Moore Translation - Rowwad Translation CenterYãmb neb nins sẽn kõ sɩd ne Wẽnde! Ra rɩk-y Mam bεεbã la yãmb bεεbã n maan lall-n-taas ye, n maand nonglem ne-b ye. Ad bãmb kɩfla ne bũmb ning sẽn wa yãmb nengẽ sẽn yaa sɩdã. B yiisda Tẽn-tʋʋmã la yãmba, tɩ yãmb kõo sɩd ne Wẽnd sẽn yaa yãmb Soabã yĩnga. Yãmb sã n yɩ n yi Gɩhaadɩ Mam Sorã zug, la Mam yard baoob yĩnga, yãmb solgdame n kẽngd bãmb nengẽ ne nonglem, la Mam yaool n mii bũmb ning yãmb sẽn solg la y sẽn vẽnegdã. Lɑ ned ning sẽn maan-a rẽnda yãmb pʋgẽ, sɩd la hakɩɩka, a menemame n yi so-tɩrgã zugu.
Moore Translation - Rowwad Translation CenterB sã n wil yãmba, b vẽnegda b beemã ne yãmba, la b tẽeg b nusã la b zεlmã wã yãmb zug ne wẽnga, b maanda nonglem tɩ yãmb sã n da kɩflẽ.
Moore Translation - Rowwad Translation CenterYãmb rogem kõn tol n naf-yã, ka y koamb me, Alkiyaoom raare, A na n welga yãmb ne taaba, la Wẽnd yaa Net ne bũmb ning yãmb sẽn tʋmdã.
Moore Translation - Rowwad Translation CenterSɩd la hakɩɩka togs-n-ta-sõng zĩnda ne yãmba a ɭbraahɩɩm la neb nins sẽn lagem-a wã yellã zugu, b sẽn wa n yeel b nebã: "tõnd yaa zãagdb ne yãmb la bũmb ning yãmb sẽn tũud tɩ pa yɩ Wẽndã; tõnd kɩɩsa yãmba. Beem la gẽeg vẽnega tõnd ne yãmb sʋka, lae lae, hal tɩ y wa kõ sɩd ne Wẽnd a Yembre". Ralla a ɭbraahɩɩm koεεg ne a saamba: "m na kos yaafa neer-neer ne foo, la m pa tar tõog ba fʋɩ fo yĩng Wẽnd nengẽ ye. Yaa tõnd Soabã! Tõnd bobla d meng ne Foom, la tõnd lebg n wa Fo nengẽ, baasg zĩig me yaa Fo nengẽ.
Moore Translation - Rowwad Translation CenterYaa tõnd Soaba! Ra zarb tõnd n kõ neb nins sẽn kɩflbã ye, la yaaf tõndo. Yaa tõnd Soaba! Foo la Zɩslem Naaba, n yaa bʋʋd minim Naaba.
Moore Translation - Rowwad Translation CenterSɩd la hakɩɩka togs-n-ta-sõng zĩnda ne yãmb b pʋgẽ ne ned ning sẽn tẽed-a Wẽnd la Yaoolem Raarã. Ned ning sẽn gõt-a a kuidg bɩ f bãng tɩ Wẽnde, Yẽ la sek-m-meng Soab n yaa pẽgr Naaba.
Moore Translation - Rowwad Translation CenterSãnd-sãnd Wẽnd na ning yãmb sʋk ne neb nins yãmb sẽn maan beemã sʋk nonglem. Wẽnde, A yaa tõogda, la Wẽnd yaa yaafg Naaba n yaa yolsg Naaba.
Moore Translation - Rowwad Translation CenterWẽnd pa gɩgdg yãmb n yi neb nins sẽn pa zab ne yãmb Dĩinã pʋgẽ wã, la b pa yiis yãmb y zagsẽ wã, tɩ y maneg-b la y tẽeg tɩrg ne-b ye. Ad Wẽnd nonga tẽeg-tɩrg rãmba.
Moore Translation - Rowwad Translation CenterAd Wẽnd gɩdgda yãmba n yi neb nins sẽn zabd-b ne yãmb Dĩinã pʋgẽ, la b yiis yãmb y zagsẽ wã, la b sõng tɩ b yiis yãmbã, tɩ y ra wa lall-b ye. Lɑ ned ninng sẽn wa n lall-ba, bãmb rãmbã la wẽgdba.
Moore Translation - Rowwad Translation CenterYãmb ɑ neb nins sẽn kõ sɩd ne Wẽnde! Muumin pogsã sã n wa yãmb nengẽ, tɩ b yaa yikdb bɩ y zarb-b n gese, Wẽnd n mi b liimaoongã tεka. Yãmb sã n bãng n vẽneg tɩ b yaa sɩd kõatb bɩ y ra lebs-b kɩfr-dãmbã nengẽ ye. B pa yɩ n yaa halaal ne kɩfr-dãmba, kɩfr-dãmbã me pa yɩ n yaa halaal ne-ba. La y kɩs-b (kɩfr-dãmba) bũmb ninga b sẽn yiis n nafã. Lɑ yell pa be yãmb zug tɩ yãmb fur-b tɩ yãmb sã n kõ-b b keoorã, la y ra zĩnig kɩfr-pogs yãmb soolm pʋgẽ ye, la y sok kɩfɩr-dãmbã n deeg bũmb ning yãmb sẽn naf pɑgbã, la bãmb (kɩfr-dãmbã) me sok bũmb ning b sẽn kɩs pɑgbã n deege. Ad woto yaa Wẽnd bʋʋd t'A bʋʋd yãmb sʋka, la Wẽnd yaa Mit n yaa bʋʋd minim Naaba.
Moore Translation - Rowwad Translation CenterLa ned sã n põsg-yã sẽn yi yãmb pagbẽ wã n rig Kɩfr-dãmbẽ wã, tɩ yãmb pʋg-b n zab n reeg ganĩim arzεka, bɩ y kõ neb nins pagb sẽn loogã wala b sẽn da kõ wã bilgri, la y zoe Wẽnd ning yãmb sẽn yaa sɩd kõtb ne A Soabã.
Moore Translation - Rowwad Translation CenterYaa foom Nabiyaama! Muumin posgsã sã n wa fo nengẽ n balemd foom: " tɩ b kõn lagem Wẽnd ne Bũmbu, la b kõn zu, b kõn yo, b kõn n kʋ b koambã, b kõn wa ne zĩrimbeed koɑmbɑ n yet tɩ yɑɑ b sɩdbã koɑmbɑ, b kõn kɩɩs foom manegr pʋgẽ"; bɩ f reeg b balengã la f kos Wẽnd yaafg b yĩnga, ad Wẽnd yaa yaafg Naab n yaa yolsda.
Moore Translation - Rowwad Translation CenterYãmb ɑ neb nins sẽn kõ sɩd ne Wẽnde! Ra wa n lall-y neb Wẽnd sẽn gẽ-b ye! Sɩd la hakɩɩka b wãaga b tẽeb n yi Yaoolem raarã, wala kɩfr-dãmbã sẽn wãag b tẽeb ne yaadẽ rãmbã.