Fulani Translation - Rowwad Translation CenterEey mon yo ɓen gooŋɗinɓe ! wota on adito ye'eso Allah e Nulaaɗo makko on. Hulee Allah. Pellet, Allah ko Nanoowo, Ji'oowo.
Fulani Translation - Rowwad Translation CenterEey mon yo ɓen gooŋɗinɓe ! wota on toownu hitooji mon e dow hito Annabaajo on, wota on ewnor mo kadi konngol, wano no yoga mon ewnorta yoga, sakko golle mon ɗen mbonata, hara on so'aa-anndude.
Fulani Translation - Rowwad Translation CenterPellet, ɓeen joltinooɓe hotooji maɓɓe ɗin ka Nulaaɗo Allah on, ko ɓen ngoni ɓe Alla jarabii ɓerɗe mum ɗen gooŋɗal. Hino woodani ɓe haforanal e njoɓdi mawndi.
Fulani Translation - Rowwad Translation CenterEey mon yo ɓen gooŋɗinɓe ! Si faasiqiijo ardanii on e kumpital, tefee fii wota on keɓor e yimɓe sabu majjeede, ngonton nimsuɓe e kon ko mbaɗɗɗon.
Fulani Translation - Rowwad Translation CenterNganndee won'de Nulaaɗo Allah on hino hakkunde mon. Si o tewtino on e ko ɗuuɗi e fiyakuuji, on tampayno. Kono Allah yiɗini on gooŋɗinal, O suɗini ngal e ɓerɗe mon; O añini on ke'eferaaku, e faasiqaaku e jeddi. Ko ɓeen ngoni feewɓe ɓen,
Fulani Translation - Rowwad Translation CenterSi peɗle ɗiɗi e gooŋɗinɓe ɓen haɓii, moƴƴintinee hakkunde maɓɓe. Si fedde goo bewii e hoore ndeya, ko kaɓugol won'de e bewude nden, haa nde ruttoo e yamiroore Allah nden. Si nde ruttike, moƴƴintiniree hakkunde maɓɓe nunɗal. Nunɗee, tawde pellet, Allah no yiɗi nuunɗooɓe ɓeen.
Fulani Translation - Rowwad Translation CenterEey mon yo ɓen gooŋɗinɓe ! Woɗɗitee e ko ɗuuɗi e sikke. Pellet, yoga e sikke ko bakkaatu. Wota on wiɗondir, wata yoga mon ño'u yoga. Hara gooto e mo'on njiɗay ñaamugol teewu musiɗɗo mum maayɗo? Hiɗon añi ɗum. Kulee Allah. Pellet, Allah ko Jaɓoowo tuubuubuyee, jurmotooɗo.
Fulani Translation - Rowwad Translation CenterEey mon yo yimɓe ! Min tagiriii on immorde e gorel e deyel, Min mbaɗiri on leƴƴi e gori, fii yo on anndindir. Pellet, ɓurɓe teddude e mon ɓen ka Allah, ko ɓurɓe gooŋɗude ɓen e mon. Pellet, Allah ko gannduɗo, kumpitiiɗo.
Fulani Translation - Rowwad Translation CenterYimɓe ladde ɓen mbi'i: "Min ngooŋɗinii". Maaku: "On ngooŋɗinaani taho. Mbii'ee kan : Min silmii. Gooŋɗinal ngal naataali taho ka ɓerɗe mon. Si on ɗoftike Allah e Nulaaɗo makko on, O ɗuytantaa on hu'unde e golle mon ɗeen". Pellet, Allah ko kaforoowo, jurmotooɗo.
Fulani Translation - Rowwad Translation CenterGooŋɗinɓe (tigi) ɓeen, ko ɓen gooŋɗinɓe Allah e Nulaaɗo makko on, refti ɓe cikkitaaki, ɓe tiiɗnori kadi jawle e pittaali maɓɓe ɗin fii laawol Allah ngol. Ko ɓen ngoni gooŋɗɓe ɓen.
Fulani Translation - Rowwad Translation CenterMaaku: "Kere on nganndinay Allah diina mon kan, hara non Allah no anndi kala ko woni kammuuji e ka leydi?" Allah ko ganduɗo kala hu'unde.
Fulani Translation - Rowwad Translation CenterHiɓe mbaj Ma fii ɓe silmii. Maaku: "Wata on mbajitam silmugol mon. Si ko woni, ko Allah wajitata on fii O feewnirii on e gooŋɗinal, si wonii ko on gooŋɗuɓe".