Albanian Translation - Rowwad Translation CenterAtij i takon sundimi i qiejve dhe i Tokës; Ai nuk ka lindur kurrë fëmijë dhe nuk ka ortak në sundimin e Tij. Ai ka krijuar çdo gjë dhe e ka përcaktuar saktësisht.
Albanian Translation - Rowwad Translation CenterAta kanë marrë zota të tjerë krahas Tij, të cilët nuk mund të krijojnë asgjë, madje vetë janë të krijuar. Ata nuk kanë në dorë për vete as dëm e as dobi, madje ata as mund të shkaktojnë vdekje, as jetë e as ringjallje.
Albanian Translation - Rowwad Translation CenterAta që nuk besojnë thonë: "Ky (Kurani) nuk është gjë tjetër veçse një gënjeshtër që ai e ka trilluar me ndihmën e njerëzve të tjerë." Ajo që thonë ata është krejtësisht e padrejtë dhe e rreme.
Albanian Translation - Rowwad Translation CenterAta thonë gjithashtu: "Këto janë përralla të të parëve që ai i ka shkruar, të cilat i diktohen në mëngjes e në mbrëmje."
Albanian Translation - Rowwad Translation CenterThuaj: "Atë (Kuranin) e ka zbritur Ai që i di fshehtësitë e qiejve e të Tokës. Ai, me të vërtetë, është Falës i Madh e Mëshirëplotë."
Albanian Translation - Rowwad Translation CenterAta thonë po ashtu: "Ç'është puna e këtij të Dërguari që ha ushqim dhe ecën nëpër tregje?! Përse të mos i ketë zbritur ndonjë melek, që të bëhej paralajmërues me të?!
Albanian Translation - Rowwad Translation CenterOse, përse të mos i jepej ndonjë thesar ose të kishte një kopsht, nga i cili do të hante?!" Zullumqarët thonë: "Ju po ndiqni vetëm një njeri të magjepsur."
Albanian Translation - Rowwad Translation CenterShih çfarë shembujsh sjellin për ty! Kështu ata humbën veten dhe s'mund të gjejnë kurrë rrugën e drejtë.
Albanian Translation - Rowwad Translation CenterI Bekuar është Ai i Cili, po të donte, do të të jepte gjëra më të mira se këto: kopshte nëpër të cilat rrjedhin lumenj dhe do të bënte pallate për ty.
Albanian Translation - Rowwad Translation CenterJo, por ata e përgënjeshtrojnë Kiametin. Ndërkaq, për ata që e përgënjeshtrojnë Kiametin Ne kemi përgatitur një zjarr flakërues.
Albanian Translation - Rowwad Translation CenterThuaju: "A është më i mirë ky (Zjarri) apo Xheneti i përjetshëm që u është premtuar të devotshmëve?" Ai do të jetë shpërblimi dhe vendkthimi i tyre.
Albanian Translation - Rowwad Translation CenterAta do të kenë në të çfarëdo që dëshirojnë dhe do të qëndrojnë aty përgjithmonë. Ky është një premtim i Zotit tënd, i kërkuar (nga ana juaj)."
Albanian Translation - Rowwad Translation CenterDitën kur Ai do t'i tubojë idhujtarët bashkë me ata që i adhuronin në vend të Allahut, do t'u thotë atyre (që adhuroheshin): "A i shmangët ju këta robër të Mi apo ata vetë humbën rrugën (e drejtë)?"
Albanian Translation - Rowwad Translation CenterAta do të thonë: "I patëmeta je Ti! Neve nuk na takon të marrim ndonjë mbrojtës përveç Teje, por Ti i begatove ata dhe baballarët e tyre, ndërsa ata e harruan këshillën dhe u bënë popull i shkatërruar."
Albanian Translation - Rowwad Translation Center"Pra, këta i përgënjeshtruan ato që thatë, kështu që ju s'do të mund të shmangni dënimin e as do të ndihmoheni. Këdo prej jush që bën zullum, Ne do ta bëjmë të shijojë një dënim të madh.
Albanian Translation - Rowwad Translation CenterNe edhe para teje çuam vetëm të dërguar që hanin ushqim dhe shëtisnin nëpër tregje. Ne bëmë disa prej jush sprovë për të tjerët. A do të bëni durim? Zoti yt sheh çdo gjë.
Albanian Translation - Rowwad Translation CenterAta që nuk presin të takohen me Ne, thonë: "Përse nuk na dërgohen melekët ose ta shohim Zotin tonë?" Në të vërtetë, ata u treguan shumë mendjemëdhenj dhe kaluan çdo kufi.
Albanian Translation - Rowwad Translation CenterDitën kur t'i shohin melekët, për keqbërësit nuk do të ketë myzhde dhe ata (melekët) do të thonë: "(Xheneti për ju është) krejtësisht i ndaluar!"
Albanian Translation - Rowwad Translation CenterSundimi i vërtetë në atë Ditë i takon vetëm të Gjithëmëshirshmit. Ajo do të jetë ditë e vështirë për jobesimtarët.
Albanian Translation - Rowwad Translation CenterAtë Ditë, keqbërësi do të kafshojë duart e veta, duke thënë: "Ah, i mjeri unë! Sikur të kisha ndjekur udhën e drejtë bashkë me të Dërguarin!
Albanian Translation - Rowwad Translation CenterKështu pra, ne caktuam për çdo pejgamber një armik prej keqbërësve, por mjafton që Zoti yt të jetë udhërrëfyes dhe ndihmës yti.
Albanian Translation - Rowwad Translation CenterAta që nuk besojnë thonë: "Përse të mos i shpallej Kurani i tëri përnjëherë?" Ne ta shpallëm kështu për ta forcuar zemrën tënde nëpërmjet tij. Ne ta shpallëm atë pjesë-pjesë.
Albanian Translation - Rowwad Translation CenterAta që do të tërhiqen zvarrë me fytyrë për në Xhehenem, ata do të jenë në pozitën më të keqe dhe më të humburit nga rruga e drejtë.
Albanian Translation - Rowwad Translation CenterEdhe popullin e Nuhut, kur i përgënjeshtruan të dërguarit, i fundosëm dhe i bëmë shembull për njerëzimin. Ne kemi përgatitur për zullumqarët një dënim të dhembshëm.
Albanian Translation - Rowwad Translation CenterAta me siguri kanë kaluar pranë qytetit që u shkatërrua nga rrebeshi i tmerrshëm. Vallë, a nuk e kanë parë atë? Jo, por ata nuk prisnin të ringjalleshin.
Albanian Translation - Rowwad Translation CenterKur të shohin ty (o Pejgamber), të marrin vetëm për tallje: "A ky është ai që Allahu e ka sjellë si të dërguar?!
Albanian Translation - Rowwad Translation CenterAi për pak do të na kishte larguar nga zotat tanë, nëse nuk do të ishim të përkushtuar ndaj tyre." Por, kur ta shohin dënimin, do ta kuptojnë se kush është më i humbur nga rruga e drejtë.
Albanian Translation - Rowwad Translation CenterA mendon se shumica e tyre dëgjojnë ose kuptojnë? Ata janë porsi bagëtia, madje ata janë edhe më të humbur nga rruga e drejtë.
Albanian Translation - Rowwad Translation CenterA nuk e sheh se si Zoti yt e zgjat hijen? Po të kishte dashur, do ta bënte atë të pandryshueshme. Mandej, Ne e bëmë Diellin tregues të saj.
Albanian Translation - Rowwad Translation CenterËshtë Ai që i dërgon erërat si sihariqtarë para (zbritjes së) mëshirës së Tij. Dhe Ne lëshojmë nga qielli ujë të pastër,
Albanian Translation - Rowwad Translation Centerqë nëpërmjet tij të ringjallim vendin e pajetë dhe t'u japim ujë atyre që kemi krijuar: kafshëve e njerëzve të shumtë.
Albanian Translation - Rowwad Translation CenterNe e shpërndajmë atë mes tyre, që ata të mendojnë, por shumica e njerëzve s'pranojnë gjë tjetër veç mohimit.
Albanian Translation - Rowwad Translation CenterPrandaj, ti mos iu bind jobesimtarëve, por luftoji ata nëpërmjet këtij (Kurani) me një përpjekje të madhe.
Albanian Translation - Rowwad Translation CenterËshtë Ai që i bashkon dy dete: njëri i pijshëm e i ëmbël, kurse tjetri i kripur e i hidhur, dhe ndërmjet tyre ka bërë një pengesë dhe një kufi që nuk i lejon të përzihen.
Albanian Translation - Rowwad Translation CenterËshtë Ai që krijoi njeriun nga uji e më pas e vuri në lidhje gjaku e krushqie. Zoti yt është i Plotfuqishëm.
Albanian Translation - Rowwad Translation CenterMegjithatë, ata adhurojnë në vend të Allahut atë që nuk mund t'u sjellë as dobi e as dëm; jobesimtari është gjithnjë ndihmës (i shejtanit) kundër Zotit të vet.
Albanian Translation - Rowwad Translation CenterThuaj: "Unë nuk kërkoj nga ju asnjë shpërblim për këtë, por vetëm që të marrë rrugën drejt Zotit të tij ai që dëshiron."
Albanian Translation - Rowwad Translation CenterMbështetju të Gjallit, i Cili nuk vdes kurrë dhe madhëroje Atë me lavdërim. Mjafton që Ai është i Gjithëdijshëm për gjynahet e robërve të Vet.
Albanian Translation - Rowwad Translation CenterËshtë Ai i Cili krijoi qiejt dhe Tokën për gjashtë ditë e pastaj u ngrit mbi Arsh; i Gjithëmëshirshmi, andaj pyet për Të atë që di.
Albanian Translation - Rowwad Translation CenterKur u thuhet atyre: "Bjerini në sexhde të Gjithëmëshirshmit!", ata thonë: "Çfarë është i Gjithëmëshirshmi? A t'i biem në sexhde Atij që na urdhëron ti?" Kjo vetëm sa ua shton largimin.
Albanian Translation - Rowwad Translation CenterËshtë Ai që natën dhe ditën e bëri të ndjekin njëra-tjetrën, si mësim për ata që duan të mendojnë ose duan të falënderojnë.
Albanian Translation - Rowwad Translation CenterRobërit e të Gjithëmëshirshmit janë ata që ecin në tokë të përulur e, kur të paditurit u drejtohen atyre, ata thonë vetëm fjalë paqeje,
Albanian Translation - Rowwad Translation Centerdhe thonë: "Zoti ynë! Largoje prej nesh dënimin e Xhehenemit, se vërtet dënimi i tij është i përhershëm.
Albanian Translation - Rowwad Translation CenterAta nuk lutin krahas Allahut zot tjetër, nuk vrasin askënd që e ka ndaluar Allahu të vritet, përveçse me të drejtë, dhe nuk bëjnë kurvëri. E kush i bën këto, do të gjejë dënimin.
Albanian Translation - Rowwad Translation Centerpërveç atij që pendohet, beson dhe bën vepra të mira. Të këtillëve Allahu do t'ua shndërrojë të këqijat në të mira. Allahu është Falës i Madh e Mëshirëplotë.
Albanian Translation - Rowwad Translation CenterAta thonë: "Zoti ynë, na dhuro bashkëshorte e pasardhës që janë gëzim për sytë tanë dhe na bëj shembull për të devotshmit."
Albanian Translation - Rowwad Translation CenterKëta do të shpërblehen me pozitë të lartë (në Xhenet) për durimin e tyre dhe do të gjejnë mikpritje e shpëtim.
Albanian Translation - Rowwad Translation CenterThuaju: "Zoti im nuk do t'ju përfillte fare, po të mos ishte lutja juaj, por ju përgënjeshtruat (të vërtetën), prandaj ndëshkimi për ju do të jetë i pashmangshëm."