Fulani Translation - Rowwad Translation CenterHeɓe laɓndo maa fii konhoyri. Maaku : "Konhoyri ndin ko Alla e Nulaaɗo Makko on njeyi". Kulee Alla, moƴƴinon hakkunde mon ɗoftoɗon kadi Alla e Nulaaɗo makko on si on laatike gooŋɗinɓe.
Fulani Translation - Rowwad Translation CenterPellet, gooŋɗinɓe ɓen, ko ɓeen ɓe (tawata) si Alla jaŋtaama, ɓerɗe maɓɓe ɗen kulay. Si Aayeeje makko ɗen janngaama e maɓɓe, ɗe ɓeyda ɓe gooŋɗinal. Ko e Joomi maɓɓe (tan) ɓe pawotoo.
Fulani Translation - Rowwad Translation CenterƁeen ɗoon, ko kamɓe ngoni gooŋɗinɓe ɓe ka goonga : hino woodani ɓe darjaaji ka Joomi maɓɓe, e yaafuye e arsike tedduɗo.
Fulani Translation - Rowwad Translation CenterKo wano Joomi maa yaltinirno maa non ka suudu maa sabu goonga, (tawi non) pellet, fedde e gooŋɗinɓe ɓeen ko añuɓe (ɗum).
Fulani Translation - Rowwad Translation CenterHeɓe mbeeñd maa fii goonga kan ɓaawo nde ka feeñi ; elle ko ɓe soggeteeɓe fa'ade maayde hara kamɓe heɓe ndaara (nde).
Fulani Translation - Rowwad Translation Center(Siftor) tuma nde Alla fodanoo on gootel e peɗle ɗiɗi, won de "gootel e majji ko onon woodani, hoɗon njiɗa sinno ko fedde nde alaa doole nde laatantoo on, (tawi) Alla no yiɗi nde O jojjin de goonga o ekonngii makko he taƴa ɓabbe heeferaaɓe ɓeen.
Fulani Translation - Rowwad Translation Center(Siftor) tuma nde paabinoranoɗon Joomi mon o jaabinani on : "min ko mi ɓeydiroowo on ujunere e maleykaaji jokkondirooɓe".
Fulani Translation - Rowwad Translation CenterAlla waɗiraali ɗuum si wonaa weltaare-e fii no ɓerɗe mon deeƴira ɗuum. Balla wonaani si wonaa immorde ka Alla. Pellet, Alla ko pooluɗo Ñeeñɗo.
Fulani Translation - Rowwad Translation CenterE Tuma nde ŋoŋre nden hippaynoo on hoolaare immorde ka makko, Homo Jippinana on ndiyam immorde ka kammu fii yo o laɓɓinir on ɗam, O ittana on soɓe seytaane, e fii yo O tiiɗinir (ɗum) e ɓerɗe mon O tabintinira ɗam teppe [mon] ɗen.(teppe)
Fulani Translation - Rowwad Translation CenterTuma nde Joomi maa wahyinaynoo e maleykaajiɗi : "Min miɗo won di e mo'on : tabintinee gooŋɗinɓe ɓen. Arma Mi bugoo ɗenƴere(kulol ) e ɓerɗe heeferɓe ɓen. Tappee dow daaɗe ɗeen tappon e maɓɓe kala wunnjere.(jokkule)
Fulani Translation - Rowwad Translation CenterƊuum, ko fii kamɓe ɓe luutndike Alla e Nulaaɗo makko on. "Kala non luutndiiɗo Alla e Nulaaɗo makko on, pellet, Alla ko caɗtuɗo lepte".
Fulani Translation - Rowwad Translation CenterEeheymon yo gooŋɗinɓe, si on kawrii e ɓeen heeferɓe ko ɓe mooɓiiɓe, wata on nduŋton ɓe ɓabbe ɗeen(.ndogon)
Fulani Translation - Rowwad Translation CenterKala duŋtiiɗo ɓe nden ñande (ɓabbal mu'un), -si wonaa hara ko on keɓɓitantooɗo hare nden, maa hara ko ukkitotooɗo e fedde, -gooŋɗii haray o ruttodii e tikkere immorde ka Alla, jaaƴorde maɓɓe nden ko Jahannama nge bonii ruttorde!
Fulani Translation - Rowwad Translation CenterOn mbaraano ɓe : Ko Allaahu On wari ɓe. A werninooki tuma mberniɗaa : Ko Allaahu On wernii, e fii yo O jarribor gooŋɗinɓe ɓeen immorde ka makko jarrabuyee moƴƴuɗo. Pellet, Alla ko Nanoowo gannduɗo.
Fulani Translation - Rowwad Translation CenterSi on ɗaɓɓii uddital, gooŋɗii uddital arii on. Si on haɗitike, ko ɗuum ɓuri moƴƴannde on. Si on nduttiima, men nduttoo. Fedde mon nden nafataa on hay e huunde, hay si nde ɗuuɗii. tawde pellet, Alla no won di e gooŋɗinɓe ɓeen.
Fulani Translation - Rowwad Translation CenterSinno Alla annduno e maɓɓe moƴƴere, O naninayno ɓe. Hay si O naninno ɓe, ɓe nduŋtotoo hara ko ɓe ɗuurnii ɓe.
Fulani Translation - Rowwad Translation CenterEeheymon yo gooŋɗinɓe, Nootee Alla e Nulaaɗo on si ɓe noddii on fi ko wuurnata on (e goonga), nganndee pellet, Alla no heeda hakkunde neɗɗo e ɓernde mum, e won de pellet, ko ka Makko mooɓoyteɗon.
Fulani Translation - Rowwad Translation CenterCiftoree tuma ngonndoɗon famɗuɓe, lo'inaaɓe ka leydi, hoɗon kula nde yimɓe ɓen jilotoo on. O weerni (tappion), O semmbiniri on ballal makko ngal, O arsiki on immorde e laaɓuɗi mbelejo'o, on njettatmo e( dokke makko ɗe).
Fulani Translation - Rowwad Translation CenterEehey mon gooŋɗinɓe, si on kulii Alla, O waɗanay on ceerndirɗum (goonga e meere), O heefana on bakkatuuji mon O haforana on. Alla ko Jom-ɓural mawnungal.
Fulani Translation - Rowwad Translation Center(siftor) tuma nde heeferɓe ɓeen fewjanayno maa fii yoɓe nannguma maa, ɓe mbar maa, ɓe njaltinmaa. Heɓe pewja, Alla no fewja. Ko Alla ɓuri moƴƴude fewjooɓe ɓeen.
Fulani Translation - Rowwad Translation CenterE tuma ɓe mbiunoo : "Yaa Alla, si tawii ko ɗum woni goonga immorde ka Maaɗa, haray saaƴin kaaƴe e amen immorde ka kammu, maa addanaa men lepte mu'usuɗe".
Fulani Translation - Rowwad Translation CenterJuulde maɓɓe nden ka Suudu wonaani, si wonaa guuɗgol e kellugol : "Meeɗiree lepte ɗen sabu ko njeddiratoɗon kon".
Fulani Translation - Rowwad Translation CenterFii yo Alla senndindir soɓe ɗen e ko laaɓi kon, O waɗa soɓe ɗen yoga mum e dow yoga, O fawindira ɗum fof O waɗta ɗum ka ndeer Jahamma. ko ɓeen ɗoon ngoni hayruɓe(pertuɓe.)ɓe
Fulani Translation - Rowwad Translation CenterKaɓee ɓe haa ka tawata fitina laatotaako, diine kan fof laatanoo Alla. Si ɓe haɗitike, haray pellet, Alla ko deenɗo ko ɓe ngollata kon.
Fulani Translation - Rowwad Translation Centerngandee won de kala ko hoɗon e huunde, pellet, hino woodani Alla e Nulaaɗo makko on jowaɓal mum., e jom-ɓadondiral, e won ɗuɓe (Alyatimeebe) ɓeen, e waasuɓe ɓeen, (ɗatniyaŋkooɓe)tumaraŋkuɓe si on laatike gooŋɗinɓe Alla e kon ko minn njippini e jeyaaɗo amen oon, Ñande ceertugol (goonga e fenaande): ñande dente ɗeen ɗiɗi pottunoo. Alla ko kattanɗo kala hu'unde.
Fulani Translation - Rowwad Translation CenterNde tawnoo onon hoɗon ka baŋŋe ɓaɗtiiɗe, kamɓe (añɓe ɓen) hiɓe ka baŋŋe woɗɗitiiɗe, tawi waɗɗiiɓe ɓen no senngo ley mon. Sinno on saatondirno(,podondirno) on luutondiratno ka caate(.nokkuhe) Ko no ko fii yo Alla ñaaw fiyaaku laatinooɗo golleteeɗo, fii yo maayowo maayu e ko ɓanngi, (laaɓti)guuroowo wuura e ɓanngi.(laaɓti) E pellet, Alla ko Nanoowo gannduɗo.
Fulani Translation - Rowwad Translation CenterTuma nde Alla hollayno maa ɓe ka ɗoyngol maaɗa ko ɓe seeɗaaɓe. Sinno O holluno ɓe ko ɓe ɗuuɗuɓe, on lo'ayno, on pooɗindiryno kadi e fiyaaku on. Kono Alla hisini. Pellet, Kaŋko ko o gannduɗo ko woni e ɓerɗe ɗeen.
Fulani Translation - Rowwad Translation CenterE tuma nde Alla hollatnoo on ɓe, nde pottunoɗon, ko ɓe seeɗaaɓe e gite mon, Homo famɗina on kadi e gite maɓɓe fii yo Alla ñaawo fiyaaku laatinooɗo golleteeɗo. Ko faade ka Alla woni ruttorde fiyakuuji ɗiin.
Fulani Translation - Rowwad Translation CenterEeymono gooŋɗinɓe, si on pottii e fedde (añɓe ɓe), tabitee, jaŋtoɗon Alla ko ɗuuɗi=heewi; mbelejo'o, on malete.
Fulani Translation - Rowwad Translation CenterƊoftee Alla e Nulaaɗo makko on, wata on pooɗondir sakko lo'on doole mon njaha. muññee, pellet, Alla no won di e muññiiɓe ɓe.
Fulani Translation - Rowwad Translation CenterWata on mbano'u wa ɓeen yaltirnooɓe ka galleeji maɓɓe townitaare e yiinagol yimɓe, heɓe paddo e laawol Alla ngol. Alla noon ko piiltiiɗo ko ɓe ngollata.
Fulani Translation - Rowwad Translation CenterE tuma nde seytaane cuɗaynnoo ɓe golle maɓɓe ɗen o wi'i: "pooloowo on alaa hannde e yimɓe ɓe, min non ko mi kawtal mo'on". Nde peɗle ɗiɗi njiadirnoo, o yiltorii gaɗa teppe makko o wi'i: "min ko mi daɗndiiɗo(kisɗo) e mon. min miɗo yi'a ko on nji'ataa, miin mi hulii Alla. Alla ko caɗtuɗe lepte".
Fulani Translation - Rowwad Translation CenterTuma nde naafigeeɓe ɓen e ɓen ɓe ñawu [lo'ere iimaanu] wonu e ɓerɗe mun mbi'atnoo : "diine ɓee ɗoo kan hodii ɓe". Kala non pawiiɗo e Alla, pellet, Alla ko pooluɗo Ñeeñuɗo.
Fulani Translation - Rowwad Translation CenterWano mboowdi yimɓe Fir'awna e ɓen adinooɓe ɓe. Ɓe njeddii kaawisaaji Alla ɗin. Alla Nanngitiri ɓe bakkatuuji maɓɓe ɗin. Pellet, Alla ko Tiiɗuɗo caɗtuɗo lepte.
Fulani Translation - Rowwad Translation Center(Ko waɗi) ɗum, ko tawde Alla wonaani bayloowo dokke mo rokki e yimɓe haa ɓe mbayla ko woni e woŋkiiji maɓɓe. E wonnde pellet, Alla ko Nanoowo gannduɗo.
Fulani Translation - Rowwad Translation CenterAmmaa si a hulii e yimɓe jamfa, bugita(werla) e maɓɓe (firtugol ahadi ndin) dow potondiral, tawde pellet, Alla yiɗaa jamfotooɓe ɓeen.
Fulani Translation - Rowwad Translation CenterKeplanee(heblanee) ɓe kala ko kattanɗon e doole e pucci kebilaaɗi, kulɓiniron ɗuum añɓe Alla ɓeen e añɓe mon ɓeen, e woɗɓe goo gaanin maɓɓe ɓe onon on nganndaabe Alla kañum no anndi ɓe. Kala ko nafkudon e laawol Alla ngol timminate on, onon on tooñoytaake.(hay huude)
Fulani Translation - Rowwad Translation CenterSi ɓe paalaamo nde ɓe jamfoto maa, pellet, ko Alla yonay maa. Ko Kaŋko woni cemmbinirɗo ma e ballal makko ngal, e (wallitagol) gooŋinɓe ɓeen.
Fulani Translation - Rowwad Translation CenterO woowindiri hakkunde ɓerɗe maɓɓe ɗeen. Sinno a wintino(nafkuna) ko woni kon ka leydi fof, a woowindirtaano hakkunde ɓerɗe maɓɓe ɗeen; ko woni tan ko Alla woowindiri hakkunde maɓɓe. Pellet, Kaŋko ko o pooluɗo Ñeeñuɗo.
Fulani Translation - Rowwad Translation CenterEehey ma Annabiijo, hirjin gooŋɗinɓe ɓeen e hare. Si no e mooɗon noogayo muññiiɓe, ɓe poolay teemeɗɗe ɗiɗo; si no e mooɗon kadi teemedere, ɓe poolay ujunere e heeferɓe ɓeen; tawde ɓeen ko yimɓe ɓe paamataa.
Fulani Translation - Rowwad Translation CenterJooni Alla hoynanii on,O anndii no e mooɗon lo'ere. Si no e mooɗon teemedere muññiiɓe, ɓe poolay teemeɗɗe ɗiɗo; si no e mooɗon kadi ujunere, ɓe poolay ujune ɗiɗo duŋaye (yamiroore) Alla. Alla no won di e muññiiɓe ɓeen.
Fulani Translation - Rowwad Translation CenterHaananaa Annabiijo nde laatantoo mo dahaaɓe haa o ɗuɗɗina waraaɓe ka leydi. Hiɗon paala jawkoy aduna, Alla kam no faalanaa (on) laakara. Alla ko pooluɗo Ñeeñuɗo.
Fulani Translation - Rowwad Translation CenterÑaamee e kon ko konɗon, ko dagiiɗum laaɓuɗum. kulon Alla, pellet, Alla ko kaforoowo hinnotooɗo=jurmotoodo.
Fulani Translation - Rowwad Translation CenterEehey ma Annabiijo, maakan dahaaɓe wonuɓe e juuɗe mon ɓen : "Si Alla no anndi moƴƴere ka ɓerɗe mon, O okkay on ko ɓuri moƴƴude ko jaɓanoɗon kon, O haforana on. Alla ko kaforoowo jurmotooɗo.
Fulani Translation - Rowwad Translation CenterSi ɓe paalaamo jamfagol ma, gooŋɗii ɓe jamfinooma Alla ko adii; O newinan (maa) e mabɓe. Alla ko gannduɗo Ñeeñuɗo.
Fulani Translation - Rowwad Translation CenterPellet, ɓeen gooŋɗinɓe, ɓe peri ɓe tiiɗnorii jawɗe maɓɓe e woŋkiiji maɓɓe fii laawol Alla, e ɓeen weernu ɓe walli (ɓe); ɓen ɗon yoga maɓɓe ko wallooɓe yoga. Ɓeen non ngooŋɗinɓe kono ɓe peraani, alanaa on wallugol ɓe hay e huunde haa ɓe pera. Si ɓe mballinorii on ka diine, no fawii on wallitagol (ɓe), si wanaa hara ko e yimɓe ɓe ahadi woni hakkunde mon e maɓɓe. Alla ko reenuɗo ko ngolloton kon.
Fulani Translation - Rowwad Translation CenterƁeen yedduɓe, yoga maɓɓe ko wallooɓe yoga. Si on mbaɗaali ɗuum [ko Mi ɗaɓɓiri on wallugol gooŋɗinɓe ɓeen añra e heeferɓe ɓen], wonay fitina ka leydi e bone mawɗo.
Fulani Translation - Rowwad Translation CenterƁeen gooŋɗinɓe, ɓe peri ɓe tiiɗnii e laawol Alla ngol, e ɓeen weernu ɓe walli (ɓe); ko ɓen woni gooŋɗimɓe goonga ɓeen: no woodani ɓe kaforanal e arsike tedduɗo.
Fulani Translation - Rowwad Translation CenterƁeen gooŋɗinɓe ɓaawo (ɗuum), ɓe peri ɓe tiiɗnodii e mon, ɓen ɗon ko jeyaaɓe e mon. Joomiraaɓe enɗammaaji ɓeen (ko) yoga maɓɓe ɓuri hanndude e yoga ka Deftere Alla. Pellet, Alla ko gannduɗo kala huunde.