُ عَمَّا يُشْرِكُونَ

Filipino Translation (Maguindanaon) - Rowwad Translation CenterEndu sekanin (Allah) i pedtutulu sa lekanu kanu malibuteng sa kapuluwan endu lagat endu sekanin (Allah) i pedsugu sa sambel sa mapya i manggiginawa nu a gawna sa ulan, dala a benal kaduwa nu Allah, mahasuti su Allah kanu ipedsakutu nilan.

See all translations of this verse →

Surah An-Naml, Verse 64

أَمَّن يَبْدَؤُا۟ ٱلْخَلْقَ ثُمَّ يُعِيدُهُۥ وَمَن يَرْزُقُكُم مِّنَ ٱلسَّمَآءِ وَٱلْأَرْضِ أَءِلَٰهٌ مَّعَ ٱللَّهِ قُلْ هَاتُوا۟ بُرْهَٰنَكُمْ إِن كُنتُمْ صَٰدِقِينَ

Filipino Translation (Maguindanaon) - Rowwad Translation CenterEndu inebpunan nin su binaluy nin, mawli na pauliten nin sa ulyan na kapatay endu sekanin i pe-rizki sa lekanu ebpun sa langit endu lupa, dala kaduwa nu Allah, pambwat nu i tindeg nu amayka benal kanu.

See all translations of this verse →

Surah An-Naml, Verse 65

قُل لَّا يَعْلَمُ مَن فِى ٱلسَّمَٰوَٰتِ وَٱلْأَرْضِ ٱلْغَيْبَ إِلَّا ٱللَّهُ وَمَا يَشْعُرُونَ أَيَّانَ يُبْعَثُونَ

Filipino Translation (Maguindanaon) - Rowwad Translation CenterEdtalu ka (Muhammad): da mataw sa gayb kanu manga langit endu lupa ya tabya na su Allah endu di nilan magedam u kanu i kambwat nilan.

See all translations of this verse →

Surah An-Naml, Verse 66

بَلِ ٱدَّٰرَكَ عِلْمُهُمْ فِى ٱلْـَٔاخِرَةِ بَلْ هُمْ فِى شَكٍّ مِّنْهَا بَلْ هُم مِّنْهَا عَمُونَ

Filipino Translation (Maguindanaon) - Rowwad Translation CenterUgayd na dala magaws nu kataw nilan su akhirat, endu silan na penduwa-duwa kanu gay a mawli endu silan na timbang a pisek silan.

See all translations of this verse →

Surah An-Naml, Verse 67

وَقَالَ ٱلَّذِينَ كَفَرُوٓا۟ أَءِذَا كُنَّا تُرَٰبًا وَءَابَآؤُنَآ أَئِنَّا لَمُخْرَجُونَ

Filipino Translation (Maguindanaon) - Rowwad Translation CenterEndu pidtalu nu manga kafir: u nabaluy tanu a libubuk endu su manga lukes tanu na makambuwat tanu pamun?

See all translations of this verse →

Surah An-Naml, Verse 68

لَقَدْ وُعِدْنَا هَٰذَا نَحْنُ وَءَابَآؤُنَا مِن قَبْلُ إِنْ هَٰذَآ إِلَّآ أَسَٰطِيرُ ٱلْأَوَّلِينَ

Filipino Translation (Maguindanaon) - Rowwad Translation CenterEdtalu bun i namba sa lekami endu lu kanu kalukesan a nawna pan (sa lekitanu), ugayd na nan na inisulat bu a kalbutan.

See all translations of this verse →

Surah An-Naml, Verse 69

قُلْ سِيرُوا۟ فِى ٱلْأَرْضِ فَٱنظُرُوا۟ كَيْفَ كَانَ عَٰقِبَةُ ٱلْمُجْرِمِينَ

Filipino Translation (Maguindanaon) - Rowwad Translation CenterEdtalu ka (Muhammad) sa kanilan: lakaw kanu sya sa lupa ka endu nu madsuliman u ngin i ulyanan nu manga taw a baradusa.

See all translations of this verse →

Surah An-Naml, Verse 70

وَلَا تَحْزَنْ عَلَيْهِمْ وَلَا تَكُن فِى ضَيْقٍ مِّمَّا يَمْكُرُونَ

Filipino Translation (Maguindanaon) - Rowwad Translation CenterEndu di ka belidu i ginawa nengka sa kanilan endu di ka kabukulan (kagkaydan) kanu itungan nilan sa leka a mawag (tabangan nami seka).

See all translations of this verse →

Surah An-Naml, Verse 71

وَيَقُولُونَ مَتَىٰ هَٰذَا ٱلْوَعْدُ إِن كُنتُمْ صَٰدِقِينَ

Filipino Translation (Maguindanaon) - Rowwad Translation CenterEndu pedtalun nilan: kanu i kawma nin i namba (siksa endu gay a mawli) amayka benal kanu?

See all translations of this verse →

Surah An-Naml, Verse 72

قُلْ عَسَىٰٓ أَن يَكُونَ رَدِفَ لَكُم بَعْضُ ٱلَّذِى تَسْتَعْجِلُونَ

Filipino Translation (Maguindanaon) - Rowwad Translation CenterEdtalu ka sa kanilan: masupeg den sa lekanu su kaped kanu siksa a pedtagadan nu.

See all translations of this verse →

Surah An-Naml, Verse 73

وَإِنَّ رَبَّكَ لَذُو فَضْلٍ عَلَى ٱلنَّاسِ وَلَٰكِنَّ أَكْثَرَهُمْ لَا يَشْكُرُونَ

Filipino Translation (Maguindanaon) - Rowwad Translation CenterEndu su Kadenan nengka na egkuwan sa limu kanu manga manusya, ugayd na ya madakel sa kanilan i di masukur.

See all translations of this verse →

Surah An-Naml, Verse 74

وَإِنَّ رَبَّكَ لَيَعْلَمُ مَا تُكِنُّ صُدُورُهُمْ وَمَا يُعْلِنُونَ

Filipino Translation (Maguindanaon) - Rowwad Translation CenterEndu katawan u Kadenan nengka su bagedtik kanu laleb nilan endu su ipebpayag nilan.

See all translations of this verse →

Surah An-Naml, Verse 75

وَمَا مِنْ غَآئِبَةٍ فِى ٱلسَّمَآءِ وَٱلْأَرْضِ إِلَّا فِى كِتَٰبٍ مُّبِينٍ

Filipino Translation (Maguindanaon) - Rowwad Translation CenterEndu da masulen kanu dalem nu langit endu su lupa a di kena nakasulat bun kanu kitab (Lawh Al- Mahfuz) sa mapayag.

See all translations of this verse →

Surah An-Naml, Verse 76

إِنَّ هَٰذَا ٱلْقُرْءَانَ يَقُصُّ عَلَىٰ بَنِىٓ إِسْرَٰٓءِيلَ أَكْثَرَ ٱلَّذِى هُمْ فِيهِ يَخْتَلِفُونَ

Filipino Translation (Maguindanaon) - Rowwad Translation CenterNamba Qur’an na napanudtul nin kanu manga tupu nu Israel su madakel a di nilan bamagayunan.

See all translations of this verse →

Surah An-Naml, Verse 77

وَإِنَّهُۥ لَهُدًى وَرَحْمَةٌ لِّلْمُؤْمِنِينَ

Filipino Translation (Maguindanaon) - Rowwad Translation CenterEndu (Qur’an) na tutulu endu limu kanu mga bamaginugut.

See all translations of this verse →

Surah An-Naml, Verse 78

إِنَّ رَبَّكَ يَقْضِى بَيْنَهُم بِحُكْمِهِۦ وَهُوَ ٱلْعَزِيزُ ٱلْعَلِيمُ

Filipino Translation (Maguindanaon) - Rowwad Translation CenterSu Kadenan nengka i kumukum sa kanilan kanu hukuman nin endu sekanin (Allah) i mapulu a mataw.

See all translations of this verse →

Surah An-Naml, Verse 79

فَتَوَكَّلْ عَلَى ٱللَّهِ إِنَّكَ عَلَى ٱلْحَقِّ ٱلْمُبِينِ

Filipino Translation (Maguindanaon) - Rowwad Translation CenterNa salig ka sa Allah, nakadtimpawa ka sa bantang a mapya.

See all translations of this verse →

Surah An-Naml, Verse 80

إِنَّكَ لَا تُسْمِعُ ٱلْمَوْتَىٰ وَلَا تُسْمِعُ ٱلصُّمَّ ٱلدُّعَآءَ إِذَا وَلَّوْا۟ مُدْبِرِينَ

Filipino Translation (Maguindanaon) - Rowwad Translation CenterDi nengka makapapakikineg i (timbang) minatay endu su bisu kanu enggatan nengka amayka minawa (silan) na tinumaligkud.

See all translations of this verse →

Surah An-Naml, Verse 81

وَمَآ أَنتَ بِهَٰدِى ٱلْعُمْىِ عَن ضَلَٰلَتِهِمْ إِن تُسْمِعُ إِلَّا مَن يُؤْمِنُ بِـَٔايَٰتِنَا فَهُم مُّسْلِمُونَ

Filipino Translation (Maguindanaon) - Rowwad Translation CenterEndu di nengka matutulu su pisek kanu kinatading nin, nya nengka makapapakikineg na su bangimbenal kanu manga ayatan nami a pedsangkup silan (sa Allah).

See all translations of this verse →

Surah An-Naml, Verse 82

وَإِذَا وَقَعَ ٱلْقَوْلُ عَلَيْهِمْ أَخْرَجْنَا لَهُمْ دَآبَّةً مِّنَ ٱلْأَرْضِ تُكَلِّمُهُمْ أَنَّ ٱلنَّاسَ كَانُوا۟ بِـَٔايَٰتِنَا لَا يُوقِنُونَ

Filipino Translation (Maguindanaon) - Rowwad Translation CenterEndu amayka makawma i siksa sa kanilan na palyun nami sa kanilan i binatang ebpun sa lupa sa imbityala nin silan, sa namba a manga taw na dala papedtagan nilan kanu manga ayatan nu Allah.

See all translations of this verse →

Surah An-Naml, Verse 83

وَيَوْمَ نَحْشُرُ مِن كُلِّ أُمَّةٍ فَوْجًا مِّمَّن يُكَذِّبُ بِـَٔايَٰتِنَا فَهُمْ يُوزَعُونَ

Filipino Translation (Maguindanaon) - Rowwad Translation CenterEndu su gay a buligen nami kanu uman i ummat i manga tagapeda nin a napandalbut kanu ayatan nami, entuba su kangaunutan a darwaka.

See all translations of this verse →

Surah An-Naml, Verse 84

حَتَّىٰٓ إِذَا جَآءُو قَالَ أَكَذَّبْتُم بِـَٔايَٰتِى وَلَمْ تُحِيطُوا۟ بِهَا عِلْمًا أَمَّاذَا كُنتُمْ تَعْمَلُونَ

Filipino Translation (Maguindanaon) - Rowwad Translation CenterTaman sa u nakawma silan (kanu Allah) na edtalun nu Kadenan: pinandalbut nu su ayatan nami a da nu sabuti na sinangkan nu, na ngin i pinakaydan nu kanu manga suguwan ku?

See all translations of this verse →

Surah An-Naml, Verse 85

وَوَقَعَ ٱلْقَوْلُ عَلَيْهِم بِمَا ظَلَمُوا۟ فَهُمْ لَا يَنطِقُونَ

Filipino Translation (Maguindanaon) - Rowwad Translation CenterNakabetad sa kanilan su naraka sabap sa kadupang nilan, na silan na di den silan makadtalu.

See all translations of this verse →

Surah An-Naml, Verse 86

أَلَمْ يَرَوْا۟ أَنَّا جَعَلْنَا ٱلَّيْلَ لِيَسْكُنُوا۟ فِيهِ وَٱلنَّهَارَ مُبْصِرًا إِنَّ فِى ذَٰلِكَ لَـَٔايَٰتٍ لِّقَوْمٍ يُؤْمِنُونَ

Filipino Translation (Maguindanaon) - Rowwad Translation CenterNgintu da nilan katawi i binaluy nami su magabi sa kanilan a ibangintelenan nilan endu su malamag a kailay nilan, nadalem samba su manga tanda a kapegkagaga nu Allah kanu manga taw a bamaginugut.

See all translations of this verse →

Surah An-Naml, Verse 87

وَيَوْمَ يُنفَخُ فِى ٱلصُّورِ فَفَزِعَ مَن فِى ٱلسَّمَٰوَٰتِ وَمَن فِى ٱلْأَرْضِ إِلَّا مَن شَآءَ ٱللَّهُ وَكُلٌّ أَتَوْهُ دَٰخِرِينَ

Filipino Translation (Maguindanaon) - Rowwad Translation CenterEndu su gay a kayup kanu sanggakala na katekawan (makalesing) su dalam na langit endu lupa ya tabya na su kahanda nu Allah endu uman isa na makambwat a lusak silan.

See all translations of this verse →

Surah An-Naml, Verse 88

وَتَرَى ٱلْجِبَالَ تَحْسَبُهَا جَامِدَةً وَهِىَ تَمُرُّ مَرَّ ٱلسَّحَابِ صُنْعَ ٱللَّهِ ٱلَّذِىٓ أَتْقَنَ كُلَّ شَىْءٍ إِنَّهُۥ خَبِيرٌۢ بِمَا تَفْعَلُونَ

Filipino Translation (Maguindanaon) - Rowwad Translation CenterEndu antapen nengka su palaw na belenek, di kena (belenek) ka pakabayug a sambel, atulan nu Allah a mibpya-pya kanu enggaga-isa, su Allah na katawan nin i langun na penggulan nu.

See all translations of this verse →

Surah An-Naml, Verse 89

مَن جَآءَ بِٱلْحَسَنَةِ فَلَهُۥ خَيْرٌ مِّنْهَا وَهُم مِّن فَزَعٍ يَوْمَئِذٍ ءَامِنُونَ

Filipino Translation (Maguindanaon) - Rowwad Translation CenterSu taw a mapya i napananggit nin, na muna pan i kapya na balas a makwa nin endu di silan katekawan (makalesing) kanu kayup kanu sanggakala.

See all translations of this verse →

Surah An-Naml, Verse 90

وَمَن جَآءَ بِٱلسَّيِّئَةِ فَكُبَّتْ وُجُوهُهُمْ فِى ٱلنَّارِ هَلْ تُجْزَوْنَ إِلَّا مَا كُنتُمْ تَعْمَلُونَ

Filipino Translation (Maguindanaon) - Rowwad Translation CenterEndu su taw a ya nin napananggit na malat na ipedsumek silan kanu naraka, dala pembalasan ya tabya endaw i pinggalebek nu (sa dunya).

See all translations of this verse →

Surah An-Naml, Verse 91

إِنَّمَآ أُمِرْتُ أَنْ أَعْبُدَ رَبَّ هَٰذِهِ ٱلْبَلْدَةِ ٱلَّذِى حَرَّمَهَا وَلَهُۥ كُلُّ شَىْءٍ وَأُمِرْتُ أَنْ أَكُونَ مِنَ ٱلْمُسْلِمِينَ

Filipino Translation (Maguindanaon) - Rowwad Translation Center(Edtalu ka Muhammad): saki na sinugu aku sa simban ku i Kadenan u nya ba a dalpa (Makkah) a pinagadatan nin endu lekanin (Allah) i langun a enggaga-isa endu sinugu aku sa saki i muna semangkup sa Allah.

See all translations of this verse →

Surah An-Naml, Verse 92

وَأَنْ أَتْلُوَا۟ ٱلْقُرْءَانَ فَمَنِ ٱهْتَدَىٰ فَإِنَّمَا يَهْتَدِى لِنَفْسِهِۦ وَمَن ضَلَّ فَقُلْ إِنَّمَآ أَنَا۠ مِنَ ٱلْمُنذِرِينَ

Filipino Translation (Maguindanaon) - Rowwad Translation CenterEndu batyan ku sa lekanu su Qur’an, na su taw a naginuntulan na ginawa nin (i pibpyapyanan nin), su midtadingan menem na edtalu ka (Muhammad) sa kanilan: saki na kuyug aku kanu manga sinugu.

See all translations of this verse →

Surah An-Naml, Verse 93

وَقُلِ ٱلْحَمْدُ لِلَّهِ سَيُرِيكُمْ ءَايَٰتِهِۦ فَتَعْرِفُونَهَا وَمَا رَبُّكَ بِغَٰفِلٍ عَمَّا تَعْمَلُونَ

Filipino Translation (Maguindanaon) - Rowwad Translation CenterEndu edtalu ka (Muhammad): Alhamdulillah, ka ipailay nami sa lekanu su manga ayat in, na katawan nu (i namba), dala sa Kadenan nengka i limpang sa galebekan nu.

See all translations of this verse →

Looking for a topic? Try the meaning search — your question is scanned across all 6,236 verses. →
Language — 70