Fulani Translation - Rowwad Translation CenterPellet, Fir'awna townitino ka leydi; o waɗi yimɓe mayri ndin pecce-pecce: homo lo'ina fedde goo e maɓɓe, o hirsa ɓiɓɓe maɓɓe worɓe ɓen o acca rewɓe maɓɓe ɓen. Pellet, ko e bonnooɓe ɓen o jiyanoo.
Fulani Translation - Rowwad Translation CenterMiɗen faandinoo moƴƴagol e lo'inanooɓe ɓen ka leydi; Min mbaɗa ɓe koohooɓe, Min mbaɗa ɓe kadi ronooɓe ɓen.
Fulani Translation - Rowwad Translation CenterMin mbhayini e yumma Muusaa, wonn'de: "Muynin mo". Si a hulanoyii mo, ko yo a bugoyo mo ka maayo. Wata a hulu, wata a suno; pellet, Men ruttay mo ka maaɗa, Min mbɗoya mo gooto e Nulaaɓe ɓen".
Fulani Translation - Rowwad Translation CenterDebbo Fir'awna on wi'i: "(Kun entum ko) ɓuuɓeendi gite am e an kadi! Wota on war mo, hino gasa ka o nafata en, maa jogitoren mo ɓiɗɗo". Hari ɓe so'aani.
Fulani Translation - Rowwad Translation CenterƁernde yumma Muusaa nden wonti yeewnde. Haa o eɓɓi feññin'de fii makko, si wonaano Min tabintinnde ɓernde makko nden, fii yo o laato e gooŋɗinɓe ɓen.
Fulani Translation - Rowwad Translation CenterMin karminani mo ko adii, (enɗi) muynirɗi ɗin, (banndiraawo makko on) mbi'i: "On ngaccat mi tinndina on fii yimɓe suudu, ɓe ne'ana on mo, hara kadi ko laaɓanat ɓe mo?"
Fulani Translation - Rowwad Translation CenterMin ndtti mo ka yumma makko, fii yo ɓernde makko ɓuuɓu, hara o sunaaki, e fii yo o anndu pellet, fodoore Alla nden, ko goonga. Kono ɓurɓe ɗuuɗude e maɓɓe ngaanndaa.
Fulani Translation - Rowwad Translation CenterNde o yottinoo sagatalaaku makko ngun, o fotondi- ri, Min ngokki mo faamu e ganndal. Ko wano non Min njoɓirta moƴƴinooɓe ɓen.
Fulani Translation - Rowwad Translation CenterO naatiri e saare nden, feewndo welsindaare yimɓe mayre; o tawi worɓe ɗiɗo no haɓa ton: goɗɗo on ko jiyaaɗo e leñol makko, oya on ko jiyaaɗo e ayɓe makko ɓen. Jeyaaɗo e leñol makko ngol ɗaɓɓiri faabo e hoore jiyaaɗo e gaño makko on. Muusaa uttii mo, nde gayni fii makko. [Muusaa] maaki: "Ɗum ɗoo, ko jiyaaɗum e kuuɗe seytaane. Pellet, ko o gaño, majjinoowo ɓannguɗo".
Fulani Translation - Rowwad Translation CenterO maaki: "Joomi am, mi tooñii hoore-am; haforanam." O haforani mo. Pellet, ko Kaŋko woni Haforoowo, jurmotooɗo On.
Fulani Translation - Rowwad Translation CenterO wonti kulɗo ka saare, homo habbii [nanngeede]. Tawi faabinornooɗo mo on hanki, homo faabinora mo [hannde kadi]. Muusaa maakani mo: "Pellet, ko a bewɗo ɓannguɗo".
Fulani Translation - Rowwad Translation CenterNde Muusaa faandinoo nanngugol tawɗo on ko gaño maɓɓe kamɓe ɗiɗo, o wi'i: "ey ma yo Muusaa, a faala bargol lam, wano ittirnoɗaa woŋkii non haŋki? A faandaaki, si wonaa wonugol dunndarankeejo ka leydi, a faandaaki jeyeede e moƴƴinooɓe ɓeen".
Fulani Translation - Rowwad Translation CenterGorko iwri ka ɓuri woɗɗude e saare nden, homo yaccoo, o wi'i: "eey ma Muusaa, mbatu ngun no fewjana fii bargol maa. Yaltu (e leydi ndin). Ko mi jiyaaɗo e laaɓanooɓe ma".
Fulani Translation - Rowwad Translation CenterO yarnani ɓe [dammi ɗin], refti o huccitiri ka ɗowdi, o maaki: "Joomi am, min ko njippinɗaa e am woo e moƴƴere, ko mi katonjiɗo".
Fulani Translation - Rowwad Translation CenterGooto e [jiwɓe] ɓen ari e makko, homo yahra hersa, o wi'i: "Baaba am no nodde, fii yo o yoɓe njoɓdi kon ko njarnan-ɗaa men". Tuma o hewtunoo ka [mawɗo] on, o sifanii mo fii [makko], o maaki: "Wota a hul, a daɗii yimɓe tooñooɓe ɓen".
Fulani Translation - Rowwad Translation CenterGooto e [jiwɓe] ɓen wi'i: "Ƴettu mo golle, yo baaba. Pellet, ko ɓuri moƴƴude e mo ƴettataa golle, ko doolnuɗo koolniiɗo".
Fulani Translation - Rowwad Translation Center[Mawɗo] on maaki: "Miɗo yiɗi desingol ma gooto e jiwɓe am ɓen ɗoo ɗiɗo, e hoore yo a golla-nam duuɓi jeetati. Si a timminii sappo, haray ko e sago maa; mi faalaaka saɗtinannde ma. A tawat kam, si Alla jaɓii, ko e moƴƴinooɓe ɓen mi jeyaa".
Fulani Translation - Rowwad Translation Center[Muusaa] maaki: "Ɗum wonii hakkunde am e mon. Happu woo e majji ɗiɗi, ɗi mi huuɓni, haray ɓiɗteede alanaa e kam. En waɗii Alla pawtiiɗo e ko wowluɗen kon".
Fulani Translation - Rowwad Translation CenterNde Muusaa timminnoo happu ngun, o yahdi e ɓeydnuure makko, o haynii yiite ka senngo (fello) Tuuri, o maaki ɓeunguure makko nden: "ngonee ɗoo, min mi haynike yiite. Mbelejo'o mi addana on e magge kumpital maa te'annde(docotal) yiite ngen, mbelejo'o itworon".
Fulani Translation - Rowwad Translation CenterNde o heewtunoo nge, o noddiraa ka fonngo ñaamo aynde, ka tummbere barkinaande, ka (takko) lekki, won'nde: "eey ma Muusaa! Ko Miin woni Alla, Jeyɗo winndere nden".
Fulani Translation - Rowwad Translation CenterKadi: "Bugo tuggordu maa ndun"; nde o tinunoo hundu dillira wa mboddi,o huccitiri dogudu, o yeƴƴitaaki. [O noddaa]: "Ko an yo Muusaa! Artu, wota a hul; ko a jiyaaɗo e hooliiɓe ɓeen.
Fulani Translation - Rowwad Translation CenterNaatnu juungo maa ngon ka jayba maa, ngo yaltat ranewo, ko aldaa e ñawu. Bakaa e maaɗa, juuɗe maa ɗen, fii kulol ngol. Ɗiin ko hujjaaji ɗiɗi, immorde ka Joomi maa, haa e Fir'awna e dental mum, pellet, ɓeen laatike yimɓe faasiqiiɓe".
Fulani Translation - Rowwad Translation CenterKo musiɗɗo am on Haaruuna, ɓuri kam laaɓude ɗemngal. Immindin-mo e am, ko ballitoo kam, gooŋɗiam-mi; miɗo huli nde ɓe fennata kam".
Fulani Translation - Rowwad Translation Center[Alla] daali: "Min cemmbinirat tere maa ɗen, musiɗɗo maa on, Min mbaɗana on hujja (e cemmbe); ɓe hewtirtaa on ɗiɗo, sabu aayeeje Amen ɗe [Min nuli e] mo'on, e ɓen jokkuɓe on foolɓe".
Fulani Translation - Rowwad Translation CenterMuusaa maaki: "Ko Joomi am ɓuri anndude on arduɗo e peewal, immorde to makko, e on mo battane moƴƴe woodani ka La'akara. Pellet, O malnataa tooñooɓe ɓen".
Fulani Translation - Rowwad Translation CenterFir'awna wi'i: "eey mon dental, mi anndanaa on deweteeɗo, si wonaa min. Eey ma yo Haamaana, huɓɓinanam [yiite] e loopal ngal, mahiranaa kam huɓeere toownde, no gasa ka mi ƴellitoo e Deweteeɗo Muusaa On; tawde miɗo sikki mo e fenooɓe ɓen".
Fulani Translation - Rowwad Translation CenterO townitii ka leydi, kaŋko e koneeli makko ɗin, ko aldaa e goonga. Ɓe cikki won'de ɓe ruttitetaako ka Amen.
Fulani Translation - Rowwad Translation CenterMen nanngi mo, kaŋko e koneeli makko ɗin, Min mbugii ɓe ka maayo. Tasko, ko honno battane tooñɓe ɓen mba'unoo.
Fulani Translation - Rowwad Translation CenterGooŋɗii Min ngokkii Muusaa Deftere nden, ɓaawo nde Min kalkunoo gire arane ɗen, ko nde ndayginorde yimɓe ɓen, e peewal e yurmeende. Mbelejo'o, ɓe mbaajitorat.
Fulani Translation - Rowwad Translation CenterA tawanooka ka senngo hiirnaange, fewndo Min mbahyinnoo e Muusaa yamiroore nden, a jeyanooka kadi e seediiɓe ɓen.
Fulani Translation - Rowwad Translation CenterA tawanooka ka senngo Fello Tuuri, fewndo Min noddunoo; ko yurmeende immorde ka Joomi maa [woni ko Min nulir-maa], fii no njeertiniraa yimɓe, ɓe reentinoowo araali e maɓɓe, ado maaɗa, mbelejo'o, ɓe mbaajitoto.
Fulani Translation - Rowwad Translation CenterSi wonaano fii yo lepte yanir e maɓɓe, sabu ko juuɗe maɓɓe ardini, ɓe wi'ayno: "Joomi amen, ko haɗno imminaa Nulaaɗo e amen? Min njokka nun aayeeje Maa ɗen, men njeyee e gooŋɗimɓe ɓen".
Fulani Translation - Rowwad Translation CenterNde o addirannooɓe goonga kan, immorde ka amen, ɓe mb'i: "Ko haɗno o okkee yeru ko Muusaa okkanoo kon?" Kere ɓe njeddaano ko Muusaa okkanoo kon ko adii? Ɓe mbi'i'i: "Ko bileeji ɗiɗi, ɗi no wallindira!" Ɓe mbi'i kadi: "Ko min yedduɓe fof e mun".
Fulani Translation - Rowwad Translation CenterMaaku: "ngadee deftere immorde ka Alla, hara hende ɓuri ɗee ɗiɗi feewde, mi jokkaynde, si on laatike goongunɓe".
Fulani Translation - Rowwad Translation CenterSi nde janngaama e dow maɓɓe, ɓe mbi'a: "Min ngooŋɗinii nde. Ko nde goonga immorde ka Joomi amen. Pellet min woniino jebbiliiɓe, ado mayre".
Fulani Translation - Rowwad Translation CenterƁeen ɗon, ɓe jonniroyte njoɓdi maɓɓe ndin, laabi ɗiɗi, sabu ko ɓe muñinoo kon, heɓe nduñiraynoo moƴƴere nden, bone on, e hu'unde nde Min ngarsiki ɓe nden, heɓe nafqa.
Fulani Translation - Rowwad Translation CenterPellet, an (Nulaaɗo), a feewnata mo njiɗɗaa; kono Alla no feewna on Mo O muuyi. Ko Kaŋko ɓuri anndude feewɓe ɓen.
Fulani Translation - Rowwad Translation CenterƁe mbi'i: "Si min njokkidii peewal ngal e maa, men biftete ka leydi amen". E Min hoɗiniraali ɓe e nokku horminaaɗo, koolniiɗo, mo dimɗe noone kaka addetee e mun, arsike immorde ka Amen? Si ko woni, ko ɓuri ɗuuɗude e maɓɓe, ɓe nganndaa.
Fulani Translation - Rowwad Translation CenterƊuuɗii ko Min kakli, e yimɓe ca'e, bewrunooɓe nguuree mum, e homo non galleeji maɓɓe ɗin, koɗiraaka ɓaawo maɓɓe, si wonaa seeɗa. Min laatii wonn'de ronooɓe ɓeen.
Fulani Translation - Rowwad Translation CenterJoomi maa siforaali won'de kalkoowo yimɓe ca'e, haa O immina e leñol maɓɓeɗen, Nulaaɗo, ko janngana ɓe aayeeje Amen ɗen. Min siforaali kadi kalkugol yimɓe ca'e, si wonaa hara yimɓe majje ko tooñuɓe.
Fulani Translation - Rowwad Translation CenterKala ko ngokkaɗon e hu'unde, ko dakamme nguurndam aduna e cuɗaari mun; ko ko woni ka Alla kon, ɓuri moƴƴude, woni kadi ko luttata. E on haqqiltaa?
Fulani Translation - Rowwad Translation CenterEey mon Min podi fodaari moƴƴuri, ndi o hawrata e mu'un, wa'ata wa on mo Min ndakmitiri dakamme nguurndam aduna, refti hara kaŋko on, Ñalnde Darngal, ko e tawneteeɓe (ka Yiite) ɓen o jeyaa?
Fulani Translation - Rowwad Translation CenterƁen ɓe Konngol jojji e Mu'um wi'a: "Joomi amen, ko ɓee ngoni ko min bewinnoo. Min bewinirno ɓe, wano men bewirnoo. Min daɗndinike e Maaɗa. Wonaa minen ɓe ndewatnoo".
Fulani Translation - Rowwad Translation CenterJoomi maa no taga ko o muuyi, O suɓoo; suɓagol alanaa ɓe. Senaade woodanii Alla! O toowii e kon ko ɓe cirkata!
Fulani Translation - Rowwad Translation CenterKo Kaŋko Alla woni, Mo deweteeɗo alaa, si wanaa Kaŋko. Ko Kaŋko jettooje nhoodani aduna e La'akara. Hino woodani Mo ñaawoore nden. Ko ka Makko rutteteɗon.
Fulani Translation - Rowwad Translation CenterMaaku: "njeewtee kam, Si Alla waɗiranii on jemma on, duumiiɗo haa Ñande Darngal, ko deweteeɗo hommbo, tanaa Alla, addanta on ndayngu? E on nanataa?"
Fulani Translation - Rowwad Translation CenterMaaku: "njeewtee kam, Si Alla waɗiranii on ñalorma on, duumiiɗo haa Ñande Darngal, ko deweteeɗo hommbo, tanaa Alla, addanta on jemma, mo deeƴoton e mun? E on nji'ataa?"
Fulani Translation - Rowwad Translation CenterHino jeyaa e yurmeende Makko, O waɗiranii on jemma e ñalawma; fii no deeƴiron e (jemma) on, e no ɗaɓɓiron ( e ñalawma on), ɓural makko, e no mbelajo'o njettiron [Mo] .
Fulani Translation - Rowwad Translation CenterMin ɗoofi e kala mofte, seedotooɗo, Min mbi'a: "ngddee hujjaajji mon ɗin". Ɓe ngnndi wonn'de goonga kan, ko Alla woodani; ko ɓe fekindotonoo kon majjitora ɓe.
Fulani Translation - Rowwad Translation CenterPellet,Qaaruuna ko e yimɓe Muusaa ɓen jeyanoo,kono o bewi e maɓɓe.Min ngokki mo ngaluuji tawat-ɗi coktirɗe mum,no teddana jamaa doolnuɗo.Nde yimɓe makko ɓeen,mbiatno mo:Wata a weltor townitaare.Pellet Alla yiɗaa weltortooɓe toownitaare.
Fulani Translation - Rowwad Translation CenterƊaɓɓir ko Alla okku-maa kon, galle laakare ɗen. Wota a yejjit geɗal maa ngal aduna. Moƴƴir no Alla moƴƴorii non e maaɗa. Wata a ɗaɓɓu bonnugol ka leydi. Anndu pellet, Alla yiɗaa bonnooɓe ɓen".
Fulani Translation - Rowwad Translation CenterO wi'i: "Ko mi okkiraa ɗum, ko e hoore ganndal ngal mi jogii". E o anndaa wonn'de gooŋɗii Alla kalkiino gire, adiiɓe mo, ɓurɓe doole, ɓuri mo ɗuuɗude jawle? Ɓe lamndoytaake fii bakkaat maɓɓe, kamɓe bomɓe ɓen!
Fulani Translation - Rowwad Translation CenterO yaltitiri e yimɓe makko ɓen, cuɗaari makko ndin. Yiɗuɓe nguurndam aduna ɓen mbi'i: "Hara nun min keɓayno sugu koo ko Qaaruuna okkaa. Kaŋko on, pellet, ko o jom-geɓal mawnungal".
Fulani Translation - Rowwad Translation CenterOkkaaɓe ganndal ɓen kan mbi'i: "Ee bone mon! Ko mbarjaari Alla ndin ɓuri moƴƴannde on gooŋɗinɗo o golli ko moƴƴi". Kono hawrataa e ɗuum, si wonaa muññiiɓe ɓen.
Fulani Translation - Rowwad Translation CenterMin mutindini mo e galle makko ɗen, ka leydi. Fedde woo alanaa mo, ko paaboo mo gaanin Alla, o wonaano paabotooɗo hoore-mum.
Fulani Translation - Rowwad Translation CenterƁen yelinooɓe nokku makko on haŋki mum, ɓe mbaɗti wiide: "Ee bone! Alla no wertana arsike on, Mo O muuyani e jiyaaɓe Makko ɓen, O ɓiɗtinana [Mo O muuyani]. Si wonaa Alla moƴƴinoo e amen, O mutinayno men. Ee bone! Jaka O malnataa yedduɓe ɓen".
Fulani Translation - Rowwad Translation CenterKala garduɗo e moƴƴere, hino woodani mo ko ɓuri nde moƴƴude; kala kadi garduɗo e bonannde, (yo o anndu) huuwuɓe bonɗi ɗin yoɓetaake, si wanaa ko ɓe huuwaynoo kon.
Fulani Translation - Rowwad Translation CenterPellet, jippinɗo Alqur'aana on e maaɗa, ko duttoo-wo ma ka woowaandi maa. Maaku: "Ko Joomi am ɓuri anndude arduɗo e peewal, e gonɗo e majjere ɓanngunde".
Fulani Translation - Rowwad Translation CenterA wonaano tamƴininooɗo jippineede deftere nden e maaɗa. Si wonaa tun, ko yurmeende immorde ka Joomi maa. Wota won muk, balloowo heeferɓe ɓen.
Fulani Translation - Rowwad Translation Centerwota ɓe palo ma kadi e aayeeje Alla ɗen, ɓaawo ɗe jippineede e maaɗa. Noddu (yimɓe ɓen) fa'ade e Joomi maa, wota a won muk, jiyaaɗo e sirkooɓe ɓen.
Fulani Translation - Rowwad Translation CenterWota a rewudu e Alla, deweteeɗo goo. Deweteeɗo goo alaa, si wonaa Kaŋko. Hu'unde fof re'ay, si wonaa Jaati Maako Kin. Ko Kaŋko woodani ñaawugol; ko ka Makko kadi ndtteteɗon.