Filipino Translation (Maguindanaon) - Rowwad Translation CenterMahasuti su Allah a pinatulun nin su Qur’an kanu ulipen nin (Muhammad) ka endu nin makapangenggat kanu manga inaden sya sa dunya.
Filipino Translation (Maguindanaon) - Rowwad Translation CenterLekanin su pitu ka lapis a langit endu su lupa endu dala wata nin, endu dala kaped nin kanu kadatu nin endu binaluy nin su langun na enggaga-isa sa inukul nin tanan.
Filipino Translation (Maguindanaon) - Rowwad Translation CenterSilan a minumbal sa kadenan a salakaw sa Allah na dala gabaluy nin (su barahala) apiya paydu a silan pan i bagumabalen na dala magaga nilan sa ginawa nilan a makagkayd endu dala magaga nilan a ka-imatay endu kawyag endu dala magaga nilan a kapambuwat sa taw.
Filipino Translation (Maguindanaon) - Rowwad Translation CenterEndu pidtalu nu manga kafir: dala inan (Qur’an) ya tabiya na kalbutan bu ni (Muhammad), inidtebu nin endu tinabangan sekanin a ped a taw, saben- sabenal a silan i migkafir a mindalbut.
Filipino Translation (Maguindanaon) - Rowwad Translation CenterEndu pidtalu nilan: namba (Qur’an) na kalbutan nu nangawna a inisulat nin na pambatyan sa lekanin sa mapita-malulem.
Filipino Translation (Maguindanaon) - Rowwad Translation CenterEdtalu ka (Muhammad) sa kanilan: su (Qur’an) na pinatulu nu Allah a katawanin i masulen kanu manga langit endu su lupa, su Allah na mangampun a malimu.
Filipino Translation (Maguindanaon) - Rowwad Translation CenterEndu pidtalu nilan: ngin i man a sinugu ka ya nin pegken na su ped bun a pegken tanu endu belalakaw sya sa padyan? U namba ka initulun sa lekanin i malaikat a mabaluy a makatabang sa lekanin.
Filipino Translation (Maguindanaon) - Rowwad Translation CenterAtaw ka namba ka inenggan sa ginadung (kakawasan) ataw ka pamulan sa lu ba kumwa sa kanen nin, endu pidtalu nu manga kafir kanu manga bamaginugut: dala inan a mama (Muhammad) a bagunutan nu anan ya tabya na nasugat na sih’r.
Filipino Translation (Maguindanaon) - Rowwad Translation CenterIlay ka (Muhammad) su upaman nilan sa leka ka natading silan, na di nilan magaga i makatuntul silan sa agama.
Filipino Translation (Maguindanaon) - Rowwad Translation CenterMahasuti su Allah, u ya nin kyug i baluyan kanin sa muna pan i kapya nin a surga a belagilay sa kababan i manga ig ataw ka baluyan kanin sa maligay na magaga nin.
Filipino Translation (Maguindanaon) - Rowwad Translation CenterUgayd na pinandalbut nilan su gay a mawli, endu pinagadilan ami kanu di bangimbenal sa gay a mawli i naraka a pagkaleg.
Filipino Translation (Maguindanaon) - Rowwad Translation CenterAmayka mailay nilan sa mawatan pan na makineg nilan i bula-bula nin a lipunget i gabales nin endu swara a mapasang.
Filipino Translation (Maguindanaon) - Rowwad Translation CenterAmayka iyulug den silan kanu bengawan nin a masimpit sa pinawik su lima nilan kanu tengu nilan, mananawag sa nabinasa tanu.
Filipino Translation (Maguindanaon) - Rowwad Translation CenterEdtalun nu Allah: da kanu banawag sa nabinasa kanu sa maka-isa bu, ugayd na ya nu edtalu na nabina-binasa kami den.
Filipino Translation (Maguindanaon) - Rowwad Translation CenterEdtalu ka (Muhammad) ka nilan: ngintu entuba i mapya (na siksa antu) ataw ka su surga a tatap? Entuba i inibpasad kanu magilek sa Allah na su surga i kanilan a balas endu kawliyan.
Filipino Translation (Maguindanaon) - Rowwad Translation CenterKanilan kanu surga endaw a kalilinyan nilan, sa da kaliyu nilan, na aden kanu kadenan nengka i pasad a mapanuntul.
Filipino Translation (Maguindanaon) - Rowwad Translation CenterEndu su gay a buligen silan nu Allah endu su pedsimban nilan a salakaw sa Allah (barahala) na edtalun nu Allah sa kanilan: ngintu sekanu i tinumading kanu manga ulipen ku a namba ataw ka silan bun i midtadingan sa lalan (Islam).
Filipino Translation (Maguindanaon) - Rowwad Translation CenterYa nilan edtalun: mahasuti ka, ka di dayt sa lekami i mumbal kami sa salakaw sa leka a manga kadenan, ugayd na inikalimu nengka silan sa mapya a katamanan nilan endu su manga lukes nilan, taman sa nalimpangan nilan su Qur’an na silan i manga taw a nangabinasa.
Filipino Translation (Maguindanaon) - Rowwad Translation CenterNa pinandalbut kanu pedsimban nu (barahala) kanu pedtalun nu, na dala magaga nu a katulak nu sa siksa endu makasapal sa kanaraka nu, entayn sa lekanu i egkafir na pananamen nami sa siksa a masla.
Filipino Translation (Maguindanaon) - Rowwad Translation CenterEndu dala sinugu nami a nawna sa leka (Muhammad) a manga sinugu ya tabya na pegkan bun silan endu belalakaw bun sa padiyan endu binaluy nami su sabad sa lekanu sa mafitnah nin su kaped nin, ngintu makadsabar kanu? Endu su Kadenan nengka na pedtulik.
Filipino Translation (Maguindanaon) - Rowwad Translation CenterEndu pidtalu nu manga taw a di gatagu sa ginawa nilan su ka-adap nin sa lekami: U nya ba ka ya pinatulun sa lekami i malaikat ataw ka ya nami mailay su Kadenan nami, na saben-sabenal a mimamasla su ginawa nilan endu mibpapulu silan sa masla a kinabpapulu.
Filipino Translation (Maguindanaon) - Rowwad Translation CenterGay a mailay nilan i malaikat (edtalun nu malaikat): da mapya kanu manga kafir endu lumindung silan kanu manga malaikat.
Filipino Translation (Maguindanaon) - Rowwad Translation Center(Tig nu Allah): ini-una nami su galebek nilan sa dunya, na binaluy nami sa gay a mawli na matag nilan mailay na dala besen (balas nin).
Filipino Translation (Maguindanaon) - Rowwad Translation CenterSu taw sa surga kanu gay a kaludep nilan na mapya gayd a kadtakenan nilan endu mapya gayd i papedsalidepan nilan.
Filipino Translation (Maguindanaon) - Rowwad Translation CenterEndu su gay a malundus i uman i langit (na mangawlug) i dadtem a maputi endu tumulun su manga malaikat magubal den su dunya.
Filipino Translation (Maguindanaon) - Rowwad Translation CenterSu kadatu sa entuba a gay a bantang na kanu Allah endu entuba a gay na sangat i kapasangin kanu manga kafir.
Filipino Translation (Maguindanaon) - Rowwad Translation CenterEndu su gay a mabut nu kafir su duwa a lima nin sa ya nin madtalu: kanugunin (ka entuba) ka ya ku den mun napaginugutan na su rasul.
Filipino Translation (Maguindanaon) - Rowwad Translation CenterSaben-sabenal a tinadin aku nin kanu Qur’an sa ulyan na kinawma nin sa laki endu su shaytan na ibalusak nin su manusya.
Filipino Translation (Maguindanaon) - Rowwad Translation CenterEndu ya kadtalu nu sinugu: Kadenan ku, su manga taw ku na tinagak nilan su Qur’an sa dala pinatagan nilan lun kanu panduwanin.
Filipino Translation (Maguindanaon) - Rowwad Translation CenterEndu mamba i kinabaluy nami kanu uman i nabi na aden satru nin kanu manga baradusa, endu natabwan kanu kadenan nengka i tumutulu endu tumabang.
Filipino Translation (Maguindanaon) - Rowwad Translation CenterEndu pidtalu nu manga kafir: u namba ka naka-isa bu nakatulun sa lekanin su Qur’an, (tig nu Allah): mamba i kadtakena nin kanu atay nengka (Muhammad) na paydu-paydu i kinabatya nami lun sa leka.
Filipino Translation (Maguindanaon) - Rowwad Translation CenterEndu da pambuwaten nilan a manga upaman a di kena lawanan nami sa bantang endu ya pan labi i kapya na kapayag nin.
Filipino Translation (Maguindanaon) - Rowwad Translation CenterEntuba i manga taw a bagulugen sa patuy lu sa naraka endu silan i mawag i kandalpanin endu tading sa lalan sya sa dunya.
Filipino Translation (Maguindanaon) - Rowwad Translation CenterEndu saben-sabenal a inenggay nami kanu Musa su kitab (Taurat) endu binaluy nami su suled nin a si Harun a pedtabang sa lekanin.
Filipino Translation (Maguindanaon) - Rowwad Translation CenterNa pidtalu nami: angay kanu (duwa) sa manga taw a pinandalbut nilan su manga ayatan nami, na bininasa nami silan guna su da silan pangimbenal.
Filipino Translation (Maguindanaon) - Rowwad Translation CenterEndu su manga taw nu Nuh guna nilan pandalbuta su manga sinugu na pina-geled ami silan endu binaluy nami a tanda kanu manga taw, endu inipagadila nami kanu manga kafir su siksa a sangat i kasakit nin.
Filipino Translation (Maguindanaon) - Rowwad Translation Center(Endu labit ka Muhammad) su taw nu Aad endu su Thamud endu su taw nu Shu’aib endu madakel i manga taw sa pageletan nilan (bininasa ka dala pangimbenal).
Filipino Translation (Maguindanaon) - Rowwad Translation CenterUman isa na pinambuwatan nami sa upaman, na langun nilan na bininasa nami silan sa ulyan na kinawma na sinugu a da nilan pangimbenala.
Filipino Translation (Maguindanaon) - Rowwad Translation CenterEndu saben-sabenal a nawma nilan su dalpa (ni Lut) a nasugat na ulan a makabinasa (watu endu apuy) na ngintu ka di silan ma-indaw sa kinailay nilan kanu dalpa a nabalikwat? Kagina dala sa kanilan i kabangimbenal sa mawyag pan i taw a minatay den.
Filipino Translation (Maguindanaon) - Rowwad Translation CenterU nailay sa kanilan (Muhammad) na pagumpaken ka kanilan bu, ya nilan kadtalu: namba besen i pinambuwat nu Allah a sinugu?
Filipino Translation (Maguindanaon) - Rowwad Translation CenterPabpagendan nin sa lekitanu su manga kadenan tanu? U di kena bu minanged kanu pamusungan tanu (na kadenan tanu), na di ebplis na katawan nilan kanu kailay nilan sa siksa nilan na natading silan sa lalan.
Filipino Translation (Maguindanaon) - Rowwad Translation CenterSu taw a ya nin sinimba su kyug na ginawa nin, na di nengka (Muhammad) magaga sa matutulu nengka.
Filipino Translation (Maguindanaon) - Rowwad Translation CenterAtaw ka ma-antap nengka i madakel i banuliman sa kanilan ataw ka bagungangen? Na di kena! Ka mana bun silan manga binatang endu muna pan silan sa binatang i kinatading nin.
Filipino Translation (Maguindanaon) - Rowwad Translation CenterNgintu di nengka gailay su galebek nu Allah u panun i kapegka-aden nu alung-alung? Na u ya nin kahanda i makatelen na entuba i manggula, mawli na binaluy nami su senang a tanda nu alung-alung.
Filipino Translation (Maguindanaon) - Rowwad Translation CenterSekanin (a Allah) i minaluy sa lekanu sa kanu magabi a dalinding nu endu su kapedtulug nu a ibangintelen nu endu su malamag a imbukakalu.
Filipino Translation (Maguindanaon) - Rowwad Translation CenterEndu sekanin i pedsugu sa sambel a lilini nu manga taw kanu limu nu Allah endu pinatulun nami ebpun sa langit su ig a suti maka-suti.
Filipino Translation (Maguindanaon) - Rowwad Translation CenterEndu saben-sabenal na pinapayapat nami kanu pamageletan nilan ka endu silan ma-indaw, na ya madakel sa taw na minenda (da talima) ya tabya na kinagkafir.
Filipino Translation (Maguindanaon) - Rowwad Translation CenterEndu sekanin (Allah) i napendulug sa tabang (a ig) endu lagat, su isa a tabang na baginumen, su isa na matimus, aden pageletan nilan a pagalet endu makasapal sa di nilan kadsimbul.
Filipino Translation (Maguindanaon) - Rowwad Translation CenterEndu sekanin (Allah) i minaluy sa lekanu ebpun sa ig (ig nu babay-mama) endu binaluy nin i katupuwan nin endu kanggyagyamung nu, endu ya ka-aden nu Kadenan nengka na pakagaga.
Filipino Translation (Maguindanaon) - Rowwad Translation CenterEndu (silan) a pedsimban nilan i salakaw sa Allah a di pakangguna sa kanilan endu di bun makagkayd sa kanilan, su manga kafir na su kadenan nin a (barahala) na pedtabangan nu shaytan kanu inugut nin (sa makasupak).
Filipino Translation (Maguindanaon) - Rowwad Translation CenterEdtalu ka sa kanilan i di aku papedsukay sa kapedsampay ku (kanu Islam) ya tabya na su taw a pambaranggyan nin i tamuk nin sa lalan sa Allah (ka di ku sapalan).
Filipino Translation (Maguindanaon) - Rowwad Translation CenterEndu salig ka kanu Allah a di matay endu tasbih ka sa pugi sa lekanin (Allah), su Allah i mataw sa kadusan nu manga ulipen nin.
Filipino Translation (Maguindanaon) - Rowwad Translation CenterSekanin (Allah) i minaluy kanu manga langit endu su lupa, endu su pageletan nin sa nem gay, mawli na lu migkahanda kanu Arsh, na sekanin i minggungala sa Rahman, na idsa nengka (Muhammad) sa lekanin ka sekanin i mataw kanu langun.
Filipino Translation (Maguindanaon) - Rowwad Translation CenterAmayka pidtalu sa kanilan i sugyud kanu sa kanu Rahman, na ya nilan kadtalu: ngin i Rahman? Sumugyud kami sa suguwan nengka (Muhammad)? (di kami a benal sumugyud), naisegan i kinatangka nilan (sa Islam).
Filipino Translation (Maguindanaon) - Rowwad Translation CenterMahasuti su Allah a binaluy nin sya sa langit i manga lalan nu bitun, endu binaluy nin i senang endu ulan-ulan a pedsigay.
Filipino Translation (Maguindanaon) - Rowwad Translation CenterEndu binaluy nin su magabi endu malamag a pedsukelya kanu taw a myug makatadem ataw ka myug sa kadsukur.
Filipino Translation (Maguindanaon) - Rowwad Translation CenterEndu su ulipen nu Allah na belakaw silan kanu lupa sa dala kasandag nin endu amayka imbityala nu manga jahil na mapya i kasumpat nin.
Filipino Translation (Maguindanaon) - Rowwad Translation CenterEndu ya nilan kadtalu na: Kadenan ami iyawa nengka sa lekami i siksa nu jahannam ka su siksa nin na ya nin ka aden na di gapinda sa taman sa taman.
Filipino Translation (Maguindanaon) - Rowwad Translation CenterEndu silan (mu'min) na amayka mimbaranggya sa Allah na da makasagad endu di kena menem da gaws, endaw i nasasangan.
Filipino Translation (Maguindanaon) - Rowwad Translation CenterEndu di silan mangeni sa salakaw sa Allah ka dala kaduwa nin su Allah a pedsimban nilan endu di silan mimatay kanu nyawa a hinaram nu Allah, ya tabya na haqq endu di silan edzina, ka su taw a enggulan nin intuba na madsemak nin i dusa a kanaraka nin.
Filipino Translation (Maguindanaon) - Rowwad Translation CenterYa tabya na su midtawbat, nangimbenal a minggalebek sa mapya, ka sambyan nu Allah su kawagan nin sa mapya, ka su Allah na sangat a bangampun a malimu.
Filipino Translation (Maguindanaon) - Rowwad Translation CenterSu taw a midtawbat endu minggalebek sa mapya na lu sa Allah edtawbat sa tidtu a kadtawbat.
Filipino Translation (Maguindanaon) - Rowwad Translation CenterEndu di silan edsaksi sa kalbutan endu amayka nasagadan nilan i mawag (a kambityala) na mapya i kasagad nilan.
Filipino Translation (Maguindanaon) - Rowwad Translation CenterEndu amayka linabit sa kanilan su manga ayatan nu kadenan nilan na di silan embisu-ebpisekan.
Filipino Translation (Maguindanaon) - Rowwad Translation CenterEndu kadtalu nilan: Kadenan ami enggi kami sya kanu manga kaluma nami sa manga mawli-a-taw a kalilinyan nu manga mata nami, endu baluy ka a kaunutan nu manga magilek sa Allah.
Filipino Translation (Maguindanaon) - Rowwad Translation CenterSilan i pembalasan sa pangkatan a mapulu (surga) sabap sa kinadsabar nilan endu mabaratamu nilan i mapya kadtalu.
Filipino Translation (Maguindanaon) - Rowwad Translation CenterEdtalu ka (Muhammad) sa kanilan: da idan nu Kadenan ku sa lekanu u di kena bu su kapendu’a nu, ka pinandalbut nu su sinugu nin endu su Qur’an, na di ebplis na matatap su siksa.