Moore Translation - Rowwad Translation CenterWoto yaa Sʋʋrat Tõnd sẽn sik-a la D maan-a t'a yaa tɩlae la D sik daliil vẽenes a pʋgẽ, tɩ raar ninga y na tẽege.
Moore Translation - Rowwad Translation CenterYood-poak la yood-raoogo, pãb-y b yiibã nin-yend fãa kaas koabga, la y ra kũm b yiibã nin-bãaneg Wẽnd dĩinã pʋg ye, tɩ yãmb sã n yɩɩme n kõ Wẽnd sɩda la Yaoolem raarã; la zãma sẽn yaa sɩd-kõtb maan kaset ne b yiibã sɩbgrã.
Moore Translation - Rowwad Translation CenterYood-raoog ka furd rẽnda yood-poaka maa lagem-n-ta-poaka, la yood-poak me ka furd rẽnda yood-raoogo maa lagem-n-ta-raoogo, la b gɩdga bãmbã furã loeebo sɩd-kõtbã zugu.
Moore Translation - Rowwad Translation CenterNeb nins sẽn rõt pʋg-yɩlmã, n yaool n pa wat ne kaset rãmb a naasã rẽ poorẽ wã, pãb-y kaas pis-nii la y ra tol n reeg b kaset lae. Ad yaa bãmbã la dĩin yitbã.
Moore Translation - Rowwad Translation CenterLa roap nins sẽn rõt b mens pagb la b yaool n ka tar kaset-rãmbɑ rẽnda bãmb mensã bala, b yembr kaset fãa yaa a sẽn na n wẽen ne Wẽnd naoor a naas tɩ yẽ yaa sɩd soaba.
Moore Translation - Rowwad Translation CenterLa tɩ sã n pa Wẽnd yɩɩdlemã la A yolsgã yãmb zugu…! Lɑ Wẽnd sẽn yaa tuubg reegdã n yaa bʋʋd mitã, (A nɑɑn n yãgẽ n sɩbg yãmb y zũnuub-rãmbã yĩngɑ) .
Moore Translation - Rowwad Translation CenterAd neb nins sẽn wa ne tẽnkãnebã (yẽme yɑɑ b sẽn dõd muumin-dãmbã mɑ wã ɑ Aɑɩsɑt -Wẽnd yɑrd be ɑ yĩngɑ- ne yoobã) yaa zãma sẽn yi yãmb pʋgẽ, ra geel-y tɩ yaa wẽng ne yãmb ye, ad a yaa sõma ne yãmba. Ned fãɑ sẽn be b pʋgẽ wã tɑrɑ zũnuub ɑ sẽn pɑɑme ɑ tʋʋmdẽ wã, la ned ning sẽn yikɑ ne yellã bãmbã sʋka, a tara nan-bedre.
Moore Translation - Rowwad Translation CenterYaa bõe tɩ yãmb sẽn wa n wʋm-a wã, sɩd-kõt pogsã la sɩd-kõt-roapã pa maan tẽ-sõng b mensẽ wã yellã pʋgẽ, la b yeele: "yã wã yaa tẽnkãnd sẽn vẽnege''.
Moore Translation - Rowwad Translation CenterYaa bõe yĩng tɩ b pa wa ne kaset rãmb a naase, ad b sã n pa wa ne kaset-rãmba, Wẽnd nengẽ, b yaa zĩri-be-neba.
Moore Translation - Rowwad Translation CenterLa tɩ sã n pa Wẽnd yɩɩdlemã la A yolsgã yãmb zugu dũni kaanẽ la yaoolem raarã, sɩbgr kãseng rag n na paam yãmba, y ɑoobã poorẽ.
Moore Translation - Rowwad Translation CenterWakat ning yãmb sẽn wa n lobd koeesã n kõt taaba, la y gomd ne y noy bũmb ning minim sẽn ka be ne yãmba, tɩ yãmb tẽed t'a yaa faaga, t'a yaool n yaa bedr Wẽnd nengẽ.
Moore Translation - Rowwad Translation CenterBõe yĩng tɩ yãmb sẽn wa n wʋm-a wã, y pa yeele: "pa sõmb ne tõnd tɩ d rɩk yel-kãngã n maan d no-goam ye, yɩlgemd be ne Wẽnde, ad woto yaa pʋ-yagb vẽenega.
Moore Translation - Rowwad Translation CenterAd neb nins sẽn nong tɩ yel-beedã sãeeg sɩd-kõtbã nengẽ wã, sɩbgr be ne-ba, dũni kaanẽ la yaoolem raarã, Wẽnd n mi, la yãmb pa mi ye.
Moore Translation - Rowwad Translation CenterLa tɩ sã n pa Wẽnd yɩɩdlemã la A yolsgã sẽn be yãmb zugã…!Lɑ Wẽnd sẽn yaa nin-bãan-zoεtã n yaa yoalsdã A nɑɑn n yãgẽ ne yãmb sɩbgre.
Moore Translation - Rowwad Translation CenterYaa yãmb ɑ neb nins sẽn kõ sɩdã! ra tũ-y a Sʋtãan soyã ɑ zirĩ-beedã fɑɑsg pʋgẽ ye, ad ned ning sẽn tũ a Sʋtãan so-faagdsã, ad a sagenda ne yel-beed la tʋʋm kitsi. Lɑ sã n pa Wẽnd yɩɩdlemã la A yolsgã yĩnga, yãmb ned baa a yembr kõn tɩlge; la ad Wẽnd tɩlgda A sẽn rat ned ninga, A yaa wʋmdɑ n yaa minim naaba.
Moore Translation - Rowwad Translation CenterLa yɩɩdlem la arzεk rãmb ra wa wẽen tɩ b kõn kõ b rog-pẽts la talse la neb nins sẽn maan higra wã Wẽnd yĩngã ye. Tɩ b yaaf la b ball n base. Rẽ yĩnga bãmb pa rat tɩ Wẽnd yaaf-b la? Wẽnd yaa yaafg la yolsg naaba.
Moore Translation - Rowwad Translation CenterPʋg-wẽnsã ne rao-vẽnsã n sεgd ne taaba la rao-wẽnsã ne pʋg-wẽnsã me n segd ne taaba. La pʋg-sõmã wã ne rao-sõmã wã n segd ne taaba la rao-sõmã ne pʋg-sõmã me n segd ne taaba. Bãmbã rãmbã yaa sẽn pidg n yi b sẽn yetã, yaafg be ne-ba la rɩtl sẽn tɑr waoogre(Arzẽnɑ).
Moore Translation - Rowwad Translation CenterYaa yãmb ɑ sɩd-kõtbã! ra wa kẽ-y zags zẽms sẽn pa yãmb zagsã hal tɩ wa tʋg n kos sore la y pʋʋs zakã rãmba. Woto n yɩɩd sõmblem ne yãmba, tɩ raar ninga y na tẽege.
Moore Translation - Rowwad Translation CenterY sã n ka mik zakã pʋgẽ neda, bɩ y ra kẽ-a hal tɩ b wa tʋg n kõ-y sore. La b sã n yeel yãmba: "lebg-y", bɩ y lebge. Woto n yɩɩd yɩlgemd ne yãmba, Wẽnd mii yãmb sẽn tʋmd bũmb ningã wã.
Moore Translation - Rowwad Translation CenterLa yel ka be ne yãmba, tɩ y kẽ rot sẽn pa ro-gãase, yãmb teed sẽn be b pʋgẽ. Wẽnd n mi yãmb sẽn vẽnegd la y sẽn solgde.
Moore Translation - Rowwad Translation CenterYeel sɩd-kõt-roapã tɩ b gɩdg b ninã la b gũus b taoã (n yi yoobo) tɩ woto n yɩɩd yɩlgemd ne-ba. Ad Wẽnd yaa minim tẽng-n-biig ne b sẽn tʋmdã.
Moore Translation - Rowwad Translation CenterLa yeel sɩd-kõt-pogsã tɩ b lud-b ninã la b gũus b taoã (n yi yoobo) la b ra wa vẽneg b faas teedã, rẽnda bũmb ning sẽn wa n vẽneg a pʋgẽ, la b ning b fu-lutsã n tãag b yãoodo, la b ra wa vẽneg b nag-teedã rẽnda b sɩdbã maa b baaba-rãmba, maa b sɩdb-baaba-rãmba, maa b ma-biisi, maa b koamb maa b sɩdb komba, maa b ma-bi-roap maa b ma-bi-roap kom-ribli, maa b ma-bi-pogs kom-ribli, maa moeem-pogse, maa b yembs b sẽn so, maa b tʋʋm-koamb sẽn pa tar tʋlsem ne paga, maa kom-ribli sẽn pa mi pagb yãmde. La b ra tigimd b naoã sẽn na yɩl n wĩnig b nag-teedã sẽn solgã. La tuub-y gill n tʋg Wẽnd nengẽ, yaa yãmb sɩd-kõtbã, tɩ raar ninga y na tɩlge.
Moore Translation - Rowwad Translation CenterLa fur-y pʋg-sãdbã la rakõapã sẽn yi yãmb nengẽ la nin-sõmã wã sẽn yi yãmb yemb-roapẽ wã la yemb-pogsẽ wã, sã n mikame tɩ b yaa talse, Wẽnd na sek bãmb ne A yɩɩdlemã, Wẽnd yaa minim yaleng naaba.
Moore Translation - Rowwad Translation CenterLa neb nins sẽn pa tar furã tõogã yõk b mense, hal tɩ Wẽnd wa sek-b ne A yɩɩdlemã. La yãmb yembs nins sẽn baood sẽk n nɑ n tʋm n yɑo n bɑood tɩ yãmb gʋls-b tɩ b pɑɑm burkĩndã, bɩ y gʋls-ba, tɩ y sã n miẽ tɩ sõma n be b pʋgẽ. La kõ-y-b sẽn yi Wẽnd arzεkã A sẽn kõ yãmbã. La ra wa modg-y y yemb-pogsã tɩ b yi n yo ye tɩ b sã n rat n yõka b mensã n yi yoobo, rɑt n nɑ n bao dũni faas teedo, la ned ning sẽn wa n modg-b ne b yi n yo, ad Wẽnd yaa yaafg naaba, n yaa yolsg naabɑ b sẽn mõdg-bã poorẽ.
Moore Translation - Rowwad Translation CenterAd Tõnd sika Aayay vẽenes n kõ yãmba, n leb n ya bilgr ne neb nins sẽn reng yãmb taoorã, la sagls ne Wẽnd-zoεtbã.
Moore Translation - Rowwad Translation CenterWẽnd la saas la tẽng vẽenem, a vẽenmã bilgr yaa wa koara-koara sẽn tar fɩtla, tɩ fɩtlã bee kãndar pʋga, tɩ kãndarã yaa wala ãd-pɩnga b sẽn widgd ne bark tɩɩga, sẽn yaa taang tɩɩga, a pa be wĩntoog sẽn pukdẽ, a leb n pa be wĩntoog sẽn lʋɩtẽ, a kaamã pẽneg n witame, baa tɩ bugum pa sɩɩs-a, a yaa vẽenem sẽn be vẽenem zugu, Wẽnd kãndgda ne A vẽenemã A sẽn tʋll-a soaba, la Wẽnd leb n gãnegda bilgrã n kõt nebã, la Wẽnd yaa mit ne bũmbã fãa gilli.
Moore Translation - Rowwad Translation CenterZags (miisã) pʋgẽ Wẽnd sẽn kõ sor tɩ b zẽk la b tẽeg A yʋʋrã beenẽ, yɩlgda A yʋʋrã b pʋgẽ zaaba la yibeedo,
Moore Translation - Rowwad Translation CenterRaopa, tolb la koosg pa maand-b soagl n yi Wẽnd tẽegrã la pʋʋsg yalsgo la zak yãkre, b yaεεsda raar ning sũyã la ninã sẽn na n wa leebdẽ wã.
Moore Translation - Rowwad Translation CenterWẽnd na n rol-b lame tɩ sõmblem yɩɩd b sẽn tʋme, la A paas-b sẽn yi A yɩɩdlemẽ wã, Wẽnd n pʋɩt n kõt ned ninga A sẽn rate tɩ ka tũ ne geelg ye.
Moore Translation - Rowwad Translation CenterLa neb nins sẽn kɩflã, b tʋʋmã yaa wala ko-sɩɩg sẽn be pu-raagẽ (weoon-vʋɩɩgẽ); ko-yũud soab tẽed tɩ yaa koom, la a sẽn wa n ta-a wã, a pa paam baa fʋɩ, la a mika Wẽnd beenẽ t'A pids a geelgã n kõ-a, ɑd Wẽnd yaa geel tʋʋlg naaba.
Moore Translation - Rowwad Translation CenterMaa wala lik sẽn be mog-zulung pʋga, tɩ ko-wiig lud-a, a zugẽ wã me yaa ko-wiiga, a zugẽ wã me yaa sa-wat n be beenẽ, ligs sẽn rogl taaba, a sã n yiis a nugã, a pa tõe n yã-a ye. Wẽnd sẽn pa maan vẽenem n kõ-a soaba, a pa tar vẽenem ye.
Moore Translation - Rowwad Translation CenterRẽ yĩnga fo pa ne tɩ sẽn be saasẽ lɑ sẽn be tẽngã zug la liuuli wã sẽn yεdgd b pɩgsã yɩlgda Wẽnde, ãnkam fãa bãnga a sẽn sõmb n pʋʋs (Wẽnd) to-to la a sẽn sõmb n yɩlg-A. La Wẽnd yaa minim tẽng-n-biig ne b sẽn maandã.
Moore Translation - Rowwad Translation CenterRẽ yĩnga fo pa ne tɩ yaa Wẽnd n kãagd sa-watã? Hal n wa tɩ tigim-b n maan-b tɩ b wa rogl taab wʋsgo, rẽ poorẽ tɩ fo ne sa-koomã sẽn yit a pʋgẽ. La A sikd sãagẽ wã sa-pɩlem [sẽn wẽnd wala] tãense. N tall-a n tɩ wẽ A sẽn rat-ɑ soɑbɑ la A põsg A sẽn rat ned ninga. A sa-yãgã rɑt n na n rɑɑgɑ ninɑ.
Moore Translation - Rowwad Translation CenterWẽnd naanɑ bõn-yãneng fãa n yi koomẽ, bee b sʋka sẽn kẽnd a pʋg zugu, la bee b sʋka sẽn kẽnd a nao a yiib zugu, la bee b sʋkã sẽn kẽnd a nao a naas zugu, Wẽnd n naand A sẽn rate, Ad Wẽnd yaa bũmb fãa tõogda.
Moore Translation - Rowwad Translation CenterLa b yetẽ: "tõnd kõo sɩd ne Wẽnde, la ne Tẽn-tʋʋmã la d sak n tũumi, rẽ loogr poorẽ la b zãmã kẽer gũt b zãn-kuidsi, ad bãmbã rãmb pa sɩd-kõtb ye.
Moore Translation - Rowwad Translation CenterLa b sã n wa bool-b n tʋg Wẽnd la A Tẽn-tʋʋmã nengẽ sẽn na yɩl t'a bʋ bãmb ne taab sʋka, la zãma sẽn yi b sʋk sẽn gõdgd (n pa rat n wa ye).
Moore Translation - Rowwad Translation CenterRẽ yĩnga yaa bãag n be b sũyẽ wã bɩ b maanda sika? Bɩ b yaeesdame tɩ Wẽnd la A Tẽn-tʋʋmã na n wa wẽg-ba? Pa woto ye!... ad bãmbã yaa wẽg-m-mens-rãmba.
Moore Translation - Rowwad Translation CenterAd sɩd-kõtbã koees ra yɩɩme, tɩ b sã n bool-ba, n tʋg Wẽnd la A Tẽn-tʋʋmã nengẽ, n na n tɩ bʋ b sʋka, b yetame: "d wʋmame la d sakame"; la yaa bãmbã-rãmbã la tɩlgdba.
Moore Translation - Rowwad Translation CenterLa b wẽena ne Wẽnd n nadgd pãng ne b wẽenegã, tɩ fo sã n sagl-b ne Gɩhaadɩ, b na yi, yeele: "ra wẽen-y ne Wẽnd ye, ɑd yãmb tũudmã b mii zĩri-beedã tεkɑ, ad Wẽnd yaa minim tẽng-n-biig ne yãmb sẽn tʋmdã".
Moore Translation - Rowwad Translation CenterYeele:" tũ-y Wẽnd la y tũ A Tẽn-tʋʋmã, la tɩ yãmb sã n gũd y zãn-kuidsi, ka be ne [Tẽn-tʋʋmã] rẽnda b sen rogl-a bala, ka be yãmb me zugu rẽnda b sẽn rogl yãmb bala, la yãmb sã n tũ-a y na kãnde, la pa zao ne Tẽn-tʋʋmã rẽnda taasg sẽn vẽneg bala.
Moore Translation - Rowwad Translation CenterWẽnd pʋlma neb nins sẽn kõ sɩdã yãmb sʋka, la b tʋm tʋʋm-sõmã, t'A na n leds-b-la tẽngã zug wala A sẽn leds neb nins sẽn reng bãmb taoorã, A na n kɩɩ b dĩin ning A sẽn yɑr tɩ b tũ wã n kõ-bɑ tɑ tɑl pãngɑ, A na n tedga b yaeesgã tɩ lebg bas-m-yam, tɩ b tũud Maam la b pa maand lagm-n-taar ne Maam ye, La ned ning sẽn wa n kɩfl-a woto loogr poorẽ, ad yaa bãmb la dĩin-yitba.
Moore Translation - Rowwad Translation CenterRa wa tẽed-y tɩ neb nins sẽn kɩflã, tɩ Wẽnd konga b yõkr tẽngã zug ye, la b zĩndg zĩig yaa bugmẽ, la b lebgr zĩig yɩ wẽnga.
Moore Translation - Rowwad Translation CenterYaa yãmb neb nins sẽn kõ sɩda! yãmb yembsã la koamb nins sẽn pa ta baalikimdã sõmb n kosa yãmb sor n yaool n kẽ yãmb nengẽ, wakat a tãabo: taoor tɩ yibeoog na n pa pʋʋse, la yãmb sẽn wat n yãk y futã wĩntoog gõbgr wakat (n na n gãand n vʋʋse), la sãanf pʋʋsg loogr poorẽ; soolg a tãabo yãmb sẽn tõe n piid y futã; woto loogr poorẽ, yell ka be ne yãmb tɩ y gilgd n kẽngd taab nengẽ ye. Yaa woto la Wẽnd vẽnegd A Aaya-rãmbã n kõt yãmba, Wẽnd yaa minim naab n yaa bʋʋd mita.
Moore Translation - Rowwad Translation CenterLa koɑmb nins sẽn be yãmb sʋkã sã n wa ta baaligimdu, bɩ b kos sor wala sẽn deng taoor rɑmbã sẽn kos sor to-to wã, yaa woto la Wẽnd vẽnegd A Aaya-rãmbã n kõt yãmba, Wẽnd yaa minim naaba, n yaa bʋʋd mita.
Moore Translation - Rowwad Translation CenterLa pagb nins sẽn loog rogmã, n pa leb n tẽed furã, yell ka be ne-b tɩ b yãk b sʋta (futã) wã ye, la b pa sõmb n vẽneg b nagem teed ye, la b sã n yõk b mense, rẽnda sõmblem n yɩɩda, la Wẽnd yaa wʋmb naaba, n yaa minim naaba.
Moore Translation - Rowwad Translation CenterZũnuub ka be ne zoanga, zũnuub ka be ne woabga, zũnuub ka be ne bãada tɩ b sã n pɑ kẽng Gihɑɑdi wã ye, gɩdgr me ka be ne yãmb mensã tɩ y rɩ y rotẽ wã ye, maa y saam-rãmbã rotẽ, maa y ma-rãmbã rotẽ, maa y ma-bi-roapã rotẽ, maa y tão-pogsã rotẽ, maa y bɑ-bi rotẽ, maa y pʋgd-rãmb rotẽ, maa y yasb-rãmb rotẽ, maa y mɑ-bi rotẽ, maa rot yãmb sẽn so b kʋɩlen-biisi, maa y zao nengẽ. Gɩdgr ka be ne yãmb tɩ y lagem taab n dɩ zãma, maa yembr-yembr ye. Rẽnd y sã n na n wa kẽ zagsẽ, bɩ y nig y mensã sɑllem sẽn yi Wẽnd nengẽ n tar barka sẽn yaa yɩlenga, yaa woto la Wẽnd vẽnegd A Aaya-rãmbã n kõt yãmba, tɩ raar ninga y na tagse.
Moore Translation - Rowwad Translation CenterAd sɩd-kõtbã la neb nins sẽn kõ sɩd ne Wẽndã la A Tẽn-tʋʋmã, tɩ b sã n wa lagem Tẽn-tʋʋmã tʋʋmd pʋgẽ, b pa loogd hal tɩ b wa kos-a sore; Ad neb nins sẽn kot foom sorã, yaa bãmb la sẽn kõ Wẽnd la A Tẽn-tʋʋmã sɩdã; rẽnd b sã n wa kos foom sor n na n maneg b yεl kẽere, bɩ f kõ ned ning fo sẽn dat-a sor t'a looge, la kos yaafa n kõ-ba, ad Wẽnd yaa Yaafd n yaa Yolsda.
Moore Translation - Rowwad Translation CenterRa maan-y Tẽn-tʋʋmã yʋʋr boolg wa yãmb ne taab (yʋ-pεεlã) boolgã ye. Ad Wẽnd mii neb nins sẽn solgd n loogdẽ wã. Bɩ neb nins sẽn yõsgd (Tẽn-tʋʋmã) saglgã gũus tɩ zarbg ra wa paam-ba, maa sɩbgr sẽn zabd ra wa paam-b ye.
Moore Translation - Rowwad Translation CenterAd sẽn be saasẽ la tẽngẽ yaa Wẽnd soolem, A mii yãmb sẽn be yell ningã zugã, la raar ning b sẽn na n lebs nebã A nengẽ wã, t'A na n kõ-b kɩbar ne b sẽn tʋmã, Wẽnd yaa bũmb fãa Mita.